Things I Like To Whisper About

Would You Hear Me Whispering

GOOD BYE

قرار السفر لدبي اخد مني تفكير عميق و طويل، فكرت بكل ناحيه و بكل تغيير، حسبت شو حخسر و شو حستفيد و بعد الاستخاره و التوكل على الله تم السفر و لله الحمد.

تجربه غنيه بكل ما فيها من صعوبات و تغييرات، الغربه و العيشه المستقله، الشغل الجديد و الناس الجداد، تعلم شي جديد تماما عن تخصصي ، تجربه مفيده و مش ندمانه عليها الحمد لله، لا انكر ان شعور وجود شغل بستناني بالاردن هون التجربه كتير و وجود اخواني شجعني عليها، لكن هاد لايمنع من قسوه بعض المراحل و صعوبه التأقلم مع بعض الامور.

الحياه بدبي جدا مريحه، في سهوله بالحياه و بعد عن تعقيدات موجوده بالاردن، بعيدا عن الناس و رأيهم و تدخلاتهم في شي بخلي الحياه سهله بعيدا عن موضوع الناحيه الماديه ﻛﻤﺎﻥ، دبي مكان لصرف الفلوس وعدم التحويش اسلوب الحياه بفرض عليك هالشي،  مهما حاولت ما بتطلع بشي، زي ما بحكو دبي فلوسها فيها، بتاخد بايد و بتعطي بالتانيه.

حققت معظم اللي كنت ناويه احققه بالغربه، البيت و السياره و الشغل و جزء من اللغه، المحادثه ممتازه و لكن الكتابه لسا بدها شوي :$
بالشغل ولله الحمد اثبتت نفسي و بعد سنه وصلني ايميل لترشيحي لترقيه و بعد امتحان تحريري و مقابله تم الموافقه  :) يا الله شو انبسطت لاني شفت نتيجه شغلي و تعبي، بالشغل بالعاده الموظف ببعت يطلب يتقدم للامتحان و في موظفين الهم اربع و خمس سنين لسا ما ترقو و انا وصلني ايميل لاتقدم :) الحمد لله.

فرحتي باﻻستقرار و الترقيه ضلت ناقصه بسبب عدم تأقلمي على موضوع البعد عن الاهل، موضوع اني ببلد وماما ببلد ما زبط و خلى شعور غريب متل قبضه القلب مرافقني من اول يوم وصلت دبي، توقعت ان مع المده و الزيارات و الاتصالات يقل هالوجع، لكنه بالعكس كل ماله بزيد، مهما طولت او قصرت الاجازه الوجع ملازم و بالعكس بزيد.

لذلك تم اخذ القرار و البدء بالتنفيذ، بيع السياره، تقديم الاستقاله و اتمام شهر الانذار، بيع العفش و تسليم البيت، وووووووووو الرجوع الى ارض الوطن نهائيا :)

فاااااااااا يوم السبت وفي تمام الساعه الخامسه و الربع عصرا نور الاردن اللي منور باهلها زاد نقطتين و وصلت  الى ارض الوطن سالمه غانمه :) اي نعم مكنتش نايمه منيح و وقت الهبوط هبط ضغطي و دخت و اللي جنبي خف عقله المسكين لما صرت اتنفس بصوت عالي لاتحكم بحالي و مسكت كيس تحسبا لاي قرار مفاجأ لارجاع الوجبه للجماعه :$  لكن مشيت على خير

باي باي دبي و ويلكم تو جوردان :)

Published with Blogger-droid v2.0.6

20 التعليقات :

حمدلله على سلامتك وعقبال عنا!

 

يس ...ويلكم تو جوردان يا جميل :)
دايما كنت اقول لكي تكون سعيدا ليس المهم اين انت...المهم مع من أنت ....ممكن الواحد يكون في اسوأ مكان بالعالم لكن مع الشخص الصح حيكون سعيد ..والعكس صحيح اوفكورس :)

نورتي عمان يا بطتي والحمدلله على سلامتك .

 

ألف ألف الحمد لله عالسلامة

تجربة ومشت الحمد لله , بمحاسنها وبمساوئها

صحيح أهل الأردن راح ينظرولك انك بني ادمة حاملة شوالات مصاري خير الله , بس مش مشكلة , المهم انك رجعتي عالأردن الغالي

بغبطك بس ما بحسدك

بالتوفيق ان شاء الله

 

قصدك " عتمت الأردن"
حبيبتي

راحت عليّ ما أرجع أكمل المحادثه
حظك بفلق الصخر,, إنشغلت وكل ما امسك التلفون "بعصبيه" ألتهي بشي جديد

هههههههههه

سلام يا حبيبتي هههههههههههه

 

الحمد لله ع السلامة و كل التوفيق يا رب

 

لما قرأت العنوان فكرتك بتقولي باي للتدوين و الله قلت لأاااااااااااااااا ههههه ألف الحمد لله على السلامة و ان شاء الله ربنا يوفقك بكل قراراتك و بكل خطواتك

 

يا ريته ألفون وخومسومية الحمدلله عالسلامه يا عزيزتي الصديقه ..

