Things I Like To Whisper About

Would You Hear Me Whispering

ملاحظين هالشي ??




هلأ انك تكوني بتسوقي و فجأه تطلع بسه من بين السيارات بتحصل, انك تكوني بتسوقي و الاخت البسة بتقطع الشارع و بتتمشى على اقل من مهلها برضه بتحصل, انك تكوني بتسوقي وفجأه بسّه هبوله توصل لنص الشارع و بعدين تتردد تكمل ويلا ترجع و تضلها تتقافز رايحه جاي و انتي بتستني بالاخت تقرر برضه بتحصل.

الاشي الجديد اللي ملاحظته ومش عارفه اذا في حد غيري ملاحظه, ان العصافير و الحمام بالاردن بطل يخاف
جد بكون سايقه والحمامه ماشيه وبتهز براسها وانا ببطئ انو هلأ بتطير هلأ بتطير وبحكي خلص اكيد دعستها لكن بأخر لحظه بتقرر اتطير, و نفس الشي العصافير منتشرين عالارض و بأخر لحظه بطيرو, ومرات وانا ماشيه عرجلّي بمشي جنب الحمامه او العصفور, ولا كأني موجوده, وبتضل بتاكل و ولا بتتحرك, مفكرين حالهم بروما الشباب..ما بعرفو ان لو حد مسكهم خلص راحت عليهم

حد غيري لاحظ هالشي, ويلا انا بس اللي الحمام بطل يخاف مني زي البسس بهالبلد, على رأي اخوي اللي بس حكيتله اني بلف من الكراج لاطلع عالسياره لان البسة فارده حالها قدام الباب الرئيسي...بحكيلي " يا ام السوس شكلها البسه مخاويه عليكي" :(
معقول الحمام والعصافير برضه هيك بفكرو !!!!

45 التعليقات :

ههههههههه, إذا الحيوانات مخاوية على البشر فساعتها الدنيا فعلا مش بخير, طبعا معاهم حق من شو بدهم يخافو شافو كيف الناس صارت بليدة, بتذبحو أخوانهم وما بزعلو, بتنرفع عليهم الضرايب وما بزعلو فحكو هالعالم لا بتكش ولا بتنش من شو بدنا نخاف منهم.

بكرة بنسمع الحيوانتا عملت إنقلاب على البشر ويمكن يحكمونا زي ما حكمت الحيوانات بعضها في رواية مزرعة الحيوان لجورج أورويل

 

Ahmad Hamdan

بتعرف ان تعليقك فيه وجهة نظر ممكن تكون صحيحه :$

من سكونّا الدائم على كل شي , بطلو يعتبرونا خطر عليهم...

ههههههههه عجبتني فكرة مزرعة الحيوان ..مع انها بتخوف الفكرة

 

هههههههه ضحكتيني :)هون في امريكا الحيوانات تتعامل بنفس الطريقه تتمايل كما لو انها تتحدى
في الاردن اذا العالم بلدت فخبرك الحيواتات افضل حال !!!

 

Sozan

بس مرات بتتحدى عجال السيارات, بتعرفي عنّا غير, اذا الانسان ما الو حقوق فما بالك بالحيوان
بموتو فطيس المساكين :$

على رأيك....شكله هاد السبب و ما حدش احسن من حد

 

مرة بسّة اندعست قدامي , ومن يومها صرت اخلّي البسة تمشي براحتها

ولو انه كلامك مزبوط , صار عندهم شوية وقاحة
او بنقدر نعتبرها بلادة
:D

ذكرتيني , اليوم كنت ماشي بالسيارة وكان ولد عمره 12 سنة تقريبا بقطع الشارع على مهله ومش منتبهلي , فا زمرتله
والا هو تطلع علي وانعجق ورد رجع عالشارع بدل ما يكمل

الطف اني كنت ماشي شوي شوي
اخوي بحكيلي شكلك صحيته من النوم

 

LUNAR.

