مواقف محرجه

اليوم طلعنا انا وصاحبتي من الشغل رحنا نشتري غرض من الدكانه قررنا ما ناخد السياره
الدنيا ضباب خفيف مع مطر رشرشه, يا الله كتير انبسطت بالمشي بهالجو
وبرضه وانا مروحه كانت مطر اقوى مع نفس الضباب برضه كنت ماشيه على مهلي وكتير مبسوطه بالجو
بالسنين الماضيه كنت لما اروّح من الشغل بهيك جو اكون مكتئبه و مش مصدقه وانا اوصل البيت
اليوم وانا بلف الدوار قريب بيتنا ولفيتو مرتين لاني بدي اطول الطريق :)

المراسيلين عنا بالشغل كلهم ممتازين و وضعهم ممتاز ما عدا مراسل واحد الله يسامحه عاده باول الاسبوع بكون الوضع معه منيح يومين تلاته بتبدا الروائح تطلع, ويا سلام بس يجي عنا عالمكتب و ينفعل ويبدا يأشر و يشبر حركتين من راحو من هون و اجو من هناك وحركه انا كنت طالع فوق بندوخ احنا وبنندم عاللحظه اللي فكرنا نساله فيها سؤال.

وانا قاعده بالشغل اليوم اجت صاحبتي اللي معي بالمكتب مسموم بدنها
بحكيلها شو مالك
بتحكيلي غلطت اليوم وحبيت استخدم الاصنصير انا وصاحبه تانيه النا
بتحكيلي يا دوب بفتح باب الاصنصير الا المراسل زاته بالمصعد وشكله سعيد عالاخر...بتحكيلي ما فهمت ليش طنشت الموضوع و اول ما ركبنا المصعد نزل هو و يا دوب سكر الباب شمينا ريحه غريبه بالمصعد و اشي بخنق
بتحكي يا دوب فتح الباب بالطابق اللي وراه بدنا نطلع قام دخل مراجع
و بلحظه ما حط رجلو بالمصعد اتطلع علينا من فوق لتحت وصار يحكي::افففففففففففففت شو هالريحه
صاحباتي احرجو و صارو همه كمان يحكو اه فعلا شو هالريحه و طلعو
بتحكيلي شو بدو يقنع المراجع انو مش منا الريحه انا ما قدرت امسك حالي عن الضحك
مساكين بصراحه مش موقف :)

تزكرت في ايميل وصلني فيديو بحكي عن نفس الموضوع بس للاسف دورت وما لاقيته
وانا بدور لقيت اشياء كتير غريبه ومن الاخر :)











التاني راح يعجبكم اكتر ....اخوي حب الفكره كتير :$