Things I Like To Whisper About

Would You Hear Me Whispering

طلع مفيش :(



متزكرين لما حكيت نفسي اطير و اجرب اذا في الي جناحات؟؟؟
جرّبت...او تعرضت لموقف اني اجرب - حرفيا -وطلع مفيش جناحين :(

اختكم من اللي بكرهو يأجلو شي و بحبو يعملو كل شي فورا وبايدهم طالعه لمميتي بهالشي :)

برداية غرفة بابا و ماما فالت طرفها و الي كم يوم بشوفها وبحكي بدي اعملها و ماما تحكيلي لا تعمليها اخوكي بعملها او عالقليله خليني اكون معك بس تعمليها, اليوم كنت انا و ماما لحالنا بالبيت و ماما بتتحمم قررت اعملها :)

جبت السلم الكبير لقيته بعيد لان في كوميدينو - الاش اللي زي طاوله و الها دروج جنب التخت بتنحط للي ما بعرفها - و الكوميديو كتير كبيره وما بقدر ازيحها فجبت السلم الصغير درجتين و حطيته فوق الكوميدينو و طلعت لحتى وصل راسي السقف لاشتغل براحتي :)
عملتها وكل شي تماما انتبهت في قريب نص البردايه اشي بدو يفلت ويا دوبك...يااااااااااااا دوبك بميل لازبطها هب...طب....طرت :) و للاسف ولا جناح رضي يرفرف نزلت طب على كعبي و بعديها كلّي لزّق بالارض :(

سيناريو طويل حصل بعدها ما بين ماما تنادي ..... انا ادوخ ..... بابا يجي....ضحك.... تلج.......و وجع .... يا على امك.... و معاتبات كيف اطلع ..... ضحك مره خامسه.....وجع رهيب.....انا ادوخ.....طوارئ.....صور اشعه.....ضحك مرّه تانيه و الدكتور بفحص لاني بس ضغط على الكعب حكيت "أخخخخ" وتزكرت فروحه اللي شبهي قلبا وقالبا و بتحكي كلمات اكتشفنا اني بستخدمها و بتحكي "أخخخخ" وما كنّا عارفين من وين جابتها :) الدكتور بحكيلي اول مره بشوف حد بضحك بس يتوجع :) المهم تبين انها بسيطه وما في كسر ولا شعر و الحمد لله , اعطوني مسكنات و دهون وطول اليوم وانا رافعتها وبعرج لاني مش قادره امشي عليها :)


فاااااااااااااااا الخلاصه......طلع مفيش جناحات :(
مفيش طيران.......
مفيش تحليق......

30 التعليقات :

Hahhahahahhaha... Salamat Salamat,, ma 3aleke shar ...Hahahahhahaha... Zaman ma d7kt.... :D
Estamerri :D
Ta7eyati :P

 

Ahmad Merir

LOOOOL ho bsara7a....bedda7ek elmawkef :)))

Zaman ma nawrt el blog, 2elak fatra 3al facebook el comments bet7ot-ha, hon 2a7la :)

7ader....bs bedoon w23at allah y5aleek :P

 

طيب بالله بس تتحسن رجلك و تخفي و تصيري تقدري تطلعي دراج خبريني لانه كل غرفتي براديها فالته و بدهم تزبيط !! و بعدين شو ادراكي يمكن بتقدري تطيري لازم تجربي كمان مرة , الثالثة نابتة

 

W7l

الحمد لله رجلي احسن بس بعد ما صحيت اليوم اكتشفت باقي الخسائر :(

ظهر و ايد و رجل ماكلين هوا طلعو بس القدم كانت هي الاقوى فغطت عليهم امبارح

الله يسامحك...شكلك حابب تقضي علي , مع اني بعملها مره تانيه, بعرف حالي :$

المره الجاي بجرب الطيران ولكن من ارتفاعات مقبوله ما بنتج عنها اي خسائر :)

 

الحمدلله على سلامتك و اجر و عافية ان شاءالله
و ماعدا تعوديها اوكي ههههه
:)

 

الحمدلله على سلامتك يا قمر
بيتهيألي عشان تطيري....بدك مسافه اعلى ومدى اوسع....المره الجاي جربي عن سطح البيت ههههههههههه

سلامتك مره تانيه....كتيرة غلبة

 

salamtek o inshallah m3afaye

bas 7abbeh a3raf shol ertafa3at el maqbooleh 3ndik 3shan ma yseer 5asa2er :D

 

