قرأت في مدونه عروب صبح بعنوان يا سامعين الصوت عن مشهد شافته وهي بالشارع عن اخ بضرب اخته قدام الناس و الشرطه, وما حد تحرك ولا عمل اشي
تذكرت مره كنت مع بابا بالسياره مروحين من مشوار و فجأه بنص الشارع واحد بضرب وحده وحامله بيبي صغير وعم بتحاول تحمي الولد لتيجيه ضربه ومش عارفه تتصرف ونازل مسبات و ضرب والعالم واقفه بتتفرج عليهم.
بابا ما صدق المنظر قدامه
صف ونزل من السياره و هجم عالزلمه - بابا بزمناته كان رياضي , حديد و ملاكمه وقصص مع انه كبير بالعمر الله يخليلنا اياه بس لسا فيه قوه- المهم مسك ايدين الزلمه و حطهم ورا ظهره و صار يحكيله الزلمه هاي مرتي
حكاله بابا طيب و ازا مرتك هيك بنص الشارع تضربها حكاله مرتي وانا حر فيها
سالها بابا هاد زوجك...حكت اه وهي بتبكي والبيبي ببكي, حكالها بابا خلص روحي روحي عبيتك
مسكه بابا وحكاله مرتك بتنضبو بالبيت و بتتفاهمو هناك مش هيك قدام العالم, ما بعرف هو استحى او خاف, مع اني بعتقد انه خاف لانه تصرفه مع مرته بدل على انه واحد جبان.
يومها كبر بابا بنظري عشر اضعاف ما هو اساسا كبير عندي :)
فضيحه واهانه و اذلال قدام العالم و بعدين بحكي مرتي
ما احترامك من احترام زوجتك, كيف العالم بدها تحترمك و تحترم زوجتك بعد هالشي؟؟؟
يعني لا دين ولا عقل بقبلو هالحكي وين كرامه الانسان...
امبارح بالليل وصلتني القصه على ايميلي من الفيس بوك وتناقشنا بالموضوع
حكينا ان اساس دينا الرحمه , وازا دينا بحكي ارحم الحيوان فكيف الانسان
وين الرحمه و وين الرفق بالقوارير اللي وصّا عليه رسول الله صلى الله عليه وسلم ؟؟؟
حسبي الله ونعم الوكيل
تذكرت مره كنت مع بابا بالسياره مروحين من مشوار و فجأه بنص الشارع واحد بضرب وحده وحامله بيبي صغير وعم بتحاول تحمي الولد لتيجيه ضربه ومش عارفه تتصرف ونازل مسبات و ضرب والعالم واقفه بتتفرج عليهم.
بابا ما صدق المنظر قدامه
صف ونزل من السياره و هجم عالزلمه - بابا بزمناته كان رياضي , حديد و ملاكمه وقصص مع انه كبير بالعمر الله يخليلنا اياه بس لسا فيه قوه- المهم مسك ايدين الزلمه و حطهم ورا ظهره و صار يحكيله الزلمه هاي مرتي
حكاله بابا طيب و ازا مرتك هيك بنص الشارع تضربها حكاله مرتي وانا حر فيها
سالها بابا هاد زوجك...حكت اه وهي بتبكي والبيبي ببكي, حكالها بابا خلص روحي روحي عبيتك
مسكه بابا وحكاله مرتك بتنضبو بالبيت و بتتفاهمو هناك مش هيك قدام العالم, ما بعرف هو استحى او خاف, مع اني بعتقد انه خاف لانه تصرفه مع مرته بدل على انه واحد جبان.
يومها كبر بابا بنظري عشر اضعاف ما هو اساسا كبير عندي :)
فضيحه واهانه و اذلال قدام العالم و بعدين بحكي مرتي
ما احترامك من احترام زوجتك, كيف العالم بدها تحترمك و تحترم زوجتك بعد هالشي؟؟؟
يعني لا دين ولا عقل بقبلو هالحكي وين كرامه الانسان...
امبارح بالليل وصلتني القصه على ايميلي من الفيس بوك وتناقشنا بالموضوع
حكينا ان اساس دينا الرحمه , وازا دينا بحكي ارحم الحيوان فكيف الانسان
وين الرحمه و وين الرفق بالقوارير اللي وصّا عليه رسول الله صلى الله عليه وسلم ؟؟؟
حسبي الله ونعم الوكيل
13 التعليقات :
المشكلة مش بس هيك. يعني الزلمة اللي بدّو ياخد مرتو عالبيت .. بدّو يلعن ابو افطاسها هناك. مش عملية استتار. المشكلة على شو بيتشطّر يعني؟ على سيّدة لا تملك من القوة ما يردّه؟
شيء مخزي ... تفو على هيك رجال.. لأ غلط.. مش رجّال اللي بيستزلم على ست..
