Things I Like To Whisper About

Would You Hear Me Whispering

مين المفروض نلوم



اليوم سمعت قصه صدمتني كتير, يمكن مش من عادتي اكتب بهيك مواضيع بس جد القصه أثرت فيي كتير
القصه سمعتها من وحده بعرفها بتحكي ان في ست اجتلها بتحكيلها بدي تساعديني الاقي حل مع بنتي, شو قصه البنت

عائله الست ببتكون من الام اللي بتشتغل و الاب اللي قاعد بالبيت و بدرس ماجستير و من بنتين, الاب كان قاسي كتير عالكل ,و كان يعامل الام بطريقه مش منيحه , وكان كل اللي بالبيت يخافو منه.

الام كانت يوميا تطلع عالشغل وتترك الاب مع البنتين على اساس انه بدرس, بس الاب طلع بعتدي على البنت الكبيره يوميا, والام مش عارفه شو بصير من وراها, وكان الاب يهدد البنت انه راح تندم اذا بتبلغ حد بالموضوع.
استمرت السنين على هالوضع لحد ما صار عمر البنت 14 سنه فخاف الاب انه يصير حمل, فانتقل بجريمته الى البنت التانيه اللي حكت عن ابوها من اولها و كشفت شو بعمل.

الام بلغت الشرطه و انحبس الاب و بعدها سافر بره البلد و ما رجع من يومها.

البنت لما كبرت ووصلت لسن الزواج, ضلت ترفض العرسان اللي بتقدمولها , بس امها جبرتها انها تقبل الزواج من شب مناسب الها, واخدتها على دكتور وشرحتله الوضع اللي صار و عمللها اللازم.

بعد ما تزوجت البنت , ما قدرت تتحمل العيشه مع زوجها لانها حست انها خدعته, وبنفس الوقت ما بتقدر تحكيله اللي صار معها وبعد فتره طلبت الطلاق و رجعت لبيت امها.

الام بدها الست اللي حكتلي القصه تساعدها بانها تقنع البنت ان هاد قدر من رب العالمين وبدها تستحمل وتكمل حياتها.


السؤال اللي ضل ببالي هو مين المفروض نلوم؟؟؟
الاب الحقير ويلا الام؟؟
معقول الام ما انتبهت عالبنت وهي صغير؟؟؟ معقول في ام ما بتحس ببنتها انها تعبانه انه في شي مدايقها؟؟ معقول ما بتعرف لاي درجه زوجها نذل و لوين ممكن يوصل بنذالتها وحقارته؟؟؟
المشكله ان اللي حكتلي القصه بتحكي انها بتعرف وحده بتشتغل بالطب الشرعي و بتحكيلها ان 80% من حوادث الاعتداء بتكون اعتداء المحارم على البنات...يعني اب... خال ..عم... اخ.

قبل كم يوم كان في مقاله بجريده الغد بتحكي قصه مشابهه كنت متردده احكي عنها...بس بعد ما سمعت القصه قررت احكي عن الموضوع

المقاله بعنوان بنت بنوت في جريده الغد


17 التعليقات :

طيب ماشي بتحبي تسمعي قصه اسخم؟
وحده ممرضه بتحكي لممرضه بنعرفها عن وحده ام جايبه معها بنتها عمرها 14 سنه عالمستشفى والبنت طلعت حامل
بتحكيلها الممرضه انو البنت هيك هيك بتحكيلها بعرف هاد ابوهم بيعمل هيك معهم كلهم!!!

الممرضه بتحكيلها وشو بعدك بتعملي عندو؟!!!

احزري شو ردت؟

يعني بدك ياني اتطلق والعالم تحكي علي؟

بس سمعت هالجواب انحرق دمي!!!

هاي ام هاي؟ وين مسؤليتها تجاه بناتها وهي شايفه هالإشي وساكته؟

ناس مريضه واشي بيخزي جد

وهيك اشكال ما بيتربوا الا بالخوف

بعدين يا ويسبر؛ اذا الاب قاسي والام بتشتغل تا تلحق؛ بيكون معمي ضوها ومش شايفه ولا منتبهه؛ المفروض الامهات يوعوا بناتهم-واولادهم كمان- انو اي حدا بيتصرف معاك بطريقه غلط انك تحكي على طول وما تخاف ولا تسكت بس للاسف هو في ناس بتربي اصلا؟

 

عزيزتي همسه هاي القصص بتصير كثير
والام كيف بدها تعرف اذا البنت ما بتحكي خاصه انه الام بتأمن يعني هلا امك ما تتركك مع والدك المختصر ممكن يكون نذل الاب الا انه ما بيخطر على بال اي حد انه النذاله توصل لهاالدرجه ما بتقدري تلومي حدا هون حتى الاب الحقير ما هو حقير فما بينلام لكن المفروض البنت تستر على حالها لان الشب لو عرف رح يطلقها ما راح يكمل معها من باب انه الاب ما كان مؤتمن على بناته فما راح يقبل انه يكون جد لاولاده كمان انه مجتمعنا ما بيرحم حتى لو كانت البنت الضحيه راح تدفع الثمن يعني في قصه مره انه عمها اللي كان يعتدي عليها وبس انكشف الموضوع حط الحق على البنت على الرغم انه كان يهددها بالقتل وبفضحها لانه هو اللي بتصدق في النهايه لكن الله كشف الحق ولما صارت في عمر الزواج ما حدا قبل فيها على الرغم انها متدينه وجميله ومتعلمه وطيبه وهلا هي 38 سنه ومش متزوجه

