صباحكم و مسائكم رضا يا رب
من وقت ما قررت ارجع عالاردن و انا حاطه في بالي عدد من التعليقات السلبيه اللي حتنحكالي من الناس و العائله تعليقا على "غربة البنت" اللي كنت فيها, و قررت اطنش و ما اهتم و فعلا مع كل زياره ومع كل تلفون في رمي لجمله معينه, و بناء على نصيحه صديقنا ابو زينه قررت اسجلهم عندي و بعدين انزلهم بتدوينه :) و خصوصا ان العيد جاي و كلللللللللل العالم راح تشوفني خصوصي اني بحب الفلف بالعيد مع بابا وماما فااااا انتظرونا :)
التعليقات ذكرتني بتعليق " مبدع" من قريبه النا قبل سنه تقريبا, شافتني ببيت قرايب تانيين, هالست بشوفها بشكل دوري كل كم شهر و ببيت نفس الناس سبحان الله, هي قريبتهم اكتر ما تكون قريبتنا, المهم كنا قاعدين و اجت سلّمت علي و على ماما و بدت بالتعليق كأنها مش شايفتني من 10 سنين " ماااااا شااااااااء الله هاي بنتك؟؟؟ ما شاء الله شو حلوه الله يخليلك اياها شوهالحلاوه و شو هال ...الخ" ومن هالحكي اللي بشرح القلب و برفع المعنويات انا طبعا الابتسامه من الدان للدان و " شكرا خالتو....شكرا خالتو" و راسي عبّى الغرفه
و ختمت التعليق ب " مع انها وهي صغيره كانت بشعه"
!!!!!!!!!!!!!!!!!!!!!!!!!!!!!!!!!!!!!
أن أن أأأأأأأأأأأأأأأأأأأأأأأأان
فسسسسسسسسسسسسسسسسسسسسسسسسسس
راسي نفّس و ابتسامتي اختفت و حسيت وجهي بشع نار زي الملطوش عشر كفوف على خد واحد
ابااااااااااااااااااااااااااااااااااااااااااااااااااااااه......الله يسامحك يا خالتوووو :(
اصلاطن بجنن وانا زغنونه :(
16 التعليقات :
looool
Allah yes3dek inshallah :) da7kteeni..Inti 7elweh in every way..and tell her Noura said so...:D
!
People sometimes speak without any consideration to how their words are coming out! and please do not listen to what others comment or say about the time you spent away from home..do not let them take away the experience and what you learned with their negativity..You stand your ground, be proud that you made it..the strange thing is the same people who might criticize you for your short ghorbeh might jump on the opportunity if it was given to them...I know this from experience..
Yalla el7amdellah 3ala salamtek and welcome home where it seems nothing has changed:)
صباح الخير
والله يرضى عليكِ ويسعدك
واضح انك مزعلتيها منك وانتي صغيرة...
يعني كاينة شقية
وبتخلص ثارها ..
على راي صابر الرباعي
صباح الفل للجميع هنا
what a self-centered post!
I cannot blv I wasted my time reading this!!
Allah ysam7ak ya abu-zaina bas!!!
Allah ys3idha l 5alto sho enno 3indha bo3od nazar o zoog ma be5ayyibish
!!!!!
asla6an ana elly bajannin o ana s3'ayyoor
"literal meaning"
:sofeera:
ابو زينه
ايواااان هو هاد الصوت اللي طن بداني ساعتها :)
هي بتعتبر نفسها جاملتني و المفروض انا طايره من الفرحه من هالحكي :$
الله يخليلنا التطنيش لنعرف نعيش ﻫﺎﻻﻳﺎﻡ
نورااااا
الله يجبر بخاطرك يا قمر
هي الذوق و الناس اللي بتعرف تحكي، ال بشعه ال
موضوع غربة البنت لسا مش مستوعب كتير عنا و انك تعيشي لحالك هاي قمه الانفلات بالنسبه الهم و قمه الانفتاح الغير محبب
انا مجهزه حالي ما اهتم بس كنوع من انواع الدعابه و التوثيق :)
الله يسلمك يا رب
كيف بدو يتغير و العقول هي هي ﺍﻝموجوده :(
صديقنا يوسف
اللهم ﺍﻣﻴﻴﻴﻴﻴﻴﻦ
واضح انها لهلا مش طايقتني بشلن الخالتو :$
صباحك و مساك رضا ﺻﺪﻳﻘﻨﺎ
Sheeshany
انت بتجنن بلد كبير و صغير الله يعين الاء و هيوم و انوس عليك
بعدين اي وقت ضائع ؟؟؟ ما انت ما بتصدق تضيع وقت وما تدرس بس نازل تصوير و تويتر
Amen aaaaaaaaaamen
رحم الله امرئ عرف قدر نفسه :sofera:
انا استنتجت ان مجتمعاتنا مسلمه ظاهريا فقط. السنه اللي على هوانا وسهله بنحفظها وبنصير نرردها دايما على اساس انه احنا قمة في الايمان والسنه اللي مش على هوانا بنتناساها.
