لأ ما تتفاجئو ....بتصير صدقوني :)
هلأ بالعاده او الطبيعي ان اخو امك يبقى خالك, بس بابا اخو امه بكون عمّه....كيف؟؟؟ انا بحكيلكم
هلأ خلينا نعطي اسماء لنفهم الموضوع, انا شخصيا بابا رسمها رسم لافهمها :)
في اخين "علي" و "ابراهيم" ....علي متزوج من سميره و ابراهيم متزوج من هدى..
علي و سميره جابو ولد سموه "محمد"
ابراهيم و هدى جابو بنت سموها "عايشة"
سميره توفت....وبعدها بفتره ابراهيم توفى
فأصرّت العائله ان "علي" يتزوج "هدى" خصوصي ان هدى من مصر وكل اهلها موجودين هناك, صارو اهلها بدهم اياها ترجع عندهم وصار مشاكل على موضوع تاخد البنت معها او لا و طبعا اهل الزوج المتوفي بدهم بنتهم تتربى عندهم و حرام البنت تتربى بعيد عن امها - احداث حقيقيه .... ايون تيتت بابا من مصر .... علشان هيك خفة الدم طلعت زياده , خليط من خفّات الدم :)
المهم علي و هدى تزوجو و جابو ولاد و بنات... " ابراهيم" و "فاطمه" و "مريم" و "صالح" و هدول الاولاد و البنات صارو اخوان ل "محمد" واخوان و خوات ل "عايشة" ..... وسبحان الله بس كبرو "محمد" و "عايشة" تزوجو :)
"محمد" و "عايشة" همه تيتا و سيدو :) و بهيك صار اخو ام بابا بكون ....عمّه :)
خالاته همه نفسهم عماته ...وخواله همه نفسهم عمامه :$
مش عارفه حلو ويلا مش حلو, سألت بابا بحكيلي "عادي" ...
و توتا توتا ...خلصت الحدوته :)
يلا فرفشو سنانكم و اطفو الضو و نامو....تصبحو على خير :)
19 التعليقات :
هاي جديده. كان لازم تعملي رسم توضيحي. الموضوع زي اللغز. بس طلعنا من الموضوع انه عرفنا من وين اجت خفت الدم :)ـ
بدي أقنع حالي إني فهمت! لوول
برأي تحطي الرسمة احسن
و لا فهمة ايشي مع سمعت زيها عنا في العيلة
O_o
"محمد" و "عايشة" همه تيتا و سيدو :) و بهيك صار اخو ام بابا بكون ....عمّه :)
عليم الله راسي استوا و انا بربط بهالجمله
فعلا ربط غريب و ارتباط عائلي احلى
همي صحيح اختصروا العيله بس وحدوها..
الله يخليلك البابا و الماما و عمام ابوكي و كل العيله
:)
يا صباح يا عليم
ألغاز من على الصبح؟؟؟
فهمتها بعد فنجانين قهوه...اسمعي كلام مامتك وما تبقيش تشربي قهوه بعد المغرب
مش عشانك ...انتي حره
عشانا نحنا ,,, ما نصبح مضطرين نشغل عقلنا من ساعة الصبح:)))ء
وين أم عمر عنك؟؟؟
ولا فهمت شي!!!!
بدها ورقة وقلم هالقصه:))
يعني كان معي حق يا حنان ترك :)))))
حلو الواحد يطلع بيفهم:))
ههههههههههههههههههه
سلامات ويسبر..
ذكرتييني بحزيرة كان والدي يحزؤنا اياها و احنا صغار..
بصير الواحد يتزوج أخت أخوه؟؟؟؟
-- عندي اعتقاد انو ممكن نعمل اجتماع الأمم المتحدة في عيلتكم.. ما شاء الله ما في بلد ما في الها ممثل عندكم
LOOOOOL @ ur dad 2al "3adi" HAHAAHAHA
jd ishy bel5em 7ata ana msh 3arfeh kef fhemt 3laiky
sorry 3a hal so2al mmken msh b mkano bs...met2akdeen ino msh mo7arameen 3a ba3ad?y3ny ma b3rf,ino a5oha howe a5ooh 0_O
I don't know it is very strange!!!
sub7an allah!
