Things I Like To Whisper About

Would You Hear Me Whispering

ذكرى الاسراء و المعراج


كل مرّه بسمع الدعاء اللي دعاه سيدنا محمد صلى الله عليه وسلم وهو راجع من الطائف بعد الاذى اللي تعرضله و اللي بناءا عليه وعلى وفاة سيدتنا خديجه و ابو طالب عم الرسول الكريم, لمكافئته و لتصبيره صلى الله عليه وسلم, أيده الله بالاسراء و المعراج , كل ما اسمع هالدعاء ما بقدر اقاوم دموعي

اللهم إني أشكو إليك ضعف قوتي ، وقلة حيلتي ، وهواني على الناس
أنت رب المستضعفين وأنت ربي ، إلى من تكلني ؟
إلى بعيد يتجهمني ، أو إلى عدو ملكته أمري ؟
إن لم يكن بك غضب علي فلا أبالي ، غير أن عافيتك هي أوسع لي
أعوذ بنور وجهك الذي أشرقت له الظلمات وصلح عليه أمر الدنيا والآخرة
أن يحل علي غضبك ، أو ينزل بي سخطك . لك العتبى حتى ترضى
ولا حول ولا قوة إلا بك

رسولنا الكريم علمنا انّا لازم نصبر على الابتلاءات, و كل ما الواحد كان بدعو للحق و كان للدين اقرب الناس بتتكالب عليه اكثر , فلازم يصبر و يتأكد انه على حق و ان شاء الله ربنا حيكافئه.


دعاء تاني كتير بأثر فيي

الهم لا تسلط علينا بذنوبنا من لا يخافك ولا يرحمنا

لو فكّر كل انسان بهالدعاء لربط قصص كتيره بتصير معه و مشاكل بأعماله, يا الله ما اصعب انه حد ما بخاف ربنا ولا في قلبه رحمه يستلم انسان و يعملّه مشاكل, ما في اشي ممكن يردعه, وما في حد ممكن يوقف عنده



كل ذكرى اسراء ومعراج وانتم الى الله اقرب
وان شاء الله نكون مشاركين وموجودين في التاريخ الجديد اللي حينكتب على الرزنامه لذكرى استرداد بيت المقدس

25 التعليقات :

كل عام و انتي بخير

مش هيك بحكوا :)

المهم

الدعاء الاول بصراحة كنت بعرفوا بس مش عارفة انو للرسول و الو مناسبة مؤلمة
و بصراحة محزن كتير

و انا بقول امين لخاتمة البوست و دعائك


تحية

 

كانت هالمناسبه وإحنا صغار فرحه وإجتماعات
نعمل اشيائات زاكيه ونبعت ل بعض
خاصه ( الخبيصه ( خروب و قشطه )) مش متزكره اخر مره حدن بعتلي شي بذكرى الإسراء والمعراج,,

ولوما عجقت العرس اليوم,, كنت ناويه اعمل هيك حركه
كإنه قل التماسك بين العالم
وصارو يشوفو هالقصص خزعبلات
وبلشو يفتو إنها حرام وحلال

ستي الله يرحمها كانت بكل مناسبه دينيه تعمل شي وتوزعه للحبايب,,,
حتى في أحد البيض( يوم الفصح) كان عندها إشي إسمه خميس البيض,, تلون البيض وتوزعه كمان

الله يرحمهم هالجيل ,, كانو يحبو بعض اكتر منا بكتيييرررر

 
أزال أحد مشرفي المدونة هذا التعليق.
 

كل عام و احنا كلنا إلى الله أقرب...
الله يقدرنا على طاعته و عبادته و التقرب منه أكتر و أكتر في أيامنا الجاي...
آسفة على الانقطاع ويسبر، بس كنت مشغولة بشكل قااااااتل الفترة الماضية...
اشتقت لتدويناتك :)

 

آمين
وشكرا على التذكره. الأدعيه جميله جدا

 

آمين يا ربّ.

