Things I Like To Whisper About

Would You Hear Me Whispering

تفشّش



لا ابدا مش شوب بالمره الدنيا :(((

و بما انه الموضوع مش سر هلأ و الكل بعرف اني بشتغل بالحكومه, فيااااا سلاااااااام عالمراوح اللي بتهف عليك كل 30 ثانيه هوا و سخن , واما سيادة السيرفر ف 3 كونديشنات عندو, حاولت اقعد بغرفة السيرفر, متت برد :(,
و المدرا طبعا عندهم كونديشنات , بتعرفو انهم همه بني ادمين واحنا لأ, همه مساكين عندهم ورق كتير يوقعوه, اما احنا اللي بننحت كل شي آلات , فطبيعي اصير اقاتل دبان وجهي زي ما بحكو, و شغل كتير و مدير كتير حكي, ومصرّ يحكيلي كيف بعمل قلاّية البندوره :( وانا ما اهلي!!!!!! كرهتها...شوي وبدي احلف ما عمري ادوقها

و بوصلني عالايميل انه في صاحبه الي عاملتلي Tag صورة, وانا ما بتطمنلها هالبنت وكل شوي بوصل تعليق من حد شكل عالصوره و "هههههههههه" ...و " فعلا ما انتي قليله يا فلانه" و الاخ الفيس بوك بدوش يفتح اشوف هالصوره, بدي الغي ال Tag مش عارفه شو حاطه و بديش يوصلني 500000 ايميل بأنه فلان علّق عالصوره تبعتك :( , لازم يحطو قانون زي ما حكت رند قبل يسألوكي بتقبلي فلانه تعملك Tag ويلا لأ وانتي تختاري .

و الصبح سايقه ما الي ولا علي- ملاك ما شاء الله علي- انا عالدوار اخت الله يهديها مصرّه تلزق بالدوار, ما بعرف هالعاده بالناس, يا اختي امشي في مسارب كتيره, لأ ...ابدا...هيك حافظه الاخت, زمرت خفيف, ما في فايده, شوي بدها تضرب السياره, زمرت قوي بتطلع علي و بتحكيلي " عما يعميكي" ..... O_o
هو انا ناقصتك يختي....ما بعرف ليش صرت اضحك , شكلي ماخده ضربة شمس :) بس عما يعميكي على هالصبح مش بداية موفقّه ابدا



لكن.... برغم كل شيء ايامنا فيها شيء بيعشق الحياة :)
وصلني ايميل نكت جديده - عالقليله جديده علي :) - جد تحشيييييش , فبعد النكد اللي نقلته الكم ...لازم نختم بضحكه :)


محشش راح يزور مريض بالمستشفى سأل عنه بالاستقبال ، سألوه شو عنده ؟
قلهم اوبل فكترا زرقا



واحد كركي بده يشتري سندويشه من مطعم يعمل فيه مصري
ساله المصري (مقالي؟)
فأجابه الكركي لا والله معايطه


واحد محشش قاله الدكتور: تخفيف الوزن يحتاج إلى عزيمة يا اخي!
قاله المحشش: على راسي يا دكتور بكرة عشاك عندي

25 التعليقات :

أول شي يسعد مساكي يا ويسبر

الله يكون في عونك على هيك شغل و هيك صباح و يطول بالك

أنا بعرف إنه الإرتقاء في السلم الوظيفي يقابله إمتيازات (ان شاء الله منشوفك مديرة كبيرة) لكن هذا الشي لا يتضمن الأساسيات في جو العمل و اللي ممكن تأثر على مسار العمل بشكل مش بسيط مثل التدفئة في الشتا و التكييف في الصيف
و على قولتك همة بني أدمين و أحنا من ذوي الدم البارد

و على سيرة برادة الوجه في الشوارع
ذكرتيني هديك اليوم في وحدة كانت راكبة فور ويل و أجت سكرت علي و أنا في مسربي في الزحمة بستنى أطلع الجسر و بزمرلها و هي و لا تستنظف تتطلع فيي و حشرتني انا السيارة الصغيره
:(
دعيت عليها بالعربي و الأسباني

 

شكله اليوم مش يومك
:S

انا تعلمت من تجربة الشوب , انه اموت برد تحت الكوندشن وافلوز واوكل هوا ولا اني اقعد بالشوب

يعني لما كنت انزل عالرياض , كنت اشغل الكوندشن على اقل حرارة واتلحف وانام ولا اني اشوب

هو من قليل بكره الصيف انا
ما في بعد الشتا عمي

 

باعتبار صارلي يومين بداوم في عمان

بحب اعبر عن احترامي للزحمه والشوب الفظيعين!!

