Things I Like To Whisper About

Would You Hear Me Whispering

نأسف على الازعاج..ماشي بس لايمتا


ممكن كل سكان منطقه ضاحيه الامير راشد بايدوني بهالشي
النا اكتر من سنه واحنا مخنوقين بالمنطقه...كل الطرق لشارع المدينه الطبيه و لشارع مكه مسكره وازا بدنا نغلط ونطلع بدنا نلف العالم لنوصل للشارع الرئيسي غير طبعا مصيبتنا بالجسر الغبي اللي انعمل بدل اشاره الكيلو....مش فاهمه كيف بنظر الامانه حل الازمه هالجسر اللي كنا نوصل البيت مع الاشاره اللي بتفتح كل سنه مره اسرع من هلأ غير نسبه الحوادث اللي زادت بهديك المنطقه
نرجع لموضوعنا الاساسي
كيف بسمحو لنفسهم المهندسين بامانه عمان انهم يسكرو شارع اساسي بالمنطقه ولاكتر من اسبوع وخلي سكان المنطقه يصطفلو ...يعني سكرت المنطقه والشوارع اشهر علشان الدوار الجديد بشارع المدينه وماشي امنا بالله انه مضطرين يسكرو كل الشوارع مع انو مرات كانو يسكرو التحويله كمان!!!!
وهات لفلف بالشوارع الفرعيه بين البيوت لتعرف تطلع وانسى كمان اشارات ممنوع المرور اللي صارت على كل شارع اللي خلانا نصف السيارات و نمشي مشي او ناخد تكاسي اريحلنا

ليش دايما الدوائر بامانه عمان ما في بينها تنسيق
يعني احفر الشارع ومدد كهربا وبعد عشر شهور زفّت الشارع وبعد 10 ايام احفر نفس الشارع لنمدد للمي و بعد عشر شهور زفّت الشارع وباول شتوه شوف اللي بصير بالشارع يا معلم...طبعا زفّت هاي على زوق الاخ اللي بشتغل بتلاقي الشارع كله حفر و واشي نازل واشي طالع ....والمطبات على كيف اللي خلفو للعامل الشغال مش مطبات...جبال بكونو وطبعا انسى السيارات والعجال اسبوع زمن بهالشارع وبتصير السياره عربايه بتزائي اكتر من سيرفيس الاشرفيه
لايمتا راح نضل نعاني من هالمشاكل...بنحاول نبين انه متطورين بالشكل اما الاساس بكون زفت والهدف من كل هالشغل بكون تجميلي مش حل لازمه او لمشاكل الناس
حسبي الله ونعم الوكيل شو بدنا نحكي اكتر

work allotment....‏


I really laughed my heart hehehe

كل رمضان وانتو بخير




ينعاد علينا وعليكم بالخير ياااااااااااااااااااا رب.....اللهم بلغنا رمضان ....اللهم اعتق رقابنا من النار

ابليس



الله يعينكم يا اهل معان




قرأت خبر في موقع زادا الاردن بانفجار خط رئيسي للصرف الصحي في مدينة معان بتاريخ

27/8/2008

وان اغرقت الساحات و المسطحات الخضراء.... وان وصلت الشغله ان المياه العادمه دخلت البيوت والريحه خانقه السكان.
واستغراب سكان المنطقه ببطئ استجابه وزاره المياه والري لشكواهم بسحب المياه العادمه اللي شكلت برك
(
يعني اكلو وشربو خ... بمعان السنه) وطبعا قام مش عارفه مين مدير البلديه وصرح بانه الخط قديم وان الوزاره بتعمل خط جديد وان فرق المديريه عم بتصلح الضرر الحالي المشكله ان بتاريخ 30/8/2008 قرأت بنفس الموقع ان ما زالت المياه العادمه بتنبع وان البساتين والحدائق صارت برك وصارت مكان لتجمع الحشرات والقوارض والكلاب الضاله ورد طلع مش عارفه مين مدير البلديه وحكى ان البلديه اتخذت الاجراءات اللازمه بس طبيعه المنطقه كانت عائق وان هلأ في شركه مقاولات مستلمه الموضوع

