الشب بحب يتصف بالغموض و بحب البنت اللي قدامه ما تكون فاهمته 100% بحب السسبنس بالتصرفات لهيك بكره البنت اللي بتواجهه بانها فاهمه تصرفاته و حركاته و اللي بتفهم و بتكشف كذبة و لفه و دورانه.
ما بحب يغلب حاله بانه يخفي افعاله , و بعمل مصيبه كبيره و هو مكشوف و بفكر ان البنت مش فاهمته و اذا بينتله انها فاهمته بكرها واذا غطرشت بمزاجها بكون مقتنع انه اذكى الاذكياء و انها مشيت عليها زي اللي بكذب الكذبة و بصدقها.
و بنفس ذات الوقت الشب بحب البنت اللماحه, اللي بتلقطها على طول, اللي بتفهم عليه من النظر و احيانا بتفهم عليه بدون نظر كمان , سريعة البديهة و التصرف, انفصام بعيد عنكم.
نيجي هلأ لتمييز الاوقات اللي لازم تكوني فيها لمّاحه و الاوقات اللي لازم تغطرشي فيها
هاي يا حبيبتي بدها استخراج ارواح و تنجيم لحتى تفهمي شو بده بهاللحظه, و بما انه كذب المنجمون و لو صدقو فاااااا انسي انك بيوم من الايام تفهمي و شو ما عملتي راح تكوني غلطانه و الحق عليكي بتدمير علاقة كان ممكن ينكتبلها الاستمرار بيوم من الايام
و دمتم
ملاحظه ع الهامش
هالتدوينات عبارة عن اراء شخصية بحته لا تمت للتعميم بصلة ناتجة عن\من - مش بيناتنا - مجموعة مصادر و مشاهدات و شكاوي وتجارب مضاف الها نكهة ويسبرية لخلطة سرية.
10 التعليقات :
أولا عجبتني هاي " بنفس ذات الوقت " هههههههه
ثانيا والله ما أنا عارفة شو بدي أحكي يا وسبر بس بقول : والله واحترنا يا قرعة من وين بدنا نبوسك وحسبي الله ونعم الوكيل زي ما بقول رجائي قوّاس لوول:))))
ملاحظة ما إلها علاقة بالموضوع :
الغموض مرات يضفي على العلاقة حيوية وحماس ويمكن هادا اللي بخلي فترة الخطبة أحلى فترة لإنو لسه ما بكونو يعرفوا بعض وبمجرد ما تتكشف الأمور والأحوال والشخصيات تبدأ مرحلة أخرى وشعور آخر أقل حيوية وحماس من ذي قبل :)
ملاحظة إلها علاقة بالموضوع :))) :
عموما الشباب بخافوا أو خليني أحكي بحسبوا حساب للبنت الناضجة أكتر من غيرها يمكن لإنها بتكون فاهمة طبيعة الرجل أكثر وقصصه :) وعلى فكرة ممكن يبين هالشي من خلال نقاش وحوار لذلك أنا بنصح البنات فترة الخطبة إنو تعمل حالها " هبلة" أولها بس لتتمكن بعدين تكشر عن أنيابها هههههههه ....عاد هي بتكون فاهمة كل الطبخه....^_^
ما عندي شيء اضيفه. بس حاب اعلق عشان تابعي بالكتابه :)
وياويل البنت اذا كان عندها سسبنس :) الشب معلش يكون غامض بس هي اذا عندها شيء غامض راحت فيها البنت :)
Orangee
اهلا يا قمر :)
الموضوع جد محيرني لان الشباب بزعلو و بنقهرو كتير من انكشاف مخططاتهم
او عالقليله اللي سمعت ﻗﺼﺼﻬﻢ هيك ردود ﺍﻓﻌﺎﻟﻬﻢ
الخطبه المفروض يكتشفو بعض و يكونو طبيعيين مو يخبو ويمثلو لكنللاسف ﺍﻟﻄﺮفين بمثلو
موضوع التاني في منو كتير
الشباب ما بحبو او ما بفضلو يتزوجو وحده كبيره لاسباب عديده ومنها انها ناضجه و فاهمه و واعيه و طبعا ما بقدر يربيها على ايده هالمصطلح المقرف المتداول عنا :\
Jaraad
شكرا عالتعليق
انا بيني و بينك كاتبه 3 مشاهدات و مجدوليتهم حكيت عجب القراء بكمل ما عجبهم بنسحب بهدوء :)
هههههه جد يا ويلها
ابصر شو مخبيه وقتها وانت بتعرف البنت مو متل الشب و الشب ريته ما يبلى بطلعله اما البنت فطبعا لا
هاد مجتمعنا :)
صار لي فترة ناوي أرجع أدون بس بدنا شوية تشجيع... فا شدو الهمه :)
إذا البنت عرفت متى تكون هبلة و متى تكون لماحة!!! و عرفت كيف تستغل هذا الموضوع.... حتكون حياتها كتير أسهل و الأهم حياة الرجل برضو كتير أسهل ...
نتمنى دائما إنك تشاركينا إلمشاهدات الوسبرية ساعة الصبحية في الانفصامات العلاقاتية "
علااااااااااء
مرتين لافتح اللينك لمدونتك لاتاكد انه اه هو علاء :)
3 سنوات بعد يا صديقي!!
يلا المهم في نية للرجوع و انا مشهوره بالنق لهيك ان شاء الله هالنيه حتتحول لواقع
كيفك صديقي؟؟ ان شاء الله كل امورم تمام
معظم البنات اذا مو كلهم بغطرشو كتير لكن غرور الرجل بفكر انه هو اللي اتقن الدور لهيك مابحسب و بقدر غطرشة البنت للنوقف وبس بتذكر المواقف اللي بينتله انها كاشفته فيهم
هو لو يراجع حاله منيح بتصير حياته اسهل :)
مع عدم انكاري انه التطنيش مطلوب من الطرفين لتمشي الحياه
عجبتني والاهم حياة الرجل برضه كتير اسهل
الاهم هاي خلتني اتوقع انك ارتبطت :) هههههه
الله يسمعنا الاخبار الطيبه دائما عنك صديقي :)
صحيح اذا ما في عندك شي تكتبه شاركنا بالصور لحين تجميع الافكار
انت حرمتنا من افكارك ومن صورك ل 3 سنين ...كتير هيك بصراحه
مدونة الزمن الجميل تتمنّى لك عيد أضحى مبارك ، أعاده الله على الأمّة الإسلامية باليمن و البركة و النّصر !!!
اللهم اميين
كل عام وانت بالف خير سيد منجي و شكر على المرور
ايمتى تكوني ذكيه ولماحه وايمتى تغطرشي و تعملي حالك مش فاهمه شي؟؟؟؟
لووول عنجد بدها تنجيم واستحضار ارواح هههههههه
لازم البنت تكون قد حالها و مشغله الرادارات كلها في كل المواقف بس اذا انزنقت وهاد الرجل بيستاهل ومش حابه تخسره فالافضل انها تكون لطخه وهبله و لامانع من شوية تحزون ودموع ...هيك بتكسب على المضمون ههههههههههه
ههههههههه نيسان فعلا مرات بتضطر تغطرش و بمزاجها لان اللي قدامها بستاهل و مرات لان مزاجها رايق وما بدها تعكنن على حالها ولا على اللي حواليها
و برجع لضميرها تسامح او تجمّع و تحط بقلبها لوقت الانفجار :)
إرسال تعليق