فائدة جديده للشاي الاخضر

وحدة راحت عند الدكتور ووجها مورّم وبقع نيليّة وزرقة!!

قالها الدكتور :

خير شو في شو صايرلك ؟

قالتلو :

يا دكتور , كل ما بيجي جوزي من الدوام بيبلش ضرب فيي..

وما بيخلي مطرح من جسمي إلا ما بيضربني فيه..!

قالها :

غريب بس أنا بعرف جوزك منيح وبعرف انه عاقل وما بيعمل هيك ..!!

قالتلو:

متل ما بحكيلك يا دكتور!!

قالها :

طيب خدي هالدوا , معمول من الشاي الأخضر وشوية أعشاب مفيدة كتير,

وبس تعرفي أنو جوزك صار بده يوصل على البيت,

إغلي شوي منو وضلك عم تتمضمضي منو قد ما تقدري ..

وحتى لو وصل جوزك ضللك عم تتمضمضي ..

وارجعي لعندي بعد شي أسبوعين لنشوف النتيجة!

بعد أسبوعين رجعت ووجها نضيف وما في آثار ضرب بالمرة!!

قلها الدكتور:

شو عملتي؟

قالت

:

عملت متل ما قلتللي بالضبط..

بس أحس إن زوجي راجع ... أغلي شوي..

واتمضمض فيهن شي نص ساعة زيادة..!

قلها :

شفتي شلون هاي النتيجة,

لو بتضلك مسكرة تمك وما تبربري لمن بيوصل جوزك من الشغل

ما كان صار اللي صار من قبل !!!

قال شاي أخضر قال

من هنا و هناك ...دبي

عندي عشرطعشر اشي احكي عنه بين لطيف وجميل ومكئب وحزين

فالافضل انّي اسكت :)

صديقنا جراد اله فتره بصور اشياء ايجابيه بامريكا

مش صعبة التحقيق بس شوية تفكير

وخصوصا في مصلحة المواطن

و انا لاحظت ان هون بدبي في من هالتفكير

فحبيت اشارككم في شوية اشياءات

و الباقي عالطريق :)

خلونا بالمفيد.... خلونا بالصور

مش عارفه اذا هالشي موجود بكل كراجات المولات او لأ

لانه بالعاده ما بكون في مكان فاضي

مصف لسيارات العائلات اللي معهم اطفالجنب المدخل و جنب مصفات ذوي الاحتياجات الخاصه

بكل مولات دبي :)

هدول بمحطة المترو

بغض النظر عن الترجمه...خلونا بالعقوبة :)

Even Bins Get Hungry....Feed me to one when you're done :)

واخيرا وليس اخرا.... لازم ارجع للاردن :)

متذكرين هدول؟؟؟؟

اخوي صورلي اياهم و بعتلي الصور

وبابا بحكيلي انسي الزريعه...صارت مقر رسمي للحمام يحطو فيه البيض :)

لسا يااااااا دوب شغلت الموبايل بالاردن و هلّت المسجات زي الكذب

10 ترحيب و 10 سمّعني و 15 دعايات اشي غريب هالزين

وبحكو عنّا دمنا مش خفيف

اللوجو الخاص بالبرنامج

اكيد المعظم سمع عن سلسلة "بث بياخه" الاردنية لكن حسيت انه خسارة يكون في حد ما بعرفهم لهيك قررت اكتب عنهم.

, ما بعرف هو برنامج تلفزيوني ويلا بس فيديوهات عاليوتيوب لكن الجماعه دمهم خفيف كتير و افكارهم حلوه كتير, اللي لقيته هو حساب عاليوتيوب و بتضمن 5 فيديوهات و بتمنى انهم ما يوقفو و تستمر هالسلسه.