مرّه اخوي دعس بسّه و لهلأ كل ما اتزكر الصوت بقشعر بدني...اشي بوجع القلب بصراحه :(

انا بخليهم يمشو براحتهم, اي انا علشان ما اقلق راحتها بلف من الكراج مع انه ابعد, حرام اقلق راحتها :$

يعني انت كمان ملاحظ هالشي :)
جد بلادة

هههه تخيلت شكله هالولد المسكين
الله يسامحهم هدول اللي بقطعو على مهلهم, انا بحاول ما ازمرلهم لكن ربنا يستر وما يبلينا ولا يبليهم

 

الله يبعد الشر عنا وعنك

اه اكيييد ملاحظ , كنت مع شب بسيارته هذيك اليوم
وكان في حمامة بنص الشارع , وهو بقرّب عليها
هسه بتطير
هسه بتطير هسه بتطير

اييييييييييييييييييييييييءءء , صوت البريك , تا استحت على دمها وطارت

:D

 

LUNAR.

امين يا رب العالمين


اييييييييييييوه
هاي بالزبط البلاده اللي بحكي عنها و مفاجئتني

بأخر لحظه بتطير, ضامنه الاخت حالها

 

حيوانات ما بتستحي
-بعيد عن الجميع-
الجملة كلها غلط , تدقّيش

صارلك اكمن يوم مختفية , ان شاء الله ما في اشي

 

هههههههههههه ....عجبتني الجملة

والله يخوي 100 الف اشي
عجئة بالشغل
و فروحه سافرت :(
و كنت ادرس :)
كان عندي امتحان بالشغل, ذلونا عالعلاوات الله يذل يهودهم, علشان اخد علاوه محلل نظم لازم اقدم امتحان و اسبوع وانا اجيب كتب وادرس, ان شاء الله خير مع ان في اسأله فضائيه كانت

وانا اللي كنت افكر اكمّل ماستر :$
انخنقت بهالاسبوع

شكرا عالسؤال :)

 

لأ و الله ما شفت

بس المكان الوحيد اللي إنتبهتله ان الحمام بمشي حواليكي بدون خوف هو في الحرم المكي

 

Palestinian Princess

كيفك يا حلوه؟


لاااا هناك الشعور غير, شعور بالطمأنينه الكل بحس فيه

الله يكتبلنا الحج والعمره, نفسي اعتمر و احج :(

الله ايسر

 

ههههههههه

والله انا ما بسوق
ولكن

اظن كلامك صحيح

احنا البسه بالدار كل جمعه بتفوت لنص البيت

ولا بترضى تحل:)

بجاحه

 

انا بحترم البسس كتير يعني عالاقل بتفرجوا يمين وشمال وبترددوا وبخافو ع حالهم شوي مش زي البني ادمين الي طالعة موضة جديدة بقطع الشوارع انه يقطعوا ويعملوا حالهم مش شايفين السيارة
هدوول جد رح يجيبولي الجلللطة
تحياتي

 

مياسي

انتو عندكم بسّه بالبيت!!!
خلص ما حقدر ازوركم انا, بنتلاقى برّه البيت اذا :)

جد بطلو يخافو منّا .... ولا كأنه احنا السلالة القوية عالارض

تلاقيهم بحكو بعقلهم...الكل بتشاطر عليكم اجت علينا احنا :)

حياة تستحق الانقاذ

اهلا وسهلا بأم الميس
كيفك يا قمر, زمان ما سمعنا اخبارك ولا قرأنا تدويناتك الحلوه :)

هدول الناس جد بقهروني....يعني ما اظن ان السيارة شفافه وما بتقنعوني انكم بما انكم ما تطلعتو فأنا والسيارة خلص اختفينا :$

انا ما بحب ازمر, بس مرات بضطر اعطيهم زامور من الاخر يصحيهم

 

Whisper,

Animals learn! They also pass part of their knowledge to their progeny! The new generations of Elephants and Tigers in India are being very troublesome, because they noticed that humans stopped killing them after the declaration of the nature conservation act over there!

 

Whisper,

Animals learn! They also pass part of their knowledge to their progeny! The new generations of Elephants and Tigers in India are being very troublesome, because they noticed that humans stopped killing them after the declaration of the nature conservation act over there!

