حلق , هديه العيد.....واشياء اخرى

اليوم انا حابه احكي عن اشياء كتيره

1. عن فرّوووووحتنا اليوم حبيبتي حطت حلق فرح ...يا على قلبي شو بكت بكا الله يعينهم الصغار شو بستحملو وجع و يا دوب دقيقه بكا وبعدين ولا كأنو صار اشي...حبايبي شو هبولين و بستحملو
هي فرح بالحلق الجديد ريتو ما يبلى القمر ما شاء الله..اكبر من دانها حبيبتي كتير فسفوسه

2. واليوم جابتلها عمتو...اللي هي انا :) هديه العيد

بجننو مش هيك...انا شايفتهم من شهر يعني قبل ما تنولد فروحه وضلو ببالي واليوم جبتهم بجننو زيها حبيبتي
البطه بتصير مخده و بتصير لعبه...مزوئه بعرف بعرف

3. جبتهم من مكه مول .....اليوم كل الاردن بمكه مول , وكل شباب الاردن والدول المجاوره واقفين عالباب
انو ايش في يا شباب...اليوم للعائلات شو بتستفيدو لما تقضو طلعتكم واقفين على باب المول مش فاهمه انا
طيب ولنفرض ان في بنت اطلعت عليكم...بنتين تلاته شو استفدتو من الشرشحه و الوقفه بالشارع مش فاهمه

4. واحنا طالعين من الكراج الشارع مسربين بس في سيارات صافه عالجوانب فما في مجال غير لسياره وحده تمر, في واحد راكب رينج و ماشي بسرعه و الاولويه النا فمشي من جنبا بسرعه واخد الطريق...اللي عجبني تعليق اخوي ...بحكيلو اخوي يعني انت هيك قوي...يعني اقوى واحد بخواتك ....ههههههههههه جد تحشيش جديد علي التعبير

اشي اخير.... .شو بالنسبه للشعر ؟؟؟؟؟
اليوم وانا قدام مكه مول حاسه حالي بمسلسل كارتون ياباني بالكابتن ماجد مثلا..
مش هيك الشعر...يعني كانه كل واحد فيهم ضاربه اعصار او مش عارفه شو...ايش في جد ايش فيه؟؟؟؟

على خبريه الشباب اللي واقفين بره اتزكرت هالفيديو