Things I Like To Whisper About

Would You Hear Me Whispering

فيديو لبعض شهداء الإثنين 29/12فاضت أرواحهم أمام العدسة//الرجاء من ضعاف القلوب عدم المشاهدة‏

بسم الله الرحمن الرحيم


فيديو لم يعرض من قبل ، لموقع مدينة الزهراء ، أكثر من 12 شهيد منهم من لقنته الشهادة بنفسي ومنهم من فاضت روحه أمام عدستي ، ومنهم من لقي ربه وترك لي جسدا أصوره ....

المشاهد عظيمة ، والخطب جلل ، أنا أدرس في جامعة فلسطين ، خرجت من الجامعة لكي أشاهد الصواريخ بنفسي تنهال على الموقع ، حملت عدستي وأثناء تطاير الأشلاء وتعامد الدخان .....

والله يا إخوان ما لفت انتباهي وأنا أصور شيئ والله كادت عيني تقطر دما منه ....

بقايا من أوراق للمصحف لم أستطع أن أقرأ منها سوى كلمتين فقط أو أكثر وهي صغيرة جدا بحجم ربع كفة اليد ...


كان مكتوب عليها
"وكتبنا على بني إسرائيل ........كأنما قتل الناس جميعا"


هذا ما استطعت أن أقرأه منها
أدعوا للشهداء بالقبول والرحمة ....
اخوكم / أبو الوليد العسقلاني




Find more videos like this on Sister Power

مسيرة حاشدة امام رئاسة الوزراء في عمان

حين تعجز الكلمة ويبكي الصمت .. بقلم الملكة رانيا العبد الله


لا يوجد ما يقال..ولا يمكن ان تسعف الكلمه ايا منا هنا..هكذا احسست في الايام الماضيه.

لكن الصمت كُفر لا يقبله عقل أو دين.. و نحن بشر، و اليوم يبكي الصخر و الأشجار و الصمت، فكيف لا نَنتحب جميعا! و بعد الصمت يأتي الغضب.. حِنق على النفس لتخاذلها، لأن بامكاننا جميعا أن نفعل أكثر، أن نطلق العنان لآرائنا، لصوتنا، لأيدينا و سواعدنا لتمتد لإغاثة الأطفال و الأمهات، الشباب و الكهول، الى شعب إرادته تُلهمنا جميعا، شعب يصارع لأجل حقه في الحياة، بحياته و حياة أولاده.

منذ عام سبعة و ستين، و كل نَفَس في غزة، لغزة.. يولد أطفال القطاع مدركين أن أنفاسهم مُكرّسة لأجل فرصة أن يعيشوا حياة طبيعية، حياة حرة. لأن كل خطوة يخطوها طفل في غزة، بعزيمة و أمل و كرامة، قد تقربه من تلك الحياة التي ينشدها. حياة غير مكبلة بالاحتلال و لا مثقلة بتبعاته. كل نَفَس في غزة يرفع شعبها من واقعهم، لأن هواء غزة مثقل فقط بأحلام أبنائه، و عِزة نفْسهم لا تكبل.

هذه المرة، لم يطلب أهل غزة منا شيئا، لم يشركونا أساهم، لم يستنجدوا بنا، نحن البشر، نحن أخوانهم. ارتفعت أيديهم الى السماء بالدعاء، لأن السؤال لغير الله مذلة.. وغزة لا تُذَلْ..

علينا أن نثبت لغزة و أهلها أننا إخوانهم، و أننا معهم. وأن لوعة القلب تُجاوز الإحساس الى الفعل.

و في هذا الموقف، يكون اقتصارنا على الشعور بالأسى عارا ! لأن مأساة غزة لا تحتاج الى التعاطف، فالمرء لا يتعاطف مع أخيه حين يقع عليه ظلم، بل يهب لنجدته.. ''فمن رأى منكم منكرا..''.

وهناك طُرقٌ كثيرة لتصويب المنكر، طرق لا تتوقف عند إلقاء اللوم، طرق لا يعيقها التخاذل، طرق تُحوّل بكاءنا الغاضب يدا ممدودة تختصر المسافات بين أصواتنا و هواء غزة. بالأمس، بعث سيدنا جلالة الملك دمه و دم أبناء الأردن الى غزة لتختلط هناك بدماء اخواننا. و استجابة لنداء سيدنا نبدأ اليوم باستقبال المساعدات من خلال مؤسسة نهر الأردن، لتكون ساعِدَنا جميعا، نمدها لشعب قد نجعل خطواته لأجل الحياة أقل عزلة، و وحدة.

لنستطيع القول إن نحيبنا خرج عن صمته.. و '' ذلك أضعف الإيمان''.

المصدر -وكاله عمون الاخباريه


أسئلة الساعة ....

صحيفة الدستور المصريه الاثنين 1 المحرم 1430 – 29 ديسمبر 2008


أسئلة الساعة – فهمي هويدي


المذبحة التي وقعت في غزة تستدعي شلالات من الأسئلة منها ما يلي:

1- هل أُخطرت مصر بالعملية، خصوصا أن وزيرة الخارجية تسيبي ليفني قدمت اليها يوم الخميس 25/12 بعد 24 ساعة من صدور قرار الحكومة الإسرائيلية بشن الغارة حسبما أعلن رسميا في تل ابيب، الامر الذي يعني انها جاءت والقرار في جيبها؟

2- أعلن رئيس الوزراء التركي رجب طيب أردوجان تعليق الوساطة التركية في المفاوضات بين سورية وإسرائيل بسبب الغارة، واعتبر أن بلاده أهينت حين جاء إليها ايهود باراك وزير الدفاع الإسرائيلي قبل خمسة أيام من تنفيذ العملية، ولم يشر إلى اعتزام إسرائيل ضرب غزة. هل بوسع مصر أن تعلن أنها أهينت بدورها، لأن ليفني زارتها والتقت برئيسها ووزير الخارجية من دون أن تخبرهما بشيء عن الغارة؟ أم أن سكوت مصر يعني أنها أُحيطت علما بالأمر قبل وقوعه؟