قويدر
بالزبط...هدول اساسا مش رجال ولا بعرفو شو يعني الواحد يكون زلمه
المشكله مرات ان الاهل بكونو بدهم يطلعو البنت من البيت باسرع وقت علشان هيك ما بكون الها حد تلجأ الو وهو بدل ما يستوعب انها امانه ولازم يحملها, بياخد راحته انه ما الها حد
جد تفو على هيك ناس
كيف الشرطي نصب حالو حكم وقاضي ؟؟
شو عرفو ايش فيه وشو عرفو انو البنت غلطت وشو عرفو انو اخوها ... وشو وشو وشو
وكيف اذا فيه مصيبة مغطيه مثلا تفضح البنت الي هيه اختو ... يعني الناس بتغطي على المصيبة اذا كانت موجودة
وكيف شخص يعتدي على شخص وما يعمل اشي الشرطي
ووين شرطة الاسرة ؟؟
كتتير اسئله ولا اجابة واحده فيهم ممكن تبررلو ضربو للبنت بالشارع ... لو كنت موجود بجد مابعرف شو ممكن كنت اتصرف ؟؟
ممكن اتحرك واحتمال ما اتحرك اشي مخزي الصراحه
الله يسترنا
لو الناس تفهم شو معني ( بسم الله الرحمن الرحيم ) بتعرف انو الاصل بكل اشي هو الرحمة
Ammar
بالزبط انا هاد اللي سألته
مش يتأكد بالاول!!!
اعتقد انك لو كنت موجود كان عملت اشي
لانه الانسان الطبيعي بيتحرك بهيك موقف
الله يرحمنا برحمته
فعلاً .... شي بخزي ....
أصلا الدين وصى بالمرأة ...
و الرسول عليه الصلاة و السلام كمان وصى بالنساء خيراً ..
المرأة عند الزوج أمانه يسأل عنها يوم القيامة ... و الأمور ما بتنحل بالضرب ...و مش مرجلة الضرب بالعكس قمة الجبن .. و حتى لو أخوها ما في شي بيعطي الحق بإنه يضربها بالشارع و حتى جوا البيت .....
....
أستغفر الله العظيم ...
شو صار بصاحب البنت إللي كانت طالعة معه؟ أكيد راح لاصحابه يقول: طلعتلك مع وحده جمل بس أخوها أجا و خرّب علينا.
Vagueraz
بدك رجال بجد يفهمو شو يعني امانه..مش اشباه رجال متل هدول
الله يعين العالم على عقلها
maf3oos
:)
هاد مجرد واحد تافه , بالنسبة الو ضرب البنت هي وسيلة لاثبات رجولتوا الناقصة . الرسو عليه الصلاة والسلام وصا بالنساء خيرا بس هات هاي العالم تفهم بدها تتزوج لسبب معروف مش لانو الزواج عبارة عن مؤسسة قائمة عالحترام والتفاهم
Makes you wonder what did the wife do for her husband to react that way in the middle of the street. I can see occasions where a husband, of a wife for that matter, would act in such way. In my live time I have seen women hit men, and yes in the middle of the street, and you know where; between the legs, and at times with sharp objects, on the faces and head; women can be very ruthless, as I am sure you know that, I say it kindly of course
Some men and some women may deserve even more than hitting, and yes in the middle of the street where everyone can see, and maybe learn a trick or two.
My best advice to your dad is not to get his nose where it does not belong; he will never know what might happen to him, when he gets involved with an angry husband and his wife; if not for his sakes, then for the sake of his family and his kids. The wise thing to do was for him to call the police, I am sure he carries a cell phone.
I wish you well, your dad too, I mean that sincerely
I apologize I don’t have Arabic keyboard, otherwise I would have typed in Arabic
rami@dellmail.com
well, unfortunately we have such a huge issue about women abuse here in Jordan, I don't think that making the guy go home to beat his wife will be much useful, but it's the problem of the police who are supposed to have all the resources and personnel to stop such behaviors, however, that is not the truth.
Good for your dad, I guess he can be a good example to all the other men
Rami
what ever she did he don't have the right to punish her in the middle of the street.
I heard about women peat men before but never saw it life :)
about my Dad, you cant imagen how much I'm proud of my father that he interfere and stop such a stupid act the man did.
thanks for your concerns I totally understand what you meant :D
ahmad
جد ناس تافهين ومقرفين, هدول اشباه رجال مش رجال
Tha2ir
you are right, the problem that the police man didn't do any thing bout that :$
thanks Tha2ir
احكيلك السبب لانه في اعتقاد سائر انه اذا بتشوف واحد بيضرب وحده احكي الله يعينه انا ما بعرف يمكن انه يكون حديث موضوع ما باعرف بس كثير سمعت هالحديث من الناس
تعرفي الشغله هاي بتصير لما المره بتصير رخيصه واللي بيرخصوا فيها اهلها اولا ومن ثم هي من باب انه ما في حرد واللي بتحرد اهلها بيرجعوها بقتله وهاي القصص مو جديده
اما بالنسبه لرجال الشرطه دخلك كان من باب اولى انهم بدافعوا عن البنات اللي بيسلموهم لاهاليهم من شان يموتوا النساء في الاردن بحاجه الى جملة قوانين لتحميهم من جور المجتمع
إرسال تعليق