زي ما المعظم / الكل عارف فال
Blogspot
زعلان وبشده هاليومين,لا عارفين نكتب شي جديد ولا عارفين نعلق ولا اساسا نفتح مدوناتنا,الله يخلي الموبايلات :) فهالبوست مباشره من الموبايل وعلى ضو الشمعه,لانه شركه الكهربا المحترمه ما اجت تقطعها الا بأشوب يوم بالتاريخ :(
فأذا كان تنسيق الكتابه مش ولا بد وهو المتوقع فسامحونا :$
مشي 10 ايام من رمضان تخيلو !!!
جد طيرااااان حسيتهم مشيو ان شاء الله يكون ربنا تقبل منا الطاعات وغفرلنا ويتقبل و يعينا على صيام وقيام الباقي
تيتا الله يرحمها كانت تحكي" متى ما عشر دشر " مع تشديد الشين بما انه مافي شده بالموبايل :) فالله اعلم الباقي برضه حيمشي بسرعه :(
اليوم كان بجنن ولله الحمد,كان عنا افطار مع الايتام وكتييييير انبسطنا معاهم, وكان في العاب مكان ما افطرنا ولولا وجود شباب معنا كان فعنا اكتر وخصوصا بلعبه السيارات.... المهم انهم انبسطو :)
هالبوست فشه قلب... في كتير اشياء في بالي اكتبها بس عطله البلوج طيرتهم
سامحوني اخر محاضره لزغلول النجار امبارح ما سمعت منها اشي لاني امبارح تقابلت مع بنات خالتي بالمسجد اللي الي من اول رمضان مش شايفتهم وبعد السلام والمعايده وشويه -وركزولي على شويه- حكي بنات فجأه الشيخ بحكي قومو الى صلاتكم :$
بصراحه ...اول مره بحس حالي نسوانه :(
وتصبحو على خير او صباح الخير للجميع :)
قبل أسبوعين (2)
15 التعليقات :
زعلان عندكم بالأردن وبشدة يمكن معترض على رفع الضرائب في الأردن , الله يتقبل من الجميع في رمضان ويحسن أعمالنا
امين يا رب :)
شفت يعني الحمد لله على وجود الموبايل, لو يكتشفوه بخربوه يمكن :)
مرحبا ويسبروو ... اشتقتلك ولحياتك المهضومين كتيييييييير , وان شاء الله رح ارجع اتواصل معكم
الحمدلله يلي مرو هالايام مع انهم كانو شوي صعبين بس فعلا مرو بسرعة وكانو حلوين انا هيني عم بتطقس احوال الرعية :D
والله اني اشتقتلكم يا مدونين
اهلا اهلا بعروستنا القمر :)
اشتقنالك كتير كتير...كيف رمضان معك و الطبيخ والعجقه??
ان شاء الله كل ايامك حلوه
كل عام وانتي بالف خير يا رب
الله يعينكم على الشوب
و الله جد صاير يا محلاه الخليج قدام الأردن هاي الإيام
الله يتقبل صيامك و قيامك
:)
الله يعينكم على الحر
والحمدلله على نعمة الموبايل حتى لا نحرم منك يا ويسبر
انا من الشوب مش قادر اعمل اشي ... الكهربا الحمدلله ما قطعت عنا
لو قطعت بموت .. او بعيش بالسيارة
:)
معك حق .. رمضان مرق بسرعة .. مع انه كان رأيي بالآول انه مش وقته
بس طلع خفيف دم .. لهلق ما عم بتعب والحمدلله .. مبارح اول مرة بعطش
:)
ما عندي شي تاني ينحكى
تحياتي
P.P
امين يارب
الله يتقبل منا اجمعين :)
والله كتيييير شوب والكهربا كل شوي بتقطع :(
الحمد لله
سوزان
الحمد لله جد هالموبايل فش قلبي شوي وخصوصا مع قطع الكهربا اللي مستلمنا من يومين :(
انا اللي ما بقدر استغني عنكم بصراحه :)
احمد
ان شاء الله ما بتقطع... سمه بدن عالاخر و حتى فكره السياره و الكوندشن فيها بتزهق و وين تروح !!!
الكل كان خايف يكون متعب وخصوصا انتو الصيفي بس سبحان الله دايما بكون سهل :)
شايفه أديش مرقت الأيام بسرعه.. صح ما إنتي من سكان المنطقه يا الله شو اليوم كان سيئ.. الكهربا ضلت قاطعه من ال 4 لقريب العشره ونص.. تبخرنا من الشوب..
كتير إنبسطت على إدراجين محاضرة الدكتور,, الله يجزيكي ألف خير على مشاركتنا إياهم :)
ينعاد عليكم عليكم جميعا بالخير
شو قصة الكهربا؟؟
انا بتذكر الماء بينقطع!!
Rula
طيران هالايام بتمشي
اه امبارح 6 مرات قطعت عنّا ...كل مرّة ساعه ساعه ونص, انحرقنا
كتير مبسوطه انهم عجبوكي يا قمر :)
امين .. اجمعين ان شاء الله
ثائر جبر
اهلا بثائر :)
كل عام وانت بالف خير و ينعاد عليك بالخير ان شاء الله
منيح اللي قطعت الكهربا لتزورنا :)
الكهربا مش متحمله لا ضغط الشوب ولا المحولات متحمله الضغط اللي صار من التكييف و المراوح فصارت تفصل كتير
امّا المي فهي على عهدها...لا تخاف احنا بنتقدّم و لكن للخلف :)
الله بعين ويسبر
شو بدك تعملي
اللع يجزيكم الخير على إدخال الفرحة للأيتام
و عجبتني
"شوية"
:)))
قد ما بتقروا يالنساوين
:P
"ويسبر: اللهمّ إني صائمة"
لوول
هيثم
كان يوم بجنن والحمد لله :)
انا مش نسوانه :(((
بس ليش الكزب ... قرينا كتير يومها
اه... اه عرفت
احنا اجتماعيات بطبيعتنا فما قاومنا
بس عجبني "اللهم اني صائمه"
يلا مشينالك اياها....
اللي بالي بالك :"هاي تاني مره"
هههههه
إرسال تعليق