 

والله زمان عنك يا ويسبر
:)

الله يكتبلك الحج و العمرة عن قريب بإذن الله

أنا جربت العمرة فقط و هي فرحة ما بعدها فرحة
:)

 

هم البسس ما بخافو منك انا نفس الشي بوقفوا يتطلعوا علي و انا بلعبهم و حركات و بس بس و بلفوا وجهم و بتمختروا
شايفة شو بصيرر باللي بدلع بالبسس حتى الحمام و العصافير بتخاوي عليه
:))

شكلو الاكل اللي بياكلوا العصافير ملعوب بجيناته ديري بالك منهم

 

طولتي علينا ، صرلك تقريبا اسبوع على اخر مشاركة

على كل حال ، عن جد انا ملاحظ هالشي ، يعني بكون بالسيارة ماشي و لا فجاء بلاقي حمامة طارت من قدام السيارة ، انا بخف عقلي ، المشكلة احكي حمامة مش مشكلة بس البسس مأساه اذا دعست وحده ، و الله لأضل اسبوع تيجيني كوابيس من وراها :)

 

شو بعرفك انه الحيوانات ما بتفكر بالانتحار كمان؟
شكلهم قرفوا وقرروا ينتحروا :)ـ

 

wallah lessa men yomein ba7ki ma3 a5ooy bi nafs el mawdoo3 .. 3asafeer hon ente7areyyeh .. bekoono 3al share3 o bazammer meet marra o bel a5er ana elli bazee7 el sayyara mesh homme

abel kam shahar kont bel jam3a mashyeh 3al bateeeee2 o beddi atla3matab o fi 7amameh beida mashye 3a 2a2al men mahelha .. zammaret meet marra o 3awajet el sayyara 3anha o heyyeh ra7atlek na7eet el 3ajal .. el 7amdolella ma enda3sat bas fi shaghlat etnattafat .. krehet 7ali yomha :'(

 

يا ستي يعطيكي العافية , وان شاء الله ربنا يرد الغايبين عنكم

امتحان ايش هاذ؟

العفو ولو

 

Haitham Seelawi

Really!!!
Now this is some thing new :)
and it's very logical
Thanks Haitham :)

Palestinian Princess

امييييييييييييييين يا رب...كل اللي بروح سبحان الله قلبه بتعلق فيها,و الله
يكتبلنا الصلاه بالاقصى :)

اللي فهمته انك كنتي او لساتك بفلسطين
جد جد جد نيالك :$

بدنا بوست صور من هناك :)

 

Jafra

انا بحاول اني اطنشهم و اسوي حالي مش شايفتهم, او بقعد اهز الكيس اللي بأيدي و احكي " بس" و هي ولا بتبس ولا الها دخل, حتى مرات بتطلع علي بنظره نص مغمضه, انو انا مش شايفتك اساسا :)

بخوفو بصراحه ليش الحكي :(

Dr.Mohammed

والله كنت شوي مشغوله ...بس الحمد لله هلأ راحت العجئة الكبيره...شكرا محمد :)

يا الله شو مزعج الشعور , انا بس اكون سايقه و خصوصا على طريق المطار, بس اشوف بسه مرميه بنص الشارع يا الله بدي يمكن 10 دقايق لارجع طبيعيه :$

الله لا يبلينا لا ببني ادمين ولا ببسس يا رب

 

Jaraad

ممكن...مش بعيده
الوضع خلّى البني ادمين ياكلو الاخضر واليابس وما ضللهم اشي هالمساكين :(


هلأ تذكرت...انت كمان في الك سابقه مع العصافير ..الله يرحمه :(

HB

2ahlan ya amar...zamaaaan hal2amar ma ban :)

y3ne mola7za moshtarakeh 6el3at

Allah satrha, jad 2e7sas fazee3 belzanb ra7 yesebna 2eza 2athenahom :(

elyoum elsobo7 fe 7amameh bte26a3 elshare3,5affafet elsor3a w zammaret, sarat temshe bsor3a wala 2enha t6eer, bs manzarha ta7sheeesh w hy rasha raye7 jay m3 elsor3a :D

 

LUNAR.