 

akeeeed el tarafen benlamo .bs 90% mn el lom 3l abb .. el em akeed ma r7 tetwa8a3 hl 3amle, sho ma kan el abb 3anef m3 el 3ele .

hl2 ana ma b7abez eno el nesa2 yeshte3'lo tool ma 3ndhom atfal .. el abb most7el y'3a6e 3n 7nan el omome el rabane sho ma kan mne7 w 7non m3 el awlad ,bl edafe eno el 3enaye bl atfal mas2oleye kter kbere o mo sehle , so el emm kman btenlam be jozo2 mn hai el ossa

el abb le ma yedros o yeshte'3el mtel ba2e el 3alam :S had bedol 3la 7ob el sol6a 3nd el rajol + el ananeye

shokran whisper 3l mawdo3 . kter mofed o 3eza ll 3alam bs nshala el 3alam tefham hl she :)

Moe Battah

 

مياسي

بعرف!!! يعني عادي الموضوع و بتحكيه بكل يساطه
جد ناس مريضه...يعني عاساس الحامل هاي بنت الجيران و ما راح حد يحكي عليهم
جد اشي بقهر...

المشكله اللي عنا تحديد الاولويات بالحياه... ممكن معمي ضوها بس لازم تاخد موقف, ادرس واشتغل يا اخي, بعدين في عالم بتخلف بس لانه واجب و بنسو مسؤولياتهم تجاه هالاطفال اللي بيجو

سوزان

البنت اكيد صارت مريضه نفسيا, و طبيعي انها ما تعيش حياه طبيعيه
البنت بمجتمعنا للاسف ومهما تطورنا ومهما حكينا بتضلها هم بالنسبه لاهلها..لو مش الكل الاغلب هيك بعتبروها و هي سبب الفضايح
الحمد لله ان في رب بعرف مين الظالم ومين المظلوم و اجرها وحقها عند رب العالمين

 

Battah

yeah leash 2el2ab yo23od belbeat w ma yshta3'el???
lessa fe rjal mesh fahmeen m3na elrojeleh elsa7 la2en elm3naa 2elly 3endhom kteer 2rya7

Thank u for ur comment Mohammad :D

 

موضوعك صعب يا همسة... صعب كتير... انا بالنسبة الي ما بشوف الا انو الحق على المجتمع المريض اللي شكل عقلية الناس هاي...
لما كل شرف البنت يتعلق بهاي القضية التافهة... و لما المجتمع يضل راضي ان يسمي مسخ متل هاد أب... بتعرفي وين الداهية؟ انو مر علي حالات مشابهة شفت فيها ناس عم يحاولوا يلاقوا عذر لأب حقير من هالنوع!! و بيحطوا الحق على "الأم اللي بتترك بيتها و بتشتغل" عأساس الأب ما شا الله مش مقصر و الأم بتشتغل فلسفة... أو الحق على "الأم اللي بتهمل لبس بناتها و بتخليهم يلبسوا لبس "فاضح" قدام أبوهم"... يا سلام!! ازا البنت ما اخدت راحتها قدام ابوها تلبس فصطان حلو مكشكش بالبيت لوين وصلنا معناتو؟ ازا البنت بدها تحجب عن ابوها، لأي مستوى من الانحطاط وصلنا؟ اي نوع من الحيوانات صرنا لما الانسان ما يفكر باللحم غير انو لحم، حتى لو كان لحم فلذة كبدو؟؟
حسبي الله و نعم الوكيل...

 

بس الام المسكينه ما بنحط عليها اللوم ازا مسكينه بتشتغل عشان تستر بيتها واول ما عرفه بالجريمه مسكه اطفالها وبعده عن السافل وين غلطها اما البنت فبعينها الله
"
ازا كانت لك ذاكره قويه.. فانت اشقى اهل الارض",

مدونه جميله ومتعدده المواضيع للامام دائما ,
بدي اروح اشوف اختي ايش طابخه في ريحه تقلايه بالبيت اكيد باميه يالله بدي الحق حصتي قبل ما يلتهموها المفجيع الي هانا
:)

 

Naryat

في ناس مرضى نفسيين كتير حوالينا وزي ما حكيت لسوزان اي شي بالاخر بطلع الحق عالبنت او عالام ...