كل الفيديوهات حلوين بس هدول اكتر شي حششت عليهم و بنصحكم تحضروهم كلهم

قصص براءة

بدي احكيلكم اليوم قصه من القصص اللي كتير حبيتها لاولاد صاحبتي

صاحبتي بتحكيلنا عن اولادها "س" عمره 6 سنوات و "ع" اللي عمره 4 سنوات

"س" و "ع" كالعاده و الوضع الطبيعي انهم بتقاتلو طول النهار والليل, امبارح متقاتلين و قد ما "س" عصّب عأخوه حكاله " يلعن ابوك!!"
طبعا "ع" مش فساد بالمره, طيران لعند ابوه و حكاله ان "س" سب علي وحكالي يلعن ابوك, صاحبتي بتحكيلي فورا زوجها نادى "س" اللي هرب على غرفته, بتحكيلي احنا كنّا بنحضر اشي مهم عالتلفزيون و نسينا الموضوع وكل شوي "ع" يرد يزكر ابوه , والاب بنادي "س" و برجع بنسجم مع التلفزيون, بتحكيلي بعد نص ساعه من هالوضع , نادى الاب "س" باصرار هالمره


بتحكيلي اجا "س" وجهو احمر زي الدم و عيونو جاحظين لبره و حمر حمر, و بتعصّر و واضح انه معصب...بتحكيلي لسا ما حكاله ابوه اشي شوي "س" بتطلع عأبوه و بحكيله...


" يلعن ابوك انت كمان!!!!" و زي الطير هرب عالغرفه
بتحكيلي لثواني ضلينا منصدمين بعدين نص ساعه واحنا بنضحك, وهلأ بالبيت بس حد يعصب صرنا نحكي " يلعن ابوك انت كمان"
وهلا احنا بالشغل بس يجي مراجع معصب او حد يعصب بنحكي " يلعن ابوك انت كمان" :)

صباحكم سعيد :)

خنفشاري

قبل كم يوم وصلني ايميل عباره عن سؤال

شو يعني خنفشاري ؟؟

جوابي كان

هاد مره واحد اسمه خنفو راح يخطب بنت

البنت واهلها وافقو وكل شي تمام

بعدين بدو يحكو بالمهر وهالامور وكالعاده اختلفو

البنت زعلت وحكت انا مش بكسه بندوره تبيعو وتشترو فيها

فاااااا خنفو زعل و تدايق و خصوصا ان الكلمه اجت بصباح ابوه وامه

لم خنفو وابو خنفو و ام خنفو حالهم و روحو

بعد فتره من التدوير على بنت حلال تانيه

بائت كل المحاولات بالفشل

فرجعت ام خنفو لاهل بكسه البندوره...قصدي العروس وحكتلهم انه خنفو لسا بدو البنت و من هالحكي و اختصرت جميع الكلام بكلمه

خنفو شاري :)

و بعديها الفضول لعب بعقلي اشوف شو المعنى الحقيقي للكلمه اذا اساسا كانت كلمه

و اللي طلع معي ان الخنفشاري هو الشخص اللي بنسميه بلغتنا " ابو العرّيف " يعني اللي ايش ما سألته لازم يطلع بعرف فيه

بالطب هو احسن طبيب و بالفن هو احسن مطرب و احسن فنان و بالعلم هو احسن عالم و بالدين هو احسن فقيه و احسن مفتي - وما اكثرهم اخر نوعيه بزمنا - المهم يا جماعه طلع في معنى للكلمه

وأصل القصة أن رجلاً كان يجيب على كل سؤال، ويدعي معرفة كل شيء، فتآمر عليه أصحابه، وقالوا: لنخلق كلمة من خيالنا، لا وجود لها في قاموس، فنسأله عنها، فإن أجاب فقد وقع في حبائلنا، فليس بعد ذلك ادعاء، وهو يكون حينها وقع في شر أعماله.