جد عمان صايره الشوارع بالمره

بس الحمدل لله البراد بالشغل عفق:)

 

هلا شو ما حكيتي عن الشوب
ما رح تقدري توصفي اللي عنا
و كمان رطوبة
يا سلام
يعني هلا يا ويسبر بدك المدير يقعد بلا تكييف
يعني شو هالحقد الطبقي تبع الموظفين انا لو منك بتحجج و بقعد بالمكتب
عندو و يا ستي اتعلمي قلاية البندورة احسن ما تنقلي انتي :)
هادا الا اذا كان كتير غلبة و حكي لا خليكي بالشوب احسن
و البنوتة الامورة تبعت الدوار يعني مو عارفة تسوق بس بتعرف تسب
شو انها متحضرة هالاخت

بس مع كل هادا صباحك سكر و مساكي سكر :)

 

Palestinian Princess

يا مسا الورد والفل :)

امين يا رب, بس بتمشي,الحمد لله بس افشّ قلبي واحكي بتهون دايما :)

بس عالقليله يوفرونا ادنى حد لجو الشغل الطبيعي لنعرف نشتغل
اذا المي صايره تقطع بالشغل :$ انووو شوووووو بالنسبة, شو نعمل بحالنا احنا :(

هاي اشي تاني الاخت اللي عندك, هدول من اللي بفكرو بما انهم راكبين سيارات كبيره فالعالم شفافه قدامهم ...ياما صارت معي, جد بحس حالي انا والسياره اشي شفاف ولا كأنهم شايفينا

ههههههههههه مهو العربي عنك والاسباني عن السياره

LUNAR.

والله يا خوي مش يومي بالمره

بعد ما خلصت كتابه البوست بزبّط الحجاب غزيت اصبعي بالدبوس
وساعه لوقف الدم وهي اصبعي الوان , اهلي بحكولي لازملي ابرة كزاز :((((

ماله الربيع!!! بجنن الربيع
دافي و نسمات هوا منعشه, للاسف عنّا الربيع تقلّص لاسبوعين :(

 

مياسي

ياريتو الف مبروك الشغل الجديد :)
ان شاء الله يكون الشغل اللي ببالك وترتاحي فيه

السيارت اكتر من الشوارع, والعالم كلها بالشارع كأنه ما في حد ببيته او بشغله :$

الله يهنيكم بالبرد...مش حسد طبعا...بس قرّ :)

فرصه نرتب طلعه....مش عم تزبط الطلعه مع حد من البوانيت :$

Jafra

الكويت.....الله يعينكم... جد ما بقدر احكي شي
هو اي نعم البلد مهيئة لهيك جو, بس بعرف لتوصلو للسياره شو بصير فيكم


لااااا الشوب ارحملي ب 10000000 مرّه
هاد اذا بدا يحكي ييييييي علينا ما بسكت لبكرة , وانا بحس حالي بدي يغمى علي مرات, بحس اني استكفيت من صوته لاسبوع قدام

النوته...شفتي بالله عليكي, فاهمه الموضوع غلط الاخت

صباحك ومساكي وكل اوقاتك عسل وقشطه ان شاء الله :)

 

حلو كثير العنوان (تفشش) جاي على الوجع. الحكومه لازم تعرف انه كفاءة الموظفين بتقل لما يكون الجو شوب زي هيك وما في مكيفات. الواحد بكون مش طايق حاله اصلا كيف لو اجاه مراجع حاب يعمل مشاكل. ان شاءالله بتصيري مديره قريبا وبكون عندك مكيف في الغرفه :)ـ
على العموم تفششي زي ما بدك ولا يهمك بس رجاء ما تحلفي انك ما تاكلي قلاية بندوره :)ـ

 

Jaraad

هاد الغرض من البوست كان...التفشش :)

للاسف بالنسبة الهم الموظف مش انسان, كأنهم الات وما بتتعب, و المراجعين بيجو مش طايقين حالهم من الشوب :$

لااا الحمد لله طلع بعملها غير عنّا, وانا بحبها بصراحه, لهيك ما حلفت
لكن هاد لا يمنع اني راح اشوف وجه مديري بالقلايه كل ما اجيت اكل :)

وشكرا عالدعوه...بس ان شاء الله ما يكون في عندي صفة ما بعرفها الموظفين يكرهوني بسببها :$

 

فش أحلى من الأير كوندشن عندي بالشركة, بصير نتراجاهم يخففو من البرد بس طبعا بتجط رجلك برا , بتحس حالك في بركان قاعد.

