Things I Like To Whisper About

Would You Hear Me Whispering

ولااااا اشييييييي

صاحبتي بالشغل بتحكيلنا قصص عن بنتها اللي بالصف الاول الابتدائي
بتحكيلنا انها تركت بنتها عند امها و طلعت مشوار
اخو صاحبتي شاف ان البنت معها فلوس
سألها : من وين هاي الفلوس؟؟
ندى : من الشغاله
الخال: لا حبيبتي ندى ما بصير تاخدي منها فلوس رجعيهم يلااا
ندى : طيب ليش؟
الخال : لانه الواحد ما بصير يلاخد فلوس الا من امه او ابوه
ندى : بس ماما مش هون تعطيني ما بدي ارجعهم
الخال : رجعيهم وانا بعطيكي فلوس
ندى : بس انت مش امي او ابوي!!!
الخال : لا مهاي الفلوس اعطتني اياهم امك
ندى: بس ماما مش امك او ابوك كيف اخدت منها فلوس - مع نظره انتصار

الخال
تك تك تك تك تك تك تك ...

- انه صار زي النمله :)


رجعي الفلوس و ما في تشتري اشي

رجل في زمن قلت فيه الرجال






اشي كتير محيرني!!!

ممكن الموضوع تافه لبعض الناس بس جد الموضوع محيرني كتير
ليش الهنود بهزووو راسهم وهمه بحكو...
انو عاده يعني ويلا الها اصل ويلا زي ايتيكيت بالحكي ويلا تقاليد؟؟؟؟

ممكن عاده زي عنا الكركيه لازم يحركو ايديهم وهمه بحكو!!!

او ممكن زي تقاليد زي اليابانيين كيف بحطو ايديهم بس يسلمو على حد او يعتذرو او يودعو حد
مش عارفه المهم نفسي اعرف

فيا ريت ازا حد عنده فكره يحكيلي و يخلصني من هالموضوع اللي مسيطر على تفكيري هالايام
وما تحاولو تفتشو بجوجل لاني هريته بكل المحاولات حتى اوصل لشي يفيدني ما وصلت :$

اللي بعرف يحكيلييييييييييييي يا جمااااااااااااااااااععععععععععععععه :"(

سيستمرّوا.....

و تستمر الحياه في غزه...ولكن حياه غير التي يعيشها اي شخص اخر
تستمر بالرغم من فقدان احد او جميع افراد العائله
تستمر بفقدان صديق او قريب او عزيز
تستمر كما استمرت من قبل
ولكن هناك اختلاف
تستمر بقوه و عزم...بايمان و صمود
اكبر و اقوى مما قبل

نحن....هناك من سينسى و هناك من سيستمر في التناسي
اعذرونا اهل غزه...
فليعذرنا اطفال غزه من لن ينسو, من لن يتخاذلو
من حرمو من براءه سلبت منهم سلبا
من اصبحو رجالا و نساءا قبل ان يكونو اطفالا

وسيستمرّوا ...ويستمرّوا...ويستمرّوا باذن الله






ستي ام عطا....






ياما ليالي...

كارول سماحه....ما بحبها ولا بحب اغانيها بشلن بصراحه
بس هاي الاغنيه كتير كتير بحبها مش عارفه ليش
حاولت اكرها...جد بس ما قدرت وبرضه مش عارفه ليش

بس اسمعها بخطر على بالي فرح وعبود دايما :)
ممكن علشان هيك مش قادره اكرهاا!!!
اسمعوها واحكمو :$



اطلع من راسي .....وشكرا 3

مقفله ومسكره معي فبدي احكي وافش غلّي



اول شي لكل اللي بكرهوني و بحسسوني انهم بكرهوني اطلعو من راسي و ما بهمني اصلاطن :"(



لمديري اللي بحكيلي الحمد لله على السلامه اول يوم دوام بعد 3 اسابيع اجازه كأني قاتلتله قتيل وبجحر فيي لانه ما كان موافق عالاجازه واخدتها خاوا عنه مع اني اخر فتره داومت ورجلي مجبصنه علشان ما اخلي شغل معلّق...اطلع من راسي



و برضه لمديري اللي على اساس انو مسكين مريض و مش قادر يداوم بس بداوم اخلاصا منه للشغل و اخد 3 ايام مرضي و علشان ربنا يكشفه يحكي معي عالتلفون المباشر واحد يحكيلي انا من شركه الباطون والمفروض ان مديري حاكي معاه علشان الصبّه اليوم....اطلع من راسي و بعنف وبسررررررررعه


للموظف اللي مخلي الاجهزه عنده من 3 اسابيع يعني من يوم ما سافرت وال مش عارف يزبطهم وهو اللي بتفلسف وببرطم بالانجليزي وهو ما بفهم اشي و اليوم بس فتحت الجهاز عرفت وين المشكله و حليتها ....اطلع من راسي اه هو نفسه اللي كتبت عنه في اطلع من راسي الجزء الاول


للزلمه اللي كان قاعد جنبي بالطياره هو ومرته و الطياراه بتهز ومطبات هوائيه و الواحد دايخ و بدو يستفرغ وهو نازل غر غر غر غرر ومرته تحكيلي خلص مش قادره دايخه وهو ابدا...اطلع من راسي و روح وقف بالزاويه وارفع ايد وارفع رجل يلااا بسرعه قبل ما الخمك كف اعملك سبعه صغار



للموظفه بمطار دبي...شكرا مع انهم حذروني ان ازا بنت و اماراتيه انسي الموضوع بتقعدي سنه واقفه و الوزن ما يزيد عن 32 ب 0,0000005 جرام وايلا بتخليكي تفتحي الشنطه و تشيلي منها اشياء او بتدفعي بدل وزن بالعكس الله يسعدها خلتني احط الهاند باج كمان وما حكت اشي :)



