Things I Like To Whisper About

Would You Hear Me Whispering

شر البليّه ما يضحك

لفت نظري خبر في موقع عمون تحت عنوان "اصابه 6 اشخاص اثناء تمرين وهمي للامن العام"

بالله عليكم هاد خبر هاد....يعني لو لا سمح الله الموضوع كان جد كان كل اللي بالموقع ماتو :$

كيف وهمي و6 انصابو؟؟؟؟

لسا لو تسمعو كيف انصابو ......هاد يا جماعه الامن العام جمعو كل اللي بالمنطقه و بالعاده المفروض بالتمارين الوهميه انهم يستخدمو اسلحه صوتيه....قوم ايه الامن العام بالغلط استخدمو قنبله فيها شظايا وهمّه مفكرينها صوتيه !!!!

الاصابات كانت بين المدنيين و رجال الامن العام ,انصابو بحروق وجروح ,ومن المصابين شب عمره 17 سنه ممكن - ان شاء الله لأ - انهم يبترو اصابع رجله اليسرى بسبب شده الاصابه.

وطبعا كالعاده بدايه الخبر بحكو ان الامن حشد لهالتدريب و باخر الخبر مدير المكتب الاعلامي ينفي انهم جمعو الناس وان الناس اتجمعو لحالهم -جد عذر اقبح من ذنب- وان الشب المصاب اصابات "خفيفه" تسلل لموقع التدريب

يا عالم ياللي ما تخافو ربكم...مستخدمين قنابل حقيقيه في تمرين وهمي وحشدتو العالم عليه وبالاخر بتلومو المصابين المدنيين كمان.

حسبي الله ونعم الوكيل....

16 التعليقات :

وهمي وستة انصابو هاد كيف لو كان جد ساعتها شو حيصير؟؟؟؟؟

 

والله ما انا عارفه, مش غلطه بصراحه :$

 

OMG !!!!! kidding sa7 !!!???


Maysa

 

sheklo wa7ad feehom 7emi o 7ab y3eesh el dor fa faga3 qonbole 7a2ee2eyye ?

why would they involve civilians in this anyway? 7atta law wahmi :S

 

والله الواحد مش عارف يضحك والا يبكي على هيك خبر

الله يكون بعون المصابين و يشافيهم

ذكرتيني بنكته مرة طلعت معي بقعدة .. من تأليفي ..
واحد قـطّـع ابنه الشارع .. و هوه راجع دعسته سيارة

 

انا حرمت افتح صفحتك و انا بالدوام
عن جد ضحكتيني العالم فكروني انجنيت لا و في واحد اجنبي بقولي شو بتقري و قرب على الشاشة و بدو اياني اترجم
شوفي الفضايح اللي ما الها لازمة طبعا الفت قصة شو بدي احكي للرجال تدريب وحشد مدنيين و فقعوا فيهم قنبلة بالله عليكي شو احكيلوا هادا
؟

( ملاحظة : انا ما ضحكت على العالم و اللي صار فيهم الله يعينهم بس اسلوبك هو اللي ضحكني - ياه على ايامك يا عمان )

 

ما احنا هيك ما في واحد يحكي انا غلطت ما بيسترجو تنهز مراجلهم همسه كلمة آسف عظيمه على السنتهم

 

مجموعة حياة

Unfortunately it is a true story :S

Hb

Because they are stupid ...if they can't distinguish between the real weapon and the fake one they are stupid :S

امجد

صاحبتي بس حكيتلها فكرتها نكته :$
امين يا رب الله يشفيهم

يييييييييي علينا ,لا حريص اسم الله عليه
هههههههههههههه

 

Jafra

للاسف وانا بقرأ الخبر صرت اضحك....الخبر محزن اكيد , لكن مستحيل يا جماعه مش هيك الذكاااااااااااء

لااا لا تشرحيله بكفّي اللي بشوفوه بعيونهم :S

فاهمتك يا قمر ...

Sozan

اهلا اهلا بعروستنا الحلوه :)

لاا عيب يعترفو بالخطأ, و كمان عيب يسكتو لازم يحمّلو هالمواطن الغلبان المسؤوليه ,ما بكفّي الهم اللي حامله

 

تدريب على مكافحة المظاهرات ... يعني اذا هيك بالتدريب شو ناوين يسو بالناس عنجد ... المشكله مرات بحكو انو فرقو التجمعات ولاعتصمات بدون استخدام القوة ؟؟؟
طيب اذا بالتدريب فيه اصابات كيف عنجد ؟

 

شفت بالله عليك....هاد التدريب
بالحقيقه بنسفو المدينه باللي فيها شكله :$

 

إذا هم ما فرقوا بين الصوتي والحي بجوز جارتنا تفرق !!
الله يقطع الهبل انشالله
الله يشفي المصابين .. والمهابيل كمان الله يشفيهم

 

ييييييييي خجلتيني ويسبر الله يحلي ايامك يارب

 

ييييييييي خجلتيني ويسبر الله يحلي ايامك يارب

 

looooooool amjad i like your joooke

really its s.th very similler to this story !!! ;)

 

همسة

بتحسيهم حاطين القنابل بكرتونه وكل واحد وحظه يا صوتيه يا حقيقيه والعالم الله لا يردها :$
امين يا رب للتنين :)

Sozan
وايامك يا قمر...هيك انت هلأ :)

ام المييس

LOOOL it is :D