يعني اربع ايام والناس مخنوقين وماكلين ... خلينا نحكي هوا احسن وما بنعرف ازا فعلا لقو حل ويلا بعد كم يوم راح نقرا خبر جديد ان نص معان تغطت بال.... والمسؤول لسا بحكي انهم عملو الاجراءات اللازمه
الله يعين العالم ...ويفرجها عليهم



v nice driving


video

مش فاهمه

نفسي حد يفهمني شو قصه الايميلات اللي بتوصل على الهوت ميل يا اما انك ربحت مبلغ خيالي وابعتلنا بمعلوماتك الشخصيه علشان نبعتلك المبلغ
او ان انا فلان الفلاني وبشتغل بالبنك الفلاني و في حساب لشخص مات من عشر سنين وما حد بطالب بالمبلغ الموجود بالحساب وبرضه بكون مبلغ خيالي وانه ابعتلي معلوماتك الشخصيه علشان احولك المبلغ
يعني المعلومات بتكون الاسم و مكان السكن وتاريخ الميلاد..الخ
ما في اشي عن ارقام حسابات مثلا تقول انه نصب واحتيال
هو نصب واحتيال ما اختلفنا بس كيف
في اشي مش فاهمته .....كيف بستغلو هالمعلومات وبايش؟؟؟؟

ليش بنحب اهل الام اكتر من اهل الاب

ما بعرف كل ما سالت حد مين بتحب اكتر اهل والدتك ويلا اهل والدك الاجابه بتكون اهل الام
وانا للاسف وحده منهم
ما بعرف ليش بحس ان اهل ماما اقربلنا,مع ان النعرات والتعصب بكون للناس اللي بحملو نفس اسم عيلتنا!!!!!!
الموضوع ما كان متعبني كتير , بس لما عرفت ان زوجات خواني حوامل بدا الموضوع يكبر عندي
انا ما الي خوات والي 3 اخوان ...يعني انا بس عمه وما راح اكون خاله
انصدمت بصراحه...معقول ما يحبوني ؟؟؟؟؟؟؟؟؟؟؟؟؟ انه انا العمه المش محبوبه اللي ايمتا ما اجت راح يحسوني جاي بوقت مش مناسب...ما بدي....لا جد ما بدي
وقررت انو اكون اول عمه نغشه ومحبوبه وبدهم يحبوني خاوا
اول شي لازم اكون العمه المودرن اللي ما عندها تفكير الكبار والعاقلين
تاني شي بدي اطمرهم بالهدايا وبالفلوس
ما بعرف لازم افكر منيح بالموضوع لانه بدهم يحبوني...لازم يحبوني :$

مركبة تابعة لاحدى البلديات تنزه احد الكلاب المدللة!!



التقط "دبور" الصورة التالية في احد شوارع العاصمة عمان لمركبة تابعة لاسطول احدى البلديات البري تقل احد الكلاب المدللة وتتجول به على نحو اثار استغراب جميع المارة ..لن نزيد فالصورة تتحدث عن نفسها ....

الزميل طه ابوردن المستشار الاعلامي لامين عمان اكد ل عمون انه بعد التحري فان السيارة المعنية لا تتبع لاي من دوائر الامانة ولا علاقة لها بالمركبة ذات تلك الرقم واللوحة .

منقول من موقع عمون

جلسات مساج في الشارع العام


2008-08-26

علم "دبور " وليته لم يعلم من شهود عيان إن اليوم الأخير لمعرض المنتجات التايلندية الذي أنتهى قبل يومين في شارع الثقافة بالشميساني ، شهد جلسات مساج أبدعت فيها الخبيرة التايلندية في ( لهلبة ) أكتاف وأجسام رواد المعرض ، حيث اصطف عدد كبير من الشباب للتمتع بجلسات المساج في الهواء الطلق وخلال ساعات المساء الوردي .

السيدة التايلندية والتي كانت تساعدها فتاة حسب الشهود كانت قد وضعت صندوقا صغيرا للبقشيش ، فيما كانت قدماها تسبحان على ظهور الرجال هناك .