للشرطه بالمطار بالاردن...شكرا كتير كتير عالمساعده بحمل الشنط :) اول مره بتصير معي وعاده بتشعتل بحمل الشنط بس هالمره ساعدوني



اه اه صحيح واللي بدو لاب توب زي اللاب توب السوني فايو تاعي الجديد ....اطلع من راسي واشتري انت :)


شغله اخيره....لكل واحد ما بصدق الكابتن يحكي بدينا مرحله الهبوط ونرجو عدم استخدام الاجهزه الخلويه و بتبدى تسمع اصوات الموبايلات و تي تي تيييييت تي تي تن والمسجات و بتبدى اليسا "بتمون عا قلبي انا بتمون" و نغمات و رنات
يعني وين بالزبط ما فهمتو الزلمه وهو بحكيلكم مااااااااااااااااااااا تشغلو موبايلاتكم و المضيفات بحكوها بكل لغات العالم بركي تحسووووو بس ابدا....اطلعووو من راسي



لاخواني و مرتاتهم ....شكرا لانهم خلو هالتلات اسابيع من احلى الايام بحياتي


لفرح وعبود....الله يسعدكم و يحماكم و شكرا يا رب انك رزقتنا بهيك ابن اخ و بنت اخ بجننو








فرووووووحه

Boss' Reaction During recession‏


In the begining...the Boss: Be good, you will be fine



AFTER A WEEK.....must work hard ok






AFTER A MONTH.....must work hard now



AFTER A QUARTER....
Can you hear me? you must work hard!!!









لغــــــــــــــــــــــــــــــــات!!!!

Very funny
Fe3lan hala 3ammy


languages by abu ma7joob
Fandalism Free MP3 Hosting


الضمير العربي

هاد اسم السي دي الجديد اللي عملوه الفنانين العرب لدعم اللي صار بغزه...كتّر الله خيرهم فعلا دعمو وعملو اللي عليهم
و ايش هالمره مغيريين الدعم كل واحد مغني اغنيه...مش زي دايما كلهم بغنو مع بعض,لاااا بتعبو الشباب ليش الحكي


ما بعرف انتو شو رايكم بس انا رأي انه حكي فاضي
وانه ازا هاي من وجهه نظرهم انهم بدعمو غزه فاطلعو من راسي وكلو هوا

ازا فعلا بدكم تدعمو غزه تبرعو بفلوس لاعاده اعمار غزه....خلو ريع هالسي دي لاعاده الاعمار...مش انه تطلعو متأنقين و متمكيجين و مزبطين حالكم عالاخر و تزيدو فلوس شركات الانتاح اللي انتو تابعين الها و فلوسكم

A Littel Smile

A wife was making a breakfast of fried eggs for her husband.Suddenly , her husband burst into the kitchen. 'Careful,' he said, 'CAREFUL! Put in some more butter! Oh my gosh! You're cooking too many at once. TOO MANY! Turn them! TURN THEM NOW! We need more butter. Oh my gosh! WHERE are we going to get MORE BUTTER? They're going to STICK! Careful. CAREFUL! I said be CAREFUL! You NEVER listen to me when you're cooking! Never! Turn them! Hurry up! Are you CRAZY? Have you LOST your mind? Don't forget to salt them. You know you always forget to salt them. Use the! salt. USE THE SALT! THE SALT!' The wife stared at him. 'What in the world is wrong with you? You think I don't know how to fry a couple of eggs?' The husband calmly replied, 'I just wanted to show you what it feels like when I'm driving.'

افكار...

في فترة السكون الحالية التي صمتت فيها اصوات القنابل وتوقفت شلالات الدم الفلسطيني لابد ان ننظر الي موضوع مهم الا وهو التعاطف العالمي , من مدة طويله ونحن نقول انا العالم متواطيء مع الاحتلال ونقول اننا لايجب ان نهتم بالرائ العام العالمي لانه سبب مصائبنا او جزء منها ... ولكن بنظرة سريعه نكتشف ان هناك قاعده شعبيه كبيرة متعاطفة ( مع المعاناة ) وليس القضيه لانهم ببساطه لايعرفون القضيه ولو عرفوها لدعموها ... كثيرا من الاشخاص يتوقعون ان قضية فلسطين هي قضية شعب يرغب بالانفصال مثل كوسوفو او مثل ابخازيا او اوستيا ولا يعرفون انها قضية سرقة ارض واحلال شعب مكان شعب ... اسرائيل تستخدم ماكينه ضخمة من الاعلام وبطريقة ممنهجه وباحداث غزة وصل الامر بهم لحد الوقاحه حيث استخدمو الفسفور الابيض بدون ان يلتفتو للرائ العام العالمي وضربو السكان المدنين بالمدفعيه الثقيله والمقذوفات الثقيله وشديدة الانفجار بدون ادنى اكتراث وقصفو مراكز الامم المتحده ومركز الشرطه والمساجد والبيوت وقتلو الاطفال بدون ان يهتمو بالعواقب لماذا مع انها كلها جرائم حرب وجرائم بحق الانسانيه ؟؟؟ لانهم يملكون القدرة الاعلامية وشبكة علاقات عامة قوية جدا ... ماسبب هذه القوة ؟؟ ولماذا لا تقاومها الحكومات ؟؟ ولماذا ولماذا ؟؟ولماذا للاسف هي سبب فشلنا ... لابد ان نقوم بمحاولات ولا ننتظر في هذا العصر لا نحتاج الي استثمارات هائله للتواصل ولا تنقصنا مواد ولا قدرات لايصال صوتنا ... اقرب مثال مواقع الفيس بوك واليوتيوب حيث تنبهت اسرائيل لقوة هذه المواقع فجندات عشرات الالف من مؤيديها لشرح وجهة نظرهم ونشر اكاذيبهم وتضليل العالم ... نحن نملك قدرة فردية على المقاومةوالهجوم ايضا ونشر الحقيقة نحن الاقوي لان معنا الحق والايمان وهم معهم الاكاذيب والدماء تغطي اياديهم ...لابد ان نتحرك بمبادرات فرديه ونكون نواة لمقاومة الاكاذيب ونشر الحقائق , نملك القوة ولكن لابد ان نؤمن بقدراتنا

