Things I Like To Whisper About

Would You Hear Me Whispering

يعني وبعدين؟؟؟




وبعدين مع سواقين السيارات اللي بحبو يحطو خط الشارع بنص السياره ويسكرو المسربين؟؟؟

والمشكله هالنوعيات بتحب تمشي على اقل من مهلها, ما بعرفو ان في عالم دوامهم عال 8 وطالعين من بيتهم عال 8 واذا تأخرو اكتر من ال 8:15 بتدخل بساعات المغادرات الرسميه؟؟

وبتزمريله زامور خفيف انه عيب الدنيا الصبح ابدا , وبتزمريله زامور كبيييييييييييير بتعرفي انه اساسا مش معانا وشكله نايم, ولا بحس ولا بتحرك ولا بتطلع يشوف مين بزمر لمين.


اليوم فكرت بالموضوع و خطر في بالي فكره, بدي اطرحها على امانه عمان علشان يطبقوها, الفكره باختصار انهم يخططو الشوارع كاروهات , اه يعملوها كاروهات وهيك وين ما بمشو هالسواقين بتكون الخطوط بنص السياره :)

موضوع تاني بقهرني, ليش الشب بنسم بدنه بس بنت تتجاوز و تيجي قدامه؟؟؟ جد حد يفهمني الشعور اللاشعوري في السيكولوجيه النفسيه لهالشباب هدول؟؟

قبل كم يوم كنت بالحسين بشغل, وطبعا كل سيارات الاردن متجمعه ما بين دوار الداخليه و دوار المدينه الرياضيه, وبنمشي نقطه نقطه والدنيا ناااار, لدرجه ان بحس شقه وجهي اللي عند الشباك لو اضحك بتتشقق, صحللي فرصه انتقل على المسرب اللي جنبي والشب واقف وقوف تام ومش منتبه ان السيارات اللي قدامه مشيت, و يا دوب انتقلت صحي على حاله و ساق بسرعه و ضرب زامور , من زوامير الفضيحه اللي واضح انه مسبه, وهو لسا في بيني وبينه مسافه سياره و انا صرت واقفه وقوف تام بالمسرب, انا بتطلع مين بزمر , وضل يزمر طنشته و بطلت اتطلع عليه, ضلو وراي لبعد دوار المدينه وبس فضي الشارع تجاوز عني , انا مسكره الشباك و هو مسكر الشباك , وهدّى سرعته لصار جنبي و بدا يحكي و يبرطم, ويشبر, طبعا انا مش سامعه شو بحكي والمسبات كلها بتضرب بالشباك وبترجع على صباحه - تزكرت ايميل وصلني بعنوان
garbage smile
واللي بحكي عن سائق تكسي كان معاه راكب و هو ماشي بالشارع الرئيسي , في سياره حاولت تتجاوز عنه, تجاوز غير قانوني والاولويه لسائق التكسي, التاني صار يزمر و يسب فسواق التكسي ابتسم ابتسامه عريضه و صار يتطلع عليه ومشي, فبسأله الراكب ليش ابتسمت و ما قاتلته مع ان الحق عليه مش عليك, حكاله بما معناه ان اللي بحكيه عباره عن زباله و كل الحكي اللي حكاه هو اللي سمعه واللي رجعى عليه فانا ببتسم للزباله - بعيد عن القارئين :) - فانا عملت نفس الشي, تطلعت عليه و ابتسمت ابتسامه عريضه, هو عصب بزياده و صار وجهه احمر , لفيت وجهي و اخدت ابعد مسرب عن سيارته و ضليت ماشيه :)


10 التعليقات :

ya lateef eltof, sho sayer bel nas? about that guy, i know this thing it's something related to masculinity so don't worry :D
Remember :Welcome to Jordan!!

 

loooooool
mbare7 sar ma3i eshi beshbah heek... 3end mujamma3 jaber kont jayeh men 3end Mac o bedi alef u-turn mshan arja3 3alduwar el sabe3, fa ana mlazzga 3alshmal r7 afoot belraseef 2adma ana mlazz2a... faj2a 6ele3li men ta7t el 2ard taxi mlazze2 3ayamini o ma36i 3'ammaz shmal o bedo yno6 men fo2i o yfut bel u-turn, fekro enno asta7i 2w 2a5af o aba66e2 o 236eeh el 6aree2... 6ab3an ana saweet 7ali mesh shayfeh o kammalt b6ari2i el6abi3i ma ba66a2et wala eshi, o hu tsarraf 3a2asas enno r7 aba66e2 o kasar 3alshmal o kan r7 yo5bo6ni... fa dallo warai o tjawaz 3anni o huwwe 3m beshober be2eedo o be2olli ;"3'ammaz... 3'ammaz... ma ana ma36iki 3'ammaz" -3a2asas enno 5alas bs 2a36a 3'ammaz 3emel elli 3aleeh o lazem a7o6 reverse o 2a36eeh el taree2-... ebtasamtello ebtesameh baaaardeh, o 7a66et tani o shaddeet loooool

 

Mohammad B.Irshid

allah ye3ena 3ala hal3alam...shoo bedna n3mel :S

Naryat

LOOOOL 3agbatnee "3'ammaz... 3'ammaz... ma ana ma36iki 3'ammaz"
had 2eshe tanee...kteeeeeeeeer b3anee menno, 2aw ymed 2edoo men elshobak....ana heak elmafrood 2amasheeh :S

bt3rafee... w 2ana bqra2 7aseh 7alee bqra2 2eshee ana katebto :D

kteer fe 2ashya2 moshtarakeh bena :D

 

اللى بعرفو او بستخدمو اني ما بعرف وين الغماز ههه لاني ما بستخدمه اللى في حضور الشرطة لانه الغماز بحسة شي بثير الطرف التاني و كانه لون احمر للتور لمن احط غماز لمن كنت استخدمه تلاقو السيارة تلزق عشان ما ادخل بينهم بس لقيت حكيات الخطف و هيه لا احم ولا دستور ا ودخل بين السيارات احسن من اللون الاحمر ولا شو رايكم

 

بتذكر لما اتدربت على السواقة نصيحة المدرب
" يا عمو امشي كيف ما بدك و ركزي و ما عليكي اللي يزمر يزمر و اللي يسب يسب المهم انك تكوني ماشية بطريقك صح "
و انا هيك على الطريق
بس الاشي اللي بميز شوارع الاردن عن غيرها انو بلازمة و بلا لازمة بزمروا
يعني لو فكرت تسهى عن السواقة و تسرح شوي في الف زمور وراك و قدامك بصحيك

 

:-)
Wallahi i have the same feeling dear :-)
Not to mention speaking about "falalee7" looool

 

Anonymous

اليوم هيك عملت :)
في سياره جنبي و بدي اروح عشارع فرعي , ابطيء يبطيء ازيد السرعه يزيد السرعه, شغلت الغماز, طار من جنبي ههههههههههه
فمعك حق 100%

jafra

وهاد الصح.

بزمرو هيك بداعي ومن غير داعي.... بس توقف الاشاره اللي جنبك واشارتك لسا حمرا و ها يادوب بدها تقلب بصير اللي وراكي يزمر كانها خضرا والك نص ساعه مش متحركه

 

eeee dont forget ur driving in Jordan ya mama :D W yali 3mlteeh a7sn she... `7ali tla2ei la hala2 sar mda`7n 3 baketat de`7an winston :P

heheheheh :P

 

Jumana

m3akee 7a2...in Jordan it's referent :D
LOOOL
bestahal besara7aa .... kteer shereer kan w 3ala 2esh 3ala 5 sec :S