Things I Like To Whisper About

Would You Hear Me Whispering

مواهب....

انا و الحمد لله لا املك موهبه فنيه اطلاقا
لا بعرف ارسم, ولا بعرف اكتب خواطر, ما بعرف اكتب شعر وصوتي بالغناء....اشي بجنن
يعني واحنا بالسياره ونكون بطريقنا لرحله مثلا يعني جو انبساط المفروض ,وابدا اغني انا او اخوي لا شعوريا بابا بشغل المسجل وبعلّي الصوت , يعني اسكتو بالعقل :$

جديد وبعد نقاش انا وماما, حبيبتي حاولت تبتدعلي مواهب, فطلعنا باني موهوبه بالبرمجه - شغلي يعني - موهوبه بالحلويات :) - اعطيني اي وصفه حلويات بتطلع معي زابطه 100% والحمد لله- و ها ها عندي بوادر موهبه تصوير ماشي حالها.

واكتشفت من المدونه هاي ان عندي طريقه بالتعبير عن اللي ببالي مع اني كنت افكر حالي ما بعرف اعبر :)
الا اذا في حد شايف اشي تاني :(

اللي ذكرني بهالحكي الفيديو هاد
يعني معقول لو اجرب اخربش كم خربوشه شمال ويمين اقدر ارسم لوحه !!!
لازم اجربها
اتركم مع الفيديو وجربوها انتو كمان....ما بتعرفو ممكن تكتشفو الفنان اللي متخبي فيكم

video

3 التعليقات :

كل هالمواهب يللي عندك ومش عاجبك؟!

الله اكبر ... اتركيلنا شوي ...

قال مش موهوبة قال

 

وقت افتتاح بكين للألعاب الاولومبية - عملوا نفس الاشي ... لوحة بتجنن وهم عم يرقصوا

 

Ahmad
يا الله ما احسنك, جد رفعتلي من معنوياتي :)

ببكين عملو هيك...ابصر وين كاينه وقتها لاني بتزكر اني حضرت حفل الافتتاح :)

شكرا احمد :)