How I understood it

How i understood what happened

IF decision maker="Mahmud Abbas" then
Day: =1
While day <>0 then loop
Day: =day+1
End loop _ _* 1
ELSIF decision maker="Israel" then
While "Hamas Exist" then loop
IF "Hosni Mubarak speak and remember his lines "then
End loop _ _* 2
ELSIF decision maker="Hosni Mubarak" then
While Palestinian killed <1300>
Palestinian killed:=Palestinian killed +1
End loop
IF palipalestinian killed=>1300 then
Message ("Israel ,Stop the war now or I'll do so and so...why no body wakes me before now")
Else
Message" r u kidding me….if u still believe that any one from those who can change something will move sooo u still didn't got it till now"
End IF
1*
this is mean an Endless loop
2*
yeah… right, it's as we decided with Hosni Mubarak when we loose speak and act like a real man if u still remember how



وقف اطلاق النار

اجتماع شرم الشيخ....فجأه صار مش مشكله انهم الهم سنه بحضٌرو لمؤتمر الكويت وصار ممكن يصير قمه و اجتماع
ومحمود عباس اخذ الاذن انه يطلع بره البلد...وصار مش مشكله انه خلصت فتره صلاحيته للرئاسه...و فجأه حكا مبارك ...واعلن و ندد...وين كاين قبل ؟؟؟مين صحاه هلأ ؟؟؟كأنه مش هو اللي كان يحكي اول فتره الحرب على غزه

و اسرائيل تعلن وقف اطلاق النار
بس مش فورا....الساعه 2 صباحا!!! ليش شو محضرين بالزبط؟؟؟ هدول يهود يا جماعه شو ناسيين النذاله بدمهم...الغدر والكذب

و مش انسحاب...لااا بس وقف اطلاق النار...الله يستر...السيناريو فاشل فربنا يستر شو راح يطلع معهم


الفيديو للدكتور عبد الله النفيسه يتكلم عن السلطه الفلسطينيه....





ما بعرف مين!!!!

علشان نكون واضحين بس
يعني احنا بنعرف ان العرب عمرهم ما تفقو
وبنعرف ان الاوامر العليا بتيجي من امريكا و انه ولا واحد بتحرك اي حركه الا بس ياخد الموافقه
وبنعرف ان نص هالعالم عملاء وخون و ببيعو ابوهم وكل اهلهم ازا احتاجو
و بنعرف ان كل واحد فيهم بكره التاني و بشوف العمى ولا يشوفو خصوصي بس يكون واحد امريكا راضيه عليه اكتر ومرضيته اكتر من التاني
وان نصهم بعيشو مراهقه متأخره على راي الواحد المنهم اللي حكا هالحكي
وبنعرف ان كل واحد المفروض يكون عايش ليعمل كل شي يحسن من حياه الفئه اللي بنتمي الها بس طبعا هو ولا اله دخل واللهم نفسي
وبنعرف ان معظمهم تم ابلاغه باللي بدو يصير بغزه و اخدو الاوامر بانه اللي بتحرك من مكتبه بدنا ناخد المكتب منه و نوديه على بلاد الواقواق
ومتأكدين ان في منهم اخدو الاذن بانهم يتفعفطو شوي هيك انو عيب قدام الفئه اللي انا بنتمي الها...يعني بدنا نجعجع بكم كلمه واحنا بمكانا وسمحولهم بس حكولهم هالشي بتعملوه بعد فتره وبعد ما ناخد راحتنا
وبنعرف ان لسا ما خفي كان اعظم
بنعرف هالحكي وكل الفئات اللي بنتمي الها بتعرف هالشي
بس اللي دايما بنعرفه برضه ان هالشغلات بتكون مش عالهوا ...ومش مصرح فيها لهدرجه....ومش بعد ما كل العالم صارو يتابعو اخبارنا تفضحونا هيك....مش هيك الوقاحه....مش هيك قله الاحساس
يعني مش معقول تقطعو بعض لهدرجه...يعني مرات بكون بتطلع عالاخبار وبكون في لقاء مع شخصيه سياسيه
بحكي خلص شوي وبدو يسب ويلعن الطحطح للعالم اللي بحكي عنهم
والكل نازل الانشقاق الفلسطيني هو السبب وحماس وحماس....جد بتحكو؟؟؟
بس اسرائيل تقتل 1100 واحد و تستخدم اسلحه محرمه دوليا و تحرق العالم وتهدم بيوت على اهلها و تستهدف النساء والاطفال
بس اليهود يخلو الكلاب تنهش جثث الشهداء...وبس يستهدفو المساجد
كل هاد حماس السبب فيه؟؟؟؟
مش فاهمه !!!!
حتى الهبيله تاع مجلس الامن...طالع يحكي اذا بضل هاد الانقسام بين الفلسطينيين انا ما بضمن ان هالشي اللي بغزه ما يصير مره تانيه
هالكلام واسرائيل لا ردت على القرار و لا حتى وقفت الضرب على المواقع اللي بتخص الاونورا ولا الامم المتحده
جد اشي بخزي
خلص قزييييييييت و بديش اكمل
فعلا ياااااااالا العار ................ و ياااااااااااالا العار

الاطراف المتنازعه


القمم العربيه الثلاث....

