Things I Like To Whisper About

Would You Hear Me Whispering

مشاهدات وسبرية ساعة الصبحية في الانفصامات العلاقاتية...المشاهدة 5



بدك تخففي عقل الشب؟؟
بدك تتأكدي من صحه مشاعره؟؟
بدك تتأكدي انه ما بتسلى و ما بلعب فيكي و بمشاعرك؟؟

انا بحكيلك الحل الامثل, الحل اللي ما خاب ولا مره بعد استخدامه
جمله شهيرة بجميع العلاقات, بتهز كيان الشب وحتى لو ما كان بتسلى , بتحكيها البنت عن طيبه قلب و عن واقع و حقيقه, او بخباثه لتكتشف حقيقه اللي قدامها

"انا حكيت لماما عنك"....أن أن أأأأأأأأأأأأأأأأأأأأأأأن

ارمي الفتيشة و شوفي ردود الافعال يا حلوه :)

تلات ارباع الشباب بتهرب فورا , الصادق و اللي بتسلى, ببدا الشب بحوار عميق خلال ثواني بينه وبين حاله مع نظرة ازبهلال تستمر لاكثر من عشر دقائق يتخللها اصوات 
"ايش!!!!!!!!!!!"
"طب ..."
"مش بكير..."
"شو حكت..."
"طب..."

و تلقي بعديها سيل الحجج و المببرات بداية من انه فجأه سبحان الله بطل فاضي ابدا طلاقا مطلقا مع انه كان 24\7  عالنت ما بتحرك
نهاية بانه لازم يضحي  - راجع مشاهدة رقم 3 - علشانك انت مش علشانه هو :)

هلأ اذا الشب ما هرب و بقي لاسبوع و بعديها هرب اعرفي انه كان صادق.....بس خاااااااف :)

المشاهدات السابقة



9 التعليقات :

ههههههههه
بركاتك يا ماما

...يا ستي الماما الها هيبه ....حتى بعد عشرين سنه زواج بيضلهم يحسبوا حساب الماما و رأيها واذا اختلفنا خلاف جذري على اي موضوع فعبارة ((بدي احكي لماما واشوف رأيها)) ممكن انها تخلي الموضوع ينتهي بأرضه وبلاش نوصل الموضوع لماما...
هههههههههههههههه

 

هههههههههههههههههههههههههههههه!!!!

ذكرتيني بمثل بسمعه كتير من الشباب: "الهريبة ثلثين المرجلة" وهاد حكي مو من عندي فما حدا يحكي إني بتبلى على نص المجتمع الآخر!! سمعته من أكثر من شاب والله على ما أقول شهيد

 

ما هو الموضوع بصراحة بخوف .. لأ عن جد بخوف خصوصاً موضوع الماما

بس بصراحة النسبة الأكبر منهم بتتسلى ، لما أشوفهم بحس انه بده يحطم رقم معين

بس في شباب واضحة ، على سبيل المثال واحد من صاحبنا من أول اسبوع دوام في الجامعة كان صريح ، و هسه عندهم 3 اولاد الله يخليلهم اياهم

 

عنجد إنك رهيبة ....فكرة والله ما خطرت ببالي :)))

 

eh!

aslan 7amaty = aghla mn 7ayati

o kolna haik kaman

 

@نيسان

ههههههههههه جميله هالمعلومه
ومنكم نستفيد يا سوسو :)

تأثير الماما يدوم لما بعد الزواج اذا :)

@Aseel

يعني مع ان موضوع التسلاية ما اله دخل برجولة بس هالايام المسميات ما عادت تفرق كتير

اكيد ما بنعمم ولكن في هريّبة كتير حوالينا :)

 

@نيسان

ههههههههههه جميله هالمعلومه
ومنكم نستفيد يا سوسو :)

تأثير الماما يدوم لما بعد الزواج اذا :)

@Aseel

يعني مع ان موضوع التسلاية ما اله دخل برجولة بس هالايام المسميات ما عادت تفرق كتير

اكيد ما بنعمم ولكن في هريّبة كتير حوالينا :)

 

@وائل

الحمد لله لسا في ناس صادقين حوالينا ولكن للاسف قلّة قليله

اذا صرنا بالشغل و موظفين متزوجين و بتشارطو و براهنو مين يوقع مين من الموظفات

مجتمع غريب يا اخي :$

@Hedaya
بناتنا في الخارج...كيف حالكم ؟؟ :)

طمنيني هيثم قايم بالواجب ويلا لأ؟؟ خلينا ندخل ماما ام انس بالموضوع :)


لا لا طريقة ناجحه 100%

@Haitham

حماتي اغلى من حياتي لان زعل حماتي بقضي على حياتي :)

ايوه هيك بدي اياك ...عارف وين مصلحتك :)

 

bel monasabeh:

there is no such thing as

من صحه مشاعره

for our species

it is just the way we r! Deal with it
:D