الله يعافيك يا رب

هاد يا سيدي قررو انهم يعطو علاوة للمبرمج و علاوة لمحلل النظم

علاوة المبرمج اخدتها بحكم سنوات الخبرة مش بحكم شغلي, و محلل النظم كان لازم يكون الي خبره 7 سنوات, انا كان الي خبرة سبع سنوات الا شهرين :(

فالمفروض اقدم امتحان لاخذها, 30 نيرة زياده عالراتب :)

الامتحان شبه تعجيزي خصوصا انهم ما بدهم ايانا ناخد الفلوس, مادة تحليل نظم و هندسة برمجيات اللي بتدرسو السنه بالجامعات, واختك متخرجه من 10 سنين :$

هاي ثالث مرّه بقدمو...بس لا تجيب سيره
هالمرّه جبت كتب و نحتت وان شاء الله خير :)

 

أنا ما بسوق بس ملاحظة هاي الشغلة...
المشكلة انو أنا بخاف من كل الحيوانات... يعني إذا حضرة البسة أو الحمامة أو العصفور قرروا انو ما يبعدولي، ممكن أغير الطريق :s

 

ويسبر انا شفتها كمان ... مرة كنا بالسيارة وبس عم بوكل بنص الشارع هسا بروح هسا بمشي
هسا بعبرنا ما اتحرت 5 دقايق زمر والبس مش سائل بطلع علينا وبكمل اكل انزلتو اكحشو بس قربت بعد قزدرة ؟؟؟

بحس حتي الحيونات قرفانه من هل عيشة وزي السان حالهم بقول ادعسني مشان الله

بس انتي بخصوصك البسس شكلهم عارفينك فا بحبو يتزعرنو معك

 

انشالله بتكوني اعملتي كتيييير ممتاز بالامتحان :)
اكيد مشتاقه لفروحه انشالله يا رب الله يجمعك فيها عن قريب وكمان عبود :)
هموسه :D
انتي ايش مشكلتك مع البسس ههههه اختي عندها بس كتير ضخم اذا
شفتيه بتفكري اسد عندو اسماء كتيره بس انا بحب اسميه لولو ههههه
المشكله انو هوا بس مش بسه وانا بناديه اسم بنت لولو هههه
هاليومين عشان ماما بالبييت عامله عليه حظر تجول مش ماخد راحتو مسكين بضلو نايم :p

انا ما لاحظت ههههه لاني مش بالاردن بس
انا لاحظت اخر فتره صايره في موضه بالخليج الهنود برمو حالهم عل السيارات الفخمه او بتابعو شخص بيعرفوا كل اشي عنو واحوالو الماديه بعدين برمو حالهم عل السياره عشان يموتو وطبعا في هالحاله بروح الي دعم الهندي فيها لازم يدفع فديه لاهل الميت والمصيبه انو القانون بنصفهم :(

الله ايعينا عل هالبشر الي عاملين زي البسه والحمامه الي بتهبلو بنص الشارع
مش قصدي انو هالبشر احسن من الحمامه او البسه بس الاتنين زي بعض يعني الله يعنا عليهم عن جد صدمه
ما اتوقع لولو يسويها ويروح بنص الشارع ;)
بس يمكن يسويها ويروح يلف عل الكراج ههههههههه
حسيت حالي شريره :D
انا كنت اخاف من البسس كتير وتمسكني حسسيه فظيعه بس مجرد ما امسكهم حتى لولو الو تقريبن ٩ سنين عنا ما كنت امسكوا وكنت اخاف كتير منو بس السنه هاي الي صرت صحبه معاه يعني الشغله بدها وقت وبتصيري صحبه مع البسس هههههه
يعني كمان ٩ سنين حنسمع مغامراتك مع بسبوسه ;)

صحيح ايش معنات مخاويه عليكي هادا مصطلح اردني اجديد اول مره

 
أزال أحد مشرفي المدونة هذا التعليق.
 
أزال أحد مشرفي المدونة هذا التعليق.
 
أزال أحد مشرفي المدونة هذا التعليق.
 

