Things I Like To Whisper About

Would You Hear Me Whispering

عادات و طرق التقبيل في ﺍﻟﻤﻨﺎﺳﺒﺎﺕ


  اول شي كل عام والجميع بالف خير ربنا يعيده علينا و عليكم وعلى الجميع بالخير

طبعا و زي ما كلكم عارفين اول يوم دوام وخصوصا بالمؤسسات الحكوميه بضيع بالمباركات والمعايدات و القصص و وين رحتي و وين اجيتي و شو طبختو و مين اجا ومين حكا يعني الحمد لله الحمد لله بكون  زي يوم متمم للعيد  هي بس الصحوه بكير و النكد من شوفة بعض الناس اللي ما بتطيقوهم

 اليوم و بعد اللفه على اربع طوابق ومعايده و تسليم  على ما يقارب ال 50 موظفه لفت نظري شي مهم جدا ...الا وهو اختلاف آلية البوس  من حيث الكم و الطريقه لكل موظفه :)

في اللي بتضرب وجهها بوجهك كانها بتطاوش و بصير خدي جد يوجعني بس بكتم بقلبي و بضل  مبتسمه

في اللي بتختلف عدد البوسات على كل خد وانت بتحتاري خلص ويلا لسا  الف وجهي ويلا ما خلصت من الخد و بصير راسك يبعد و يقدم  انو خلص؟؟ لسا؟؟ تردد  واضح لفقرات الرقبه

  في اللي بتبوس بوسه على خد و خمسين  عالخد التاني و الخمسين بكونو على نفس واحد بتتابع سريع الوتيره وانت بتصيري مش عارفه شو تعملي وكل عشر ثواني تبوسيها انو عيب ما تشاركي بالحدث...الست مغلبه حالها ونفسها انقطع وانت ولا ادنى مشاركه !!  

  هلا كل هدول بشكرهم على محبتهم او حتى مجاملتهم الي لانهم عالقليله اظهروها... اللي بقهرو همه اللي بتسلمي عليهم ما بتعبو حالهم يوقفو او حتى يبتسمو وكانهم اول مره ابشوفوكي بحياتهم غير اللي ما بمدو ايديهم يردو على سلام ايدك الا بعد مده، ثواني بس بر ضه تعتبر مده من التفكير بلاش يختي تسلمي اصلاطن انت الخسرانه

4 التعليقات :

كل عام وانتِ بالف خير

شو اقول انا عيد وعزاء الحجة
3 ايام متتالية ...
تذكرت اللبنانية والستاندرد 3 بوسات وكنت دايما انتقدهم على الثالثة ليش ...؟؟؟
هلأ تمنيت ان نكون متفقين على انهم ثلاث فقط ...بدلا من الاعداد اللامتناهيةوبطريقة غير منتظمة

فرصة من هنا كونها اول مرة اكتب بعد انتهاء العزاء ان اشكرك واشكر الجميع وساكتب للجميع لاحقا

يوسف

 

وانت بالف خير صديقنا يوسف

الله يرحم الوالده و يسكنها فسيح جنانه و يصبركم يا رب

جد متعب الوضع و خصوصا بالمناسبات لانه اعداد لا متناهية ومتتابعه من التسليمات

عني و عن الجميع بحكيلك لا شكر على واجب و مقصرين دائما بحقك صديقي السباق بالخير دائما

 

Wallah sha3'leh sa3beh!

jad sa3beh

biddak tkoon 7assas enno ma 7ad yefhamak 3'ala6

--------

I never understood the kissing thingy!

it`s not a (male) thing too, what I mean is I even can`t fathom it among females,

I know it`s all about culture and norms but still I ,, just can`t!

can`t u express u love me without a million kiss

---------

in our culture
-not saying it`s better or worse here-

we have a tradition of hugging , no kisses

it resounds well with me,

* plz for u who think I mean hugging the other gender, .. DON`T!
:)

 

وين كاينه انا عن كل هالبوسات قصدي البوستات :)

في وحده من اللي بعد ما تخلصي بوس بتتكتشفي انه هي لسه ما خلصت ...وبعد ما تبعدي لورا بترجعي تقدمي عشان تكمل مسلسل البوس !!!