الدعاء سلاح المؤمن، قلة من يثقون بقدرة الدعاء!
اللهمّ اجعلنا من الملحّين في الدعاء إليك


* إدراج الغباء الاجتماعي روعة، جد :)

بس ما ظل فيه حكي الواحد يزيده فقلت أكتب هون ;)

 

صباح الورد ويسبر
كل عام وانتي بالف خير
سبحان الله يا ويسبر، مبارح كنت بحكي عن هاد الدعاء مع أختي، اختي دارسة ادب عربي وسألتها معقول اللي حكى هاد الدعاء كان أمي، سبحان الله
هواني على الناس
يا الله شو بتهز هالعبارة
كل ذكرى وأنتم إلى الله أقرب
روعة يا ويسبر روعة
وفكرة التاريخ الجديد على الرزنامة روعة
تسلم ايديكي يا أم السوس

 

اللهم آمين

اللي ما بخاف من ربنا بنخاف منه
لأنه بعمل اي اشي , وما بتفرق معه

الله يوخذ بحق كل مظلوم
و************ كل ظالم يا رب

 

كل عام وانت بخير، وكل عام وأمة الاسلام بخير. والله يسمع منك احنا وانت ان شاء الله نكون مشاركين وموجودين يوم استرداد بيت المقدس .

 

فعلا ويسبر دعاء مهم و يارب يستجلبنا ربنا, لانه لو ركزنا شوية في حالنا كان فعلا لاحظنا ناس كتير متسلطة علينا و مانعرف السبب
"اللهم لاتسلط علينا بذنوبنا من لايخافك و لايرحمك "

 

ان شاء الله قريبا يا ويسبر

 

كل عام و إنتي و الجميع بخير
و ان شاء الله ربنا يكتبلنا نصلي جماعة في مسرى رسوله الكريم
:)

الإبتلاء من الله هي ضريبة كل مؤمن
و ان شاء الله نكون على قدر الإختبار و يرفعه عنا و هو راضٍ عنا

مشكورة إنك ذكرتيني بهاي الأدعية لأني بحاجتهم زي ما أنا بأمس الحاجة لرب العالمين

 

Jafra

وانتي بالف خير يا رب :)

انا هاد اللي بوجعلي قلبي, بس تربطي الكلمات مع الحدث بتحسي قديش رسولنا الكريم تحمّل :(

و تكملة القصه بالمختصر ان الله سبحانه وتعالى ارسل سيدنا جبريل, فقال يا محمد أمرني ربي أن أكون طوع إرادتك لو شئتَ لأطبَقت عليهم الجبلين ، قال : اللهم اهدِ قومي فإنهم لا يعلمون ، لا يا أخي عسى الله أن يخرج من أصلابهم من يعبد اللهَ

امين يا رب العالمين

Um Omar

احنا بابا بحب يزور عماتي بهيك مناسبه :) مع انو الناس حكو بدعه, بس بابا بحكي انا بزورهم بالعاده فما فيها شي لو هاليوم زرتهم برضه ...الله اعلم

مبروك ما عملتو يا قمر وعقبال عند عمر و بيسان :)

الله يرحمها و يرحم جميع اموات المسلمين....ما بعرف اذا هالشي حلال او لأ, بس بعتقد انها بدعه حسنه والله اعلم
يعني بتقرّب الناس من بعض
احنا بنكره بعض...جد :$ في كم موقف صار معي بدي اكتب موضوع عنهم اثبتولي ان احنا ما بنطيق بعض :(

 

Mrs H

اهلا وسهلا يا قمر..اشتقنالك كتير, بس اكيد متابعين لمدونتك :)

امين يا رب
الله يعطيكي العافيه...الصيف و عجئة الصيف بتشغل :)
ان شاء الله بالخير دايما

Jaraad

الله يجزينا ويجزي امام المسجد الخير
هو اللي ذكرنا بصراحه :)

الادعيه بتصيب القلب...الله يتقبل منّا الطاعه والدعاء

 

Haitham هيثم Al-Sheeshany الشيشاني

اللهم امين

"قلة من يثقون بقدرة الدعاء! " فعلا للاسف لو يعرف المسلم قدرة الدعاء على تيسير الحياة