3- إذا صحت التصريحات الإسرائيلية بأن بعض الدول العربية أُبلغت بالغارة، أليس من حقنا أن نعرف ماهية تلك الدول؟

4- ما مدى صحة الأنباء التي نشرتها الصحف الإسرائيلية (يديعوت احرونوت ومعاريف يوم 15/12) من أن عاموس جلعاد مدير الدائرة السياسية والأمنية في وزارة الحرب سمع من السيد عمر سليمان انتقادا حادا لحماس حين التقاه في القاهرة، وتأييدا لما يمكن أن تتخذه إسرائيل من إجراءات بحقها؟ وإذا لم يكن الخبر صحيحا، فلماذا لم تنفه القاهرة؟

5- إذا كانت تركيا قد علقت وساطتها بين سورية وإسرائيل، فهل ستتخذ مصر أي إجراء تعبر به عن غضبها إزاء ما جرى في غزة، بخلاف بيان الشجب وتصريح وزير الخارجية السيد أبوالغيط الذي حمل فيه حماس المسؤولية عما انتهى إليه الوضع في القطاع؟

6-لماذا لم يذكر اسم القاهرة ضمن حملة الاتصالات المكثفة التي تبادلتها القيادات العربية أمس الأول لاتخاذ موقف، بعد ذيوع أخبار الغارة وسقوط العدد الكبير من الضحايا الفلسطينيين؟

7-بماذا نفسر وقوع الغارة الوحشية يوم السبت، ثم اتجاه الجامعة العربية لعقد اجتماع لوزراء الخارجية العرب يوم الأربعاء، أي بعد أربعة أيام من وقوع المجزرة، رغم الإعلان الإسرائيلي عن استمرارها؟

8-هل لابد أن يتحول الفلسطينيون إلى جثث أو جرحى شوههم القصف أو مرضى مشرفين على الموت حتى يُفتح لهم معبر رفح؟

9-بعدما قال مفتي مصر إن العدوان جريمة إنسانية، ما رأي فضيلته في اشتراك مصر في حصار غزة؟

10-إذا اعتبرنا أن اجتماع المشير طنطاوي وزير الدفاع المصري مع قائد القيادة المركزية الأميركية في اليوم نفسه الذي وقعت فيه الغارة الإسرائيلية على غزة هو مجرد مصادفة، أما كان الأجدى والأليق أن يؤجل ذلك الاجتماع 24 ساعة على الأقل، لكي لا يساء فهم دلالة الاجتماع؟

11-بعد المذبحة ما هي نسبة الأصوات التي يمكن ان يحصل عليها السيد أبومازن في الأرض المحتلة، إذا أجرى الانتخابات الرئاسية بعد انتهاء ولايته في التاسع من شهر يناير المقبل؟

12-هل العملية العسكرية تستهدف تأديب حماس أم اسقاطها؟ وهل التزامن النسبي في التوقيت بين بدئها وبين إعلان أبومازن انه سيعود الى غزة في وقت قريب، هو مجرد مصادفة؟

13-هل يصبح طريق التفاوض مفتوحا بين قيادة السلطة الفلسطينية والحكومة الإسرائيلية بعد الانتهاء من العملية العسكرية في غزة؟

14-اذا كان عنف الغارة الاسرائيلية قصد به رفع أسهم ليفني وباراك في مواجهة نتنياهو في الانتخابات البرلمانية التي تجرى في فبراير المقبل، فما الذي سيفعله أبومازن لكي يعزز موقعه ويدافع عن شعبيته في الانتخابات الرئاسية المفترضة؟

15-إذا صح أن إيران أصبحت موجودة في غزة، كما ذكرت بعض التصريحات السياسية والأبواق الاعلامية، فلماذا لم يظهر أثر لأسلحتها التي توافرت لدى حزب الله وسببت ذعرا للإسرائيليين في حرب لبنان عام 2006؟ وأين عناصر الحرس الثوري الذين قيل انهم تسللوا للقطاع؟

16-هل اصبحت التهدئة المطلوبة الآن هي بين مصر وحماس؟ وهل يكون من بين شروطها مطالبة وزير الخارجية السيد أبوالغيط بالتزام الصمت؟

وماذا بعد يا مصر.....الا يكفيك ما حصل؟؟؟؟



قبل المجزره عمر سليمان يحرّض الصهاينة على "حماس" ويطالب بـ تأديبها" ويؤيد اجتياح غزة -المصدر



شن اللواء عمر سليمان، رئيس جهاز المخابرات العامة المصرية مؤخراً، هجوماً عنيفاً وغير مسبوق على حركة المقاومة الإسلامية "حماس" بل وحرّض الكيان الصهيوني على توجيه ضربة قاضية للحركة إن كان في غزة أو دمشق.

فقد نقلت صحيفة "القدس العربي" الصادرة في لندن عن قيادات فلسطينية رفيعة المستوى التقت اللواء سليمان مؤخراً، قولها إن الوزير سليمان قال لهم بأنّ "(رئيس المكتب السياسي لحركة "حماس" خالد) مشعل وعصابته سيدفعون ثمن موقفهم الرافض لدعوة القاهرة للحوار".

وأشارت القيادات، بحسب الصحيفة، أن سليمان قال لعاموس جلعاد المبعوث الصهيوني الخاص الذي يبحث ملف الجندي الصهيوني الأسير جلعاد شاليط: "إنّ قيادة حماس أصابها الغرور، وهي تتعامل مع مصر بفوقية واشتراطات، وأنه لا بدّ من تأديب هذه القيادات، حتى تستفيق من أحلامها"، على حد وصفه.

