امبارح حبينا نكسر الروتين شوي و خصوصا ان اخوي وعيلته هون وانا ماخده هالاسبوع اجازه, اقترحت مره اخوي نروح نفطر بحدائق الملك الحسين,فعلا حضرنا الاغراض اللازمه و اشترينا معجنات و رحنا هناك.
الجو كان بجنن, اكلنا و تسلينا وتشمسنا وتمشينا, انا بحب حدائق الملك حسين كتير كل ما نكون زهقانين انا وصاحباتي بناخد وجبات و بنروح نتغدى هناك.
فعلا انه هالحدائق متعوب عليها, يعني كبيره و المناطق متنوعه التنسيق ومجهزه بمواقع للقعده و خضار و ورود
جد انبسطنا كتير, و انها مفتوحه للجميع برضه هاد اشي كتير منيح, في ملاعب سله و كره قدم, لا يخلو الامر من بعض الحببّيبه المنتشرين فيها وبعض المخربين, و بعض الرسومات عالحيط اللي بتبين انه ما بلبقلنا اشي مرتب, بس اجمالا مرتبه و نظيفه
اتركم مع صور من هناك, وبنصحكم تروحو عايها
الجو كان بجنن, اكلنا و تسلينا وتشمسنا وتمشينا, انا بحب حدائق الملك حسين كتير كل ما نكون زهقانين انا وصاحباتي بناخد وجبات و بنروح نتغدى هناك.
فعلا انه هالحدائق متعوب عليها, يعني كبيره و المناطق متنوعه التنسيق ومجهزه بمواقع للقعده و خضار و ورود
جد انبسطنا كتير, و انها مفتوحه للجميع برضه هاد اشي كتير منيح, في ملاعب سله و كره قدم, لا يخلو الامر من بعض الحببّيبه المنتشرين فيها وبعض المخربين, و بعض الرسومات عالحيط اللي بتبين انه ما بلبقلنا اشي مرتب, بس اجمالا مرتبه و نظيفه
اتركم مع صور من هناك, وبنصحكم تروحو عايها
5 التعليقات :
نيال المعجنات ع هالحديقة ( معجب)
O_o
اهلا وسهلا فيك دائما,مهو ممنوع الهش والنش بالحدائق :)
مش مصدق
معقول في هيك اماكن بعمان بهالترتيب و النظافة
نيالك على اسبوع الاجازة :) تتهني فيه ان شاء الله
محمد
جد انها بتجنن و نظيفه ومرتبه, والمسجد صلينا فيه الظهر كتييييييييييير مرتب.
بجنن الاسبوع والحمد لله, عقبالك :)
شكلو خلص لازمها زيارة و قد ما فيكي استغلي الاسبوع
ان شاء الله الفرج قريب، رح اخذ اجازة مرتبة
إرسال تعليق