الفيديو رائع جدا وتم نقله من مدونه

Thoughts








غزه الان....

موقع يتابع أحداث غزة أول بأول
ويحتوي على أخر الأخبار والتفاصيل ومن قلب الحدث
وفيه بث مباشر لقناة الأقصى

رابط الموقع







قرارات القمة العربيه الوهمية وبالإجماع,,,,

ما بدي أحكي عن تصرفات الدول العربيه المخزيه تجاه عقد القمة الطارئة وكيف بسموها طارئة بعد ال-١٠٠٠ شهيد وبعد ٢٠ يوم وكيف لسة بتزعولو زي الولاد الصغار بوقت حرج متل هاد
وكيف إن وقتهم صار مليان وما بقدرو يسافروا على قطر وبعد يومين على الكويت بتعبوا يا حرام وأفكارهم بتتلخبط
وكيف أساساً الهم ٢٠ يوم مش ماخدين موقف, حتى مش قرارات وبيومين- نصهم غديات وعشيات و النص التاني استقبالات وبث للطائرات اللي بتوصل من كل بلد - بدهم يقررو مصير عالم وحياة بشر ما عندهم إحساس بالمسؤوليه تجاهم

خلينا نحلم بأحدث القمه اللي المفروض تكون وبقررتها

قرارات القمة العربيه الوهمية وبالإجماع

١- وقف إطلاق النار الفوري

٢- إنسحاب قوات العدو الصهيوني من أرضي غزة

3-محاكمة قيادات العدو الصهيوني كمجرمي حرب

٤-إلزام العدو الصهيوني بتكاليف إعادة اعمار غزة

٥-تنحية محمود عباس ونفيه لمصر وتعينه رئيس وزراء مصر "الكلب المناسب بالحكومة المناسبه"

٦- وقف تزويد الغاز والنفط لإسرائيل نهائياً

٧- إقفال جميع سفارات إسرائيل في الدول العربيه

٨- فتح جميع المعابر البريه والبحريه والجويه للشعوب العربيه للمساعده في إعادة اعمار غزه

٩- نقل الجرحى وتوزيعهم على مستشفيات الدول العربيه والاجنبيه إذا إستدعى الامر

١٠- معاقبة حسني مبارك ومحاكمته كمجرم حرب

١١-تشكيل قوة دفاع عربيه مشتركه

١٢-.... شو كمان....فكروا معي....بس رجاءا افكار قابله للنشر لانه في ببالي قرارات تانيه بس ممنوعه من النشر لاغراض الحفاظ عالسلامه :$

قال فابدع...

الشيخ وجدي غنيم في الحديث عن احداث غزه -الجزيره
قال كل ما يخطر في بالنا و اكثر



















ماذا تتوقع غزه من عربنا..........


محزن جدا و لكنه للاسف حقيقي

شر البليه ما بضحك!!!!!













من وحي الازمه....

الفيديو يتكلم....






أطباء يروون مشاهد المجازر الإسرائيلية والصمود الفلسطيني

شبكة الجزيرة.نت

يروي بعض الأطباء الذين تطوعوا بالذهاب إلى غزة لمعالجة ضحايا العدوان الإسرائيلي المتواصل على القطاع بشاعة المجازر التي ترتكب بحق المدنيين من النساء والأطفال والشيوخ، كما يروون مقدار الصمود والتحدي والسكينة التي تملأ نفوس المواطنين رغم الموت والدمار الذي يحيط بهم.
فما أن وصل الطبيب المصري أحمد عبد الفتاح إلى مجمع ناصر الطبي بمدينة خان يونس قادماً من معبر رفح، حتى دخل إلى غرفة العمليات الجراحية وإلى جانبه عدد من الأطباء الفلسطينيين لإجراء عملية جراحية للطفل أسامة القرا (11 عاما) الذي أصيب بشظايا قذيفة دبابة أدت إلى قطع أحد الشرايين بينما كان في منزله ببلدة خزاعة شرق خان يونس.
وفور خروجه من غرفة العمليات عبر الطبيب المصري للجزيرة نت عن صدمته من حجم ونوع الإصابات التي عاينها، وقال "إن الإصابات تظهر مدى فداحة العداء الذي يكنه الاحتلال لدى ارتكابه المجازر بحق أهل غزة دون أي وازع إنساني أو أخلاقي"، مؤكداً أن معظم الإصابات كانت من الأطفال والنساء "الذين أصابتهم آلة الحرب الشرسة بجراح وحروق مختلفة".
وقال الطبيب إن أهم ما لفت انتباهه أن الناس يتمتعون بروح معنوية عالية ويسطرون أروع صور الصبر والتحدي والتلاحم، فرغم أصوات الانفجارات وعمليات القصف المتوالية وتوافد الشهداء والجرحى إلى المشفى، إلا أن الناس يعيشون حياتهم ويؤدون واجباتهم ويؤازرون بعضهم بعضاً في مشهد يظهر عمق التوحد والتآخي.
وتابع أن "ما لمسناه من الناس هنا من كافة أطياف الشعب، ملحمة إنسانية "فلا يمكن لأحد أن يتخيل أن شعباً تحت الحصار والجرائم يكون على هذه الدرجة من الصمود وهذه الرغبة في المقاومة وبهذه الروح العالية، فنحن الذين تعلمنا كثيراً منه".
أبو بلال يقول إن الحرب زادت المواطنين وحدة وتمسكاً بأرضهم (الجزيرة نت)