كما يعتقد سليمان، كما تشير المصادر الفلسطينية، أنّّ ما وصفه بـ "تأديب" قيادات حماس "لا ينبغي أن يقتصر على قطاع غزة فحسب، بل لا بدّ أن تشعر قيادات حماس في دمشق بأنها ليست بمنأى عن الخطر كذلك، وهو ما أبلغه صراحة إلى جلعاد، كما أوضحت.

وفي إطار التحريض؛ قالت القيادات الفلسطينية للصحيفة أن الوزير سليمان لم يبد ممانعة في اجتياح إسرائيلي محسوب لقطاع غزة، يؤدي إلى إسقاط حكومة حماس، وعودة الشرعية إليها، حتى تنتهي معاناة قطاع غزة"، على حد قوله.



وبعد المجزره
مصر ترفض السماح لجراحين مصريين باجتياز معبر رفح لإغاثة الجرحى

يسعى ثمانية من الجراحين المصريين، ومعاونون طبيون لهم، إلى دخول قطاع غزة لإجراء عمليات جراحية عاجلة لجرحى العدوان الصهيوني الجاري، لكنّ السلطات المصرية ترفض السماح لهم باجتياز معبر رفح.

ويتواجد هؤلاء الجراحون والطواقم المساعدة لهم، على بعد أمتار من معبر رفح المغلق من الجانب المصري، وترفض السلطات المصرية دخولهم غزة .

وأكد الدكتور سعد الكتاتني، رئيس الكتلة البرلمانية للإخوان المسلمين، وجود هؤلاء الجراحين عالقين في رفح، بانتظار سماح السلطات المصرية لهم بالعبور.

وقال النائب الكتاتني إنّ "منع الشعوب من
التعبير عن آرائها تجاه ما يحدث لغزة أمر مستنكر"، وطالب الحكومة المصرية بأن تتحوّل من "الحديث إلى الفعل، وأن تطرد السفير الإسرائيلي من مصر، وتسمح بإغاثة الشعب الفلسطيني، وتسمح بدخول جرّاحين مصريين لغزة".




--------------------------------
في نتائج للاستطلاع عن من يتحمل مسؤولية الهجمة الصهيونية الإجرامية على غزة؟ في موقع المركزالفلسطيني للاعلام ظهرت النتائج بما يلي
و النتيجه تدل على ان معظم الشعب العربي يعلم ومتأكد بان التخاذل العربي والصمت هو السبب الرئيسي لهذه المجزره وهو الذي مد العدو الصهيوني بالجرأه على التمادي باستباحه الدماء

فلا اعلم ماذا تنتظر الحكومات العربيه حتى تتحرك؟؟؟

ولا اعلم بماذا بعد ستفاجأنا قيادات مصر ؟؟

حكايه عباس

الاحداث الحاليه...والصمت العربي الازلي ذكرني بقصيده للشاعر احمد مطر تصف الموقف العربي الحالي
اترككم مع الجزء الاول من القصيده بصوت الشاعر احمد مطر...
وستجدون كلمات الجزء الاول والثاني من القصيده بعد الفيديو











عباس .... شعر أحمد مطر - These bloopers are hilarious


حكاية عباس

عباس وراء المتراس،

يقظ منتبه حساس،

منذ سنين الفتح يلمع سيفه،

ويلمع شاربه أيضا، منتظرا محتضنا دفه،

بلع السارق ضفة،

قلب عباس القرطاس،

ضرب الأخماس بأسداس،

بقيت ضفة

لملم عباس ذخيرته والمتراس،

ومضى يصقل سيفه،

عبر اللص إليه، وحل ببيته،

أصبح ضيفه

قدم عباس له القهوة، ومضى يصقل سيفه،

صرخت زوجة عباس:

ضيفك راودني، عباس،

قم أنقذني يا عباس،

أبناؤك قتلى، عباس،

عباس – اليقظ الحساس - منتبه لم يسمع شيئا،

زوجته تغتاب الناس

صرخت زوجته: "عباس، الضيف سيسرق نعجتنا"،

قلب عباس القرطاس، ضرب الأخماس بأسداس،

أرسل برقية تهديد،

فلمن تصقل سيفك يا عباس؟

وقت الشدة

إذا، اصقل سيفك يا عباس

عباس يستخدم تكتيكاً جديداً

عباس شد المخصرة

ودس فيها خنجره

واستعد للجولة المنتظرة

اللص دق بابه

اللص هدّ بابه

وعابه وانتهره

يا ثور أين البقرهْ؟

عباس دس كفه في المخصره

واستل منها خنجره

وصاح في شجاعة:

في الغرفة المجاورة

اللص خط حوله دائرة

وأنذره

إياك أن تُجاز هذي الدائرهْ

علا خوار البقرة

خفت خوار البقرة

خار خوار البقرة

ومضى اللص بعدما قضى لديها وطره

وصوت عباس يدوي خلفه

فلتسقط المؤامرة

فلتسقط المؤامرة

- عباس:

والخنجر ما حاجته؟

- ينفعنا عند الظروف القاهرة

- وغارة اللص؟

- قطعت دابره

ألم تشاهدوني وقد غافلته

واجتزتُ خط الدائرة!


