اليوم واحنا بالطريق انا واخوي لبيت اخوي التاني كنّا نسمع عالراديو برنامج من اللي المذيعه بتحكي كلمتين و بعدين بتيجي موسيقى و بتحكيلنا معلومه مهمه و بتيجي اغنيه صايبه بالموضوع, الحكي كان غريب اليوم, يعني انا سمعت عن اعرف شخصيتك من لونك المفضل, من رقمك المفضل, من شكل الخط اللي بايدك اليمين و اللي عليه بقررو انت حتعيش سعيد ويلا تعيس العمر كله, كل هالامرو غريبة بس مش بغرابة موضوع اليوم, اليوم كان اعرف شخصيتك من شعرك ...اه من شعرك
اذا كنت من اللي بحلقو عالصفر, اصلع, فانت انسان منطلق تتأقلم مع جميع الاشخاص و البيئات, اذا كنت بتحلق قصير فانت انسان معتدل محبوب من اللي حواليك, اما اذا كنت من اللي بطولو شعرهم فانت انسان مغرور و بتهتم بنفسك اكثر من اهتمامك بالغير!!!! و المذيعه طايره بالتحليل النفسي اللي توصلتله الاخت و موسيقى و بالخلفيه صوت راغبعلامه بغني اغنيه نفس عادة اغنيه لا بتعرف هي جديده ويلا قديمه, نفس الصوت و اللحن و الموضوع.
طيب غريب عجيب و لسا بنحكي انا واخوي عن هالسطحيه اللي بفكرو فيها و انهم ال يعني ببدعو بالتحليل, قامت الاخت شكلها انسجمت و بدت تحكي عن علاقة الزواج و الموافقه على الزوج من خلال نوع اللحيه و شكلها و نعومتها O_o
اه والله ...و ال ان "البنات" - مش فاهمه عن اي بنات بتحكي- ال البنات بفضلو ذوي اللحية الخشنه بالزواج ال لانهم بكونو عارفين انهم حيكونو اكثر سعاده و بأمان معهم, بحكي لاخوي طيب كيف؟؟؟ يعني بيجي العريس بقوم انا بحكيله بعد اذنك و بحس لحيته و ال اذا ناعمه بحكيله اااه انا اسفة جدا....ما في نصيب, و ممكن يكونو مخادعين الخطاب و يحطو جل مثلا و بتصير اللحيه خشنه !!!!
شو هالتفاهه هاي ؟؟؟ شو هالسطحيه بالتفكير؟؟؟؟
يعني حلينا كل امورنا و حللنا كل اللي بصير حوالينا و تركنا الثورات و العالم اللي عم تستشهد و البلدان العربيه اللي قايمه قاعده و بس صرنا نفكر بنعومة و خشونه اللحيه وتأثيرها المباشر على نسبة الزواج!!!
جد انهم مش بس سطحيين ...لأ أسطح من السطحيه
38 التعليقات :
يا حبيبي والله ! هلا اذا كانت خشنه رح تكون سعيده طيب واللي ما ليطالعها لحيه بالكره شو يعمل الحزين !
سخافه والمشكلة انهم بشوهوا افكار الجيل الجاي بالسخافات تبعتهم !
ع فكره لما شفت الصورة فكرت انك زعلانه من شي :)
مساء الخير وسبر مش عارف شو احكي غير سيبك منهم واسمحيلي اهديك هالاغنيه
http://www.youtube.com/watch?v=8whZzMWIiss
انشاء الله تعجبك بس :)
2oltek el as6a7 men heek lamma tshofee nas jadd besad2oo hal7akee :D
صباح الخير
الحمد لله لنل شعري قصير دايما
من كثر ما قضيت عمري وانا يبشد شعري على الفاضي
بش شكلها لمرحلة بدها حلاقة على الصفر يعني يا احنا بنحلق لحالنا يا هم رح يحلقولنا غصبا عنا
والله شر البليّة ما يضحك
بس عااااادي
تعودنا عليهم وتعودوا علينا
بدك تقولي تمسحنا وتسطحنا
صباح الفل والياسمين
لكِ ولكل المارين من هنا
وجمعة مباركة
والله يرضى عليكِ ويسعدك
صباحو؟؟؟طولي بالك ويسبر ..عادي استعودنا
:)
Sozan
راحت عليه....ما يروح يخطب الا بس يصير عندو لحيه...جد تافهين هالعالم
المشكله ان في ناس كتير بتصدق و بتطبق, في جزء من الجيل الجديد و ضعه صعب كتير
لا الحمد لله....ما بدي ازعل من شي من بعد اليوم, بدي اضل ايجابيه بتفكيري, لان ماما دائما كانت تحكيلنا النكد بجر نكد و انا الي فتره منكده و بالاخر بابا حبيبي مرض :( ما في نكد بعد اليوم ان شاء الله
Laila
مسائك فل و ياسمين حبيبتي :)
بتجنن الاغنيه....اميمه الخليل طبعا راح تعجبني :)
في شي بالعينين متل السرابْ ...
