النا فتره بنسمع عن موضوع انفلونزا الخنازير وموضوع الحج, وكيف ان معظم الدول بتفكر انها تحدد اعمار و اعداد اللي بدهم يروحو و بدهم ينمنعو انهم يروحو عالحج السنه بسبب انفلونزا الخنازير , اللي ما بعرف لهلأ شو موضوعه بالزبط هو مرض حقيقي وخطير ويلا لأ؟؟؟ وهو مرض مميت ويلا اشاعه علشان يروجو العلاج؟؟؟ وهل هو اخطر من الانفلونزا العاديه ؟؟؟ و بالنسبه للعلاج هل صحيح انه بسبب السرطان؟؟ وهل صحيح انه عباره عن فيروس انفلونزا الطيور حي ؟؟ كتير ايميلات و كتير تحليلات بمواقع رسميه و غير رسميه و وهميه احيانا , قرأنا و سمعنا تحليلات و تفسيرات و انا من اللي تاهو بصراحه...
الموضوع اللي فكرت فيه اليوم هو كأس العالم, كلنا بنعرف ان كأس العالم قرب و انه كتير ناس بستنوه و بخططو يروحو على جنوب افريقيا علشان يحضرو المباريات , غير عن البعثات اللي راح تنبعث من كل دول العالم
هلأ يا جماعه حد يشرحلي اياها.....ليش ما حد جاب سيره كأس العالم وتأجيل كأس العالم او منع بعض الناس انهم يروحو على كأس العالم؟؟؟
هلأ مثلا الفيروس مقرر انه ينتشر بالحج و ما راح ينتشر بكأس العالم؟؟؟
ويلا من هون ليبدا كأس العالم سبحان الله راح يكون مقضي على كل الفيروس و منتهي امره؟؟
ليش العالم كلها بتحكي عن خطوره موسم الحج و ما حد جاب سيره خطوره كأس العالم؟؟
بس حابه حد يشرحلي اياها....
10 التعليقات :
و الله الاشاعات بتقول انو اللقاح بسوي ضعف جنسي كمان و توحد عند الاطفال :))))))
احنا نروح نموت بكرامتنا احسن
يا ستي قصص الحج و المدارس و كلها قصص فاضية لانو احنا ناس ما بتفكر بس بتبربر
بالنسبة لكاس العالم لو بدو ينشر ايدز ما بمانعوا المهم انو الشركات الكبيرة تكسب الموضوع مادي و ما تفكري انو الدول المستفيدة من الحج كمان ما بتفكر بنفس الطريقة
كلها مادية حتى بالدوا
متل ما قلتلك يا نروح نموت او نهاجر للمريخ سمعت انهم لقيوا مي هناك
:)
حكيت كتير صح ؟
Jafra
كمان...هاي جديده :$
وما بتطبق بس بنشكي و بنبكي و بنرضى بالامر الواقع....مسالمين ما شاء الله عنا
اكيد ما بوقفوه ولا بجيبو سيرته لكأس العالم....هاد حدث مهم اكبر من اي شي تاني و اغلى من اي شي تاني :$
المريخ!!! فكرك بنلاقي وسعه هناك ؟؟؟
خدي راحتك المدونه عحسابك يا قمر
بالعكس اسعدتيني بتعليقك :)
سياسة
كل اللي بصير سياسة مش اكتر
ما عندي شك انو المرض موجود و انتشاره السريع سبب خطورته
لكن لوقت كأس العالم رخ تلاقيهم ملاقيين الف حل وحل وما بتشوفي إلا بقولوا انو مرض عادي و ما منو خطر
اما شو بدهم بالحج :D
بنظرهم .. ارهاب زيادة
Very funny Jafra, "nmoot bekarametna".
Whisper: Well may be because it is still little early on the cup?! just may be:)
سلام ...
كيفك يا ويسبر وكل عام وانت بخير ..
بالنسبة الي مقتنع تماما بنظرية المؤامرة وكتير مقتنع انه شركات الادوية والسلاح هم الي بحكموا العالم ومش كتير مهتم بأنفلونزا الخنازير الي بحكوا فيه !
وبالنسبة لكأس العالم اذا ما تأهلت الارجنتين فما في مشكلة يفضل انهم ياجلوا او يلغوا ؛)
همسة : السبب بسيط , الحج عبادة دينية وهاي العبادة مضايقة هالجماعة اللي شغال تحكي عالموضع لانو كيف الناس تسوي شي من دينها, بس لما الناس تكون محشورة بحفلة اغاني ولا بكوفي شوب او كاس العالم زي ما حكيتي فهاي مو شغلة دينية هاي حضارة ورقي و تطور فبالتالي بهمش انفلونزا الخنازير او التنانين او اي مرض معد و قاتل , على مبدأ خلي العالم تعيش دنياها وتنسى اخرتها
همسة
هيك شكله والله :$
مش عارفه بالنسبه للمرض عندي شك بصراحه
كأس العالم مهم كتيييييييييير عندهم و اكيد راح يتغير الوضع وقتها
Rana
LOOOOL Jafra damha 3asal :D
It was early when they started talking about 7aj too ...sa7
w keef erfo 2eno la yebda el world cup ra7 ykoon me5tafee el marad??
خالد السعود
اهلا خالد...وانت بالف خير :)
انا بصراحه اميل لهذا الرأي اكثر مع ان ما عندي اي دليل :$
!!!الارجنتين
لا لااا ...هاد انت من
الاخوه الاعداء طلعت....خليك مع البرازيل
احسنلك :)
Ahmad
الله اعلم شو شعورهم بس يشوفو كل هالناس بتعبدو
الحفلات هاي مش مشكله اكيد ول شو مرض ما مرض :$
الله يهدينا اجمعين
yea habibi hwe marad '7ateer, w zahar faj2a w la awal mara so nesbet el 3laj kteer aleleh, bya'7d wa2t la ytl3olo 3laj, wallah msebe kbere hay!.. ana sm3t ino fe kteer 7alat wafa sart B amman :( w allahu a3lam!
ma b3rf shu bdi 2elek wallah, bs rab el 3alamen hwe el 7ami
Wallah ya juju ma ana 3arfeh marat be7ko 2eno 2adeem halmarad w marat be7ko jdeed
Marrat fe 2elo 3elag w marat la2 :$
Ma sme3et 3an 7alat wafah be Jordan wal7amdolellah
Allah yeshfee elgamee3
إرسال تعليق