How I see things

الغروب في حدائق الملك عبد الله

عبود بضحك لان السنابل tickling him :)

مش عارفه اكتب الكلمه بالعربي :$

فرووحه بتعمللي... "بي عينو" :)

ابحث عن فضولي :)

عبووود

دايما بحب اقرأ شو المكتوب عالفلوس,و بنبسط بس الاقي شي :)

الحاجة ام الاختراع...في احدى مؤسساتنا الحكوميه :$

هييه هييه...منسف منسف

متزكرين قصب السكر :)

ما صدقنا لما شفناه بدبي انا واخوي النا سنين مااكلنا منه

الثلجة اللي داومنا فيها :(

سبحان الله, شكلها زي كأنها من الشمع,

علشان هيك بسموها الشمعه و ريحتها كتير حلوه

"الاورينتال" Oriental

طريق السلط

Oriental

لما كانت المروحه خربانه ...من غير يوم :$

منشاااااااااااااان الله...بديش اربح الاودي

يمكن كل اللي معهم موبايلات زين بعانو من هالموضوع

كل دقيقة رسالة,"تهانينا!! لقد تم اختيارك للمشاركة في مسابقة "زين حياتك"....اودي, الماس او هاتف نوكيا ارسل ....الان"

احكيلكم ..اذا لفيتوها وجبتوها لعندي لباب البيت بديش اياها, خلص طلعت من نفسي

بديييييييييش اياها...ارحموني بس

او باقي اربع ايام عالسحب...طب وانا مال اهلي بالسحب هو انا شاركت اساسا علشان اهتم بالسحب

و "صدق او لا تصدق حتى اخر اليوم 100 نقطه لكل جواب صحيح" ايه مالهم هدول...

بديش اشترك بديش نقاط بديش اربح بدي ما يتعبى الموبايل 1000 مسج من حضرتكم, ما بدي اكون استنى مسج على نار و بعدين تطلعولي انتو, بديش اكون بنص الحلم و تفيقوني على " اقرب كوكب للشمس هو..." بالله عليكم !!! يعني هاد وقته !! بديش اتثقف انا, انا بدي اضلي جاهلة حره انا بديش تطوروني بهاللحظه بدي اضلي ورا العالم , حد اخو مرائي شي.

وشو بالنسبة لمسج " مبروك رقم جوالك ******0795 ربح مبلغ نقدي او جوال او نغمة اتصل على *****0900

يعني لايمتا بدهم يضلو يتعاملو معنا على انا شعب ولا حبّه؟؟؟ لايمتا بدهم يستخرفونا؟؟؟معقول في ناس بتصدق هالشي و بتبعت, تخيل احكي و يبدا العداد يعد وسبعين قرش للدقيقه و من مقسم لمقسم ومن صوت موسيقى لصوت موسيقى و من وحده بتحكي على

اقل من مهلها لوحده تانيه و بعدين بالاخر اربح نغمة رأفت الهجان وسكر الخط هب رايح الرصيد كله !!!

اتصلت و طلبت توقيف هالازعاج, وشبكت عالموقع و اخترت خيار ايقاف الرسائل الدعائية و لهلأ ما حد برد, وبعدين يعني؟؟

سامعينك... وشايفينك

الي فتره برن عموبايلي رقم بتكون من 7 خانات و ببدا ب 079 و انا كل ما اشوفه يا ما ارد يا اسكر الخط بصراحه انا شكيت يكون فيروس او من اللي بنسمع عنهم بتصلو فيك و بس ترد بسحبو كل رصيدك.

المهم كترت عدد المرات اللي رن علي الرقم فقررت اتصل بزين واسألهم عن الرقم خصوصا ان بدايه الرقم بتدل انه من زين

اتصلت بخدمه العملاء و اللي خصمو علي شلنج علشان هالمكالمه و ردت علي" هلا " اللي بكررره صوتها, جد بتنرفزني :$

المهم رد علي شب سألته عن الرقم بحكيلي هو حكا معك على هاد الخط, حكيتله اه, و بعدين حكالي اه هيو مبين قبل شوي حاكي معك - طبعا انا هون استغربت بس حكيت عادي هيك بندلو عاللي بعاكسو الناس فمشيها يا بنت - حكيتله اه وما رديت لاني خفت يكون فيروس, حكالي احسن ما تردي هاد شكله فيروس, سألته طيب ليش بدايته 079 يعني بدايته بدل انه من زين كأنه من جوا الشركه بحكو, سكت وبعدين بحكيلي اه هاد من عنّا....