Allah ysam7ek :( mokhi etja3lak :(
عفوا مااااااا فهمت!
ممكن تعمليلنا (scan) للمخطط اللي رسمه بابا وتضمنيه للبوست علشان افهم!
انا ضعت و ما قدرتش اتبع :)
برضو مش فاهم بس اذا الكل مبسوط....انا مبسوط !
Jaraad
خلص شكله بالقريب العاجل لازم اعمل هالرسم التوضيحي بناءا على رغبه الجميع :)
تسلم يا رب...هاد بس من ذوقك :)
Sheeshany
ههههههههههههه.... هو انت باللاشعور فهمت انا متأكده :)
Khber
اولا اهلا وسهلا
هو شكله هيك حيصير....بس افضى ان شاء الله حرفق صوره :)
مدونتك حلوه كتير...حبيت الموضوع عن آله فصل البياض عن الصفار :)
Euphoria
ههههههههههههه سلامة راسك ...مع اني حسيتها واضحه O_o
الحمد لله ان في لسيدو عمام كتير كان ما ضل حد بالعيله غير اخوان :)
تسلمي يا قمر...والله يخليلك اهلك و كل احبابك يا رب :)
Naysan
يا مساا و صباح الورد :)
ايواااااااا هو مج القهوه اللي عمل فيي هيك....بس انا ما بسمع الكلام :$
الحمد لله اخيرا وصلت لحد ...بس انتظري الرسم التوضيحي لتصير اوضح :)
ام عمر مختفيه الها فتره.... انا متأكده انها بتجمع بفلوس اللب توب الجديد اللي بدها تجبلي اياه :)
مياسي
بدها رسمه توضيحيه...واختك بالله بالرسم اشي بجنن ما شاء الله فما اتوقع توصل الفكره اطلاقا :$
هههههههههههههههههههه معك حق....اكيد بتفهمي و كمان عرفتي الاصول العائليه من اول نظره ;)
جعفر
ايون...هاد هو حل الحزيره :)
هههههه....لو بحبشت شوي بالعيله بطلع معي كتير
فممكن نعمله عنا :)
Rain
7bebe baba kullo 3endo 3ady...ma fe action zayna 3almawadee3 hay :)
loool y3nee fhemty :) lolololeeeesh :D ana men youmy 3endy 2oslob btawseel elm3lomeh la heak beny w bean eltadreees 3adaaaaaaaaaa2 kbeer :))
laa mo 7aram... mahommeh wlad 3am :)
w elba2een 25wanhom w 5awat-hom :)
halsw2al 5alany 2at2akad 2eno wala 2ely da5al betwseel elm3lomeh :$ lool
Rand
LOOOL 7abeat etja3lak :D
2entazereee elrasm eltawde7y ...fawran 7a ynkawa mo5ek w yefred :)
كيكي
اولا اهلا وسهلا وينك يا حلوه اشتقنالك
بعتلك ايميل قبلكم يوم اتطمن عليكي شكله ما وصلك :$
بسيطه يا قمر...المعظم ما فهم عشرحي :)
هو هيك حيصير....رسم توضيحي قريبا جدا ان شاء الله
Susu
ههههههههههههه...بسيطه
بالرسم ببين ...اعتقد :$
Abuelsharif
الله اعلم الله اعلم ان الكل مبسوط :)
بتعجبني الروح المعنويه والمشاركه اللي عندك :)
ان شاء الله كلنا نضل مبسوطين :)
loool la wallah fhemt 3laiky w olt el essah la mama kman w 2altyl habal elly yehbelek 6ab3an mo mo7arram 3laiha bs ana 3a2ly absar malo :(
9adda min qellet el este3mal yemken XD
laaa ya amar...hy el2essa shway m3a2adeh
3a2lek ma fee menno 2asla6an :)
إرسال تعليق