Things I Like To Whisper About

Would You Hear Me Whispering

نتائج التوجيهي



اول شي بتمنى للجميع النجاح في كل صباح - زي ما كنا نكتب بالتاني ب على الكتاب :)
وبما ان النتائج المسا فبتمنى للجميع الحساء في كل مساء -ما اله دخل بعرف بس مش لاقيه كلمه مناسبه شو اعمل!!!

السيناريو الطبيعي لاحداث اليوم

المفروض النتائج بتطلع عالساعه 6 عال 4 ببدو العالم يزمرو, انهم واصلين والهم ناسهم اللي بجيبولهم الاخبار قبل ما تنزل عالسوق.
بتطلع النتائج وببدا الطخ,عند الناجحين وعند الراسبين , وطبعا في عده انواع للطخ, نبدا بالناجحين

الطخ الفشك اللي بالسما عند الناجحين, والموجود بعمان الشرقيه والغربيه و الوسط واي مكان بدك اياه, الطخ طخ مع اختلاف نوع المسدس ولبس الطاخخ - كل ما اسمع الصوت بتزكر دعايه كانو يجيبوها عن مديريه الامن العام, بيجي شب وبكون كتفه ملفوف و بحكي "كنت قاعد بالحوش و فجأه ما حسيت غير اشي سخن على كتفي ويلا الدم بنفر نفر", فانا كل ما اسمع صوت الطخ بحكي لاهلي "كنت قاعد بالحوش" وببعد عن اي شباك بالبيت :$

وفي طخ الالعاب الناريه اللي كنا من عيد استقلال لعيد استقلال لنشوفه ونطلع كل الاردن عالسطوح علشان نشوفها,صار بسبب وغير سبب هلأ.

وفي طخ العين اللي راح تضرب الناجحين , مع كلمه مبروك بنطخ الشب او الصبيه عين بتطرحه ارضا لمده اسبوع.

وطبعا الكلمه الشهيره عند الاب " ابني" ..."بنتي"..."تربايتي"

نيجي للراسبين, الراسبين نوعين

اللي بعترفو اهاليهم بانهم راسبين, وبرضه في طخ بس بنص راسه هالمره.


و برضه في طخ الحكي, ولك يا هامل طول نهارك عالاساطيح ,ولك يا صايع ولا مسكت كتاب خلي صحابك الصيع ينفعوك, ولك فضحتينا طول نهارك من مسلسل تركي لمسلسل تركي تاني, و كل ما اتصل حد من العيله ويحكولو الاخبار المشؤومه ببدا الموشح من اول وجديد, و الكلمه اللي راح تتكرر بكل بيت من الاب للام "شايفه ابنك" ..."شايفك بنتك و تربايتك".... وبصير ولادها لحالها ساعتها.


واللي ما بعترفو بان ابنهم راسب و بطخو, و بوزعو حلو واحتفالات والمشكله ان الشب بعيش الدور و بصير يرقص و ينادي صحابه
صاحبتنا بتحكيلنا ان ابن خالها السنه الماضيه نجح و عمل حفله كبيره وعزومو كل العيله و بس صار تقديم للجامعات حكو انهم قدمولو و ما طلعلو وبدهم يسجلوه بجامعه خاصه, صاحبتي بتحكيلي كنا ندور عالنت عاسماء الناجحين فخطرلنا نشوف معدلاته, طلع الشب راسب :)


اذا اليوم حضرو حالكم, اصوات زوامير وسيارات طالين الصبايا من الشبابيك وبصرخو و الشباب فرحانه من كل قلبها مش لنجاحهم الشخصي ابدا, فرحانين بفرحه الصبايا,واللي عنده حد ناجح توجيهي واللي ما عندو طالع بالسيارات وهات يا زوامير, نوع من انواع المشاركه الوجدانيه يعني.
اصوات الالعاب الناريه - النوريه- و اصوات اطلاق العيارات الناريه- بديش استخدم كلمه الطخ للمره المليون- .

مره تانيه مبروك للناجحين وحظا اوفر في السنوات القادمه للراسبين.

21 التعليقات :

والله معك حق يعني ناجحين أو راسبين بنطخوا شي مدح وشي بهادل وأنا دايما بحكي وبعلق اذا الولد شاطر ومؤدب اكيد طالع لأبوه بس غير هيك لأمه وهاتي بهادل على الأم اذا طلع راسب بحملوها خطأ العالم كله

 

اهلا باسماء....صح؟؟؟
الكل بعبّرو بهالطريقه عن فرحتهم وعن زعلهم وعن كل اشي.
هههههههه هاي بكل بيت شكله :)

 

ياه..أنا وإياكِ كنا بنفس الصف ثاني ب..بس مش مذكريتك كثير :D

أنا عارفة انهم رح يقرفونا بالتوجيهي على طخ وألعاب نارية وزوامير..بس الكويس انه الأعراس اللي ورا بعض عودتنا على هالدوشة..فمش رح أحس بفرق كبير.

