Things I Like To Whisper About

Would You Hear Me Whispering

اكتشافات تدوينيه




الي كم يوم عم بقرأ البوستات القديمه في مدونتي من سنه و سنتين و اكتشفت اشياء كتيره

اكتشفت ان في اصدقاء كتير النا في عالم التدوين - مدونين و معلقين - اختفو بدون ما انتبه, من التعليقات حاولت افتح اكتر من مدونه و كلهم بتطلعلي صفحه "الوضع غير متاح"....بعتذر  اني ما انتبهت و اني ما سألت, و بتمنى انهم يكونو بالف خير و بطمع اكتر بالتمني بانهم لسى متابعين  و فكرة الرجوع للتدوين خاطرتلهم و  بنصحهم  و بشجعهم انهم يرجعو


اكتشفت اني كاينه كتيره حكي بس ربنا الله في تدوينات قرأتها مرة و مرتين و تلاته و انا مش مستوعبه اني حكيت كل هالحكي و كتبت كل هالكلام....الله اكبر شو خليتي مخبى :$

اكتشفت اني لازم اشكر الله على نعمته باني اندليت على التدوين, في ذكريات و مواقف و احداث مهمه صارت معي ناسيتها تماما و لولا البوست كان ما تذكرتها

اكتشفت تعليقات من غير معرفين جد بتخوف و بتحير :$ اشي انا راده عليه بكل لطف و ذوق وهو عدائي جدا و اشي مش راده عليه اساسا بس ناشرته 

اكتشفت ان انا و هيثم كاينين اصدقاء و هيثم ما كان عنده اللؤم التعليقي زمان....قمه الادب و الاخلاق التعليقات و الردود و هو يحكيلي شكرا عالموضوع و انا احكيله شكرا على التعليق ...لاااا اصدقاء اصدقاء ما شاء الله :)

اكتشفت اني موهوبه....اه اه بدي ارفع من معنوياتي ...انصدمت في بعض التدوينات من طريقه كتابتي...جد يا جماعه في الي تدوينات خطيره و معبره .... و برضه قرأتها و قرأت التعليقات و استغربت ان عندي هالقدره على الكتابه وانا مش حاسه


واكتشفت اني مابين اخر سنتين انتثقلت من مود اللطافه و خفة الدم التلقائيه  - اه برضو تواضع- الى قمه النكد و الكئابه :$ جد الله يعينكم علي شو كاينه مواضيعي متلونه باللون الرمادي , من السرد التلقائي اللطيف الى الكتابه الجامده الخانقه

اكتشفت انكم -اللي لسا بتنوروني - رائعين و اصدقاء حقيقيين, تعليقاتكم و متابعتكم و تشجيعكم و وجودكم بحد ذاته نعمه من رب العالمين


ومن موقعي هذا اعلن نيتي على العوده الى المسار الصحيح - على سيره العوده اكتشفت برضه اني مقرره هالقرار خمس ست مرات من قبل و كل مره ارجع  للنكد و الغيبه - المهم خلينا باليوم و مع فرحه العد التنازلي اللي انا فيها فاااااا ان شاء الله حرجع انا بالواقع لحتى ينعكس الموضوع على مدونتي و مواضيعي اللي حكتب عنها


و دمتم

22 التعليقات :

الله يقويكي يا رب وترجعي زي اول وأحسن
سيبيكي من هيثم عالعموم , مش مكسب D:

انا برضه مرات برجع بقرأ في الأرشيف , بستغرب وبنبسط وبتضايق وبخف عقلي , كله بنفس الوقت

 

ماشي يا أبو زينة

دبّارك عندي! عتبك على اللي بيفتح أي لينك من اللي نسيت اسمه تبع الصور 9ag! و الله نسيت اسمه

----------

قرار ورا قراااااااااااااااار، عدوا على عمرنا .... (يغني)

بصراحة الواحد مو ملحق

بحب يقرأ و يشعبر عند الكل بس ما شاء الله العائلة التدوينية في ازدياد :)

