كل يوم بوصلني مسج من شركه زين - او "شين" على رأي خالي - اغرب من اللي قبلها
بس مسجه اليوم كانت من الاخر
المسج بتقول
ادعي لاحبابك, ارسل اسم الشخص ثم فراغ ثم حرف ذ للذكر او أ للانثى ثم رقم الموبايل الى *****
سعر الرساله 15 ق
يعني بالله عليكم هلأ لو انا بدي ادعي لاحبابي بدي اياكم تكونو الوسيط؟؟؟ و كمان بفلوس..لا حول ولا قوه الا بالله
يعني وبعدين مع هالمسجات اللي صارعينا فيها؟؟؟ اذا بدك تتجوز, اذا بدك تتعرف, اذا بدك تغني, اذا بتحب تسمع حبايبك مونامور وهمه بستنو بحضرتك ترد, اذا بدك تبعت بطيخه, اذا بدك اتف بوجي اعداءك.....مهو هاد اللي ضايل يعملوه
لسا هاي احسن من غيرها اللي بحكولك اشترك مجانا لمده اسبوع, بعدين بتقعد شهر تحاول تلغي اشتراكك و همه يخصمو عليك.
غير المسج اللي وصلتني واللي واضح تماما انها فيروس
وصلتني من الرقم 000
وبتحكي مبروك لقد فزت بصك رقم 00044 و قدره 90 الف دولار اتصل بالرقم 00103 003598815
لااا مش واضح بالمررررره انه في انّ بالموضوع وكمان بحكم تعاملنا بارقام بلغاريا فالرقم بلغاري, وال ايش اتصلي بالرقم... كيف حالكم انتو O_o
يا ريت في طريقه اقدر اوقف كل المسجات الفارطه اللي ببعتوها.....ششششين حلّو عني.
* الصوره مأخوده من النت...شكله في ناس كتير بعانو برضه :)
22 التعليقات :
انا زهّقوا سماوتي من ساعة ما وصلت امريكا و تليفيني ال"شين" كل شوي مسج عبيطة
"welcome to USA" "Enjoy your stay" "Ya hala in USA" "Wallah nawwarat ya ma7la norha in USA"
يعني خلص، مشان القرود فهمت. حلّو عنّي مش شاري.. شو ما كنتوا بدكم تبيعوا ما بيدّي الياه! حلّو عني
جد شي بيقرّف! الحمد لله هون بينشل املهم اذا بعتوا مسج باردة وجة للعملاء
بخصوص الارقام الطويله ... هاي حركة بلشت بفرنسا انو ببعتولك مسج الانترنت انو اتصلي بالرقم كذا عشان تربحي او برنو عليكي منو ... عشان ترجعي ترني عليه وهم يكسبو حق الدقيقه دينار مثلا ... لانو اغلب الناس برجعو يتصلو بالرقم الي رن عليهم
وبخصوص ابعت بطيخه او ابزق بوجي عدوك ... والله فكرة يعني شو بدك احلي من نكشة مخ تبعت لواحد بطيخه :d
او فشه غل تبزق بوجي مديرك من غير ما يبين رقمك :d
وبخصوص المسجات كان يوصلني مسجات عن مميزات عجال بريجستون الساعه 4 ونص الفجر ... انو انا مابحلمش بالعجال
لا هاي مسجات السبام لازمها حل ... خلص قبعت منهم
قويدر
اه بس يسافر الواحد بقرفو عيشته, قبل فتره كتب سميح المعايطه بجريده الغد ان هالمسجات الترحيبيه و التوديعيه مش مجانيه و بخصمو من رصيدك عليها
"شين شين" يعني :(
شرشبيل :)
اذا مع مديري فهاي بدها اعاده تفكير, وممكن انا اروح اعرض عليهم الفكره :$
اه صح بنص الليل ببعتو هيك مسجات, مين اللي فاضي عندهم و ببعت او شو هالباتش اللي عاملينه يشتغل بنص الليل :(
شي حلو والله راح اشترك معهم شكرا ع الرقم لاني وحيد و بدي اطردها للوحدة - بس ما بحب البطيخ حاف ممكن مع جبنة (----)
صببباح الخير :) روقي ... عادي هاي مسجات الزناخة و إزا بدك تسمع نكتة و إزا بدك تعرف حالة الطقس و إزا بدك رنه و إزا و إزا و إزا ,,,, لووووووووووووووووووووووول ,,,,,,,,,,,,,,,,,,,,,,,,,
حلوة شيييييييييييييين !!!! هاهااه
بعد فيه ناس بتصدق حركات الربح هاي؟
هون الشركه نفسها بتقرف بمسجات الدعايات اللي ليهم و بلموا فلوس من وراها
على قولت أنا بدي اللي برن علي يسمع مون أمور؟ ريته سامع صوت تركتر
:)
هون ما فيه مسائلة قانونية .. أو القانون كثير مطاط و بوفر حماية للشركات الكبيرة حتى لو عملت أشياء ضد القانون نفسه
بس ببعض الدول ارجا شوي مع انه عندهم لفات و دورات .. بس لأنه فيه تنافس حقيقي بكونوا بده رضا الزبون - يعني العيل مش واحد اسمه رضا من دار الزبون -
(---)
بس دير بالك ما يكون هالرقم بالامارات, ويطلعلك عمل تطوعي بالصومال مثلا :)
البطيخ عليهم و الجبنه او الزيت والزعتر عليك :)
رزان
صباح الورد, كيفك يا قمر, شكلك امبارح كنتي متدايقه, كلّه بهون يا قمر :)
هاد خالي اللي بحكي عنها شين :) قد ما بعاني منها المسكين.