حسبي الله ونعم الوكيل





مصر اغلقت عشرات الانفاق في منطقه رفح في الشهر الماضي
المصدر

يا ليتهم ابقو على مواقف الشجب و الاستنكار ولم يأتو باي تطبيق عملي لحل الازمه الحاليه في قطاع غزه


وانا اقرأ هذا الخبر بدأ يجول في خاطري الافكار التي سوف تأتي الى الشعب الفلسطيني وخصوصا الغزّي

ام يا ترى قد فقدو الامل باي موقف عربي ينقذهم مما هم فيه؟؟
فعلا شعور مرير يزيد مراره الوضع الحالي ان تفقد الامل باخيك ...ان تصيبك خيبه امل بالذي من المفروض ان يكون اقرب شخص لك وألمك ألمه و جرحك جرحه ومصابك مصابه ا
م يا ترى قد اعتادو على مثل تلك الافعال؟؟؟ فانها ليست المره الاولى التي ينضم" الشقيق العربي" الى العدو في زياده الحصار

انني اخجل ان انظر في عيونهم حتى ولو من وراء شاشه التلفاز
انني اخجل من ضعفي....انني اخجل من نفسي
لا اعلم ماذا بيدي ان اصنع ولكن لا بد من ان يكون هنالك شيء
انا متأكده من اننا سنستمر في حياتنا و ننسى او نتناسى ما حصل وما يحصل.

اخواني ارجوكم
سامحوني...





"ورغم أن الوضع في منتهى الخطورة، فلم نسمع واحدا من القيادات العربية والإسلامية يدعوا لوقف هذا العدوان".








الهم يارب العزة انصر اهل غزة

يا مغيث اغيثهم

اللهم ارحم شهدائهم وتقبلهم في الصالحين

اللهم امن وحشتهم

اللهم امن فزعهم

الهم داوي مرضاهم

اللهم انهم ضعفاء فقوهم

اللهم انهم جوعي فاطعمهم

اللهم انهم عطشي فاسقهم

اللهم انهم مغلوبون فانتصر

اللهم انهم مغلوبون فانتصر

اللهم انهم مغلوبون فانتصر

اللهم اغفر لنا تقصيرنا نحوهم

وحسبنا الله ونعم الوكيل



Do they really believe in such a thing????

كتير اشياء قرأتها وسمعتها عن الشيعه واعتقاداتهم و شعائرهم في العبادات
و اشياء كتيره لا بقبلها عقل ولا دين
ومن هالاشياء الغريبه اشي شفته اليوم وحبيت اشاركم فيه
مقطع فيديو للشيعي الإيراني محمد الفالي والذي تم ترحيله من الكويت الشهر الماضي بسبب ادانته بتهمه سب الصحابه

اتركم مع الفيديو







حكايه ثوره...


يمكن او اكيد في كتير منكم حضر البرنامج على قناه الجزيره
بس للي ما حضره و ما بعرف التفاصيل كامله عن اللي صار
المناظر و الكلام بكفو و بوفو وما راح اضيف اي شي اكتر من حسبي الله ونعم الوكيل
اترككم مع الفيديو




FOUR CHRISTMASES "Anywhere but home"








الفيلم بطوله Reese Witherspoon و Vince Vaughn

الفيلم كتير كتير حلو

كوميدي جميل جدا...من زمان ما حضرت فيلم كوميدي وضحكني لبعد ما احضره يعني طول اليوم كل ما اتزكر موقف بصير اضحك


الفيلم قصته وبكل بساطه عن تنين صديقين متفقين ان حياتهم كاصدقاء احسن كتير من حياتهم كازواج
رافضين فكره الزواج وفكره الانجاب لانه فيها تقيد و حجز للحريه غير انه فيها تأثير سلبي عالاطفال لانهم التنين جايين من عائلات منفصل فيها الاب والام و برأيهم هاي نهايه حتميه لاي زواج


الهم 3 سنين مع بعض كل عيد ميلاد بحكو حجج لاهاليهم علشان يقضو العيد بمكان خاص فيهم لحالهم
الحجج عاده بتكون عمل تطوعي بمكان بعيد..تلقيح اطفال...تعليم اللغه الانجليزيه لمكان بافريقيا وهيك


المهم وهمه بالمطار علشان يروحو على فيجي بتلتغى كل الرحلات علشان الضباب و الجو السيء وبالصدفه بكون التلفزيون بصور بالمطار

فبعملو مقابله معهم عالهوا و طبعا كل العيله بتشوفهم انهم رايحين اجازه مش عمل تطوعي فبوعدو الكل يشوفوهم بليله العيد

وهيك بصير انهم لازم يروحو على اربع بيوت بيت كل واحد من الاب والام لكل واحد فيهم وهناك بتصير المواقف المضحكه


بعرف انو حاسين اني حرقت الفيلم عليكم بس ما تخافو
انا حكيتلكم اللي بجيبوه بدعايه الفيلم على Box office
الفيلم مليااااااان احداث ..لا تخلوه يروح عليكم


انا بنصحكم انكم تحضروه و ما راح تندمو ابدا

take care....haaa take care

نبعد شوي عن سمه البدن ونرجع لخفه الدم وتغيير المزاج
هاد المقطع كتير عجبني وكتير ضحكني
وبتمنى انه يعجبكم ويغير مزاجكم
ممكن في منكم بعرفوه من قبل
بس جد دمه خفيف للمذيع
اتركم مع المقطع




love by don't know who
Fandalism Free MP3 Hosting

واٍٍٍٍٍٍٍٍٍٍٍٍٍٍٍٍٍٍٍســــــــــــــــــــــــــــــــــــطه

بصراحه انا الي كم من يوم مش فاتحه على Qeaider Planet وما كان في شي ببالي بس لقيت نص المدونات كاتبه عن الواسطه فحكيت لحالي لاااا يا Whisper بلاش تبيني جاهله ومش ملاحقه ولا مواكبه العصر فلازم تكتبي

اشي مع الواسطه و اشي ضد الواسطه
ناس بحكو عنه اشي لا بد منه و ناس بعتبروه جزء من الفساد
ناس بعتبر ازا انت ما الك واسطه ازا انت حفرتلي و شخصيه مش مهمه
بصراحه اشي بحير

انا مابعرف انمق كلامي و اللي بخطر في بالي بكتبه بدون ترتيب او اعاده صياغه وهي اللي خطر في بالي