أنتي بتقدري بالفيس بوك تعملي بالإعدادات أنو ما يوصلك أي إيميل أنو حدا علق بعدك على صورة أنتي فيها تاجد و تبتراحي من هالهم زي ما أنا مسوي.

بس كاريكاتير عماد ملائم جدا مع الوضع الجوي :)

 

الله يعينكم يا ويسبر...بيكفي السواقه تحت الشمس...بس شووووب مش طبيعي عن جد !!! وللا الرطوبه !!! يا سلام
يعني انا قاعده بالبيت ومش متحركه من مكاني وحاسه كأني بغرفة بخار...مخنوقه ومش قادره اتنفس ومخي عم يغلي من الحمّ
مساكي منعنش يا رب

 
أزال أحد مشرفي المدونة هذا التعليق.
 

مساء الشوب ويسبر :)
يعني ما تتصوري اليوم اديش كرهت الحياة من ورا الشوب
ان شاء الله الصيفية الجاي بتصيري مليونيرة وبتفتحي شركة (منتوجات يدوية) ز ي اللي صورتيلنا ياهم هديك المرة _ اللي عملتيهم انتي وفطوم وبتكون الشركة عبارة عن فيلا كبيرة وكلها مكيفة
مساء الفل ويسو

 

hahahahah 3ajbtni akher wa7di LOL :D

Otlobi mnhom mokayef tayeb.. chu hal 7okomeh el cheap Loooool :p
or make your own conditioner he3 he3

http://lifehacker.com/181510/make-your-own-air-conditioner

w jebe la moderek moka3abat '7ali eltyhi fehom a7san mn ywj3lek rasek Loool ..

 

wallahe ya whisper ana akalt shob b hal ejazeh 2d kol elle shfto bl khaleej...3n jad mosh tabi3i el wade3...ya3ni 3al aleeleh hnak wain ma tro7i fe AC...7atta battalet atla3 mn el bait mn kotr el shob...wo bel lail ma banam , fa ejazeh ta3zeeb ya3ni...mn kotr ma bshtki mn el shob sari ahli bedhom ya3toni `3rfet nomhom l2nno `3rfti ma feha AC bs ana ma rdeet... ya 7aram 7asso b ta2nib dameer...bs ana mn na7eyti 7arramet anzel ejazeh b shahar 7 law kan 3rs akhoy...l2nno 7arr wo azmeh wo kol ishe beseer `3ali...be3een allah
bel nesbeh lal elle kanat say2a tannshi, ana law 7ada zammarli sara7a kan ba2ollo aktar mn haik wo basamm3o mowasha7...akrah ma 3alaih 7ada yzammerli, bestafezzni had el ishe,,,fa el 7andolellah enha ejat haik...
shokran kteer 3l nokat l2nni ballashet a7es bl nakad b hal ejazeh

 

مساء الشوب:
الله يقرف الوظيفة ويقرف الدوام ويقرف الرطوبة حاسة حالي ملزقة بأواعيي.
بس النكت تاعتك هونت علي شوي زي ما هونت عليك نهارك. اكتر شي عجبني نكتة المعايطة!

 

Ana kaman bashtaghel bel 7ukoomeh, bas e7na mdallaleen hon w 3enna AC, bas 2al bedhom y2eemouh 3ashan ضبط النفقات
tab3an ra7 ydal shaghaal b makateb flan w ebn flan, ma e7na 3arfeen el tabeg.

 

قرابتي حبيبتي إشتقتلك كتير.. والله أنا ملاقيه الجو براد عشان قعدت شهر بنار دبي هههه يلا هاي طلعت بفايده :)

والله هيك إيميلات بيجو بوقتهم.. بفرفشو الواحد شوي :)

مفروض زي ما كاتبين بالجريده عالخميس بدو يتحسن شوي الجو :)

 

له له

سلامات والله , ان شاء الله هسه احسن؟؟

لسه جاي رمضان كمان

سمايل بزغرد::

 

Ahmad Hamdan

الله يعينكم بالكويت و بالخليج عموما, يعني شوية رطوبه بطلنا قادرين نتنفس :$

انا بالنسبة الي الشوب كتير اهون من البرد, يعني ممكن ابكي من البرد لكن الشوب بندبره بدفتر بنهوي فيه :)