الله يكتبلنا صلاة جماعة في الأقصى
:)

ما إليش زمان واصلة فلسطين و ان شاء الله ربنا يقدرني و أصور و أورجيكم إياهم
:)

 

Mrs H

زيي يعني :)
بالعاده بحكي اني بقرف...بس الكل عارف اني بخاف منهم

و شكلهم بعرفو انّا بنخاف منهم لهيك ما بتحركو :(

قط البكتريا

ههههه...بدو ياكل, يعني من كل عقلكم مفكرينه يترك الاكل و يمشي...الله يعينهم :)
دير بالك منو هالبس...ما عجبني
شكله المعلم بالمنطقه :)

هي كم بسّه الله يسامحهم بنات الجيران, بضلهم يطعموهم و لهيك برجعو, وال ايش بصيرو يماوو و انا ماشيه عأساس هيك بشوفهم طيبين...بس انا متأكده انهم شريرات :(
ويلا ليش ما بحبهم...ذكرى سيئة

 

Jarat

كيفك يا قمر...ليش هيك ما بتزبط نتلاقى عالمسنجر, النا فتره مشينها اوف لاينات :)

بستنا الاخبار انا :)

بالنسبة للامتحان ..ان شاء الله خير, بعد 10 ايام النتيجه :$

وفرووووحه كتيييييييييييير اشتقتلها :(((
كل ما كبرو و حركاتهم صارت بتجنن بنشتاقلهم اكتر, هي رجعنا للسكايب و الصور و الايميلات :(


خالو عندو بسس كتير بالحديقه, قبل سنتين حاول يعودني عليهم, حكيتيلو خالو 31 سنه و احنا مش صحبه ما اعتقد هلأ نصير صحبه
فلبعد 100 سنه حضلي مش صحبه معهم :)


الله يخليلكم لولو و تصيرو صحاب على طول :)

هاي مأساه زي اللي عنّا, هون مش موت بس اصابه خفيفه لتدفعي فلوس و بركزو عالبنات بهالحركه :(
الله لا يبلينا يا رب

هلأ نيجي لمخاوي...بتصدقي اني مش عارفه افسرها :$

هي من خاوا...كيف بس حد يغصبك على شي ما بدك اياه و تعمليه بالخاوا...البسه كأنها بتعرف اني بخاف منها فبتخليني اعمل اشياء ما بدي اياها, مثل طلوعي من الكراج بدل الباب الرئيسي :(

 

Palestinian Princess

اميييييييييييييين يا رب :)

تتهني يا قمر و بنستنى الصور على احرّ من الجمر

لا تنسي تسلمي على كل شي و اذا صليتي بالاقصى ادعيلنا

 

مادة تحليل النظم قلعاط بعيد عنك
:S

ان شاء الله مشت الامور بالنسبة للامتحان؟ والا لسه ما طلعت النتيجة

 

انا قدمت الامتحان يوم الثلاثاء الماضي...و المفروض النتيجه بعد 10 ايام

اذا نجحت بخبركم واذا لا سمح الله ما نجحت بتنسو الموضوع و ولا كأنكم بتعرفو عن الامتحان :)

 

تعودوا علينا وعلى بلادتنا .. وصار يفكرونا متلهم

انا من ناحية البسس ,, آه بتصير معي
بس الطيور لا

بس في مرة وانا بسوق ما بلاقي ولا عصفور جاي صاروخ لعندي
رحت نزلت راسي
لول

 

Ahmad

همه مش بليدين...لكن شكلهم انعدو منا :$

ههههههههههه...هاد جد انتحاري

ما بعرف ليش تزركت نكته الدبانه المحششه و بتطير و بتحكي " اوعى النسر "
هههههههه فهيك شكله العصفور...مفكر حاله نسر

 

اوعى النسر ... عجبتني

تحياتي

 

هي شوي زنخه...بس كتيييييير بحبها هالنكته :)

 

الحمدلله لليوم ماصار معي هيك موقف.. بس هداك إليوم شفت عصفور ميت على جنب الطريق.. هادا شكلو كاين عامل حالو عنتر ومش هامو السيارات لحدما اجت وحدة قضت عليه.. فأظنلك الوضع طبيعي..

 

الحمد لله و ان شاء الله ما بصير....اشي بخوف بصراحه و بتكون تتمشى ولا بهمها

مسكين هالعصفور....شكله واحد من ضحايا الوضع النفسي اللي صايب العصافير هالايام :$