انت انسانة رائعه =======> انت هبلة
احنا مش مراهقين ============> انا بتسلى و اي تورط بمشاعرك انت بتتحملي مسؤوليته
انت انسانة رائعة و انا ما بستحقك =======> انت هبلة و انا قزيت منك بصراحه
و بالعادة بتبعها جملة
انا بدي اضحي علشانك انت مش علشاني =========> انا قررت اخلص منك
الحلو ان الشب بطلع من الموضوع و هو مقتنع تماما انه ما غلط وانه كان واضح و قد تبلغ فيه انه يقتنع انها مشيت عليكي و انه جد ضحى و بس تلتقو بعد فتره بالصدفة او تحكو مع بعض بكون متل اللي كذب الكذبة و صدقها و مقتنع انه ضحى و انه منيح و انه فضّل مصلحتك على مشاعره.
هاي طيبة قلب منه عفكره مش لئم او شر...هااا شفتي نص القراء الشباب صدقو هالجمله O.o
ملاحظه ع الهامش
هالتدوينات عبارة عن اراء شخصية بحته لا تمت للتعميم بصلة ناتجة عن\من - مش بيناتنا - مجموعة مصادر و مشاهدات و شكاوي وتجارب مضاف الها نكهة ويسبرية لخلطة سرية.
المشاهدة 1
المشاهدة 2
4 التعليقات :
أنا هسع تركت الموضوع كله وصابتني حكة بنص عصبي لأعرف شو هو ووين الفيديو اللي حضرته من فتره بحكي عن نفس الموضوع بلزبط عن واحد بتخوت على صاحبته بقلها بدي أضحي علشانك وانسحب o_O
Orangee
انا هلأ صار عندي فضول اشوف الفيديو كمان :$
بس تلاقيه شاركينا فيه الله يسعدك :)
اوكي
انا اللي بيسببلي كل انواع الخثرات الدموية و التجلطات وزيادات الصفائح هو لما تتفرجي عالوضع لما تكون البنت واعية، وصاحية، ومدركة للسيناريو اللي بدو يصير ومتوقعة الأوكوورد سيتويشن اللي الشب رح يحطها ويحط حالو فيه
يعني في حال كانت البنت بريئة وما عنجها خبرة بيسير الموقف اللي ذكرتيه
بس في حال كانت من النوع الواعي اللي بيقدر يتوقع توابع الامور، بتيجي بتحذر الشب انو بلاش ما ناخد على بعض كتير، بيستخف فيها وبيحكيلها لا تكبري الموضوع... بتحكيلو ماشي... بتلاحظ انو الأمور عم تزيد عن حدها، بتحكيلو يا ابن الناس عم نزيدها، بلاش ناخد وجه عبعض كتير... بيحكيلها لا تبالغي احنا مافي بيناتنا اشي احنا بس اصدقاء... بتحكيلو يا سيدي اوكي... بتضل الأمور تزيد، بتقلو بالعربي انا ما بدي اتعلق بحدا وما بدي حدا يتعلق فيي، بيحكيلها انتي ليش بتكبري الأمور وانا بتحكم بمشاعري وانا اصلاً ما بدي اكتر من صداقة لأنو انا كمان مش مستعد ارتبط... وفجأةً بتلاقي الشب جايلها وهو على حافة الانهيار وبيحكيلها: انا مش قادر! انا متعلق فيكي! انا بطلت اقدر اعيش بدونك! أنا ... وأنا... وأنا!! وازنها زلمة تحكيلو انا ما بدي وانا مش حابيتك وأنا مش مستعدة للارتباط! رح يحكيلها: انتي تلاعبتي بمشاعري وعلقتيني فيكي... كان لازم من اولها تحكيلي انك ما بدك ياني!!!
ياااااااا شييييييخة....
سيبينا...
جد مرات بحس السعوديين بيفهموا لما يعملوا جدار فولاذي بين الجنسين!!
بحيرة البجع
I vote 4 whisper
*until he reads along*
tasgo6 tasgo6 whisper!
:fad7atna:
:P
إرسال تعليق