فوضع كل واحد منهم حرفاً غريباً حتى جمعوا حروفهم فأصبحت كلمة (خنفشار)، فسألوه عنه، فقال على الفور: هو نبات يزرع في اليمن، ينبت في الجبال، ويعقد به الحليب، قال الشاعر:

لقد عقد حبكم فؤادي

كما عقد الحليبُ الخنفشار

فأسموه بعدها الخنفشاري، وذهبت مثلاً لمدعي العلم أو المتعالمين، أعاذنا الله وإياكم منهم!

السؤال اللي بيطرح نفسه ارضا...هل انت انسان خنفشاري؟؟؟؟

الصوره تعبيريه لشخص حسيته خنفشاري :)

اعترافات زوج غريب

قبل فتره بحكولي صاحباتي ان كان عندهم شغل مع مجموعه من الشباب بقسمهم, وهمه بحكو اتطرقو للفرق بين الزوج والزوجه, فالشباب انسجمو و حكولهم بعض الاعترافات , اللي انا ما حسيت انها ممكن تتعمم بس عالقليله نتعرف على افكار بعض الازواج

* بالنسبه للمرض

بحكولهم ان الزوج اكره ما عليه ان زوجته تمرض, و دايما بلوموهم اذا مرضو, ما انت ما بتشربي الا المي بارده, ما انت هداك اليوم حكيتلك الجو بارد وما رضيتي تاخدي جاكيت..اما همه فلو الواحد عطس عطسه بنام اسبوعين بالتخت, وهات يا طلبات و هات يا دلع.

* مبدأ المشاركه

الزوج بحب زوجته تشاركه بكل اشي بالحياه.
واحد من الشباب حكالهم انه بطلب من زوجته تاخد ورثتها من عماره ابوها علشان يشترو بيت - بحب اضيف ان ابوها اساسا مش متوفي- فبعد اقناع والحاح و تهديد و توضيح مبدأ المشاركه بالحياه, والتعاون وان ربنا بأمر الست تساعد وتشارك زوجها بكل اشي -مش عارفه من وين جابها هاي بس يلاا مش موضوعنا- وافقت وامره لله , فبتسأله يعني بدك تكتب البيت باسمي؟؟؟ حكالها طبعا لأ, حكتله و وين مبدأ المشاركه...حكالها بهالموضوع بالذات المشاركه حرام !!!

* الاهل

الزوج بحب مرته تحب اهله وتزورهم و تودهم ....بس بكررررره انها تروح عند اهلها و تودهم و بكره بس يجو يزوروها, و بحب امه تدخل بامور حياتهم لانه حقها و بكره بس مرته تحكي لامها اشي او تشكيلها او تدخل, و اهل الزوج وخصوصا الام بكرهو اهل الزوجه و خصوصا ام الوزجه.
بحكي واحد من الشباب ان اول ما قرر يتزوج ما كان لاقي بيت مناسب وتأجل الزواج لهالسبب و حاول الشب يتداين او يدبر اموره من اهله من اي حد مش زابطه معه, لما ام الزوجه لقت الموضوع طوّل عرضت عليه انه يتزوج ويسكن عندها بالبيت , لما عرفت والدته بالموضوع, سألته انت كم بدك؟؟ حكالها المبلغ تاني يوم كانت مدبرته :)

* الفلوس

الزوج بكره يكون مع مرته فلوس ومهما كان المبلغ, بحب هو يعطيها مصروفها وعالقد القد , وحتى لو بتشتغل بحب ان تكون بطاقه الصراف الالي معه وهو يسحب راتبها و يعطيها اياه بالقطاره على رأي واحد من الشباب.

يعني تخيلو هالعقول و هالنفسيات الي بدها تربي جيل جديد و تفتح بيوت قائمه على المصلحه الشخصيه و الانانيه....
جد بقهرو اللي بفكرو بهالطريقه, يعني الزواج هو استقرار و تعاون ومحبه, واذا ما كانو التنين قلوبهم على بعض ما بتكون حلوه الحياه, تحول كل هالشي لامور ماديه وامراض نفسيه بحته.