في شي عالوجوه متل الترابْ
في شي فوق الروس متل الغرابْ
في شي ورا الكلمات متل الخراب
SimSim
w lele2asaf men 2ashkal el 3alam hon bte3rafee 2enno kteeeeeeeeeeer besad2o hal7ake :$
Yosef
صباح و مسا النور
ههههههه ممتاز جدا اذا :)
الوضع بصير من متأزم لاكثر تأزما فلا تشد شعرك ولا شي ربنا يصلح الاحوال مع انه اللي بدون شعر حسب اقوال الاخت المذيعه الخبيره في تحليل مستقبل العالم فهو افضل منو متأقلم مع جميع البيئات و الاشخاص
فانا بنصح و بشدّه الجميع يحلق شعره عالصفر
انا اللي صدمني ان بالرغم من السطحيه اللي بدهم يوصلولها و بدهم يوصلولنا الها لسا ببتدعو اشياء اسطح....فاااا لسا في سطحيه اسطح من اللي وصلنالها :)
اميييييييييييييييين يا الله
جمعه مباركه علينا و عليك يا رب
Miss Light
بدهم يعودونا على تقبل كل شي تافه ممكن يتوصلولو....بس عقولنا مش مريحتنا لساتها شغال و بترفض آلّ!!!!
فعلا انّا رجعيين
صباحك فل و ياسمين :)
لا لسه فيه اسطح من هيك وحياتك....لا تتعجبي....التفاهه هاويه ما لها قرار
ولسه ياما ح نعيش ونشوف ونشد شعرنا....هاد اذا ضل النا شعر ههههههههه
هلا في واحد اله لحيه ح ينبسط عالسولافه:))
Naysan
هههههههه شكله من ورا هالاشياء اللي بنشوفها راح نصلع عالاخر
انسي موضوعي...نص ساعه وانا بفكر...عن مين بتحكي نيسان O_o
بعدين مع اني ماااااا فهمت مين بتقصدي لانو بالعاده الشعر اللي ماخد مواقف هو اللي بلفت نظري بصوره ....فاااا خلص نويت الغي الادراج كله ;)
ما تقوليلي ام القيوين اف ام لانه كل اللي فيها من لما سيتهم و انا باعدادي و هم تااااااااااافهين و قمة المياعة .. بعيييييين وسبورة لا تركزي معهم كتير .. هلأ دخلت الامارات في فصل الصيف حسيتي بالفرق عن الربيع ولا كيف :D
سلام ويسبر،هههههههههههه ضحكتيني كتير ،ليش مزعلة حالك هلقد، خليهم يحللو ويشبعو تحليلات تافهة، بتسلو الله يشفيهم!!!
رغم إنه في تحليلات أحيانا على أساس طبعا أنا بحكي عن الفراسة ، أما خشونة اللحية!!!!!!!!!!!!!!!!!
احنا عايشين بعالم لسة ياما حنشوف و حنسمع،،،،
سلامة أبوك يارب الله يشفيه و يسمعك عنو الأخبار الطيبة
الله يسعدك و يوفقك
ويسبر عادي يا بنتي ذكرتين مره سالت السائق بتاع التاكسي اذا كان زعلا عشان اخدني علي المشوار وبعاقبني بالراديو والمحطه الي فاتحهها
تحياتي
ويسبر هانم، كله إلا أعصابك، يعني شو دخل الخط إللي بالإيد و الشخصية، و إلا لسه الأدهى من هيك إللي بيقول "اعرف شخصيتك من اسمك"، طب من وين لوين، و شو جاب لجاب!!
