Things I Like To Whisper About

Would You Hear Me Whispering

يا ريت حد يفهّمني!!!

معلش يا جماعه خدوني على قد عقلي

هلأ كلنا سمعنا عن حادثه مقتل الدكتوره مروه الشربيني بالمانيا وكيف ان القاتل طعنها 18 طعنه وما حد تحرك و بس اجا زوجها يدافع عنها انطعن 3 طعنات و الشرطه الالمانيه حاولت تطلق الرصاص على القاتل قامو اصابو الزوج, قصه او حقيقه جدا محزنه و بتخلي الواحد يزيد قهر واحساس بالظلم, وبكره بطلع مريض نفسيا وما حد بعملو اشي.

وموضوع الاعتداءات على المسلمين في الصين ومنعهم انهم يصلو, وحسب ما حكو ان القضيه بدأت برضه باعتداء على فتاه مسلمه من مسلمي الايغور في الصين, وايضا حقيقه بتخلي الواحد يزيد قهر واحساس بالظلم


الموضوع اللي بدي حد يساعدني على فهمه هو خبر قرأته بموقع عمون
الخبر بعنوان
30 نائب يطالبون الحكومه باستدعاء السفير الصيني في عمان.... ومطالبه باصدار بيان يدين مقتل مروه

طيب هلأ انا كمواطنه لا املك اي سلطه بالبلد بستحي اني ادين او استنكر متل هيك حقائق ,لاني بادانتي ما بعمل اشي ولا بحقق عدل .

شو يعني بس النواب يكتبو مذكره - حتى لو كانت شديده اللهجه - تدين او تستنكر او تشجب او اي كلمه من قاموس التخاذل اللي بنضل نستخدمها؟؟؟

شو بده يصير؟؟ وشو اللي راح يتغير؟؟؟

ليش كتبو هالمذكره ؟؟؟

وشو يعني تابعو بقلق شديد و همه قاعدين ببيوتهم وكاسات الشاي قدامهم؟؟؟

وايش بدو يصير بس يجي السفير الصيني و يبلغوه باستنكارهم الشديد لمثل هذا العمل؟؟؟

وشو يعني بدو يصير بس يستخدمو كلمات منمقه بالمذكره مثل
هالنا,متطرف يميني الماني,جريمه نكراء,الاستهداف الدموي المريع, احد غلاه العنصريه؟؟؟

وشو يعني " ومطالبة الحكومة الصينية مراعاة علاقتها الاقتصادية الهائلة مع دول العالم الاسلامي التي يتصاعد غضب شعوبها يوما بعد يوم لما اصاب اخوانهم " ايش بدهم يعملو يعني اذا ما ردو على استنكارهم وادانتهم؟؟

يا ريت حد يفهّمني!!!

13 التعليقات :

ولا شي بدهاش مفهوميه همسه هدول عالم فاضيه هلا يستدعوا مش السفير رئيس الدوله بلا غيروا شي نواب الغفله حبيبتي بدهم يغطوا على نيلتهم الله نيلهم

 

Welcome to Jordan, Those people don't have the ability to deal with the country's problems and will use outside problems to show that they actually have a voice

 

ما بدهم يبينوا حيطة مايلة :)

 

They want to show the people that they are doing something as if China or germany would care about their denial of the acts

 

طيب وايش بدهم يعملو بحال اخذو هالاستكارات بعين الاعتبار؟؟
وحتى ولو.. راح يحكيلك تصرف فردي ما اله اي علاقه بصراع الدين الاسلامي مع الثقافات والأديان الثانيه
.
.
واذا النواب حابين يحملو خطيتنا ويمشو الموضوع بورقة مسبات هم حرين ..المهم احنا نبرئ ساحتنا ونعمل اللي منقدر عليه

 

انا بقلك ازا الصين ما ردت شو رح يعملوا...
رح يهلكونا ايميلات "استحلفك بالله ان تقرأها... حملة نصرة الاسلام... قاطعوا المكسرات الصينية... هل تعلم انك بقرمشتك للمكسرات الصينية تقرمش عظام اخوانك المسلمين؟ استحلفك بالله ان تمررها..."
و بينجر جمهور المسلمين ورا مقاطعة المكسرات الصينية (المكسرات هه!! لا الونشات ولا الماكينات ولا السيارات ولا الانتاج و لا البروسسرات ولااااا اشي، بس المكسرات) و بتبدا حملة تكفير كل اللي بياكلوا مكسرات صينية، و النواب بيتطمنوا و بيرتاحوا و بيناموا ليلهم الطويل لأنهم كسروا اقتصاد الصين...
و قامت و خلصت!...

 

Sozan

طيب ليش كل هالتمثسيليات ؟؟بقنعونا احنا ويلا بقنعو حالهم؟؟ ويلا بس هيك برتاح ضميرهم؟؟؟

Tha2ir

All these years living in Jordan and I still can't understand them :$

this is a very good point of view :D

Hb

لا ما شاء الله عليهم حيطه راكزه بينو :)

 

Ahmad Hamdan

yeah for sure the Chinese people will do what ever "nwa2ebna" demand them to do :S

Anas

كيف بدهم ياخدو الاستنكارات - الحبر على ورق- بعين الاعتبار؟؟؟

مكل واحد فينا بقدر يكتب رساله شيده اللهجه للسفير الصيني, هاد هو دورنا؟؟؟
المفروض ياخدو قرارات فعليه و احنا بنفذها

Naryat

هههههههههه جد حششت على تحليلاتك السياسيه و هاد اللي ممكن يصير عفكره
مش قليله يا بنت :)

 

بالغزاوي...تفساية غضب عام...يعني هما ما بفكرو بغضب الشارع...بفكروا كيف ممكن يخلصو منو.. ومدام الرأي العام أهبل...شقفة ورق بتكون أكتر من كفاية

من كتر ما النظام هادا بصير بفلسطين الواحد تعود على هادا الكلام

 

مش عارفة بكونوا يضحكوا على حالهم ولا عالناس !
قال لما نستنكر صرنا بدنا نرجع الاموات
ولا قال إزا هددوا كأنو حدا معبر اهاليهم

دخيل الله ما اشطر الشعب العربي بالحكي
لو كل اللي رح يطلع معهم حكي يضلوا ساكتين اشرف

الله يرحم الشهيدة مروة .. ويرحم ضحايا الحقد المريض والتعصب

هامش صغير .. NarYat
ما في شي بعيد عن ابو عرب
عنجد ضحكتيني

 

Sharifo

اهلا وسهلا...نورت المدونه :)
ههههههههه جبتها بصراحه
لااا همه هيك بسكتو العالم لانهم عملو اللي عليهم وزعلانين الجماعه وما حد يحكي معهم :$

الله بعين الجميع

همسه

لا بفكرو حالهم بضحكو عالناس, و المشكله ان هالاعمال بتضلها تزيد وهمه على نفس موقف الاستنكار
طيب 20 مره استنكرتو وما صار اشي فرصه تغيرو هالمواقف السلبيه

 

el wade3 tabee3e jeddan..
o ya rait 7ad yefhamek:)

 

Ahmad Merie

moshkeleh 2eza beseer elwade3 3adee 3endee :S
b3deen baseer ana kaman 2ashgeb w 2astanker bs 7ad yosro2ny 3ene 3enak :(