و بكون على حساب دكانة الواحد هالحكي كلو
----------

انتي بتتأرجحي بكل ألوان الطيف! نكد و خزعبلات ... و حالمة و واقعية و أحيانًا خفيفة دم (هههههههههههه، لازم الشر)

بالأول كنت مؤدب و طيوب بس اللي فيه علة (علة! علل) أبقدرش يخبيها للأبد

خاصة على خبيرة ناناتية زيك
:)

--------

حلو الواحد يقرأ نفسه ! و المدونة مكان رائع (جد) للتأمل

و بخاصة مع التعليقات

 

وين كبسه ال
"ممل"؟

ههههههههههههههههههههه

حشاشه؟؟
شو نوع الحشيش؟؟
حقن وإلا شم؟؟
جعبالي أغير اللي بتعاطاه,, شو بتنصحيني؟؟

 

تسجيل المتابعه لإنه لمى أجيت بدي أكبس
ممل
نسيت أعمل سبسكرايب
لوووووووووووووووووول

 

ويسبر شكراً لهيثم ومياسي اتعرفت عليك عن طرقهم وفعلا انت عندك قدره علي الحكي والسرد بستمتع اجي علي هنا
تحياتي واحييك علي القرار

 

ابو زينه

تسلم يا رب ....النفسيه بترجع و لله الحمد فشكله حنرجع زي اول :)

هههههههههههههههه...عجبتني :))
بس هلأ و هو في بلاد الفرنجه ممكن نستفيد....يورو و تبادل ثقافي :)

انت باخر جمله اختصرت البوست...هاد بالزبط اللي صار معي


Haitham

جد لو تشوفنا باول ما بديت تعلق...كنت احكيلك صديقي و انت تكتبلي موضوع رائع كالعاده...لاااا لطيفين لطيفين كاينين :)


 

ام عمر

يااااااااااا ريت ضلينا على ممل...صرنا هلأ بمرحله المش مفيد :)

كنوع من التنويع الله يرضى عليكي

ماكله ملوخيه عالغدا كنت...شكله الملوخيه مع التشيز كيك بتداخلو و بضربو عالدماغ على طول :)

جربيها و ادعيلي :)

sab7al5air

شكرا الهم اللي عرفونا عليكي يا قمر
و اسمحيلي اكون ضيفه دائمه في مدونتك :)

 

مدونتي صارت جزء مني. بستمتع وانا اكتب فيها وديما بتمنى يكون عندي وقت اكثر حتى استطيع الكتابة اكثر. وبستمتع جدا لمااحد يعلق على اللي كتبته.
كذلك قراءة اراء الآخرين على مدوناتهم والتعليق عليها فيها نوع من الاستفاده والترويح عن النفس.
بالنسبه لكتاباتك انا بستمتع بقرائتها دائما مع اني لاحظت ان كتاباتك بالامارات قلت عن لما كنت بالاردن.
تابعي الكتابه وتأكدي انه في دائما قراء.

 

من ناحية موهبة .......... موهبة , إن شاء الله نشفلك كتاب ، بس لازم المرة تلتزمي بقرار الرجعة للتدوين

 

هيثم الشيشاني
ما إنت أبديت امتعاضك من الصور وقلت اني صرعتك فيهم , فا اكيد مش راح تفتحهم هيك والا هيك P:

ويسبر
ان شاء الله ترجع زي أول وأحسن, بلكي انعديت منك وصرت أكتب كمان D:

 

تشيز كيك ف عينك
:k:

 

بجد؟؟
مين اللي بضل يململ البوست أو يعمله غير مفيد

صدقيني مو أنا :sad:
:c2::c2:
ينعن إخص,, مييييييييييين؟؟؟

 

