Things I Like To Whisper About

Would You Hear Me Whispering

اخر اخباري 5



حبيبتي الجديده :)

من اول ما سمعت عنها حبيتها
ربنا يسرلي شب الله يسعده وين ما راح
وحده من صاحبات الشغل اعطته رقمي بس عرفت ان بدي سياره
و الشب بشتغل بموضوع السيارات و البيع و الشرا
ونصحني بالفورد .... عالتلفون رتبنا كل الامور
و اجا عالشغل لياخد الاوراق حتى يسهل علي الامور
و بعتلي السائق ياخدني و يجيبني من الشركه عالترخيص
رايحين جايين بين الشارقه و دبي
لحتى سجلنا كل شي



طبعا خلال هالشهر جربنا كل شي

جربنا السواقه الفجر تحت المطر


جربنا السواقه الفجر بالضباااااااااااااااب

كان يوم مرعب ....اكتر شي كان يرعبني بس ضو الباص اللي جنبي يختفي :(
احس حالي لحالي و قلبي يصير يدق يدق لحتى اشوف الضو من جديد



و اهم اهم شي جربناه

هو ضو الرادار برضه الفجر اللي نوّر الشارع كله
و اللي خلّى كل السيارات الي حوالي يضربو بركات
و كل ما سياره مشيت من جنبي لااااااااااااازم السائق يطلع علي نظره مؤازره
ستميت درهم دفعتهم زي الاسد :)


الحمد لله رب العالمين...كتييير فرقت معي الغربه بس اجت السياره
الحركه اخفّ و التحكم بالوقت صار اكبر
و فشّة القلب و تغيير المزاج بلفلفة نص ساعه
مع كاسة لاتيه بتغيّر كل الموود

صحيح...نسيت احكيلكم عن النمره :)

نمرة دبي حرف و 5 ارقام
الحرف حرف اسمي و الرقم بجنن و سهل
لدرجه انهم بسألوني اذا شريته شريه :)
و فيه رقمي المفضل ...8
وبس...هاي حاليا اهم و اخر الانباء
نراكم

تحديث

نسيت احكي اني كمان و الحمد لله الحمد لله ضربتها :)
ضربه خفيفه و مشيت الامرو بدون اضرار تذكر

اه...اه الحق علي انا هالمره
علشان بعض جماعه ينبسطو اليوم

31 التعليقات :

مباركة باذن الله
وكما يقال بالعاميّة
"يعطيكي خيرها ويكفيكي شرها"

يعتبر طراز الفورد من الطرازات المتميّزة أيضاً

 

Black Rain

الله يبارك فيك يا رب

ما كنت اعرف انها قوّيه الفورد...و الحمد لله لهلأ ماشيه ممتاز وما في اي مشاكل

و حكولي انها بتسحب بنزين كتير و مش حاسه بهالشي...ما بدنا ننسى ان اسعار البنزين هون غير اكيد

 

أعتقد أن طراز "الفوكس" هو الأكثر إقتصاداً مقارنةً بطراز "التورس" أو "الفيوجين" أو حتى "الإدج" , بجميع الأحوال , أتمنّى أن تكون فاتحة خير بإذن الله

 

يعني الشغل وما اخذنا حلوان

والبيت ومشينالك اياها

بس عالسيارة ما حزرتي

الف مبروك والله , سيارة رايقة وحلوة ما شاء الله تبارك الله

الله يكفيكي شرها
وما تنسينا من الحلوان
:k:

وعقبال عندي كمان هههههه

 

صحيح كلامك...انا كنت ناويه اخد فورد فيستا...بس نصحوني بالفوكس لان الكوندشن فيه اقوى و احسن وما بتسحب بنزين كتير

 

LUNAR.

هلأ قرأت البوست الجديد و زكرني بكاريكاتير عمر العبداللات الاخير

الله يبارك فيك يا رب
و بالنسبة للحلوان...انا بجمعّهم كلهم مع بعض ليكن محرز

ضايل تعديل موقع الشغل و بصير بدها منسف :)

جد عقبالك...المتعود على السياره بحس حاله مخنوق من غيرها

ربنا ايسر امروك

 

يا ستي انا طموحي على قدّي
بديش استنّى للمنسف

*سمايل بحب المنسف زي الهوا والميّ*

آه والله بدك تحكيلي عن الخنقة, هيني مستأجر عبين ما تتيسّر ان شاء الله قريبا

 

مهو انا حكيت منسف علشان تقتنع فورا :)
بس ما زبطت الخطّه :$

ما انا استأجرت بالبدايه و لكن لقيت حالي بدفع اجار ضعف قسط السياره الشهري :)

خود قرض و وقّع باسمك و توكل على الله :)

 

ياسمين حميد

Thanks :)
Ameeeeeeeeeeeen and soon inshallah :)

 

وبتتخوتي علي يوم دقرت سميحه اول مره اه؟؟

سلامتها " شو إسمها غير حبيبتي" وسلامتك


بالنسبه لإني اشوفك,, مابرعف يا حلوه

الظروف شويتين مكركبه,, إلا إزا فرجت على غفله هيك
ههههههههه

بيناتنا ألو,, توصلي بالسلامه

 

السلام عليكم ورحمة الله وبركاته
ايش ايش
ماشاء الله شوفتي المزايا بدأت تطلع كمان وكمان.