سكينه وإيمان
بدوره يروي الطبيب والداعية الفلسطيني أبو بلال المعروف باحتكاكه وارتباطه بالناس في مدينة خان يونس والبلدات المجاورة لها، مدى السكينة التي تغشى المجتمع بالكامل.
وقال في حديث للجزيرة نت إن "المتتبع يخرج بنتيجة مفادها أن ما يجري لنا هو بقدر الذي ينزل السكينة على قلوبنا"، مؤكداً أن أكثر ما يشد انتباهه هو "المساجد العامرة رغم انقطاع الكهرباء وطائرات الأعداء" ما يعطي "علامة قاطعة على أن النفوس مطمئنة إلى أمر الله" ووعده بالفرج والنصر.
ويرى الطبيب أبو بلال أن هذه الحرب ضاعفت الرهبة التي في قلوب الأعداء "فهم في الملاجئ" مختبئون، بينما أزالت الرهبة من قلوب الفلسطينيين الذين يرون الدبابات والطائرات فيزدادون تمسكاً بأرضهم وتجذراً بها "كجبال بلادنا" وتظل رؤوسهم في السماء "كنخيل بلادنا".
ويشير إلى أن المجتمع أصبح رغم ما يجري أكثر تماسكاً، والخلافات بدأت تنتهي، وبدأ الناس يخوضون "حملة لتصفية القلوب" "ليعودوا صفاً واحداً طاعة لله في وجه من يقتل أبناءنا وآباءنا ويدمر مساجدنا".

آلة الحرب الإسرائيلية لا تستثني الطفل والمرأة والشيخ من القتل (الفرنسية-أرشيف)


قصة شهادة
ويروي الطبيب قصة فتى شهيد فيقول "جاءت سيارة الإسعاف مسرعة بعد صلاة الجمعة الماضية من بلدة خزاعة الحدودية إلى جانب عدد من المصابين، حيث هرع الأطباء -بينهم ثلاثة مصريين- كل يبحث عن مصاب يقدم له الإسعاف والعلاج، فكان نصيبي فتى عمره 15 عاماً مزقت قذيفة الدبابة بطنه".
ويضيف "كان في الفتى بقايا من حياة، فنظرت إليه فإذا به يتحدث، قلت: أما زلت حياً؟ قال: نعم، قلت: ردد ورائي، قال: ماذا؟ قلت: ردد لا إله إلا الله، فإذا مصور إحدى الفضائيات يرقب هذا المشهد، فرفع الفتى أصبع السبابة، وصاح بأعلى صوته مرة وثانية وثالثة: لا اله إلا الله، ثم خفت صوته وقضا إلى الله.. عليه رحمة الله".
ويكمل أبو بلال "كان الفتى خارجاً لتوه من بيت الله من بلدته خزاعة حين استهدفت قذائف الدبابات المصلين والبيوت ومن حولهم من الآمنيين، وكان نصيبه أن يرحل على هذه الطاعة بحمد الله رب العالمين".
ورداً على سؤال عما إذا كان هناك من يلوم المقاومة بدعوى أنها منحت الاحتلال ذريعة لارتكاب المجازر، يقول أبو بلال "كل يوم أدخل عدة مساجد وألقي فيها المواعظ، والجميع يعلم أنني لست منتمياً لأي فصيل سياسي، وأقسم بالله رغم أني أخاطب الكبير والصغير فإن هذه المسألة ما راجعني فيها أحد، فالناس هنا تصبر وتحتسب طمعاً في جنة الله ورضوانه ورحمته".

ارهـــــــــــــــــــــاب........

ارهاب بكتيري


في تبريرات الحرب الصهيونية اليهودية على ( غزة ( ان حكومة حماس ( الارهابيه ) عقبة فيه وجه السلام وعقبة في اقامة الدولة الفلسطينيه ...
عندما نسترجع الذاكرة ونتذكر احداث مخيم جينين والمقاطعة ومحاصرة الرئيس عرفات نرجع الي نفس التبريرات وكلما رجعنا بالذاكرة الي مجزرة نجد نفس التبريرات وهذا ليس الامر المفاجيء المفاجيء بالموضوع
ان بعض العرب يقتنع بهذه التبريرات وبعض الصحف العربيه والمحطات العربيه تنعق بنفس هذا الكلام بمحاولة اقناعنا , وبعض المحليلين السياسيين والمثقفين المتطبعين والخبراء السياسبين والبلاهاء المقنعين والساسه المتأمرين المتامركين يؤكدون انها حرب ضد حماس الموجوده بغزه ... من منطلق بلاهتي وسذاجتي وعدم قدراتي على التحليليل والتسويف والتاويل وبنظرة سريعه
اجد الحقيقة المريعه ... انها حرب ضد الفلسطينين فتحاويين كانو او حمساوين اوجهادين اوشعبين واي فئة او تنظيم لتحطيم صمود شعبا عظيم ... اقول لحكام مصر الخائبين الخائنين وحكامنا الغافلين المنافقين الخائفين
انهم يتشعبون ويتمددون لاقامة كيانهم المزعوم انهم كا النار تاكل ولاتشبع ... اسندو عزة تسندكم وتحميكم وتصد عنكم هذا الشر المتربص ان سقطت غزة ستسقطون ولن يرحمكم بني صهيون وسوف تندمون ...
غزة صمدت 16 يوم وحزب الله 33 يوم وبيروت بحرب 82 ثمان وثمانون يوم ... وجيوشكم صمدت ست ايام وتوقفت عن التقدم في ال73 ... ياحكام العرب الفلسطينين ليسو عبء عليكم وليسو ضبوفا ثقلاء انهم درعكم
ادعموهم ادعمو اي مقاومة لانها مصدر قوتكم وضمانة عدم هزيمتكم ... صمودا ياغزة وصمودا يافلسطين

صور تشيييع الشهيد نزار ريان وعائلته











بصيص الامل...



