Things I Like To Whisper About

Would You Hear Me Whispering

احنا معاكم...


احساس العجز بالاكتفاء بالمشاهده من خلف التلفزيون بيقتلني و متأكده انه بقتلكم
اكيد في النا دور ممكن نعمله
فكرة وصلتني من صديقتنا المدونه سوزان
ان اكيد في اشي بنقدر نساعد فيه...الانترنت عنّا شغال و في تويتر و فيس بوك و في مدونات .... عنّا اشياء بنقدر نساعد ولو بشي بسيط, بالتعبير عن رأينا ...بنقل الاخبار اللي بتصير ....بالتأكيد على مؤازرتنا للشعب المصري بهالايام بثورتهم اللي متأكده ان باذن الله انتصارهم قريب و حريتهم قريبه
الفكره انّا نستغل امتلاكنا لهالاشياء لتوصيل اصواتنا.... لافكارنا و لكلماتنا و لكلماتهم اذا بنقدر نوصللهم
فكرت باني اتصل برقم عشوائي و اسأله اذا بقدر اعمل شي اساعدهم
علقت على مدونات مصريه انّا كمدونين اردنيين جاهزين لاي مساعده ممكن يطلبوها و انّا اذا بمقدورنا انّا نلبي طلباتهم ما راح نتأخر
نعمل اي شي لحتى نحس انّا فعلا بنستحق انّا نفتخر بانفسنا و انّ كان النا دور و لو جدا بسيط في هذه الثوره اللي بتحصل

ما عندي افكار كتيره غير انّا نكتب تحت مسميات
Jan25
Egypt
و هي المسميات اللي تستخدم في التويتر حاليا بس نحكي عن الثوره
و اللي عندو اي فكره يا ريت يشاركنا فيها
خلي يكون النا دور بدعم الرجال المصريين في هذه الايام

13 التعليقات :

شكرا ويسبر على سرعة عرض الفكره وبتمنى انه المدونين يتجاوبوا معاها
هي محاوله منا لنحكي الهم احنا مع مظاهراتكم اللي بدأت سلميه واللي دخل عليها الكلاب اليوم وبيحاولوا تدميرها

 

شكرا الك سوزان على الفكره
فعلا هاد اقل شي ممكن نعمله بجانب دعائنا للشعب المصري بالحريه عن قريب

 

الله ينصرهم وعن جد الله لا يبارك فيه شو انه حقير جد انه فرعون

 

اللهم امين
اللي بصير اشي بقهر ...ربنا يكون معهم

 

كتير حلو اللي عم تحكيه و شكرا الك و لسوزان
طبعا انا شغالة الي فترة على الفيس بوك و اللي عم اكتبوا على المدونة
بس طبعا الفيس بوك التفاعل فيه ايجابي و اكتر
و نفس الشي على تويتر
و حلو فكرة التسمية
يمكن نقدر نوفيهم حقهم بغض النظر عن اتفاقنا او اختلافنا مع افكارهم
او اتجاهاتهم
بكرر شكري

 

أقل شي منقدر نعملو انا ندعيلهم من كل قلبنا بصلاتنا خصوصاً في قيام الليل...
الله يثبتهم و يصبرهم و يهون عليهم و يأمنهم في بلدهم يا رب...

و مشاركتنا بنقل الأخبار الصحيحة على الأرض كتير مهمة، خصوصاً مع وجود كتييييييير قنوات و وسائل إخبارية عميييلة...
لازم ندير بالنا و نعرف مين الصح و مين الغلط، و ما نوخد أي حكي من قنوات مثل الفضائية المصرية و غيرها من القنوات الحكومية المصرية و قناة العربية كمان...

 

Jafra

شكرا لسوزان عالفكره و الك عفكرة الفيس بوك و التويتر
انا بحاول انشر الصور و المقالات المصريه عالتويتر و الفيس بوك
بس شكله لازم اكثف الشغل اكتر هناك
ربنا يكون معهم

MrsH

الدعاء اله مفعوول رهيب ان شاء الله
امبارح كان في صلاه حاجه بوقت السحر و الله اعلم الليله كمان

اميين يا رب العالمين

الاخبار الصحيحه.....معك حق لانها كترت الاخبار الواهيه الكاذبه و اللي بتعكس الحقائق اللي بتصير

 

بلاش الهبل ده
فكرت باني اتصل برقم عشوائي و اسأله اذا بقدر اعمل شي اساعدهم

 

هي كانت من الافكار المتسرعه اللي بتيجي عالبال بالعجئه...و لاني حسيتها غلط طبعا ما عملتها

شكرا عالنصيحه التقيله شويتين

 

وسبورتي بحس متل ماحكيتي الوسائل اللي حكيتي عنها هي أكتر شي بنقدر نشتغل عليها ونكثف شغلنا عليها ومتل
ماحكيتي أكتر شي ع الفيس بوك
ع فكرة الفيس بوك دوروا كتير كبيييير لآنو نحنا مابنقدر نتواصل معهم بالداخل يعني ..
وأكيد دعائنا إلهم مابينقطع وندعيلهم ليلا ونهارا

كمان أكتر شي نحاول ننشر الأعمال الأجرامية اللي قام فيها النظام هيّ إلها تأثير كتير كبير + المقالات متل ماحكيتي
يعطيكِ العافية يارب.

 

الفيس بوك و الاويتر همه المحرك الاول لهالثوره لهيك اول شي قطعو النت

ربنا ينصرهم...هلأ همه بحاجه لدعواتنا كتير

الله يعافيكي يا رب

 

بارك الله فيكي أختي الكريمه
ولكل المعلقين الكرام
وبالفعل أنفاسكم وقلوبكم كانت لنا خير عون وداعم بعد عون الله ودعمه

خالص تحياتي وتقديري

 

Ahmad_k

اهلا و سهلا فيك بمدونتي المتواضعه.... كان نفسنا نكون معكم و نشارك باي شي, ربنا يهدّي بالكم و تحصدو نتيجة تعبكم عن قريب ان شاء الله