انا رجعت لرؤيه و اهداف اي بلد
الشفافيه...الباب المفتوح...تكافئ الفرص
طيب كيف بدك تحقق هالاهداف وترقى ببلدك ازا ما طبقتهم على نفسك اولا علشان تفرض عالناس يطبقوهم على نفسهم

فلازم تلغي اشي اسمه واسطه
كلنا بنعرف انه للاسف هاد الشي لا يمكن تطبيقه بالاردن
مش لشي بس لانه وجهات نظر الجيل الجديد للاسف واضحه بانهم راح يستمرو بهالوضع

لو كل انسان ما فتح مجال للمخاجله ...وللنعرات و المحسوبيات بنقدر نلغي الواسطه
لو كل واحد اجتهد ليوصل للي بدو اياه
لو كل واحد اله معامله بمكان مشي عالدور و من دون واسطات الدور راح يمشي بسهوله و يسر
لو كل واحد بشغله ...ما فتح مجال للمجاملات و الواسطات كل واحد بياخد حقه


اكيد في ناس بحكو ان هاد صف كلام
بس هاي قناعتي الشخصيه

بعرف ان اي مكان بتروحو وما بتكون بتعرف حد فيه بيروح حقك
بس انت وين شخصيتك
يعني انا ازا اجا حد واخد دوري بمكان ما بسكت و بكبرها لتوصل للمدير
انا مواطنه زيي زيو و انت هون تخدمني وتخدمو
وبمعظم الاوقات ما بكون بدهم فضايح و الزبون دايما على حق
فبنضب الموظف ورا مكتبه وزي الاسد بمشيني
ازا كل واحد ما سكت ممكن نقضي على هالافات المجتمعيه اللي بتدمره وبتعيق تطوره

مش عارفه وصلت الفكره او لأ بس هاد اللي اجاكم
أل حفرتليه أل ...فســـــــــــــــــــــــــاد هو فســــــــــــــــــاد وبس






الحكومه تمنح النواب حق بيع الاعفاءات الجمركيه

مش عارفه ليش ما عم نتعود على هالامتيازات الغريبه اللي بحصلو عليها هالنواب بهالمجلس
يعني حسب الخبر ان النواب صارو حاصلين على امتيازات بتعادل الامتيازات اللي حصلو عليها مجالس النواب الاربعه الماضيه يعني من عام 1989....

خلينا نعد الامتيازات
* رفع الرواتب.
* الاعفاءات الجمركيه.
* تأشيرات حج.
* بعثات طلابيه.
* تعيين سائق خاص على حساب المجلس.
* البدلات الغريبه...بدل سكرتيره...بدل مش عارفه شو
* واخيرا بيع الاعفاءات الجمركيه.

مش عاجبني الوضع بصراحه
بدكم تحكو حقد طبقي احكو...
لانه كتير...يعني سنه كامله وهمه بفكرو يزيدو الرواتب للموظفين ويلا لأ وبالاخر طلعو ب 35 دينار
و هلأ بكل بساطه الامتيازات بتنكب كب على مجلس النواب
حقد طبقي...اه هو حقد طبقي
لانه احنا خلص صار عنا طبقات و بشكل واضح

اخر شي توصلتله اني انا اخترع امتيازات ممكن يحصل عليها النائب علشان ابطل اتفاجأ

* شغاله لكل بنت من بنات حضره النائب.
* مرافق خاص لكل حيوان اليف في منزل النائب.
*اعفاء من فواتير الكهربا والمي و التلفون لكل " بيوت " النائب.
*خمس خطوط موبايل لكل فرد من افراد العائله على حساب المجلس.
*رحله تصييف سنوي لتغيير نفسيه النائب برضو على حساب المجلس.
* خصم دينار من كل موبايل من موبايلات المواطنين سنويا بدل انتخاب نائب.
*دفع ضريبه بدل مطبات لوضعها امام بيوت النائب.

انتو اقترحو كمان علشان ما نتفاجأ بالمره بالامتيازات الجديده اللي اكيد بعد كم يوم راح نسمع عنها...



خزعبلات بكتيريه...

ابصر شو جاب الموضوع عبالي ... بس كل ما افكر فيه بقهرني ؟؟
لماذا نستخدم الارقام الهندية والعالم اجمع بما فيهم الهند يستخدم الارقام العربيه
لماذا اخذنا كل شيء جاهز من الغرب ... الا المناهج المدرسيه العلمية ؟؟
يعني كتاب الفيزيا كلف بمصر 900 دولار للتاليف وكلف بامريكا بحدود المليار
مابين تأليف ودرسات وحسابات وتطوير الاسلوب ليكون مناسب للطالب .

لا اتوقع باي حال من الاحوال ان العلوم من مجتمع لمجتمع تختلف با ختلاف الثقافه
لان العلوم مسلمات ثابته ... لماذا لم يتم استيرادها لكتب العلوم وتاليف الكتب الادبيه لتناسب ثقافتنا ؟؟

لماذا الطالب الاردني مثلا الذي يدرس سته ساعات بالمنزل و ا6 ساعات بالمدرسه تحصيله
العلمي اقل من الامريكي او الاوربي الذي يدرس 6 ساعات بالمنزل اسبوعيا - اذا دبح حالو 6-

لما افكر هيك بصير اسئل بحالي
هو احنا العرب هبايل مش عارفين شو بنعمل ؟؟؟ ولا فيه مؤامرة علي العرب ورغبه بتجهيلهم ؟؟

اتوقع انو احنا هبايل :)

تاكي تاكي تووو ...."قط البكتيريا"