أقل من 24 ساعة على إنتهاء صلاحية منتج أمريكي..!!


بهذه الكلمات انتشرت في الضفة المحتلة رسائل قصيرة وايميلات بين شباب الضفة حول قرب انتهاء ولاية عباس والخروج من دائرة الرئيس الشرعي الذي انتخب بنسبة 25% من الشعب الفلسطيني يقدر بأن 5 % منهم ذهب قسراً لانتخابه إلى دائرة الرئيس غير الشرعي للسلطة.ففي الساعة 12:01 ليلاً من يوم الخميس ستنتهي ولاية عباس القانونية ليصبح هذا المركز شاغراً لدقيقة واحدة فقط وبعدها يتولى الدكتور عزيز دويك المعتقل حالياً في سجون الاحتلال رئاسة السلطة لمدة 60 يوماً حتى ينتخب رئيس جديد.لكن ومع رفض فتح للقانون الأساسي المتعلق بالقرار وإصرارها على بقاء عباس في المنصب واللغط الذي جرى وبعد فشل حوارات القاهرة والتي كان الهدف الأساس منها هو تمديد ولاية عباس,جاءت تساؤلات كثيرة حول علاقة تمديد الولاية وإنتهاء صلاحيات عباس بالعدوان الصهيوني على غزة,فهل كان العدوان هو الحل الثاني للتمديد بعد فشل الحل الأول عن طريق القاهرة؟؟,وهل صدقت تلك التقارير التي تحدثت عن شراكة استخبارية بين أجهزة عباس والكيان الصهيوني في العدوان على غزة والتي تضمنت الإعداد للعودة إلى غزة وبنفس الوقت تسكيت الضفة وضربها حتى لا تثور لغزة؟؟ وماذا ستفعل حماس وكيف سيكون موقفها في ظل العدوان الآن على غزة من هذه الولاية؟؟ ,هل ستترك حماس البت في الأمر إلى ما بعد انتهاء العدوان؟؟في الختام فإن نهاية ولاية عباس هي نهاية حقبة أليمة على الشعب الفلسطيني كانت مليئة بالدم والقتل والدمار والتنسيق الأمني والتنازلات بحيث تعدى كل الخطوط العريضة للخطوط الحمراء...

شكرا كانوتيه‏....

كم أنت كبير ورائع يا كانوتيه...
بعد أن أنقذ المهاجم المالي المسلم في صفوف نادي إشبيلية الإسباني مسجداً من الهدم، ها هو مرةً أخرى يعبر عن تضامنه وتكافله مع إخوانه المسلمين المحاصرين!!
بالأمس (07/01/2009) لعب فريق إشبيلية مباراةً في بطولة كأس ملك إسبانيا وأحرز خلالها هدفاً، فماذا كانت ردة فعله؟؟







فريدريك عمر كانوتيه، لاعب من دولة مالي الإفريقية التي لا يعرف بها أكثر من نصف سكان العالم يعبر عن تضامنه ووقوفه إلى جانب إخوانه المحاصرين الّذين يقتلون كل لحظة بالعشرات...خلع كانوتيه قميصه ليظهر تحته قميصاً آخر كتب عليه كلمة "فلسطين" بخمس لغاتٍ مختلفة بهدف إيصال الفكرة لجميع العالم...ما شاء الله: تشافيز وفنزويلا قبل يومين والآن أنت يا كانوتيه!! ونحن العرب ماذا نفعل؟ نندد ونشجب ونستنكر...آهٍ على أمة لم تنجب رجلاً خلال القرن الماضي والّذي سبقه والّذي سبقه...لم يعاتبك أحدٌ يا كانوتيه ولم يكن أحدٌ يعلم بأنك تتابع أخبارنا هنا في غزة وفلسطين...لست مطالباً بالدفاع عنّا وإيصال صوتنا للعالم، ولكنك أبيت هذا وجعلت عدداً كبيراً جداً من سكان العالم ممن يتابعون هذه المباراة يعرفون أن هناك شيئاً اسمه فلسطين وغزة...
وكما قال "أوبريت الحلم العربي": ماتت قلوب الناس...ماتت بنا النخوة، يمكن نسينا بيوم إن العرب إخوة
فعلاً، نحن نسينا ولكنك يا كانوتيه يا كبير لم تنسَ...فتحية إكبارٍ وإجلالٍ لك يا قدوة اللاعب المسلم الخلوق...
اللهم أرسل لنا كانوتيه آخر يشعر ويوصل صوتهم للعالم
....

صحابة هذا العصر...