له له,, مش خبريه ع هالصبح
ألف أللللللللللللف سلامه عليكي عسول
العين اللي شافتك وماصلت ع النبي يطرقها ستين أطلس يارب


إلي مغامرات ف الطيران مشابهه,, بس ما كانت تنتهي بالطورائ
قال شو,, قال أنا تمسحت من كتر ما إندبيت عن السلالم
لوووووووووووووول


صباحك خير وعسل يارب

 

you should've done some googling on Abbas Bin Fernas and saved yourself the painful discovery!
Slamat Whisper,falling isn't fun :(

 

هههههه سلامات ألف سلامة
كل اللي فكرت فيه يحرق الشغل وسنينه
يعني لازم هالهوس بالبردايه يختي عمرينها!!
هيط صار بدك طله، منيحه بكسة البردقان؟

 

سلامتك ألف سلامة يا ويسبر

الحمد لله انها بسيطة

ما تشوفي شر يارب

:)

 

يتقلب على السجادة/الأرض ضاحكا ً فرحا ً شبه شامت ٍ و مسرورا ً
:=]]]]

قال بدي أطير قال

ذكرتيني ب فيلم

اللي بتكون وحدة مريضة و بتكون حابة تطير من على سقف البيت بس أبوها بمنعها

"نسيت اسمه للفيلم! بس الممثلة/المغنية ماندي مور"

المهمّ

المغزى إنك تجربي من على ال "إ"سطوح ويسبر

ههههههههههه
خخخخخخخخخخخخخخخخ

*يفكر بأسى ً في مستقبل فروحة*

ياااااا حراااااااااام

 

له له , سلامات ان شاء الله
بتضايق الواحد لما اللي حواليه يقعدوا يضحكوا , بس مرات بندمج وبصير يضحك معهم

سلامتك وان شاء الله ما تشوفي شر يا رب

 

الحمد لله ع السلامة ويسبر هانم

قبل ما تحاولي الطيران المرة الجاية إشربي من هاداك إللي بيطلعوا دعايته بالتلفزيون إنه "بيعطيكي جوانح"

ـ

 

سا محيني يا ويسبر انا ضحكت والله لما اتخيلت الموقف طالعه على امي في هالشغله:)
سلامات ان شاء الله ما عليكي شر بس ما حكيتي النا شو صار في الكوميدينو!!

 

الصورة عجبتني الولد ذكرني بابني عبوده مره لما بدوا يجيب بسكوته ويطلع على الكرسي ومنه على الكاونتر تبع المطبخ ومن ثم يقوم بعمليه السرقه طبعا كل هاد بمراقبة لولو حتى لا يتم الامساك بالمجرمين الصغيرين :)
هاد كله وانا عامله حالي مش شايفه!!

 

الف سلامة عليكي يا قمر
الحمدلله مرقت على خير .. وللمرات الجاية لا تنسي انو مفيش

 

Wafa'

الله يسلمك يا قمر...امين يا رب
بيني و بينك...ما بضمن ما اعيدها هههههه :)

Naysan

الله يسلمك يا رب
شكرا عالنصيحه....بعرف ان قلبك ابيض وقصدك تفيديني :$
هههههههههههههه زي ماما ما بتحكيلي :)
كتيرة غلبه

 

hb

Allah ysalmek ya amar w y3afe 2albek ya rab
lool 7alyan.....darageh kteer momtazeh :)

UmmOmar

اباااااااااااااااااااااه :( انا واوا يا ام عمر
الله يسلمك يا رب...اللهم صلي و سلم على سيدنا محمد
محسوده يختي انا شو اعمل بحالي...بعرف مين اللي قر علي

بعيد عنك يا قمر....هو بس الاهل بتعودو عالموضوع, زي فروحه حبيبتي بتضلها توقع, اولها كلنّا بنهب و بنقوم و بنراضي و بنفتش وين الواوا هلأ صرنا نتطلع عليها و نحكيلها بسيطه بسيطه قومي حبيبتي....شريرين احنا :)
صباحك ومساكي ورد و ياسمين يا حلوه

 

Rain

He is not my model in flying ... I'm following the birds in that :D

Allah ysalmek ya amar...falling is very painful specially when u discover new injured area each day :(

مياسي

الله يسلمك يا رب
شفتي بالله....و المشكله ماما بتحكيلي اخوكي بعملها اتركيها ولكن انا...الصر يصر الحاحا :)
بتنوريني بس بحبش البردقان :$ بدي ككس :)

