كل طفل بكون عنده احلام وامنيات, امنيات واقعيه و اكيد امنيات وهميه بتناسب عمره كطفل متل الطيران اللي هي امنيه مشتركه عند كل اطفال العالم :)
انا وانا صغيره- ولهلأ بصراحه- بتمنى اني الاقي طاقيه الاخفاء
جد كنت اتخيل لو لاقيتها وين ممكن اروح
وفي مكان محدد كان يخطر عبالي
بتعرفو القهوه اللي باخر جبل الحسين؟؟؟
كنا كل ما نروح نزور عمتي نمر من جنب هالقهوه, وفي اشاره ضوئيه هناك
كنت دايما ادعي انو تكون الاشاره حمرا علشان نوقف جنب القهوه
و اضل اتطلع على الرجال والشباب جوا و همه بأرجلو و بلعبو شده و دومينو و طاوله
بس يكون في مجموعه كبيره عالطاوله,بهاد المنظر بكون نفسي الاقي طاقيه الاخقاء و اقعد بالنص و اسمع شو بحكو وعلى شو بضحكو!!!!
وفي مكان محدد كان يخطر عبالي
بتعرفو القهوه اللي باخر جبل الحسين؟؟؟
كنا كل ما نروح نزور عمتي نمر من جنب هالقهوه, وفي اشاره ضوئيه هناك
كنت دايما ادعي انو تكون الاشاره حمرا علشان نوقف جنب القهوه
و اضل اتطلع على الرجال والشباب جوا و همه بأرجلو و بلعبو شده و دومينو و طاوله
بس يكون في مجموعه كبيره عالطاوله,بهاد المنظر بكون نفسي الاقي طاقيه الاخقاء و اقعد بالنص و اسمع شو بحكو وعلى شو بضحكو!!!!
امنيه تانيه وبرضه لسا لهلأ بتمناها, و زادت بايام الجامعه وايام الركوب بالباصات
كنت اتمنى اني بس اركز براس اللي قاعد او قاعده قدامي اقدر اعرف بايش بفكر
وخاصه بس يكون اللي قدامي فيه نظره تعب او اكتئاب او حزن
بكون نفسي اعرف شو اللي مأثر عليه و مخليه حزين
كنت اتمنى اني بس اركز براس اللي قاعد او قاعده قدامي اقدر اعرف بايش بفكر
وخاصه بس يكون اللي قدامي فيه نظره تعب او اكتئاب او حزن
بكون نفسي اعرف شو اللي مأثر عليه و مخليه حزين
امنيه تالته وهي مستوحاه من مسلسل كان يجي على التلفزيون واكيد كتير ناس كانت عندهم هالامنيه
اني بس احط اصابعي على بعض اوقف الزمن :)
بس اكون في موقف محرج بس بدي اهرب من حد اوقف الزمن
كل شي حولي يوقف و اضل انا اللي بقدر اتحرك واي شخص تاني انا بلمسه برجع للحركه
بس هالامنيه وقفت والحمد لله و ما استمرت معي لهلأ لانه عيب يعني, كبرنا على هالحركات :)
اني بس احط اصابعي على بعض اوقف الزمن :)
بس اكون في موقف محرج بس بدي اهرب من حد اوقف الزمن
كل شي حولي يوقف و اضل انا اللي بقدر اتحرك واي شخص تاني انا بلمسه برجع للحركه
بس هالامنيه وقفت والحمد لله و ما استمرت معي لهلأ لانه عيب يعني, كبرنا على هالحركات :)
10 التعليقات :
سلام
شكلك كنتي تحضري تلفزيون اكثر من اللازم؟؟؟
هههههههههههه
هو في منه
بس لاتحكيلي انه ما كان عندك امنيات من هالشكل
وخصوصا الطيران :)
لوول همسة
جد احلاو ولا احلى
بس اول ثنتين بغلبوكي :D
وبوجعولك راسك
بلاهم الدنيا اهدى يعني :)
بتعرفي انا كتير بحلم اني بطير
بس جد الشعور مش طبيعي
بتحسي حالك فعلا فوق الدنيا
والغريب اني لما اطير بكون دايما بس فوق بيتنا
جد احلام طفولة ولا احلى
:)
ههههههه
حلوه:) والله فاضيه
على فكره في وحده صاحبتي نفسها بطاقية الاخفاء برضو
بضل احكيلها بلاش؛ بتصيري تسمعي اشي بدكيش ياه:)
انا كان نفسي بقمر صناعي ... وارجع بالزمن
تعرفي انا بامن انو الاحلام بتتحقق بس باساليب مختلفة عن المتوقع
يعني بتصير بطريقة او باخرى
I, unlike you, never dreamt of having super hero abilities :P
However, one of my dreams was to be a parachutist or a vegetables store salesman :P
سلام ويسبر كيفك ؟
الامنية الاولى والتانية النوايا فيها مش صح .. يعني امنيات خبيثة ... بس الثالثة مبررة !
انشالله بتلاقيها للطاقية .
eNAS
احلام طفوله ولساتها معنا
احلى حلم هو الطيران...بس مش فوق بيتنا
باماكن ما بعرفها وتحتي غابات و شجر :)
مياسي
معك حق بتحسي الناس مش طايقتك بدون ما تسمعي شو بحكو عنك للناس
او ببالهم
لا لا بطلت بدي اياهم هالامنيات فعلا بغلبو
Ammar el motawa7esh
ههههههههههههههههههه
مش قادره امسك حالي عن الضحك
من المتوحش واضح ان لسا عندك امنيات الطفوله :)
انا مش كتير من احلامي بتتحقق, في ناس اللي بحلمو فيه بصير :$
Nizar
parachutist this is nice its some how like flaying :)
but vegetables store salesman!!! for me this is a nightmare
خالد
الله يسامحك والله النيه صافيه 100%
بدي احل مشاكل الناس انا :)
ان شاء الله بلاقيها وبتشوف قديش الناس راح تيجي تطلبها مني :)
إرسال تعليق