بالتأكيد ...
مكان الراحة هو مكان الاستقرار ..
وانشالله بتلاقي كل الراحه اللي تبتغيه برجعتك ..

 

حمدلله عالسلامة والله..
والحمدلله على كل حال.. ان شاء الله ربنا اختار لك الافضل..
راح ترجعي موظفة حكومة ومشعتلة زي هالشعب الغلبان :)

 

hala hala

hala hala

*mimicking abu-yousef`s song*

+

ylawwe7 bel shma3' - mnawreh .. DUBAI

heheeeeeeeeeee
------

nseena n3mal subscrib!

approve this 1 epleeeez

 

I agree with Mohammad Jarrar, you will be seen as if you have shipped back with you a million dollar..
Am happy that you had the opportunity to experience being on your own and test yourself.. Hamdellah 3ala salamtek, am sure your mom is happy to have you back just in time for Eid..

lool at what happened during landing:D I always have a bag ready just in case..
:)

 

حمدا لله على سلامتك ويسبر

ربي يجمعك بحيايبك على طوول

 

SuSu

الله يسلمك يا رب...اميين يا رب
ربنا ايسر اموركم

نيسانة التدوين

الله يسلمك يا قمر
و الحمد لله على سلامتك انت كمان

معك حق 100% المهم مع مين بتكون مش وين انت
يلااا الحمد لله على هالتجربه

 


Um Ommar

هههههههههههههه حبيبتييييي ام عمر
هلأ عرفت نقطه ضعفك و الاوقات المناسبة الواحد يحكي معك تلفونات :)

احمدك يااااا رب ههههههه كان اللي عملناه فيكي الصبح طلعتيه علينا بالليل :)

الله معو القمر :))))

صالح باشا

شكرا شكرا صديقنا صالح

 

ابو زينة

الله يسلمك يا رب
بالزاااابط المهم مشيت و القرارين ولله الحمد مش ندمانه عليهم :)

ههههه بدت التعليقات و رمي الكلام....بتعرف كنت المدير العام للشركه اللي كنت اشتغل فيها :)

ان شاء الله ربنا بيسرلك كل الخير و بجمعك مع الاهل و الاحباب على خير

hb

الله يسلمك يا رب
لا و الف لا باي للتدوين, مرات بنهّوش بس من ورا قلبنا :)

كنت مفكره اشوفك بالامارات :$ سبحان الله ما زبطت

تسلمي يا رب...اجمعين ان شاء الله

 

Mr. Jamhawi

الله يسلمك صديقي اللدود :)
الحمد لله راحه من الاخر...راحه جسديه و راحه بال بتسوى كل شي بالدنيا :)
الله يرزقنا راحه البال اجمعين يا رب

وانت؟؟؟ لولا الريدر كان انصدمت بمدونتك المتوقفه :$
لا تطول كلنا جايين زياره نعيد عليك بعد العيد...بدنا تكون المدونه بتلمع لمع و الكعكات والقهوه الساده جاهزين
ويلاا جيب اشي قليل السكر لهيثم مهو هيك هيك راح يشبط فينا و يجي معنا :$

كيكي

الله يسلم قلبك يا رب
اللهم امييييييييييييين....حنرجع للحكومه و قصص الحكومه
بس بنفسيه جديده و جاهزه....اعتقد :$
شعتله هههههههههههه زماااااااااان ما سمعتها هالكلمه :)

 


Sheeshany

بعرف ...بعرف ان طربش اللي بلش التعليق بعدين انت سيطرت عليه و بدى الشر

ضلك انسى و حط تعليقين..ايه....بدما مصير دفعك و بالعمله الصعبه
انت المتغرب الان و اجا دوري انق و اقر و احكي عن شوالات العملات الصعبه :)

Noura

LOOOL yes I know, and from now the comments started from here and there
2elly bedry bedry :$

Allah ysalmek ya rab, it was a wonderful and useful experience in all its aspects

MAMAAAAA she is very happy 7abebteeee, I'm not getting enough from hugging and kissing her :)
haret-haaaaaaaaaaaa loool

kul 3am w 2enty b5ear ya amar...happy Eid

u know what, I thought I'm going to die or some thing, I couldn't breath and all my body was wet :$
Al7amdolellah it passed :)

 

زينة الصبايا

الله يسلمك يا رب
اللهم اميييييييييين...اجمعين يا رب
و يجمعنا عن قريب :)

Lio

هههههههههههههههههههههههههههه
جد ضحكتيني من كل قلبي
الله يسعدك يا رب
تذكرتك و تذكرت اخر ايام :)

حبّك اناااااااا و بانتظارك يا قمر

 

ولو انها متأخره :-) ألف الحمدلله عالسلامة ^_^

 

هههههه لا لسا معطله وما رجعت عالشغل فا مش متاخره :)

الله يسلم قلبك يا رب :)