من ناحية مخبى ...لا اتطمني ما خليتي شي مخبى ...متذكره اول ما تابعتك في بدايات ال2008 يا بييييي شو كنتي تحكي ...
مفيش ولا موقف صار معك ولا مشوار رحتيه ولا سندويشه اكلتيها الا و كنا نعرف فيها اول بأول :))
الله على التدوين ما اروعه لما يكون عفوي وتلقائي زي ما كان معك :)
اما العوده...أنسي ....فصارت زي قضية فلسطين بنضل نقول عائدون عائدون وعلى الفاضي ههههههههههههههه ... مش راضيه تزبط :(
و رح اكبس ممتع لأنه ممتع فعلاً :)
مش جكر بأم عمر لاسمح الله ولا شي ...

 

cheeeeeeeeeeeeeeeeeeeeeese meeeeeeeeeeeeeeeeeeeen!

heheee

-------
abu zaina = shiklak ma 4ara2t raddy 3ind finalway

ana golt enny ma bafta7 l mawdoo3 ella lamma abu zaina y7od link 3anno b twitter
:)
---------

euro shooo!

e7na hoon pounds o bas
(e7na!)

--------

molo5iyyeah + kaik

fe3lan ma byelbaglik ya whisper

wain kabset l momel ,, wain!

 

عن جد صار موممل كمان

 

كنت قريبة من عالم الحياة المثالية و لم تكوني قد عُجِنْتِ بعد بالحياة الحقيقية و مآسيها.


بالمناسبة: كنت "تعبرين كثيراً و بعفوية" و لم تكوني "كثيرة حكي".

 

هيثم الشيشاني
سامحني ما شفت البوست , بس هاذ ما بمنع انك تغيّرت يا وائل :(

 

هادا اجمل مافي التدوين ..الذكريات اللي بتجي بعدين ..
ماا جملك من انسان و ما اجمل مدونتك :)

 

Jaraad

متعه الكتابه قلّت خلال فتره تواجدي بالامارات و لكن متعه تلقي التعليقات دائما موجوده :)

شكرا لتواجدك و متابعتك و ان شاء الله ابقى عند حسن ظنكم بتدويناتي


خبر

اهلا اهلا...زمان ما وصلني تعليق منك :)
شكرا جزيلا و ان شاء الله في التزام هالمره

 

Abu Zaina

اخيرا و شكرا لتويتر فهمت القصه :)
يا محمد ما احنا حكينا....ما في امل خلص انسى

يا ريت نرجع كلنا زي زمان...متفائله دائما

Um Ommar

ههههههههههههه...توقعت رد مشابه :)
شفتي يختي...و هلأ بلشنا بالغير مفيد :(

لكن مش مهم ما حتكبر بدماغي ولا راح اشيلهم...خلي العالم تفش قلبها :)

 

نيسآان

هههههههههههههههههههههههههه ضحكتيني والله :)
بس جد كاينه هيك....يعني كتاب مفتوح و مع الوان على اهم الاحداث

لااا لا تقولي هيك...عائدون ان شاء الله على جميع الاصعده
حتزبط و حنضل متفائلين
يسعدو ربي الزوووء كله :)

Haitham

اه عفوا....نسينا ان هيثم هون
لازم احكي اشي بتعرفه....كيكس اكلت كيكس :$

احلى باوند ....برضه بمشي معنا ..ابعت اللي بتقدر عليه ولا يهمك

شوف مين بحكي....الله يرحم الايس كريم و الفستق اللي اكلتوهم

 

Saleh

يا الله شو جملتك هزتني ....بتعرف شي
انا بديت التدوين بعد تغيير جذري حصل بحياتي كنت مفكرته اقوى صدمه ممكن تواجهني لكن طلعت الحياه مليانه صدمات و لساتنا عايشين و لله الحمد

شكرا لمتابعتك و لتعليقك صديقي
بعرف الدنيا شاغلتك عنا و لكن بنطمع برجعه قريبه لعالمنا

Wafa

حبيبتيييييي يا فوفو....انت الاجمل و الاروع يا قمر