الله يهديهم هالنوعيه من الشباب, لان همه بهالحكي مش بس بخربو على اولادهم وعلى عائلاتهم لا بخربو على حالهم و بضيعو ساعات و ايام وسنين من حياتهم عاشياء فاضيه

Open Day

بتذكر وانا صغيره كان احلى يوم بالسنه الدراسيه خصوصي بعد ما وصلنا للمراحل المتقدمه بالدراسه, مش بالرابع والخامس اللي كنا ناخد 5 حصص منهم حصتين فن وحصه رياضه و حصه رياضيات وحصه عربي.... الله يرحم هديك الايام هلأ مساكين اللي بصف اول ابتدائي باخد طحشه مواد لدرجه ان الام بتقد ترسهم كانهم توجيهي, لا تفهموني غلط!!! انا مع هاد الشي لانه التأسيس هو الاساس و اذا تأسس صح بضل معه لاخر عمره.

المهم نرجع لموضوعنا اكتر يوم كنت احبه هو يوم النشاط المدرسي "Open day" اولا لانا بنروح باواعي مش بالزي المدرسي - خصوصي اني كنت اكره الزي المدرسي وكان نفسي يكون للتوجيهي زي لحاله .

و لإنا بنكون محضرين نشاطات وانا مشاركه بمعظمهم :)

تجارب كيميا, تمثيليات عربي و انجليزي و طبعا رقصات :$ , اكتر اشي بتذكر تنتين منهم بالصف السادس, راح طيّر حمام لراغب علامه, اشي تافه عالاخر بس وقتها كنت حاسه حالي بعمل اشي مهم, بندخل و احنا بنعمل بايدينا زي العصافير, و بعدين بنوقف و بنبدا نشوح بايدينا - كيف بس كنا نغني بابا وماما بحبوني, بالزبط هيك - وكنا كمان على كلمات مبرووك مبرووك وحده توقف و وحده تقعد, لا حركات حركات.
و الرقصه التانيه, على اغنيه "brown girl in the rain" حركات ما الها دخل بس انه ما شاء الله عنا مثقفين :$







اللي ذكرني بهالحكي ان اليوم كان ال "Open day" لمدرسه البنات اللي جنبنا, كأنه يا جماعه تغيرت الدنيا؟؟؟ اصوات صراخ و زغاريت وطبله ....شو بعملو بالزبط؟؟؟
الصبايا وهمه مروحين حبو ينقلو الاجواء للشارع, باخر الزفه لقدرت ابدا اصور, بعد ما خلصت تصوير اكتشفت ان الزووم عندي بالموبايل مش واضح بالمره, فاعذروني على ردائه التصوير , وعلى كتر الحركه :$
اتركم مع الفيديو

يا سي سي..... لاااا خطير!!!

ما راح اعلق , اللقطه بتحكي كل اشي....D:

عادات اردنيه جميلة

إذا بيوم من الأيام حضرت عرس ....ونزلت الشباب عالدبكة وبلش العرق يزرب...وحميت
مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف
وهو برقص وبدبك
وسقط ثلاث شهداء من جراء القصف العشوائي .......ابتسم أنت في الأردن..انت بتحضر عرس أردني .

إذا تجوزت ..........والناس واقفيتلك عالمسطرة بتستنا أسبوع العسل لما يخلص عشان
يفيعو عليك ويهجموا هجمة رجل واحد..وكل واحد فايت يا جيبلك طقم فناجين
قهوة...ياصينية...وبالآخر بتحوشلك سبعطعش طقم قهوة وحدعش صينية واستنا مناسبات
عشان ترجعها لصحابها...بتكون بتمارس واجباتك الاجتماعية بالأردن...ابتسم

إذا فتت إنت ومرتك أو خطيبتك أو صاحبتك على قهوة وأجتك المنيو...القهوة
بليرة..المليلك شيك أبوفراولة بليرتين..وحضرتك طلبتهم..شو ثلاث ليرات..ولا إشي
ولما أجت الفاتورة ولا هي بقدرة قادر خمس ليرات وثلاثين قرش...كيف ما بتعرف...
ابتسم ...........أنت بتمارس الرفاهية في الأردن....

إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا
نسايبك وكل واحد الا بيسألك بتعرف فلان الفلاني...هذا إبن
عم جدتها لبنت عم مرة أخوي اللزم...هاتلك بوسة يا
زلمه...اممممموا...امممممممممممموا ..ابتسم فأنت في الأردن

إذا كنت ماشي بسيارتك مستعجل بدك تلحق موعد..ولا الشارع مليان سيارات عن
اليمين والشمال...إمشي ..إمشي والسير يالله ماشي...فجأة بتشوف هالسيارة
المزينة...وكلها ورد وشبر...والعريس النظوة حاط نيوترال وداحل....وليش السير
واقف..لإنه كل واحد من المحترمين اللي بالفارده بده يوقف خمس دقايق جنب سيارة
العروس وينظر النظرة الأخيرة عالعروس ........هنيال ابوها...إذا صار معك مثل
هالموقف مش تبتسم بس...اضحك واقلب على ظهرك...إنت بالأردن يا عمي

إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما
شاء الله..بيدغدغ القلوب...وأول ما يسلم الإيمان وخلصت الصلاة سمعت :
' أحمر يا زر البندورة...ليرة البوكسه ليره'
'أصابيع البوبو يا خياااااااااااااااااااااااااااار...أربعه كيلو
بليره...يالله يالله
'عالسكين يا بطيييييييييييييييييييييييخ....أحمر أحمر يا بو قرعه...ابتسم
وابتسم وخلي طواحينك يبينو...إنت على باب جامع بالأردن

Listen ya SHAINE..

الكل اله فتره بعاني من الاكتئاب و الاحباط و الكل حاسس حاله بده اشي ومش قادر يحدده, حامل هم اشي ومش عارفه.

ليطلع الواحد من هالمزاج بده اشي ينسيه, تغيير مكان, تغيير وجوه -مرات الواحد بحتاج لوجوه جديده بحياته وحتى لو للحظات بخلوه يطلع من الجو اللي هو فيه.

انا شخصيا عندي وسيلتين لحل متل هالمشكله , صحيح مش دايما بزبطو بس عالقليله لو لفتره بسيطه بتغير مزاجي

الاشي الاول المشي, جد احساس جديد بصير عندي بس امشي هو النشاط هو تحرك الدوره المويه هو الوجوه الجديده ما بعرف بس بغير.

و الاشي التاني الضحك, بس اشي بستاهل الواحد يضحك عليه

و اليوم لقيت فيديو انا شخصيا حبيته كتير و ان شاء الله يعجبكم

هو شعر عربي عانجليزي و عنوانه

listen يا شين :)

هاد للجميع .... و اهداء خاص لمياسي ....علشان ترتسم ولو ضحكه خفيفه على وجهك :)

اللي حاضره بالله ما يفقسني ويحكيلي يييييي قديم , واللي ما بعجبه...فاااااا .....لااا معقول ما عجبك !!!!

راح يعجبكم

Enjoy :D

Why are we here??

I love Hallmarks cards

Once a friend of mine sent me birthday card from this site and from that time I'm using it,thanks my friend :D

My favorites are hoops and yoyo cards,they are really nice and funny
there is no occasion cross you mind you cant find it there, once I forgot my friend birthday and I want to send a card funny and said that I'm sorry for that
I found this one.......don't you just love it :)

Here is one of my favorites cards,I call it all occasions card

Happy birthday, I'm sorry, merry Christmas, have a nice day, hi, feel better...etc

Sorry for the bad voice :$ since early morning I'm trying to download it soooo please it's very good this way :)

here is the link for the card....LINK

and here is my version of it....enjoy :D

New....New ....and only at 2esas 6arma :)

I love the name of the picture at Flickr

Walking with each other, think we'll never match at all,

but we do, we do, do, do..