على سبيل المثال الآن بتلاقي كل الأردن قاعده بتحكي عن فضل صيام الوقوف بعرفه. الله يقبل من الجميع ان شاءالله. لكثير من الناس الأصحاء ما اتوقع انه صيام هاد اليوم فيه اي صعوبه.
بس ليش ما حد بحكي عن فضل الحديث الصحيح التالي:
من كان يؤمن بالله واليوم الآخر فليقل خيرا أو ليصمت ، ومن كان يؤمن بالله واليوم الآخر فلا يؤذ جاره ، ومن كان يؤمن بالله واليوم الآخر فليكرم ضيفه.
قديش من المسلمين بطبقوا هاد الحديث "فليقل خيرا او ليصمت."
على فكره انا اكتشفت انه في نوعيه من الناس طيبه بس ما بتعرف تحكي. صدقا. بيحكي او بتحكي كلمه انا متأكد انه مش عن قصد بس بتكون جارحه جدا.
لقيت حالي مستخدم كلمة "استنتجت" و"اكتشفت" حاولت اغير الصيغه بعد تفكير عدة ثواني بس ما عرفت فقررت اخليهم. اللي مش عاجبه انا مش راح اقوله يروح يبلط البحر وانما حقوا علي بحاول ما اعيدها :)
زكرتيني بوحدة قريبتنا كمان, هاي كانت شايفتني اخر مرة و عمري كان 10 و لا 11 .. المهم شافتني السنة واقفة مع بنت خالتي فااا بس قربت بنت خالتي عرفتها علي اني بنت فلانة, ما لقيتها غير "لاااااااااا و لا يمكن بنت فلانة ناصحة و مش حلوة" طب انو احترمي الحيطة اللي واقفة قدامك, احكيها من ورا ضهري أنا راضية, لتكون هية قريبتك؟ هههههههه
يلا أنا بانتظار مدونتك عشان افضفض تلاطيش الحكي اللي سمعتها لما انا كمان تغربت :)
نفس الكلام يتقال كل ما احد من زمان ماشافني يقولو "يا وفاء احلوتي ..كنتي وحشة و سمرا و انت صغيرة" .. يعني كانهم بيمدحوك الان.. فعلا الملافظ سعد ههههه :)
Jaraad
للاسف الناس بتستخدم و بتتزكر الدين بس بما يتماشى مع مصالحهم و باللحظه هديك لان نفس المفهوم يمكن يتغير مع تغير المصلحه
في ناس طيبه و في ناس شريره بتقصد ازعاجك بكلامها .. الطيب بدو يفكر قبل ما يرمي الكلمه لان الشرير ما بنعتب عليه و بتعرف انه بكرهك و من الطيب بتيجي اقوى
اكتب ولا تراجع اللي كتبته كله منك مقبول مني و من الجميع اكيد :)
hb
لااااا بديت اشك انها نفسها :$
بس مش كلمه الله يسامحها تحكيها و هيك بوجهك
مع العيد زادت نسبه طج الحكي و في جعبتي الكثير :)
Wafa
الكلام بطلع بدون ما يمر على مرحله الفلتره بالدماغ :$
اه انك بتجنني على عكس الصوره اللي بدماغهم..شكرا جزيلا و يااااا ريت ما تفكرو تمدحو مستقبلا
اليوم كتبت عالفيس بوك موقف جديد بس ما حكتبه هون علشان.اللي مش مشاركين بالفيس بوك - شيشاني كل الكلام ده عليك - بعرفو انهم ﺧﺴﺮﺍﻧﻴﻦ
ما شالله حكي من الققلب من الغلب العليك بس احيك علي ضبط لسانك يعني ما رديتي عليها .
عن غربة البنات منتظره الحكي المر ه الجايه
كل سنة وانت بالف خير
إرسال تعليق