*************************




Comment from Whisper

انا بحب اضيف ان مشكلتنا ان المناهج الدراسيه ما تغيرت من السبعينات يمكن
هالشي بالمدراس الحكوميه
اما المدراس الخاصه كتير صار في تعديل فصار بالتوجيهي زي فجوه بينهم
فلو يصير في توحيد بالمناهج وتطوير شوي ممكن يتحسن الوضع
اشي تاني انو احنا عنا رعب التوجيهي
التوجيهي يعتبر تحديد مصير للطالب وهاد غلط لانه ما بعرف الواحد شو الظروف اللي بتصير
والدليل ان معظم الطلاب العرب اللي بكملو دراستهم بره وبكون هدفهم الاساسي انهم يكملو دراستهم ببدعو و بتميزو بشكل كبير
ازا التغيير للمناهج و عدم الاعتماد عالتوجيهي و ازاله جو الرعب والضغط عالطالب و اهله, وتأهيل المعلمين والمعلمات بتقنيات تدريسيه واساليب تدريسيه حديثه

واكيد هيك راح يتحسن الوضع

مفتي دبي ينتقد اطلاق نساء لذقونهن

هالمره راح احط المقاله زي ما هي لانه ما عندي اشي اعلق عليه بصراحه...



قال مفتي إمارة دبي الدكتور أحمد الحداد، ان «النساء اللاتي يطلقن ذقونهن مذمومات وآثمات».
وقال الحداد، في فتواه التي نشرتها صحيفة «الامارات اليوم» المحلية امس، « أتلقى اسئلة حول ظاهرة إطلاق نساء لذقونهن ووجود عدد كبير منهن في موسم الحج الماضي»، مشيرا الى ان «هؤلاء النساء مذمومات».
وكانت صحف سعودية كتبت ان «موسم الحج الاخير شهد ظهور نساء كبيرات في السن قدمن للحج من دول آسيوية مثل باكستان بذقون طويلة».
وأضاف الحداد: «المرأة إذا نبتت لها لحية فعليها أن تبادر بإزالتها بما يضمن عدم عودتها»، ولم يمانع الحداد «استخدام أي وسيلة لإزالة هذه اللحية عند النساء سواء كان باستخدام الليزر أو نحوه إذا لم يترتب على ذلك ضرر».
واعتبر بقاء هذه اللحية «تشبها بالرجال وقد لعن رسول الله - صلى الله عليه وسلم - المتشبهات من النساء بالرجال والمتشبهين من الرجال بالنساء وعليها أن تبتعد عن كل تشبه».
وتابع: «بعض النساء يعاني من هرمونات ذكورية قد ينبت لهن شعر وبدلاً من أن يزلنه يبقينه ما يعد مخالفة لوضع المرأة الطبيعي, والأولى لهن أن يعدن انفسهن إلى الوضع الأنوثي»، مشدداً على انه «ليس في ذلك تغيير لخلق الله».


الرأي او العربيه

من هنا اعلن.....انا بكره الفيزياااااااااااااااا

الحمد لله ان اليوم خلص
انا الجو اللي متل اليوم كتير بكرهوو
ما في شمس...الدنيا مغرب من الفجر.....و الجو هادي
بكررررررررررررررره هالجو انا
بزكرني بايام الجامعه النكده...اللي بكون عندي امتحان فيزيا او ماخده علامه امتحان الفيزيا
وطبعا اشي مشرّف عالاخر ,وبفكر كيف بدي احكي لاهلي عنها
و انا ماشيه بصير اطلع عالناس اللي بالشارع
من الجامعه للبيت وانا بحسد كل شخص ...نيالكم ما عندكم امتحان فيزيا
حتى كنتروليه الباص كنت احسدهم
نازلين مسخره و ضحك وانا من جوا نفسي ابكي
ما بعرف ليش عالجامعه بطلت افهم فيزيا مع اني بالمدرسه كنت مبدعه ومن الاوائل
بس اللي كان يصير معي بكل امتحان فيزيا
انحت الماده بالبيت...بالجامعه اضل بالمكتبه ادرس لوقت الامتحان
بالامتحان امسك الورقه...اقرأ اول سؤال ولا كأني سامعه عنه...تاني سؤال متل اخوه اتوتر احكي مش مشكله ايلا ما الاقي سؤال ابدا فيه...وهيك يصير لاخر سؤال كلهم مع خواتهم مش فاهمه...اتوتر ...اعرق...الدكتور يحكي يلااا باقي 5 دقايق
شووووووووووووووووووو...
و ابدا احل واحل واحل...وعالفاضي طبعا :)
بس نجحت وتخرجت واشتغلت ولهلأ ما واجهت اشي كان يستدعي اني ادرس فيزيا بحياتي...طب ليش تنكدو علينا يعني؟؟؟

فبرجع بحكي ان الحمد لله خلص اليوم...طول اليوم وانا حاسه اني لازم اعمل اشي...لازم ادرس...لازم امسك كتاب واحل ...بدي ابكي
يا الله ما اقرف هالشعور

يا رب بكره تشمس او تشتي بس ما يضل هيك الجو



مش تدبيش...

مره واحد دخل بسرعه عالقهوه وصار يصرخ و يحكي
محمود ...محمود..الحق مرتك اخدوها عالمستشفى تولد

قام فز واحد من القاعدين و طلع يركض من القهوه



وهو بركض بحكي لحاله....بتولد...طب ما انا مرتي مش حامل!!!!

وضل يركض و يركض




شوي بحكي لحاله...طب انا اساسا مش متزوج!!!!
وضل يركض ويركض






شوي بحكي لحاله





طب انا ما اسميش محموووود!!!!

هههههههههههههههههههه

حلوه لاتقولو ...لا مش تدبيش
حلوه :)

اجا يومك يا لئيم....