You said I'm stubborn and I never give in
I think you're stubborn 'cept you're always softening
You say I'm selfish, I agree with you on that
I think you're giving out in way too much in fact
I say we've only known each other one year
You say I've known you longer my dear
You like to be so close, I like to be alone
I like to sit on chairs and you prefer the floor
Walking with each other, think we'll never match at all, but we do..

kteer nice sa7 :)

I saw the idea in many blogs and I stole it from Sharifo :)

Its very easy and very interesting,by 4 steps you will have your new album picture.
All what you have to do is

STEP 1 - NAME OF YOUR ARTIST/BAND
Go to “Wikipedia.com”, hit “Random Article” (or just click the following link) http://en.wikipedia.org/wiki/Special:Random
The first random Wikipedia article is “The name of your Artist/Band”.

STEP 2 - ALBUM NAME
Go to “Quotationspage.com”, then click on “Random quotations” (or just click the following link) http://www.quotationspage.com/random.php3
The last four or five words of the very last quote of the page is the “Title of your first album”.

STEP 3 - ALBUM ART

Go to Flickr.com, click on “Explore”, then click on “The last seven days” (or just click the following link) http://www.flickr.com/explore/interesting/7days

Third picture, no matter what it is, will be your album cover.

STEP 4 - PUT IT TOGETHER
Crop the image to a square format. Use Photoshop or similar programs to put the text together in any way you like.

Big Smile :D

استطاعت سيّدة فقيرة أن تخترق الحراسة الأمنية التي كانت مضروبة حول الوليد بن طلال في شرم الشيخ وعندما حاول الحرس ابعادها عنه أمرهم بتركها وسألها ماذا تريدي ؟
قالت أنا جوزي مات في العراق وما عنديش حد يصرف علي وعندي 6 أولاد ومحتاجة مساعدة منّك وانت راجل كريم وبتصرف جامد في فلسطين وفي أفغانستان إديني حاجة لله؟

سألها الوليد أين تسكنين؟
- في أسوان يا بيه
وإيه اللي جابك هنا من آخر البلد؟
- علشان اتكلم معاك يا بيه، مانا مش لا قيه حدّ يسأل فّيا هنا
نظر اليها الوليد وقال: يا ست أنا الوليد بن طلال لكن أنا ما باشيلش فلوس في جيبي، ونادى على أحد المساعدين وطلب منه أن يأخذ بياناتها ووعدها بأنّه سيساعدها.

أرسل الوليد شيكا ب 100.000 دولار للرئيس المصري وطلب منه أن يأمر بتوصيل الشيك للسيدة المذكورة ومرفق العنوان.

اتصل الرئيس بوزير الداخلية وقال له هل تذكر الولية اياها بتاعة الوليد؟
- نعم فاكرها طبعا
- طيب خذ وصّل لها الخمسين ألف دولار دول وقول لها ان ! الوليد باعتهم لها
- حاضر ياريّس

اتصل وزير الداخلية بالمحافظ وقال له هل تذكر السيدة ... الخ
- نعم أذكرها
- خذ وصل لها العشرين ألف دولار دول وقول لها الوليد باعتهم لك
- حاضر

أتصل المحافظ بمدير الأمن وقال له هل تذكر السيدة ... الخ
- نعم أذكرها
- خذ وصل لها العشر ألاف دولار دول ! وقول لها الوليد باعتهم لك
- حاضر

أتصل مدير الأمن برئيس الحي وقال له هل تذكر السيدة ... الخ
- نعم أذكرها!!
- خذ وصل لها الخمس ألاف دولار دول وقول لها الوليد باعتهم لك
- حاضر

أتصل رئيس الحي بمأمور القسم وقال له هل تذكر السيدة ... الخ
- نعم أذكرها
- روح قول لها الوليد بيقول لك الله يسهّل لك !
- حاضر!!