كله كلام فاضي، و بيخاطبوا فيه ناس فاضيين، بس العتب مش عليهم، العتب ع إللي بيسمعلهم....
بس بلاش ضرب... بأروح لحالي
:-)
هديل
اهلا يا قمر...شو هالغيبه هاي؟؟ اشتقنالك لا تطولي كتير
والله مش عارفه شو هي القناة :$ ركبت السياره لقيته بسمع فيها ...الها كم يوم ناااار الصبح الدنيا كأنها ضباب من كتر الرطوبه و كأنك ما بتاخدي نفس كامل يعبي الرئه :$
و لسا بحكولنا الشوب لسا ما بدى ...الله يستر من اللي جاي
Lily
زادوها يا ام اللول كتييييييييييير زادوها :$
الله يسلم قلبك يا قمر, الحمد لله حكينا معه اليوم و طمنا انه بخير
الله يخليلنا اياهم و يحميلنا اياهم و يضلو فوق روسنا يا رب
ربنا يسعد اوقاتك يا قمر
معقول يا نانا ما عرفتيه؟؟؟
يا للشماته !!!!بكره ح يصبح يشمت بالذكاء .....ويقيم صورته وهو عم يجلي ويحط صورته باللحيه هههههههههههه
ها؟؟؟عرفتيه وللا لسه؟
sab7al5air
يا مسا و صباح الفل :)
هههههه فعلا مرات بتحسيهم بس بعاقبوكي بالمحطه اللي حاطينها
اكتر شي بكره بس يشوفوني محجبه بقومو بحطو شريط درس ديني لناس بتصرخ و بتحكي بمواضيع غريبه عجيبه
فورا بحكيله ممكن توطي الصوت لو سمحت....لانه مزعج :)
اهلا فيكي يا قمر...نورتيني
Saleh
صالح باشا...ما تخاف علي, اعصاب حديد بس مرات الشوب بلينهم و لكن اول ما نشغل الكونديشن بيرجعو حديد :)
فعلا...كل الحق على اخوي اللي بسمعلهم
هو السبب الله يسامحه ;)
:سمايلي مسوي حاله بريء و مش فاهم معنى الحكي:
مسائك سعيد صديقي
Naysan
نانا...و ام كمونه!!!
بديت...ها بديت اشك ان في تعاون مشترك بينك و بين صديقي اللدود اللي برضه ما عرفت مين هو لهلا :)
انا بحكيلك...تركيزي بكون عالشعر اللي ماخد مواقف...شكلك ما عاصرتي هديك الصوره الفتره الماضيه؟؟؟ فتره ما قبل الجلي و ما بعد هيوم اللي بتاكل ذرة :)
وبرضه لسا مش عارفه مين و لساتني بشبه :)
-_-'
طيب انا مرات بطوّل شعري , ومرات بحلقه عالواحد ,ومرات بخليه قصير, ولحيتي معظم الاحيان مكركبة
على تحليل البرنامج , بطلع انا عندي انفصام شخصيّة
!!
LUNAR
اهاااااا... لاا يا صديقي لازم تلاقي حل لمشكلتك هاي, هاي دراسات عالميه تحليليه و دقيقه 100%
يعني مره مغرور مره مرح مره بتحب الناس مره بتحب نفسك
و بالنسبة لللحيه...فااااا الحمد لله انّا زوجناك :)
عادي...عشت الدور انا
يا وردي على التنبله!!!! اتنبل من هيك ما في ......سامحيني يا بطه....واعذريني....شكلي غلطانه ومضيعه كومبليتلي مش نص نص
اه اه تذكرتها.... هديك الصوره....اللهم عافنا واعف عنا وارحمنا برحمتك يا الله ههههههههههه
وك حششت أنا
"ه نفس عادة اغنيه لا بتعرف هي جديده ويلا قديمه"
لووووووووووووووووووووووووووووووول
و قال هات أحس لحيتك
ROFL
راحت ع شبابي
تراني صلعه وبلبس بواريك
تسوء,, تسوء
Naysan
انت اصلاطن مركزه و 100 % بس من شدّة التركيز الامور فلتت من ايديك :)
هههههه ايون بالزبط... هاي الصوره اللي قصدتها :)
Rain
بس جد لازم حد يفهمه الموضوع....يخوي يا راغب فرصه تغيّر الملحن تغير كاتب الكلمات تغير المغني, ما بعرف بس مش عارفه اميّز انا :$