اجا يومك يا لئيم .... عم بتعاني وتنزل بعد ما كنت رافع راسك علينا وشلتنا وخزيتنا وشحدتنا وذليتنا
انزل يا واطي ... اجا يوم نتشفي فيك واشوفك ذليل حقير انزل يا واطي ... بتحاول توقف من جديد يا شيخ انهد وانزل كمان ... بدي اشوف فيك الي عملتو فينا واضربك بالكندرة
... صرت اليوم 35 ان شاء الله تنزل كمان وكمان .
واذا ارتفعت حبيبي انسى هادا الكلام
انسان حاقد على برميل النفط


written by "قط البكتيريا"

عضو جديد في قصص طرمه :)

خليك معايا...انا قلبي عليك

هلأ نرجع للاغاني اللي عن جد بحبها
في اكتر من اغنيه بحبهم لعمرو دياب بس اكتر اشي...تملي معاك و اغنيه خليك معايا

اول مره سمعت اغنيه خليك معايا
كنت محبوسه بالبيت الي فتره و مش طالعه و بحكي لاخوي نفسي اكل اشي حلو فأخدني على عبدون يشربني اشي اسمه "اوريو بليزرد"
من عند Crema Creme

المهم كان الشريط جديد نازل عالسوق واخوي من متابعين عمرو دياب
بحكيلي بدي اسمعك اغنيه من الاخر وحطها
كتييييييييير حبيتها و طول الطلعه واحنا كل ما تخلص نرجعها



اتركم مع الاغنيه







تاني اغنيه كتير بحبها اغنيه انا قلبي عليك لزياد برجي
برضه اخوي اللي دايما بثقفني بكل شي جديد سمعني اياها كنا طالعين رحله احنا و دار خالتي و احنا بكل رحله بعد ما نخلص هش ونش و نشرب الشاي لازم قريب المغرب نضب الاغراض و ننتقل لمنطقه تانيه
بتكون الدنيا ليل بنشغل النار بهالمنقل و كلنا بنقعد حوالين المنقل ولابسين جاكيتاتنا ازا الدنيا برد و بنقعد نشغل اغاني و نحكي نكت و بابا وزوج خالتي يحكولنا قصص ايام طفولتهم
و احنا بهالجو سمعنا اخوي الاغنيه الجديده وكلنا شغلنا البلوتوث و ابعت يا معلم
اتركم مع الاغنيه






اقوال الصحف..


اليوم وامبارح اكتر من خبر لفتو نظري اهمها

الخبر
الاول عن منتظر الزيدي الخبر ان امبارح كان في تحقيق مع الصحفي الشجاع الرجل في زمن قلّت فيه الرجال و ان منتظر لم يأتي الى الجلسه و القاضي الذي ذهب الى منتظر لاستجوابه و انه من الممكن ان تكون العقوبه الحبس ل 7 سنوات بتهمة "التهجم على رئيس دولة اجنبية " حسب القانون العراقي وطبعا حكو انه غير مصاب وانهم عاملوه معامله انسانيه واللي بين عكسه في الفيديو وصوت منتظر و هو بصرخ وهمه هاجمين عليه مع ان اخوه بحكي انه نقل للمستشفى وكان مصاب بكسر في ذراعه واحد اضلاعه واصابات في مناطق متفرقة من جسمه الله يكون معه يا رب

اليوم قرأت ان محاكمه منتظر راح تكون بعد اسبوع و ان عقوبه اهانه رئيس دوله اجنبيه تتراوح ما بين 5 الى 15 عام حسب القانون العراقي

وقرأت بان منتظر من الممكن ان يواجه حكم الاعدام لاهانه رئيس اجنبي بناءا على القانون العراقي التالي:
" المادة 223 المنصوص عليها في قانون العقوبات العراقي رقم 111 لسنة 1969 وتقول إذا كان هناك اعتداء على رئيس دولة أجنبي كان في زيارة للعراق وحسب الحالات المحددة في القانون عقوبتها السجن المؤقت أو الإعدام وحسب الحالات المقررة في هذه المادة ".

السجن المؤقت او الاعدام!!!!مش فاهمه ...يعني في فرق كبير بين السجن المؤقت وبين الاعدام

بعدين هو عندهم عشر قوانين بالعراق و يطبق اللي على مزاجهم بالوقت اللي بدهم اياه
يعني علشان ياخدو راحتهم بالاحكام؟؟؟



تاني خبر تبرئه الطبيب محمد العشا والافراج عنه بعد السجن لمده عام في السجون البريطانيه سنه من الحبس و بكل بساطه انت بريء اطلع طبعا بدون الاعتذار لانه الانسان العربي بنظرهم ولا اشي ليش يعتذرو من اساسه و تاني اشي و الاشي اللي صدمني انو طلع قانون مكافحه الارهاب البريطاني ما فيه ان الواحد يرفع قضيه تعويض بسبب الاعتقال سؤال....هل هاد القانون للعرب المقيمين ببريطانيا بس ويلا بمشي على الشعب البريطاني!!!!!
وكان امبارح المفروض ان بعد تبرئه العشا يضل يكمل دراسته و عمله في بريطانيا

اما اليوم الخبر بان
الطبيب العشا يطعن بقرار إبعاده من بريطانيا نظرا لانتهاء تأشيره العمل الممنوحه له
بالله جد!!!! مش انتو اللي حبستوه بالغلط سنه ...كيف هيك بعملو
هالشي جاوب سؤالي اللي سألته قبل...لا بس بالعرب بعملو هيك


ثالث خبر واللي حسسني اني بالسي تاون او بباتا مواطن اردني يعرض شراء حذاء منتظر ب 99.999 الف دولار و واحد بالخليج عرض 10 مليون ثمن للحذاء مش فاهمه مدام في فلوس و ما شاء الله مبين انو مش محتاجينها ليش ما بتصرفوها عالعالم المحتاجه و المساكين اللي ما معهم ياكلو يعني بصراحه انا مش شايفه من هالشي اي دعم للصحفي اطلاقا يعني انك تدفع اتعاب لمحامي يدافع عنه ماشي تبعت اشي لاهالي العراق باسمه برضه ماشي انك تعمل اشي اي اشي لاهل غزه برضه بتحمل شعار باسم منتظر بس انك تشتري حذاء و بعد فتره تصير تزايد عليه و تفكر انو ممكن يصيرو الناس يتصلو فيك علشان يشتروه وتبيعو للي بدفع اكتر كبيره هاي

خلص بكفي سمه بدن...بكره بنكمل لانه اكيد راح يكون في اخبار
بتسم البدن كمان


خاروفي....خاروفي

هاد مش زوئي بالاغاني
بس حسيت انه في اشياء كتير بتسم البدن هالايام فحبيت اغير مزاجكم شوي

.
.
.
.