حكيتله كيف من عندكم وكيف فيروس وما ارد عليه!!

بحكيلي لأ ردي عليه هاد من عنّا , عاده بتصلو من هاد الرقم اذا في عنّا عروض معينه بكونو بدهم يخبروكي عنها

و فعلا تاني يوم رن نفس الرقم رديت طلع ان في عرض بخصوص شبك الانترنت من الموبايل انا بشبك عالنت من الموبايل على ويرلس البيت, و طلع ببين عندهم اني بستخدم النت عالموبايل بحجم كبير فحبو يحكولي عن العروض

كل هاد عادي, بس فجأه خطرلي انه شو صلاحيات اللي بشتغلو بشركه الموبايلات بالدخول على موبايلاتنا, يعني لوين بتوصل

انا قبل هالمره كتبت عن زين كلمتك مسموعه هون

بس هالمره الموضوع اكبر, يعني بتسمّعو على مكالماتنا اكيد, لكن هيك على مزاجهم ويلا بطلب من جهات عليا؟؟

بقدرو يدخلو على كل شي بموبايلاتنا ويلا عالسيم كارد بس؟؟؟

بشوفو الصور اللي بموبايلاتنا؟؟؟ في كتير صور هبل الي مع اولاد اخواني :(

بشوفو ايميلاتنا بس نشبك عالنت من الموبايل؟؟؟ بعرفو الباسوورد بس نخزنه؟؟؟؟ بعرفو شو بنفتح بالزبط؟؟؟ بعرفو ان هاد البلوج الي :"(

كتير اسأله خطرت في بالي وما لقيتلها جواب, اللي عرفته ان زوج صاحبتي مرّه ضل يجيه معاكسات من رقم معين على خطّه الامنيه وهو بطبيعه شغله اله علاقه بشركه امنيه راح وحكالهم, اعطاهم الساعه بالزبط, شغلو اشي زي شريط كاست مسجل عليه كل مكالماته, وحطو الوقت فاشتغلت المكالمه اللي فيها معاكسه, طبعا هو خفّ عقله :$

رجاءا يا جماعه اذا حد بعرف اشي يخبرني , او بقدر يجاوبني عن استفساراتي , بدي اعرف لوين كلمتنا مسموعه بالزبط :"(

اذا اردت ان ترسل بطيخه

كل يوم بوصلني مسج من شركه زين - او "شين" على رأي خالي - اغرب من اللي قبلها
بس مسجه اليوم كانت من الاخر

المسج بتقول
ادعي لاحبابك, ارسل اسم الشخص ثم فراغ ثم حرف ذ للذكر او أ للانثى ثم رقم الموبايل الى *****
سعر الرساله 15 ق

يعني بالله عليكم هلأ لو انا بدي ادعي لاحبابي بدي اياكم تكونو الوسيط؟؟؟ و كمان بفلوس..لا حول ولا قوه الا بالله

يعني وبعدين مع هالمسجات اللي صارعينا فيها؟؟؟ اذا بدك تتجوز, اذا بدك تتعرف, اذا بدك تغني, اذا بتحب تسمع حبايبك مونامور وهمه بستنو بحضرتك ترد, اذا بدك تبعت بطيخه, اذا بدك اتف بوجي اعداءك.....مهو هاد اللي ضايل يعملوه

لسا هاي احسن من غيرها اللي بحكولك اشترك مجانا لمده اسبوع, بعدين بتقعد شهر تحاول تلغي اشتراكك و همه يخصمو عليك.

غير المسج اللي وصلتني واللي واضح تماما انها فيروس
وصلتني من الرقم 000
وبتحكي مبروك لقد فزت بصك رقم 00044 و قدره 90 الف دولار اتصل بالرقم 00103 003598815

لااا مش واضح بالمررررره انه في انّ بالموضوع وكمان بحكم تعاملنا بارقام بلغاريا فالرقم بلغاري, وال ايش اتصلي بالرقم... كيف حالكم انتو O_o

يا ريت في طريقه اقدر اوقف كل المسجات الفارطه اللي ببعتوها.....ششششين حلّو عني.

* الصوره مأخوده من النت...شكله في ناس كتير بعانو برضه :)