 

مدونة اكثر من رائعة ديه اول زيارة لى تحياتى وتقديرى ودعوه لزيارة المدونتة خاصتى لاخذ مسابقة موجودة فيها لكسب الحسنات و توزيعها على الاهل والاقارب

 

Thanx whisper for your wishes :p it's gonna be a big day!

 

الهناء في كُل مساء
الله يفرّح الناجحين و يقصف عُمر الساقطين :)

 

Dreamy Villager
شفتي بس انا وانا صغيره كنت كتير قصيره وكنت اقعد اول درج :)
وشوي شوي صرت ارجع للدروج اللي ورا :)
على رأيك نفس المظاهر راح تكون

Akeed
اولا اهلا وسهلا بمدونتي وشكرا كتير عالكلام الحلو

هلأ ان شاء الله راح اروح عالمدونه والله يجزيك كل الخير

 

Anonymous

You most welcome and inshallah we will congratulate you tonight :D

bnestanna elnategeh :D

Maf3oos

شكرا ...لساتني بفكر باشي مناسب ومش لاقيه :) ريحتني
امين يا رب للناجحين...والتانيين الله يعينهم يمكن يصيرو يتمنو هالامنيه :)

 

وتعرفي شواللي باقهر اكثر حتى الناجح بمعدل زي وجهه وباعملوا حفله تقولي الاول ع المملكه
تعرفي بتذكر انه اول مره في تجربة النجاح بالتوجديهي في الاردن كان النا جار بنته نجحت في معدل عالي وكانت هاي اول مره بشوف عالم تستخدم رشاشات والله اكثر مره من الخوف اقعد ع الارض
عالم مجنونه

 

على سيرة "كنت قاعد بالحوش" قال قاعدين عالبلكونة متل اللي مصدق حالو عايش بين ناس بتفهم ولا رصاصة بينها وبينا اقل من متر و بمكان كان واقف فيه ابن اخوي الصغير قبل بدقيقة لولا ستر الله !!
لازم هاد يكون ابنو هو اللي رح يحرر الاندلس مشان يستحق يروح مشان فرحتو ضحايا
اليوم فكرت الحرب قامت.. لو في ملاجئ كنت نزلت ..الروح غاليه يعني

عكل حال مبروك للناجحين .. وحظ اوفر للي ما نجح بلكي المرة الجاية بيقتل تنين تلات على شرف نجاحو !

 

sm3t B mazaj FM inno el zamameer wl ta`7ta`7a w tale3 nosak mn el shobak MAMNOOOO3 :D

wa2t nta2j el tawjehi mtl 3eed el ad7a :P lOOOOOl nas beto`7 w nas btsla`7 hehehehe

 

Sozan

اليوم صحيت على صوت طخ عال 6 زي المصاريع ابن جيرانا ناجح و طلع معدله 50....منيح ما كان معدله اكتر كان رمى قنابل ابوه :)
احنا عنا كل شي فوق الحد بفرحنا و بزعلنا لازم نبالغ :$

همسة
ياااا الله ربنا ستر :(
الله يسامحهم يعني علشان يفرحو يعملو مأساه للعالم

Jumana </b

Ah bs had la y3nee 2eno el3alam far2a m3ha mamnoo3 wella mesh mamnoo3 :S
LOOOOL @ w nas btsla7' :D

 

zamaaan 3annek whisper.. welcome back to ur GREAT BLOG:))

 

Ahmad Merie

2ayn 2anta ya sadeqee :D
ya mabrook ya mabrook...b3raf 2enno lesa ma khatabe6 bs 3am bafawel :D

Thanks Ahmad :D

 

hayne ya sadeeqte... ma kan 3ende net ya sadeeqte..

sheklo emme daf3tlek 3ala hl tafweel:P

 

Ahmad MKerie

LOOOOOL
Welcome back :D

 

had my email
i_was_happy_man@hotmail.com

lessa shai5 el azhar ma 7arram el add... ella aza fe shai5 mesh azhar 7arramo.. mesh mtabe3 fatawe ana

 

Ahmad Merie

6ab why WAS ??? inshallah tkon rge3et happy marra taneh :)

2asdak elneqaab sa7 :D
laaa lessa hoo kan takkeh w bedo y7armo bs hadda 2a3sabo be2aer la7za :S

 

yeah asde el neqab.. ba7keelek zaka2ek 5areq ma betrodde 3lay

 

Alla ykon b3on elrasben
Yaaaaaa rabb