حسبي الله ونعم الوكيل بهيك عالم

Anonymous

يا ريت الاب فهم وقدّر تضحيه الام, هو بده اياها تطلع من البيت.
شكرا كتير

بالنسبه للباميه فصحتين و الف عافيه, بس ما حد ياكل عني, مش من مشجعي الباميه انا :)

 

I cant really answer the questions, but I cann assure this needs lots of medical care and psychological treatment.

But I once asked a prison gaurd about the filthiest person he ever saw, the answer was about someone like that, who raped his daughters, the problem was with the logic this prisoner had..

He thinks about his daughter as a tree he kept taking care off, and he has the right to 'yakol min khairha'....

Allah y3een il 3alem wil nas oo yihduha... Those people should be annihilated.

 

أول ما قرأت الموضوع ما عرفتش شو لازم الواحد يرد لأني عن جد انصدمت..بس بعد ما قرأت التعليقات انصدمت بزيادة..والله العظيم..أنا بالعادة بصدقش هاي القصص..أو بالأدق ما بحب أصدقها..بحكي لحالي معقول فيه ناس نفسياتهم سيئة لهالدرجة..بحس انه لو ما كملت قراءة الخبر أو الموضوع فهو رح يختفي أو مش رح يكون جد..
بعرف فيه ناس شايفيني هبلة على هالرد أو بعرفش بالدنيا..بس أنا عارفةانه الدنيا فيها بلاوي..بس لو بدي أظل أفكر فيها مش رح أعرف أعيش زي البني آدمين..يمكن أتحول لمسخ.
وفعلا الحمدلله دائما أنه ربنا اللي بحاسبنا.

 

Ala' JA

you are right, and for the whole family

I can't understand it really.. he is an animal to do so and may be it's not allowed in animals life also

Allah ye3een el3alam

Dreamy Villager
لااا لا تحكي هيك عن حالك
انا كمان اول مره قرأت الخبر بالجريده حاولت اتناساه كأنه ما صار , بس القصص كتير بتتكرر للاسف وموجوده
الله يعين العالم عاللي بتشوفه وما بنعرف عنه ...

 

مش فاهم ليش يحبسوه ؟؟
الحبس للمجرمين ؟؟ ومستشفى المجاننين للمريضين ... هادا المجرمين بستحو منو ... لاز ينحط بالاسيد او انو ينفرم فرم يعني يموت بطريقة بتستاهل الجرم الي سواه ... يسترجعو فيه طرق العصور الوسطي

 

قط البكتيريا

بستاهل بصراحه هيك واكتر من هيك
بس مشكله قانونا اللي المفروض يعالج هيك مشاكل
او زي الاقتراح امبارح انهم يحطوه بالسجن و يحكو للمساجين عن عملته وهمه يتعاملو معه

 

بصراحة انصدمت
يعني معقول بس يحبسوه
المفروض انه اغتصب و مين بنتوا يعني الاعدام بساحة عامة قدام شهود
و ما حدا يحكيلي فضايح احنا عايشين بعصر كلو فضايح
يخرب بيتو مرتو بتصرف عليه و يعتدي على بنتو
ماستر شو بدرسس هالحي..........واسفة للفظ

بس ما بنقدر نلوم الام المسكينة
اللي بدها تستر بيتها
و لا البنت
هو المجرم فبلا ما نعطيه اي صك غفران

 

Jafra

يا ريت يكون في عنا بالقانون احكام مناسبه لهيك جرائم

لا لا تعتذري لانه هيك بكل بساطه

المشكله عنا بحكمو عالشخص بمستوى تعليمه..انه كل ما زاد مستوى التعليم كل ما زاد مستوى فهمه و ووعيه و مكانته الاجتماعيه بتصير بالعلالي...وبنسو الاساس انسانيته وشخصيته و اخلاقه و اهم شي دينه

 

عنجد شي مؤسف اني أسمع هيك شي!!
زعلت على هل بنات يلي طلع نصيبهون من عيله زباله متل هاي..
هلأ اللوم أكيد عل أب الحقير أكتر من الأم!!!
لأن الأم انحكم عليها هيك زوج حقير.. ما عندو شرف..الله يلعنو انشالله!!!
اشي أكيد البنت ما رح تقدر تعيش حياه طبيعيه مع زوجها ..قليله يلي صرلا !!!!!!!

هيدا منو أب مستحيل...وماجستير كمان انشالله عمرينو.
مزبوط متل ما قلتي إن هيك جرائم ما بتصر إلى من الأب ول أخ و و...

وللأسف بلأردن وغير بلاد عربيه ما في قانون بينصف!!! زي هيك حاله المفروض إعداام!!! لأن خطر عل مجتمع. إزا ما بتأمن على بنتو كيف بدو يتأمن على بنات بيشتغلو أو بيدرسو معو!!!

 

Jumana
الله يعين العالم
جد الواحد بسمع قصص ما بصدق انها ممكن تكون موجوده
اهم اشي هو و دراسته و راحته وهي تنحت بره مش مشكله
ومش بعيد يكون باخد كل راتبها و بدرس على حسابها كمان :(