والله فرحة
العام الجديد أفضل من اللي راح
الحمد لله

 

:مبسوط ٌ مبسووووووووووووووط:
أنا

يا حزرك لويش
:P

---
مبااااااارك
"من قلبي! جررررررررررررررررررررر"

لول

ضربة مشان العين :)

تهريها بالعافية
"معلش زرقاوي و مصطلحاتي بدائية و فلجر"
:]

 

لأ ما زبطت ههههههههه , قلتلك قنوع انا

النيّة موجودة , لأني برضه بدفع مبلغ محترم للإيجار

الله كريم عمّي :)

 

وأخيرا طلعت نافذة التعلقيات! كانت مسكرة معي مش عارفة ليه.

أولا: مبرووووووووووووووك وان شاء الله بتشوفي عليها كل خير!! بتذكر بس جبت سيارتي السنة الماضية شعور الراحة إنك تكوني قادرة على التحرك والرواح والجيان بنفسك وتسوقي على كيفك وبلا مرمطة المواصلات وتحميل جمايل فلان وعلان :) الله يهنيكي

ثانيا: إذا عالخبطة الصغيرة لا تهكلي هم واعتبريها "رد عين" على رأي أختي

 

ألف ألف مبروووووووك
تشوفي عليها الخير

يلا بدي لفه فيها :D
ما رح تهربي مني :D

 

تتهني فيها يارب يا وسبووورة و يارب تشوفي معها مشاوير حلوة .. بس مين أحلى تكوني سايقة بالمطر و لا تكوني راكبة و سرحانه ورا السواق ؟

 

ام عمر

خير ان شاء الله ....قلقتيني يا
قمر

الله يهدي البال و يفرجها عن قريب ان شاء الله
اسمها حبيبتي حاليا :)

 

لاتي

وعليكم السلام و رحمه الله و بركاته

الله يبارك فيكي يا رب وعقبالك :)
اليوم بديت اقرأ تدوينتك عن ال 30 و بعدين قررت أقرأها بعدين بلاش يكون فيها صدمه واقع رايحه او جاي :)

ربنا يجعلها سنه خير عالجميع :)

 

شيشاني

ما انا حكيت اعملي خير و ابسطيه على هالصبح ...عدو السائقات الاول

الله يبارك فيك يا رب :)

 

ابو زينه

الرد كان متأخر و فرصه طلب الحلوان مشيت...نأسف على رأيهم

الله كريم...

 

اسوله العسوله

الله يبارك فيكي يا رب

بالزبط...غير احساس الذنب من غلبه العالم
تخيلي اخوي يجي بعد دوامه من العين لدبي لياخدني اربع ايام و بعدين يرد يرجعني :$ تقل دم بصراحه

الحمد لله كتير بسيطه و البولش حل كل شي :)

 

ليو

الله يبارك فيكي يا رب
ولو انت بتنوريني انا و السياره

لولا كنت مستعجله هداك اليوم كان ورجيتك اياها....بس ما بدنا نجيب السيره قدام حد ؛)

 

هديل

الله يبارك فيكي يا رب
اميييين يا رب

ما في احلى من انك تسرحي و حد سايق فيكي....احلى شي الدرايف مع اخوي...كتيييير اشتقتله

 

في محلات بتوصل كنافة من دبي للكويت صح :))) اهم شي الحلوان
مبرووووووك يا قمر
و يكفيكي شرها يا رب

 

الله يعطيك خيرها ويكفيك شرها يارب

الله يهنيك فيها :)

 

مبروك يا بطتي ومبسوطه لك ...
ما شاء الله
حلوه و كتكوته زيك :)

وعقبال عندي يا رب

 

لبنى

ولو ...انت تأمري يا قمر

بس دليني على محل كنافة زاكي بدبي و انا باكل عني و عنك...مش انا و انت واحد :)

لا جد ..ياااا ريت بقدر اوصل لكل حدن فيكم حلوانه....كلّه مخبى لتنوريني بدبي...تعالي و الك ازكى حلوان

الله يبارك فيكي يا رب

اللهم اميييين

White freedom

تسلمي يا قمر

امين يا رب

نيسان

الله يبارك فيكي و عقبال عندك عن قريب ان شاء الله

المهم مش بيضا...كل السيارات اللي اشتريتهم وحتى اللي استأجرتها كانو بيض...كتير انبسطت انها مش بيضا...بركي تغير الوضع معها :)

 

ويسبر ريتها ألف ألف مبروك
إن شاء الله تشوفي على وجهها الخير و يحميكي من شرها

 

ألف مبروك السياره وسبوره :-) ولو إنها متأخره ^_^...ياااااااااه زمااان جد ما فتت عالبلوجز كسل مش طبيعي صاير عندي

 

الله يبارك فيكي يا رب

الكسل صايب الكل هالايام

الله بعين شو بدنا نعمل...