اخوي حشش على هات احس لحيتك, بعدين سكت و بحكيلي ....ما عجبتني النكته O_o
UmmOmar
نورت...نورت يا بطه
شووووو هالغيبه هاي؟؟؟
بتختبري درجة محبتنا الك يعني؟؟؟ لسا ما عرفتي ان البلوج بدونك ما اله لا طعم ولا لون و لا رائحه؟؟؟ مصوصي من غيرك العالم التدويني :)
واضح ان الطبيخ صاير من اولوياتي!!!! O_o
انتِ برضه زوجناكي و خلص....الله يعينه شو بدو يعمل...نصيبه :)
هاد كلام رح بتتحاسبي عليه لاحقن
:ag:
أه بختبر معزتي وغنماتي كماناه
بطلعلي أنا :shy:
شو بالنسبه لنفخ الراس الي عم بتحاولي تعمليه معيّ
:sc:
ع حساباتك,, وائل كفوري عمره ما بتزوج
لوووووووووووووووووووووووول
بحاول ازبط اموري معك...بركي طلعلنا كيلو كعك احنا كمان ...ما خلص صرت من ابناؤكم في الخارج :)
وائل كفوري لو بالتسعينات...كان مشي بسرعه, سوقه كان ماشي و مطلوب
بس حاليا بالوضع الصعب اللي هو فيه...انا بحكي خليه ملتهي بالغنا :)
أيوااااااااااا
هساعيات فهمت ليش كنت حتسجليني غايب
ما شفت هالسولافة هاي انا!
بدي نظارات شكلو
حأصير عمو عن حق
:(
وااااااااااع
--
المهم، واضح غنو البوست مملوء غيرة و حقد! و كمان لأنو انكتب وقت الراتب ما كانش نازل لسا
فا ...
خخخخخخخ
---
يعني شو أكتب!
هو نيْسان و سوزان خلو شي ينحكى
إه
:))
انت من زماااااااااااااان عمو....هلأ بديت بمرحله الجدو....اصلاطن هلأ صرت اكبر مني :)
ههههههههه ...هو من ناحيه انه انكتب بوجود ازمة ماليه فلا استطيع انكار ذلك :)
عزيزتي ويسبر
انا من المتابعين لكل كتاباتك وكتيييير بنبسط بس اقرا بتفشيلي خلقي
بس بصراحة هاد الموضوع شوي حيرني لانه انا من سكان دبي وبسمع هاد البرنامج دايما
سيبيكي من انه اغلب الاحيان ضحك واستهبال بس للامانه المذيعه بتكون تقرا ايميلات او اخبار طريفه يعني ما الها ولا اي دخل بإعداد البرنامج
على العموم انا مبسوط انك موجوده بدبي وتابعي هاي الاذاعه بالذات لانه اغانيهم كتير حلوة وبجيبو الأشياء القديمة من ابو 10-12 سنه لورا
كل التوفيق
أبو زيد
اهلا و سهلا صديقي ابو زيد :)
شكرا لتواجدك و لتعليقك و اهلا وسهلا فيك دائما...انا لسا مش كتير خبيره و متابعه للبرامج و الاذاعات هون, هي كانت فتره نص ساعه تقريبا من السكن لبيت اخوي سمعت فيها الحكي و بصراحه ما قدرت اقاوم .. كتير سخيف الموضوع كان
حسب ما فهمت من اخوي كأنه اسم الاذاعه ستار او شي زي هيك لكن للاسف ما اخدت ترددها... خلص بس يصير معي فرصه بحاول اسمعها :)
شكرا مره تانيه و يا ريت دائما تشاركنا برأيك
ana aktar she kont a7ebbo "A3sabak" b3rfsh eza s3mteh hal program aw la2:S
La2 ma sme3to men 2abel :)
LOOL shaklo nahfeh bardo...3ala 2ayya channel had??
Ka2enno kan yeje 3ala 3ajban.. yes el song ta3to nahfeh.. mesh metzakker bs ka2enno kan yeje 3ala 3ajman Channel :S
tzkart !! Etha3et 3ajman esmha Radio alrabe3a!
5alas beddy 2adawer 3aleha w bshoof baramejha 3alnet w basma3o inshallah :)
Thanks sadeqi
إرسال تعليق