هذه مقتطفات اعجبتني من قصيده بعنوان "صحابة هذا العصر" للشاعر الفلسطيني احمد حسن المقدسي
إن َّ الحِياد َ جريمة ٌ وخيانة
ٌكبرى بِحق ِ الله ِ والشهداء ِ
عَجَبا ً.. معابرُ مِصر َ قد فتِحت ْلِموتانا ولم تُفتح ْ إلى الأحياء ِ
شكرا ً لكم ، فلْتَقطعوا عنا الهواء َلِتَضْمنوا التَوريث َ للأبـناءِ
أوليس َ في أرض ِ الكنانة ِ خالد ٌلِيُريحَنا من هذه ِ الحرْباء ِ ؟
مـَوت ٌ على موت ٍ يجوب ُ بيوتَنامُتَربِّصا ً .. يجثو بكل ِّ فِناءِ
فلْتَشربوا نخب َ الضحايا بعدماأشعلتم ُ النيران َ في أحشائي
ولْتشربوا نَخْب َ الذين تَفَحَّموا في موقد ٍ جِئتُم به لـِشوائي
إن كان طعـْني مِن عدوي ِّ قاتِلا ًفأشد ُّ منه ُ خيانة ُ الشركاء ِ
يا معشر َ الأبطال ِ ألف تحية ٍلا تأبهوا لِخطابة ِالخُطباء ِ
أنتم صحابة ُ عَصْرنا فلتُنقذونا من زمان ِ الذل ِّ والإخصاء ِ
أنتم صَحابتُنا وتاج ُ رؤوسناومنارة ُ الأموات ِ والأحياء ِ
تتفجر ُ الأحلام ُ من قبضاتكم وعدا ً .. يُبدد ُ حلْكة َ الظلماء ِ
لا تعبأوا لعصابة ٍ مأجورة ٍ باعت ْ أديم َ الأرض ِ للغُرباء ِ
ظلوا على شرُفاتنا فَبِدونكم صارت بلاد ُ العُرْب ِ وكر َ إماء ِ
مـِن أين أبدأ بالعَزاء ِ تُرى ؟ وغزة ُ كلُها صارت بيوت َ عزاءِ
نبكي دما ً .. وعزاؤنا في أنهم شهداء ُ عند َالله ِ في العلياء ِ

امــــــــــــال!!!!

امال بكتريه
أمس اتصلت بالأمل ...
قلت له هل ممكن؟
ان يخرج العطر لنا من الفسيخ والبصل؟
قال : أجل ‍ ‍‍‍‍‍‍‍‍‍‍‌‌‌.
قلت : وهل يمكن أن تشعَل النار بالبلل ؟
قال أجل .
قلت : وهل من حنظل يمكن تقطير العسل ؟
قال : نعم .
قلت : وهل يمكن وضع الأرض في جيب زحل ؟
قال : نعم ,بلا , أجل فكل شيء محتمل .
قلت إذن عربنا سيشعرون بالخجل ؟
قال : تعال ابصق على وجهي إذا هذا حصل
الشاعر احمد مطر

مشروع لنشر أحداث غزة في العالم

مشروع مترجم بلغات العالم لكي يدرك العالم الخارجي معاناة أهل غزة هذا هو رابط المشروع
لو سمحت حاول نشره بقدر الامكان
انا شخصيا كنت ادخل مدونات عشوائيه و اترك لهم تعليق لمساعده اهالي غزه واضع الرابط
لعله يكون شيء يساعد على اراحه ضميري بانني قد فعلت شيء لمساعده اهلنا في غزه

Adolf Hitler‏


حقيقه.......ومهزله

حقيــقــــــــــــــــه

حقيــقــــــــــــــــه



مهزلـــــه



مهزلـــــه



اجتماع دول الخليج......مهزله



اجتماع الدول العربيه.....مهزله



قرارات مجلس الامن....مهزله



اعتماد العرب على قرارات مجلس الامن....اكبر من مهزله



التوقع بقرارات مختلفه لمجلس الامن.....مهزله



حسني مبارك.....اكبر من مهزله




حسني مبارك واعترافه بدوله اسرائيل وكلامه بان الاحتلال هو الذي يحدد مصير الحدود ومن يدخل البلد ومن لا يدخل.....اكبر من مهزله





473 شهيد في غزه....حقيقه




اكثر من 2300 جريح في غزه.....حقيقه



المطالبه في فتح معبر رفح للشعوب العربيه للمحاربه مع اهل غزه.....حقيقه




انقطاع الغذاء والكهرباء عن غزه.....حقيقه



الحرب على غزه برا وجوا وبحرا....حقيقه مره



العزيمه والصبر الغزّاوي...حقيقه



اعداد القتلى والجرحى من جنود الاحتلال ....حقيقه




حسني مبارك وتصريحاته.....مهزله



طلب حسني مبارك الاجتماع مع ليفني للمره الثانيه....مهزله




محاوله القضاء على حركه حماس.... غبااااااااااااااااااااااااااااااااااء
ابو الغيط......حقـــــــــــــــــــــــــــــاره





2008

لما قرأت مدونه خالد السعود عن عام 2008 و احداثها وانه كان عام صعب
فكرت انا ايش صار معي ب 2008
حسيت انه كان صعب علي انا كمان....اكيد الاحداث بغزه بتفرض جو من الاحباط و المراره
بس حكيت لحالي ركزي شوي و اتزكري الاحداث بالزبط
انا 2007 كان جدا سيء معي و بنهايه 2007 قدرت وبصعوبه اوصل للصفر
ومع بدايه 2008 بديت من الصفر
حاولت اقسم الاحداث ب 2008 على حياتي الشخصيه...على الشغل...على الانجازات اللي عملتها

حياتي
حياتي الشخصيه بدت من الصفر و تحسنت مع الوقت تحسن بطيء بس الشكر لله ومن ثم لاهلي و للي حوالي اللي ضلهم يدعموني لاوصلت لمرحله انه راح تأثير الأزمه اللي مريت فيها نهائيا...ما بقدر احكي انها اختفت بس تأثيرها صار اشي عابر وما يأثر على يومي

علاقتي باهلي صارت كتير قويه واقوى من قبل...قربي من ماما زاد اكتر واكتر وتعلقي فيهم زاد اكتر واكتر

فرح وعبود....ب 2008 صرت عمه والحمد لله لاحلى طفلين بالعالم وهاد لحاله اشي بيخللي سنه 2008 من احلى السنين