اللي نفسي يكون موجود هو ان الفيس بوك يسألنا بس حد يعمللنا تاغ, مش يكون اسمي عأشي مش عارفه شو هو

عماد حجاج مبدع وايش ما بدك بتلاقيه راسمه :)

Nissan

والله اول ما اركب السيارة بنخنق, هبو سخن بضرب بوجهي

حبيبتي فروحه دايبه يا علي, فكرناها مريضه بعيد الشر :$ بس الحمد لله مشيت, كأنهم حكو بكره بتنتهي هالموجه والله اعلم

مساكي ايس كريم و سلش :)

 

نادر احمد

مساء المراوح و الكونديشنات

لااااا مذاكر منيح, ماميتو بالبوست عندك و هلأ فطوم ...ما شاء الله عليك :)

ان شاء الله ...بس الله يسامحك متمني و متمني بحبحهم شوي
شو بدهم يعملو المليون بهالايام

مسا الورد نادر

Jumana

Ana d7eket men kul 2alby 3ala 2awal wa7deh :))))

LOOOOL love the home made condition :D fekra

heheheheheh 7abeat el fekra...beddy 2ageblo lego :D

 

مواطنون بلا حدود

Ya maskeen y3nny 7azzak 2eno hal2ayam 2ashwab shee :$
m3ak 7a2 honak mhay2een 7alhom...hon mesh kul 3'orfeh feha AC had 2eza 2asasan kan fe AC bel bait
Allah y5alelak 2yahom ya rab,halla2 be3'ad elnazar 3an elshoob el2ahel heak bekono m3 elmo3'tarebeen :) bs bedhom redahom
yalla hanat wallah 2a3lam bokra btentahe halmojeh

2a7san shee el rabee3 lel2ejazat

Ana 2ejmalan me ba7eb 2azammer, w 5ososan lally bemsho , la2enny bkrah 2elly bezamrly...laken hay law ma zamaret kan darbat elsyyarah :$ 3'eer 2enny yaaaaaaaama sam3a mwash7at, 5ososan 2eza lasama7 allah zammaret la taxi :)

laaa allah la yjeeb nakad inshallah :)


الكيل بمكيالين

مسا الورد
انتي اللي فاهمه عن شو بحكي بالزبط :( الحال من بعضه

هههههه هدول احلى اشي حسيتهم

 

Rand

7okomeh !!! ahaaa kan lazem 2a3raf men 2ennek btkrahee el sho3'ol w fe 3endkom "jerk" :D

mhoooo bs behad ضبط الانفاق
2amma belwara2 wl 7eber 2elly b5alona ne6ba3 yearly report 2elly men 300 page w ykebohom belzbaleh mesh 2enfaq

Rula A.

الف الحمد لله عالسلامه يا احلى قرابه بالدنيا :)

قرأت البوست عندك وبدي ارد و احكيلك الحمد لله عالسلامه, استلمنا المدير العام بشغل لاخر الدوام :(

المهم ان شاء الله تكوني انبسطي هناك
يعني لقيتي الجو بجنن بالاردن :)

اليوم حكولي البنات الاربعاء, مش مهم خميس جمعه ان شاء الله المهم تمشي هالموجه

ان شاء الله عطول مفرفشهيا قمر..اشتقنالك كتير كتير كتير :)

 

LUNAR

الله يسلمك يا رب
ان شاء الله احسن, هو صار الوان, زي كيف بس تعمل فحص دم وايد الممرضه تكون تقيله و تصير ايدك قوس قزح...هيك اصبعي :)

انا حاسسته احسن بشوف بكره شو بصير, واذا ضلو بروح عالدكتور

رمضان :))) يا الله شو مشتاقه لرمضان
الحلو انّا كنّا حاملين هم رمضان الماضي و طار طيران وما حسينا...ان شاء الله السنه يكون نفس الشي بالنسبة للشوب :)

 

mar7aba whisper khanom :) MISS YOU A LOT !! I just wanted to say Hello and how are you and to apologize for my disappearance. I am around reading silently and always thinking about all of you good, nice people..
Hope you and your family are doing well..

A big hug :)

 

Noura

2ahlan 2ahlan ya amar :)
I miss u more wallah, w 2aktar men marra 2af2ed ur blog 3ala amal ykon fe shee jdeed

kulna b5ear ya zooo2 inshallah 2enty kaman tkonee b5ear ya rab :)

thanks ya a7la Noura beldenya :)