 

نادر احمد

الله يسلم عمرك نادر :)
الحمد لله....يعني في حوالاي كان 100 شي ممكن يعمل مصيبه بس ربنا سترها
تسلم يا رب...اجمعين ان شاء الله

Sheeshany

عارفه...والله عااااااااااااااااااااااارفه انك راح تنبسط ....شرير بعرفك

ما بعرف الفيلم !!!
عأساس انو انت منيح ما بدك اياني انتهي باعاقه او شلل لأ موت فورا :"(

مبدع بالشر ما شاء الله عليك

فرصه سعيده والله....ال سلامتك ال
بديش :(

 

LUNAR.

الله يسلمك يا رب الحمد لله اجت بسيطه
بيني و بينك...انا اللي ما كنت قادره امسك حالي عن الضحك حتى بالمستشفى
جد كل ما اتزكر حالي وانا نازله....اه حسيتها فتره و مش فاهمه ليش ما غمضت عيوني و بتزكرها سلو موشن كمان :)
تسلم يا رب

Saleh

شكرا صالح الله يسلمك
اهااااا فكرك بزبط!!!
انا حظي كتير حلو و اللي بشتغل مع العالم كلها عندي بوقف...فااااااااااااااااااااا بلاها :)

 

Sozan
خدي راحتك يا قمر لاني لهلأ بس اشرح لحد بصير اضحك :)
اه ما بحبو غير يعملو الشي بايدهم....وانا هيك طلعت
والله الكوميدينو بصحه ممتازه ولا صابه خدش لكن السلم المسكين .....انكسر :$
حباااااااااااايبي بحبهم بس يعملو هيك حركات انا :)
بجننو ...ربنا يخليلك اياهم و يخليكم الهم

همسة

همووووووووووووووووس حبيبتي ...وينك يا قمر كتير اشتقتلك
ان شاء الله تكوني بالف خير

الله يسلم قلبك يا رب.....جد الحمد لله
كل ما نكتشف ضربه جديده بتحكيلي ماما هاد ابسط شي ممكن يصير
الحمد لله رب العالمين
ههههههههههههههههههه....حاضر :)

 

سلامة قلبووو
مابتشوفي شر يارب(:

وبعدين ياويسبر مع قصة الطيران:S
ليش عجولة أنتي هيك ما قلنالك عباس بن فرناس راح يضبّطنا:]

الحمدالله اني مش حدك يوم صار فيكِ هوب. هب. طب .. كان فطست من الضحك لانو بصراحة اذا حدا وقع مابضبط حالي :D

انتبهي مرة تانية( مش راح قلك لا تعيديها مرة تانية) وسلامتك يارب

 

Bullet

الله يسلم عمرك يا قمر....تسلميلي يا رب

ههههههههههه شفتي بالله....خلص انا بس احط شي ببالي انتهى بدي اعمله :)

لا عادي انا كنت لحالي وصرت اضحك....هو بزياده لحتى اطمن ماما بس وجهي اللي اصفرّ كشفني :)

حاضر, بالزبط عارفتيني صرتي ههههه
الله يسلّمك يا حلوه

 

ماما قالتلك ما تطلعي ليش ما بتسمعي الكلام اه هههههههههه .. الف الحمد لله عسلامتك و ما تشوفي شر يارب بس اسمعي الكلام تاني مرة :)

 

هديل

كتيره غلبه زي ما حكت نيسان :)

الله يسلم عمرك يا رب....حاضر ولا يهمك
عالقليله لحتى تطيب رجلي مع اني امبارح ماما دخلت عالغرفه وانا متشعبطه عالكرسي بدي اطول حرام تاني من الخزانه....بردانه :$

تخافيش...اكلت اللي فيه النصيب من مميتي :)

 

Mar7ba whisper
Kefak sweet heart I hope your ok now,
Am so sorry I do not want to laugh at you but it dose sound funny
Am sorry that happened to you, please be careful next time .salmtek inshallah

 

NrJordan

ya 100 2ahla w sahla be Nour el amar, wenek ya 7elweh we miss u kteer
I'm fine wal7amdolellah and much better now :D

Laugh 2ad ma beddek :) lahalla2 bs 2a7ke el2essa b7ashesh men eldo7ok, it was funny seconds leash el7ake lool

Al7amdolellah rabna satar w inshallah next time I'll take extra care :)
Masakee full w 3anbar