مريت بتجربه غريبه علي بسنه 2008 تعلمت منها اني ابطل اثق بالناس
وما اتوقع انو ازا انا صادقه بكل شي ان اللي قدامي بتعامل معي بصدق برضه
واني لازم اتروى شوي بس اتعامل مع الناس قبل ما اخليهم جزء من حياتي...لانه مش كل الناس بتستاهل انها تكون جزء من حياتك

اشي تاني حلو صار معي ب 2008 اني طول عمري نفسي اعمل اعمال تطوعيه والحمد لله ربنا يسرلي اني اشترك مع جمعيه صناع الحياه واني اصير اعطي دروس في مركز الايتام ....تجربه جدا رائعه
انا شخصيا بكره التدريس..اول ما تخرجت تعينت مدرسه في كليه و حسيت وقتها ان حياتي انتهت
تحضير وامتحانات وشغل بالكليه وشغل بالبيت...ما حبيتها هالتجربه يمكن لانها مرهقه..يمكن لاني كنت اتعامل مع كبار ما بعرف
بس تدريس الايتام اله متعه مش طبيعيه
كنت اروح من الشغل و فورا اروح عندهم ,يومين بالاسبوع بس كانو احلى يومين بالنسبه الي
ما كنت احس بالارهاق ولا التعب والوقت يمشي بسرعه واروّح عالبيت و انا مبسوطه ويضل مزاجي متعدل من هالساعه ونص اللي قضيتها معهم.....

شغلي

تعب كتير وسمات بدن كتير ويأس واحباط ومشاكل بس الحمد لله ما راح خساره
تقدمت بشغلي كتير وخبرتي زادت....اثبتت نفسي و جدارتي واستحقاقي لمركزي بالشغل
تعرفت على ناس جداد
بعدت عن ناس و قربت من ناس
واحلى شي بشغلي همه صاحباتي,وساعه القهوه الصبح,والحكي عن كل شي صار معنا قبل بيوم بهالساعه والضحك والقصص
الحمد لله بعد سنين من الشغل علاقتنا صارت اقوى من صحبه ,انا ما عندي خوات بس بشغلي صار عندي خوات

ب سنه 2008 كسرت رجلي :( وخلصت 2008 و بدت 2009 ورجلي مجبصنه وماما مش عندي من غير شر :"(

فالحمد لله اجمالا سنه 2008 ما كانت سيئه جدا الي

اخر سنه 2008 كانت صعبه عالكل.... مأساه غزه.
الله يفرجها عليهم ويشفي مرضاهم و يتقبل شهدائهم...ويرزقني الشهاده يا رب

وبتمنالكم وبتمنى لنفسي ان كل احلامنا و امنياتنا وخططنا تتحقق بسنه 2009 وتكون سنه خير علينا كلنا




اتفووو!!!


بقلم: محمد عايش

صحافي فلسطيني يقيم في الإمارات

ماذا يمكن أن نقول لوزير خارجية يعتبر دخول الفلسطينيين الى بلاده انتهاكاً لسيادتها، لكن القصف الاسرائيلي لأراضيها لا تعليق عليه؟.. اتفووو!


ماذا نقول لوزير خارجية يستقوي على الضعفاء فيدين الضحايا الذين لا حول لهم ولا قوة، ويتجنب المساس بمشاعر السفاحين القتلة لئلا تتهاوى معنويات سكاكينهم؟.. اتفووو!


ماذا نقول لوزير غرر بالفلسطينيين بأن طمأنهم بأن لا هجوم سيستهدفهم، فأرسلوا أطفالهم الى المدارس، ونساءهم الى الأسواق، وشيوخهم الى المساجد، فجاءتهم طائرات الاحتلال من حيث لا يعلمون، ومن حيث يعلم هذا الوزير الموزور؟؟.. اتفووو!


ماذا نقول لمن يمنع الدواء عن المرضى، والطعام عن الجوعى، والحليب عن الأطفال، والمياه عن العطشى؟.. اتفووو!


ماذا نقول لمن يمنع اسعاف جرحى ينزفون الدم، ويمنع الأطباء من علاجهم، ويمنع حتى البشر من التضامن معهم أو التفكير في التعاطف معهم، ويحتجز معونات يُفترض أن تنقذ ما يمكن انقاذه لو وصلت في الوقت المناسب؟.. اتفووو!


ماذا نقول لمن يزود اسرائيل بالغاز بأسعار تفضيلية وشبه مجانية، ويمنع عن الفلسطينيين الوقود لتشغيل سيارات اسعافهم، والكهرباء التي يحتاجونها لتشغيل غرف الانعاش وانارة المستشفيات؟.. اتفووو!


ماذا نقول لمن يتحالف مع الاحتلال العدواني التوسعي الذي يهدد بلاده، تماماً كما يهدد بقية أشقائه، ويدير ظهره لمبادرات العرب؟.. اتفووو!


ماذا نقول لمن يسمع ويشاهد أنَّات الجرحى، وآهات الثكالى، وعويل الأطفال، وصيحات الأرامل والمعذبين، ودموع الشيوخ العاجزين.. فلا يتحرك فيه أي ساكن؟.. اتفووو!


باختصار شديد: ماذا يمكن أن نقول لمعالي السيد أحمد أبو الغيط؟

see u soon


انا اليوم ان شاء الله مسافره لدبي ...الاجازه السنويه

اكيد راح اشبك من هناك بس مش عارفه ايمتا
بشوفكم قريب








تعديل: بسبب سوء الاحوال الجويه....تأجلت الرحله للسبت .....لما حكيت بشوفكم قريب ما كنت متوقعه انه لهدرجه قريب :)