"دبور " بعدما أصابته الحسرة لعدم علمه بتلك الأمسية المساجية تمنى لو تقوم الحكومة بتخصيص مدلكات في شوارع العاصمة من الجنسيات المتخصصة بهذا العلاج الطبيعي ، وذلك لمساعدة المواطن في الاسترخاء من عناء التفكير واللهث وراء الدرهم

منقول من موقع عمون

الست معجوئه


اليوم بدي افش قلبي واحكي عن الست معجوئه (الموظفه اللي معي بالمكتب)
اولا البنت هاي ما في حد بكل الشغل ما عملت معه طوشه و طبعا انا وحده منهم
بس لفت الدنيا وصرت انا المسؤوله المباشره عنها وقعدت معي بالمكتب
انا ما بكرها....بس بحقد عليها :$
مش طبيعيه هالبنت طول اليوم من تلفون المقسم وللتلفون المباشر للخلوي هرتهم هلكتهم لعنت ابو الطحطح تاعهم
وكله على انا ما حكيت ....وانا ما قلتلها ....و ولو انا معقول انقل حكي ...والله لولا انك بتعزي علي ما حكيتلك
يعني بتوقع هاد هاد وبتخرب بيت هاد و بتورط هاد بعزومه..وبتحرج هاد بمداينه وجعه راس
ممكن بتحكو انه بما اني مسؤوله عنها ليش ما امنعها
لانها بمنتهى البساطه بتشتغل شغلها كله وما بتتأخر بالشغل ...بس بتزل اهلي بالشغل
وبتوجع راسي وبتحمل جميله بالشغل يعني لو ما تشتغل كتير اريح
ونسيت احكيلكم...هي من النوع اللي بتنكوش على اي خطأ بالمعاملات علشان تفضح كل عيلته للي مشيت عليه المعامله قبلها وما انتبه و بتحكي مع كل اللي بالقسم تحكيله شو اكتشفت و بتقعد يومين بالسيره
لااا لاااا غيرت رايي....انا بكرهاااااااااااااااااااااااااااااااااااااااااااااااااااااااااااااااااااااااااااااااااا














السجن 4 سنوات للبناني ادعى النبوة والتحدث مع الملائكة في السعودية



أصدرت المحكمة الشرعية في المدينة المنورة غرب السعودية، الاثنين 25-8-2008، حكما بالسجن 4 سنوات على اللبناني طوني نصار "الذي ادعى النبوة ومقدرته على علم الغيب والتحدث مع الملائكة".

وكانت هيئة الأمر بالمعروف قد اعتقلت نصار في أحد الفنادق الكبيرة بالمنطقة المركزية ووجدت بحوزته "كتبا ومنشورات شركية وأفلام خليعة وأدوات جنسية". وبعد عدة جلسات، صدر بحقه حكماً بالحبس 4 سنوات من قبل القاضي سليمان العليقي.

وكشفت التحقيقات أن المدان نصب على مجموعة من كبار رجال الأعمال السعوديين، في المنطقة المركزية، مستغلا ثقتهم به، كما أنه استطاع بحيلة جمع أكثر من مليون ريال سعودي من شخص واحد فقط.

فشل بالانتحار فتسبب بقتل طفلين

فشل بالانتحار فتسبب بقتل طفلين

زاد الاردن -

نجا الشاب سالم 21 عاماً من الموت بعد محاولته الإنتحار لكنه لم يكن يعلم انه سيتسبب بمحاولته هذه بموت طفلين بريئين.

وتفاصيل الحادث انه قام بشراء سم يستعمل لقتل الفئران والحشرات ووضعه في علبة مشروبات غازية وارتشف من العلبة رشفة واحدة فقط أعادت اليه طعم الحياة والخوف عليها بعد شعوره بالم حاد في بطنه قرر بعدها التراجع عن محاولته وترك العلبة والهرولة الى المستشفى طلبا للنجاة.

واثناء ذلك كان يشاهد محاولته "الفاشلة" وهروبه طفلان شقيقان لايزيد عمر أكبرهما عن السادسة فتصارعا للحصول على العلبة ودخلا في عراك انهياه بقرار ان يشربا العلبة حتى اخر قطرة فيها.

شعر الطفلان بآلام حادة تقطع أحشائهما وصرخا عاليا من الالم حتى وصل من ينقلهما الى المستشفى لكنهما انتقلا للرفيق الاعلى.

ولدى اجراء التحقيق مع سالم والذي ندم على فعلته خاصة بعد علمه بوفاة الطفلين انكر ان العلبة تعود له الا ان الفحوص المخبرية اثبتت ان السم الذي وجد في معدة الشاب هو ذات السم الذي وجد في معدة الطفلين.