Things I Like To Whisper About

Would You Hear Me Whispering

شعب خبّور



مش ملاحظين ان 3 ارباع ونص الشعب ,ما شاء الله خبيرين باي اشي بتناقشي فيه, يعني ماشاء الله ما شاء الله خبره شامله ساحقه ماحقه لكل اشي.

خلينا نحكي بابسط اشي, سايقه بالشارع مش عارفه عنوان اشي و تسألي حد عن العنوان, اكيد لايمكن يحكيلك ما بعرف, ولو عيييييييييب شو ما بعرف هاي ,بصير يتطّلع يمين وشمال و يمين وشمال و يكرر اسم الموقع اللي سألتيه عنه ويفرك بذأنه, بعدين بعطيكي وصف متاهه, بحكيلك بتلفي وبترجعي بالشارع و بتروحي يمين بعدين شمال بتلاقي جامع بتتركيه و مش اول دخله ولا تاني دخله ثالث دخله بتتركيها وبتضلك ماشيه ,بتلاقي اشاره بعدها ب 10 م بالزبط بتلاقي سوبرماركت بتنزلي وبتسأليه الا ما يكون بعرف.... وطبعا بكون الشارع اللي انت فيه اساسا ون واي وما بتقدري ترجعي فيه :$....من نفسي اسأل حد عن اشي ويدلني صح, ومن نفسي اكتر اني اسأل حد ويحكيلي ما بعرف.


بتكوني تعبانه مريضه مفلوزه, ما شاء الله كل اللي حواليكي بقلبو دكاتره, لا هاد فيروس,لا هاد ارتفاع بالضغط اشربي مي وكلي ملبسه, لاااا هاجد انخفاض بالضغط كلي اشي مالح,لا لا هاد تحسس مش اكتر, خدي بندول, خدي مضاد حيوي, لا تاخدي هاد النوع مش قوي خدي 500,لااا 500 قليل خدي 1000 وحبه معده لانه قوي, ولا دوا ولا اشي انت بس نامي و حطي عراسك بشكير مليان زيت و حطي رجليكي بمي وليمون, دهني حلقك عسل, كلي معلقتين طحينه عالريق.....وهات يا وصفات وخزعبلات والكل بقلب يا دكتور يا عطار يا مؤلف كتاب التداوي بالاعشاب.


بتكوني بجلسه بحكو فيها سياسه, بكونو قبل بيوم بالصدفه شايفين كم من منظر عالجزيره و بناءا عليه ببنو قصه كامله متكامله للاحداث وبصيرو ولا اعظم محلل سياسي, وكل ما اجا حد جديد عالجلسه بتلاقي في كلام جديد تأليف لحظي - ما شاء الله ابداع من جميعه - و ببدا النقاش و الاحتداد والاحتدام.
حتى لو كان موضوع النقاش ان في جنوب شرق افريقيا بال 1900 لما تزوج ابن شاكازولو بنت كينتاكونتي دفع مهر غنمتين وبقره ويلا بقرتين وغنمه!!!! بتلاقيهم بفتو وبحكو و بحلفولك ميت يمين انهم قرأو عن الموضوع, وبصير يدافع عن شرف عيلة كينتا كونتي كأنه ابن عم ابوه اللزم وانت جاي بحد من طرف الوالد....

يعني طب...سياسه...ادب...فن...رياضه...جغرافيا...جيولوجيا....
ايش ما بدك اي واحد عنا بكون خبير بكل هالامور, و0000000,000000000009% ممكن تحكيلك بصراحه ما بعرف, اللي بتحكيلي هيك بكون نفسي اقوم ابوسها لانها فادتني اكتر بكتير من اللي قعدت نص ساعه تأشر وتشبر و تحكي حكي مش مفهوم ومش منطقي و ضيعت وقتي وحرقت اعصابي وكله عالفاضي , وبس علشان ما تحكي "ما بعرف"...

22 التعليقات :

هاي الشغله منتشرة وموجوده فينا ... اما بخصوص الاتجاهات انا بختصر بالغالب وبحكي ما بعرف الا اذاكنت متاكد

بخصوص الخبرة للاسف هاي موجودة عندي ... قبل فترة كان صديق الي متخصص بالفيزياء وبحكيلي عن البلازما ... وطبعا انا لابد ان ابدي بعض الاراء بخصوص البلازما ومفاعلات البلازما ... الي انا لهسا مش عارف ايش هيه
بس خلصنا عن البلازما دخلنا على الليزر وانا بفتي بدون علم ...
بس ليش الحكي بمشي حالي

 

شعب خبير بكل شي , اسم الله عليه , على قسة توصيف المكان ما بعرف شو بضرهم الناس اللي ما بتعرف تحكي لأ ما بعرف بدل ما تنكد عليك وهي موصفيتك غلط

 

طيب انا بعرف

LOoOlz ;)

 

بكتريا

كتير منيح يعني انت من النسبه القليله اللي بتحكي ما بعرف

هههههههههه ...من ال 3 ارباع ونص يعني طلعت :)
الله يخلي قناه الديسكفري ;P

Ahmad

اه ما شاء الله حوله وحواليه مثقف بكل اشي, جد بنكدو عليك يعني لو حكا ما بعرف بختصر علي وقت لفلفه بالشوارع وتوهان اكبر

 

Anonymous

وااااال وقبل ما اسأل كمان !!!
ههههههههه برضه من ال 3 ارباع ونص :)

خبّوريييييييين

 

والله هالحاله موجوده في كل مكان ممكن تكون صفه انسانيه هي عدم حب الاعتراف بالنقص او المعرفه يعني انا لما حطيت بنتي في المخيم الصيفي هون في اميركا سألت فوق 10 ولا واحد حكى انا ما بعرف وهم امريكان يا ويسبر
بس في شغلات تانيه بيحكولك انا هيك جربت بس مش ضروري انها تزبط معاكي والافضل انك تسألي خبير
اما السياسه فالشعب الامريكي شعب لا يكترث بمن حوله بشكل كبير الا اذا أثر عليه ما الهم بالسياسه والحكي الفاضي مريحين راسهم

 

very nice post ..