* شكرا الك ولجميع اللي علّقو
كتير سعيده انه عجبك :)


نادر احمد

يا صباح الفل
وانت بالف خير ان شاء الله

سبحان الله يعني كنّا نفكر بنفس الشي, فكرك لو ركزت شوي ممكن اصير اكتب بابداع زيك!! :)

كل كلمات الدعاء لو فكر فيها الواحد بلاقيها جدا مؤثرة
انا اكثر كلمة بتأثر فيي
"الى من تكلني " :( لو يعرف الانسان انه ما اله غير رب العالمين

الله يسلمك..الله يستجيب دعائنا :)

 

LUNAR

امين يا رب

معك حق....ماما دايما بتحكيها هاي
اللي ما بخاف من ربنا بنخاف منه

امييييييييييين يا رب :)

الكيل بمكيالين

وانتي بالف خير :)
امييييييييييين يا رب...ان شاء الله نكون من اللي عملو فرق بهالحياة :)

 

Wafa'

ان شاء الله نكون مخلصين بالدعاء و ربنا يستجيبلنا

اللهم امين

Nissan

امييييين يا رب :)

Palestinian Princess

وانتي بالف خير يا رب
امييين يا رب...الله يكتبلنا اياها وعن قريب

امين, والله يقدرنا نصبر لناخد الاجر كامل

الله يفرجها عالجميع يا رب :)

 

طيب مو لازم نعطل؟؟؟

يعني يعوضونا
بدي اعطل اليوم بدل مبارح

او كان لازم يعوضونا الخميس الماضي

كل سنة وانتي سالمة وينعاد عليكي

 

كل عام وأنت والجميع يا ويسبر بألف خير وربنا يعيد علينا هادي المناسبة والاقصى محرر بإذنه تعالى

الرسول عليه الصلاة والسلام علمنا الكثير من الدروس في هذه الحياة والصبر على الابتلاء والثبات على الحق من اعظم تلك الدروس

نهارك سعيد

 

ما عم بناقش من اساس بدعه او لاء
انا بحكي ,, كانت تقرب الناس من بعض
يعني,, هلأ شو هيه المناسبه اللي بنعمل فيها زواكي وبنتزكر بعض فيها

الله يبارك بعمرك يارب,, وريتك سالمه

 

Ahmad Al-Mahrouq

مع اني بأيد الفكرة 1000000% بس بلاها هلأ, الدنيا شوب و اذا بخلونا نداوم يوم بداله ابصر شو بصير فينا

بتعرف ...اقتصادنا بخرب بهاليوم :)

وانت سالم يا رب

أشرف محي الدين

وانت بالف خير أشرف...امين يا رب و ان شاء الله بنصلي جماعه فيه :)

صلى الله على محمد صلى الله عليه وسلم, فعلا لو دقننا بكل شي بخص حياة سيدنا محمد و طبقناه بحياتنا لصارت حياتنا كتير احلى وقيمتها اكبر

قصص الانبياء و صبرهم على الابتلاءات فيها دروس وعبر كثيره

نهارك اسعد ان شاء الله :)

Um Omar

بعرف...بعرف...ليش بتصرخي :(

هلأ جيرانك اللي ساكنين الباب بالباب ما بتعرفيهم :$

احنا النا جيران عراقيه جداد عالعماره, رجعنا لعادات الاشياءات الزاكيه معهم :)
تبادل ثقافي اكلي صاير بينا :)

تسلمي يا رب, و ان شاء الله الحفله كانت زي ما بدكم واحلى كان :)

 

Ya allah ya whis hal ad3yeh chu 7lween.. w bs 2reton rt7t..7aset ine bdi yahom :) Thank u Thank u

 

Jumana

Allah yestajeeb menna ya rab w yefrejha 3aljamee3

U most welcome ya amar
inshallah dayman tdallek merta7a :)

 

هيه متأخره كتييير.. كل عام وأنتي والأهل وزوار مدونتك بألف خير :)

 

عني وعن الاهل و زوار المدونة بحكيلك

وانتي بالف خير يا رب
و ينعاد علينا بالخير ان شاء الله :)