Things I Like To Whisper About

Would You Hear Me Whispering

Lovely SunSet



صورت الصوره يوم الاثنين الماضي بتلفوني
Nokia N95
كنا عاملين جمعه علشان بنت خالي اجت من امريكا
زي عشا بس كل واحد بجيب طبق
انا كان علي اجيب الحلو, ماما عملتلي ازكا هريسه بالدنيا
هيك الكل بحكي عنها - انا عمري ما دقتها لاني ما بحب الهريسه :$
وكانت الجمعه كتير حلوه
واحنا مروحين شفت هالمنظر
صورته و ضليت قاعده بالسياره تقريبا نص ساعه
بس اتطلع على هالغروب
انا بحب الغروب كتير , اعتقد كل الناس بحبو الغروب :)
وخصوصا اللي عند البحر
يا سلاااااااام انا اساسا البحر بحبه فكيف مع الغروب
دمااااااااااااااااااااااااااااااار

---------------------------

الاغنيه هاي بحبها كتير كتير
شكرا رزان :)



by Anghaaam
Fandalism Free MP3 Hosting

16 التعليقات :

وااااااااو
مو طبيعي شو المنظر حلو!! سبحان الله
انا لما بشوف هيك منظر بسكت!! ببطل عارفة احكي ولاااا اشي... :-)

 

على فكره انا بحب البحر والغروب ولانه كنت في الكويت وكاليفورنيا كان البحر احلى صديق لما يغادرني الاصحاب ومعه بابكي وباضحك على اسخف الامور وما باشعر معه بالحرج لانه بحس لعمقه وحكمته بيفهمني وبيستوعبني
الاغنيه حلوة كثير ومريحه نفسيه على الرغم انه كل اغاني الحب فيها نوع من الكذب الا اني حسيت بالراحه وانا باسمعها

 

أول شي أغنية انغام بتجنن-أنا بحب أنغام كتير وهاي الأغنيه من الألبوم الجديد

ثانيا : وين هاي الصورة؟

أنا بحب الغروب كمان؛ بستمتع فيه جدا
عندي كم صورة غروب؛ ان شالله بفضى وبتزكرهم وبنزلهم عالمدونه:)

قولي ان شالله!!!

 

Naryat

شفتي سبحان الله
وبصراحه مش واضح كتير المنظر كان اكتر من رائع مع اضويه البيوت
جد اشي بجنن

انا هيك بصير فيي :)
بصفن وبفكر بس في ولا اشي :)

suzan

الله يهنيكي احنا بتعرفي البحر بدو سفره ومبيت وحاله :(

انا كمان ما بحب اغاني الحب والدمار والنكد, بس هاي فيها اشي كتير حلو
ممكن صوت انغام اللي بحبه كتير

مياسي
وانا بحب اغانيها وصوتها كتير :)
اه هاي الاغنيه من البوم 2009

الصوره بصويلح :)

ان شاء الله يلااا لا تطولي علينا, بحب صور الغروب كتير انا :)

 

همسه ليش مو ضايفين مدونة الاستاذ محمد عمر مدونته رائعه وحلوة وهادفه مجرد سؤال

 

والله يا سوزان في كتير مدونات بتجنن وبستحق انها تترشح
احنا كنا نضيف المدونات اللي الناس كانت ترشحها وعملنا فتره 15 يوم للترشيح, حتى انا كنت بدي اضيف مدونات للترشيح بس للاسف تأخرت باضافتهم و ما انضافو, خصوصا اللي موجودين عندي بالمدونه وبحب دايما ازورهم و برضه مدونات من اللي دايما بتابعهم منه
Qwaider planet
بس خلصت فتره الترشيح وهلأ للاسف ما بنقدر نضيف مدونه لان الجروب بالفيس بوك صار جاهز و صارت المدونات مضافه عليه

هي المره الاولى للفكره واكيد راح يكون فيها شويه امور بدنا ننتبهلها المرات الجاي :)

 

يا عمي عالرومنتيكي
راائعة ويسبر
هالمناظر للناس الحساسة واللي بتخب التأمل والاحلام
متل حالاتي يعني

منظر الغروب راقي مع لمسة حزن , بس منظر الشروق بعطيكي لمحة , وتفاؤل ونشوة غريبة حلوة كتير

جربي المرة الجاي صوريلنا الشروق من شباك غرفتك اذا بتطل للشرق :)

الاغنية ... توب , اول مرة بسمعها شكرا الم لانو حطيتلنا ياها , ولرزان اللي اعطتك ياها كمان :)

 

ya alla hamooosss.. el `3rob bkl blad el 3alam `3er w B Amman `3er.. i love amman law shu.. a3dat zaman.. alaah..!!

wela el song ele 7ataha ya habibi.. sad2i inek baketeni :((

ana b7b el haresi kaman :) bs aji ala amman bdek t3mlele yaha :D

 

انت هيك عم تخلينا نشتاق لعمان اكتر و اكتر

الصورة كتير حلوة
و بما انو انا ساكنة جنب البحر رح اصورلك اياه ليل نهار و ابعتلك
ولا يهمك
تحية

 

eNAS

كلنا بالهوا سوا شكله...رومانطيقيين من الاخر :)

ان شاء الله بجرب اصحى واصوره :)
الاغنيه كتيييييييييييير حبيتها
رزان مزوقه ليش الحكي :)

Jumana

Really my brothers said the same :D they said it's more beautiful here in Amman :D

wala yhemmek 2enty ta3alee w 2a7la hareseh la 3younek :D

Jafra

لازم تيجي و بس تيجي لازم تحكيلنا علشان نتفق كيف نتلاقى :)

يااااي يلااا راح استنى الصور

 

nice picture and good song.
I love these moments when you are with family or friends and feels good. enshalla tkone happu always :)

 

والله الصورة حلوة عن جد..حلو تدرج ألوان الغروب..سبحان الله..بعرفش ليش الغروب بيفرق عن الشروق بالألوان مع انهم عكس بعض..وفعلا زي ما حكت إيناس منظر الشروق بيعطي حماس عالصبح.

 

مرحا
جد اسف كتير كان لازم زمان أمر اخد البنر
:P
بس شو اللي نساني والله منا عارف
حقك على راسي وهي البنر ببوست جديد
شكرا الك كتير :)

 

You are a romantic sweet girl miss whisper..Sunset and this beautiful song, very beautiful :)

 

Mohammad B.Irshid

happy u liked them Mohammad :D
yeah me too
what I like about sunset is that even if u r alone u will enjoy it and a lot of nice memories will come back to u
thanks brother ;) u too inshallah

Dreamy Villager

المنظر عالطبيعه كان احلى بكتير بس للاسف مش واضح بالموبايل :$
انا ما بعرف افرّق بين غروب وشروق بالصور طبعا لاني ما شفت شروق طبيعي قبل
حتى بليله القدر بنتطلع من المسجد بتكون الشمس طالعه :)
ان شاء الله عن قريب لازم اشوفه لاعرف الفرق

 

Anas

شو يا مان لازم نبعتلك مراسيل لتيجي تزورنا
هههههههههه بمزح طبعا
اهلا وسهلا فيك دايما
وهيني رايحه عانوسيات لاشوف البوست الجديد :)

مش بيتوينا يا مان ;P

Noura

jad jad I miss u, I read at ur blog that ur not busy anymore and ur computer was fixed faaa welcome back ya amar :D

yeah I am :')
happy u liked them :D