جديد...جديد.... و بس على قصص طرمه
(وعلى على راسي و ديونجي و....و......بعرف خلص مشولي اياها)



5arofee by ??? ????
Fandalism Free MP3 Hosting


شكرا لاسكدنيا اللي علمني كيف اضيف الاغاني

تعديل:كانت مش شغاله الاغنيه شكلي مش طالبه نجيبه ...بس هلأ زبطت :)


BBC wild life photographer of the year

























اطلع من راسي....وشكرا 2

قبل فتره كانت الامور مأزمه معي كتير وكتبت اطلع من راسي وشكرا 1 وحسيت حالي ارتحت
اليوم برضه بدي افش قلبي واحكي وكل فتره بس احسها قفلت وسكرت معي بدي اكتب


للموظف اللي بطلب اني انزله داتا على جهازه و بس اروح عنده لازم كل مره يخليني قاعده عنده ربع ساعه على اساس الشغل مقطع بعضه عنده و مش قادر يبعد عن الجهاز ثانيه....اطلع من راسي


لكل مراجع عمره 100 سنه و بس احكيله عمو بيتطلع علي نظره اشمئطاط و بحكيلي مشيلي المعامله انا زي اخوكي...اطلع من راسي

لكل شخص بعرف اني مش من الناس اللي ممكن حد يستغبيهم و بيضللو يتعاملو معي بطريقه هبله و بيخلوني اتعامل معهم بطريقه ما بحبها...اطلعو من راسي

لمديري اللي بيناديني 100000 مره و بيقطعني عن شغلي و بقطع حبل افكاري و تركيزي بالشغل علشان يسالني خلصتي الشغل ويلا لساا...اطلع من راسي "اه هو نفسه اللي علمناه عالماوس"

لكل وحده بتتعامل معي و بتحكيلي حبيبتي بطريقه بتستفزني فيها على اساس اني بصف تاني ب وهي الخالتو اللي بتفهم وما بتغلط...اطلعي من راسي


لإلي....اه لإلي اللي في امور كتير بحياتي لازم اخد فيها قرارات حاسمه بدون اي رجعه و لسا لهلأ مش ماخدتها...اطلعي من راسي...بس لا تطولي لانه في عنا شغل :)

لجارتنا وبناتها اللي كل ما صفيت السياره لازم تحكيلي اترك مكان لبنوتتها واروح اصف بعيد كيلو عن البيت علشان بنتها حرام بترجع بالليل وما بتلاقي مكان تصف فيه......اطلعي من راسي وبعنف....مهو انا طفله الكراج و بنت الحارس و بنتك الليدي فليحه

لقويدر...اللي بعد ما صرت بقويد بلانت صار ناس من فرنسا ومن كوريا يشوفو مدونتي وتعرفت على مدونات جد بتجنن و كتّاب جد موهوبين ...شكرا


لكل شخص وشخصه متابعه لمدونتي المتواضعه وشرفني بتعليقه ....شكرا

واللي ما علق....مره تانيه اطلع من راسي واهلا وسهلا فيكم دايما :)

يلااا ارتحت..خليني اروح انام









ابو يوسف

متأكده ان كل اللي كانو بالاردن باواخر ال80 و اوائل ال 90 حافظين هالاغنيه
عمان اربد....بقعه صويلح
every body talke about
ابو يوسف
yeeeeeeeeeeeeeehoooooo


شكرا للي زكرني بهالاغنيه :)





رجعنا للدوااااااااام :"(


طبعا و كالعاده العطله بتركض ركض متل غمضه العين ولا بنلحق انام ولا بنلحق نعمل اشي
و بنرجع للدوام
الله يعينا على بكره...اساسا الاحد بمشي شوي شوي...هو صحيح راح يروح معظمه معايدات و زيارات وهون شاي وهون قهوه وهون معموله وهون شوكلت بس برضو الله يعينا على بكره

بس احنا احسن من ابو محجوب...شو من اول يوم دوام نسأل ايمتا العطله الجاي عييييييييييييييييييب

احنا حاسبينها من قبل بشهرين و بنعرف ايمتا العطل بالزبط و مرتبين اجازاتنا عليها من شهر كمان
الله يسامحه عماد حجاج ناقل الصوره غلط عن الموظف.....الموظف اوعى من هيك وحاسبها منيح :)

فيا جماعه شوفو
عنا ب 25-12 الخميس الكريسماس
و ب 28-12 الاحد راس السنه الهجريه يعني خميس جمعه سبت احد ......يا سلاااااااااااااااااااااااااام :)
و1-1-2009 الخميس عطله راس السنه وكل عام وانتو بخير
و كل سنه وعطلنا اكتر :)

بس للاسف بال 2009 ممكن تسحبها ل 25-5 بدون عطل

الله يستر يلااا بنستنى التقويم الجديد وبنفتش عالعطل...لانه هاد اللي بصير اول ما يجي تقويم السنه الجديده
بيقعدو الموظفين يدورو عالعطل و يدعو يا رب الخميس او الاحد تيجي العطله