امجد
بما انهم لساتهم شغالين بهالشي اذا اه لسا في ناس بيصدقو :(
للاسف معك حق, مع انه المفروض انه عنا اكتر من شركه و المفروض يكون في تنافس, بس كلهم متفقين علينا الله وكيلك :(
اهاااا انا بقول والله يا رضا كل الشركات بتتنافس عليك :)
لعيونك احلى جبنة و زعتر و زيت بس لا تنسى انك مفكرة تنحفي و تصيري سمبتيك مو ع حقهم بندفع عشانك بس - حلوه هاي اطلع ع الصومال :) (---)
أكتر مسج بكرهها تاعت حمل رنات وادفع مش عارف كم!!
يا عمي عندي نت وبرامج صوت شو بدي برناتكم الفارطه؟
اطلعوا من راسنا اشي بيدوش جد!!
وعجبتني حركة البطيخه بس هاي بدها بكم:)
الحمدلله انا تخلصت من التخلفات هاي حتى رقم لعطيته لاختي بس ما هي وسيله ليعملو فلوس
(---)
لا لا خلص بديش اشي, احكيلك بلاه البطيخ كمان, مالها المي كتيييير زاكيه :(
بس تجرب تشترك بالرقم احكيلنا شو بطلع معك :)
مياسي
معك حق, يعني بكبسه زر بتكوني جايبه النغمه اللي بدك اياها و مقطعتيها و ماخده الجزء اللي بدك اياه, لايش غلبه الاشتراك والدفع!!
هههههههههه بكمات زين ...زكرتيني مرّه كنت سايقه ورا بكب كاتب عليه صاحبه " بكمي حبيبي" ههههه جد تحشيش
سوزان
نيالك, والله اشي بزهّق :(
الله يوخذهم شركة زين حتى بالردن لاحقين هالعالم بالموضة تبعتهم, انا هون بالكويت كل يوم والتاني باعتيني اشترك وابرح ولا روح اتعرف ولا بحلوا عن الواحد والمشكلة انهم احسن شي حاليا بالكويت.
ايه حلوا عنا خلي العالم ترتاح
وانتي كمان ؟؟!
هو شوفي انا دايما بمجرد ما اعرف انها الرساله هدفها دعايه بشطبها من غير ما أشوف المحتوى..
واكيد سمعتي عن الدجالين والسحره اللي بيحكو معك وبقلك انو انتي مريضه وفي سحر لازم افكه وشرط تبعتيلي 100 دولار مشان ادبح بقره وأوزعها للمساكين ..
وعلى فكره كان ببالي انزل موضوع عن نفس القصه بس بشكل مختلف شوي :)
Ahmad
مهو للاسف برضه شين على كل علّاتها احسن اشي بالموجودين :(
" ازعاج " هاد لازم يصير لقبها لشين
انس
اولا بما انه ما عندي قرود ولا بسس بالمدونه اتطعميهم فالمفروض تعطيني كاش :)
انا بس اقرأ مين المرسل بلغيها على طول, يعني شو بدهم يكونو باعتين, رصيد اضافي لا سمح الله, فلاحسن شطبها فورا.
اكتب عن الموضوع اكيد راح يكون بطريقه مختلفه وخفيفه دم كعاده تدويناتك :)
فعلاً اشي بزهق لدرجة عم بفكر اغير رقمي،
من جملة المسجات اللي بتصلني:
احصل على رصيد اضافي بالاتصال على *115#
اعرف عن مخالفاتك مع الحكومة الالكترونية و انا ما عندي سيارة!!
الخط الاحمر خط الكوميديا الساخن.
حمل اغنية سارية السواس مع اغنيلكز
حالة الجو من الحكومة الاردنية.
انتخابات النقابة.
استقبل اشعار الحب والغرام مع 96767.
محمد
احصل على رصيد اضافي!!!....ايه عمرهم ما بعتولي هيك اشي o_O
ههههه لا هدول طلعو مستلمينك صح الجماعه :)
الله يعينك, بس ما اعتقد ان الشركات التانيه ارحم, ما اسخم من سيدي الا ستي :)
"جديد تعلمته المثل وما صدقت استخدمه"
الحق علينا .. هم لما يشوفونا بنركض ورا كل اشي بعملوه , ويشوفونا قديشنا مبسوطين , اكيد رح يضلوا يبعتوا هالمسجات ويخترعوا 100000000 طريقة تانية يبسطونا فيها ويسرقونا بطريقة عصرية ومتقدمة ومتحضرة بتناسب عقولنا...
حاسس حالي عم بخبص بالحكي !!
اهلا احمد
بالعكس ما بتخبّص...واللي حكيته هو بالزبط اللي بصير :)
شكرا للتأييد !!
ليش ما عم تزوريني بالمدونة؟
انا مش عارف كيف اخلي العالم تيجي ... شو السر لو سمحتي؟
Ahmad
انا راح اضيف مدونتك عالمدونات اللي بتابعها, وهيك بس تكتب اشي جديد فورا بعرف و بصيرو اللي بشرفوني بزيارتهم عالمدونه بسهوله بوصلو لمدونتك :)
شكرا .. وتقديرا مني لمجهودك هاد .. انا رح اهديكي صورة لمدونتك ... راجعي مدونتي بعد شوي بتلاقي الصورة موجودة
احمد
يااااي يلاااا انا بحب المفاجأه :$
إرسال تعليق