This applies to everywhere ... In Syria things are worse.

 

بما أني قرأت مرة كُتيب عن علم النفس في الزمانات فأنا رح أشرحلك لبعدين ليش شعبك بعمل هيك بصفتي خبير علم نفس محنك

 

Ana 3arfeh o met2akkdeh tamaman bema la yada3 majalan lelshakk shu el saba wara hai el zahera...
Bs ma bedi 2a7ki :-p
looool

 

بصراحه ديسكفري كانت جايبة برنامج عن الموضوع وروسيا اليوم :D

انا بعرف كل اشي ... الاستاذ العلامة قط البكتريا
تاكي تاكي تو

 

عنجد موضوع بجنن والله انا كتير بصادفوني هيك ناس ولما احكيلهم ما بعرف شي بصيروا يعملوا حالهم عارفين وعايفين الله يعينا عهيك ناس

 

hahahahahahahahaaaaaawwww

abos ro7ek ma atyabek w enti 3m t2oli kl she mtl ma hwe.. :D
u FUNNYYYYYYYYYYY !!


BS still z3lani :< eft7i ur Fb abel ma ajkdfhsfhajsfgahsfgjahsg huh :D

`7awaftk :p

 

Sozan

للاسف طلعت كتير منتشره بس يلاا هي بالسياسه ما بدخلو الجماعه وتاركين المواضيع للخبراء اللي بدمرو بالعالم :$

عجبتني فكره انهم يشاركوكي بتجاربهم بس ما يأكدولك النتيجه لانها ممكن تصير انها تزبط معهم وما تزبط معك

Gardenia

Thanks a lot and welcome to my blog :D
wallah it seems that it is everywhere :D

 

Aladdin
هههههههه كتيب حكيتلي وبالزمناااااات كتييييييير منيح
بدي اعبّر بطريقتك...

::smiley face masek 3asayeh::

:)

Naryat

Lah Lah Lah 7atta 2anta ya brotos :S

w kamaan mestaktereh 3alay tfedeneee ba2asbab hai elzahera.... LOOOL :D

 

قط البكتريا
هههههه يلاااا عالقليله اعترفتلنا بمصادرك الخفيه :)

مع انها كاتي كاتي كووو بس يلااا بتضلك انت الاستاذ :)

Asom
اهلا وسهلا فيكي و كتير سعيده انه عجبك الموضوع

امين يا رب الله يعينا لانهم كتاااااااااار

عفكره انا بديت اقرأ بمدونتك وكتير عجبنب اللي قرأته لهلأ واكيد راح اكمل قرأه فيها :)

 

JooJoo

::blushing face:: allah ys3edeo elzooo2 :D

ya mamaaaaaaa :S

laaaa laaaa 5alas haynee ba3atet el reply :D

tsala7na ??

 

بالله شو بدك احسن من هيك - مش احسن ما تعيشي مع شعي كل ما تساليه عن شي بهز راسه يمين يسار دلاله على ما بعرف انا بالعكس نفسي اسال حد فيهم و يحكيلي بعرف

بالنسبه لجماعتنا بحاول اجاريهم بس برتفع ضغطي بسرعه زمان كان عندي طول بال بس الله يسامحهم استنفدوه كله

 

Anonymous

هو هيك برضه ممل....بس عالقليله ما بيعطو معلومات غلط

الله بعين شو بدنا نعمل

يا ريت تستخدم /تستخدمي الاسم علشان ارحب فيكم :)

 

مرة كنت ماشي بمنطقة بعيدة عن البيت و سألني و احد عن عنوان و حكيتله ما بعرف، صار يصيح و يعلى و يوطى كأني سبيت عليه كل اللي سويته اني حكيتله ما بعرف العنوان ، تخيلي لحقني و صار يحكيلي كيف ما بتعرف العنوان ، حكتله انا من اربد حل عني

 

هههههههه جد ضحكتني على "انا من اربد حل عني "

ليش يزعلو يعني؟؟؟
هي المنطقه مهجوره!!!
شو فيها لو يسألو حد تاني

 

حدا فاهم اشي، من هذا اليوم و انا بتجاهل اي واحد في الشارع الا اذا كنت بعرف العنوان ، المشكلة حتى الواحد في المنطقة الساكن بطل يعرف عنواين الناس صارت العمارات كثيرة و كل عمارة فيها 16 شقة والغريب اذا واحد سألك عن عنوان وحكتليه ما بعرف مستعد يبطل يدور عن المكان اللي بده ياه و يناقشني ليش ما بعرف العنوان!!!

على فكرة أنا اللي كنت بدي اخذك لأخوي

 

Anonymous
معك حق, وبعدين صار في اسماء للشوارع وارقام لبيوت,يتعاملو معها ويريحو حالهم

ااااااااااااه مش متزكرتك كتييير, كأنه اللي عيونه خضرا ومعه لانسر :)
شايف مش متزكره بالمره

طيب وين الكشف اللي طلبته منك :)