Evening Smile.......LOoOoL

الموت يصارع واحد بلدياتنا :)

وأهله عنده

ويقولون له: انطق الشهادة يا ابراهيم

قوول الشهادة يا ابراهيم



فتح عيونه وقال

.

.

.

.

.

.

.

.

.

.



دبلوم زراعة

وماااااااااااااااااااااااااااات

* معلش بخفف دمي الي يومين :)

Morning smile.......booooooooooooom

مرة واحد " بلدياتنا" كان راكب في سفينة

كبيرة مسافرة بالمحيط

خلال الرحلة جاء إخبارية لقبطان

السفينة أن السفينة تحوي قنبلة

ورح تنفجر بعد دقيقتين القبطان

انصعق من الخبر وما عاد عرف شو بده يعمل

ما لقي شي يعمله غير شي وحيد كونه

السفينة منفجرة وما عاد يلحق يعمل

شي .نزل ونادى بالركاب وجمعن وقال:

كونه الرحلة طويلة رح لعبكن لعبة
حلوة بعد للتلاتة وكلكن سوا

بتقولوا بوووووم



طبعاً المساكين انبسطوا واستنوا

القبطان لقال تلاتة وكلن مع بعض

قالوا بوووووم



طبعاً بنفس اللحظة انفجرت

القنبلة وصارت السفينة مئة شقفة

والناس طارت وتناثرت بالمحيط


على خشبة بعيدة عائمة على وجه

المياه كان صاحبنا متمسك

ومنهك من التعب ،وهو متعلق

بالخشبة لمح خشبة


قريبة عليه وللصدفة كان القبطان

متمسك فيها!!


اتطلع "بلدياتنا" بالقبطان

وقال:

طز عليك و على هاللعبة

شتي يا دنيا شتي......

ماما من امبارح حكتلي انها بدها اياني اخدها مشوار اليوم بعد الشغل
و فعلا هيك صار
رجعت من الشغل تغديت منسف :) و بعدين طلعنا
وكانت الدنيا هوا كتير ولسا ما في مطر
المهم يا دوب وصلنا للمكان اللي رايحين عليه و ما شاء الله كبست الدنيا مره وحده و لدخلنا المحل كان البرد بدا ينزل
اول مره بنبسط بالشتا و البرد
طبعا هالمره مش متل المره الماضيه....هالمره كنت عامله حسابي ولابسه كتير منيح , بووت و جاكيت جلد و لفحه واموري تمام التمام
وبس رجعنا للسياره ضلينا انا وماما تقريبا ربع ساعه بنتفرج عالمطر و عالبرد وعالسيول
الصوووت بجنن و الجو بجنن
جد اول مره بنبسط
الحمد لله على هالنعمه
يا ربنا يا ربنا غيثا مغيثا اسقنا
وشتي يا دنيا شتييييي







to Noura :)

اهم وآخر اخبار الاردن....

كلكم سمعتو عن الاخبار....اهم اشي طوشه النواب الله لا يفضح حدا
و نتائج التوجيهي

ما في احسن من الصور و عماد حجاج يعبر عنهم :)

من الاخر......انا بكره مديري

بدون اي مقدمات و تبريرات و محاولات لتجميل مشاعري و احاسيسي....انا بكره مديري
اه بكرهووو و كتييير كمان




لااااا لااااا بعرف انكم كلكم بتكرهو مدرائكم بس ما حد فيكم بتعامل يوميا مع مدير متل مديري


قبل ما تحكمو علي اني مفتريه و اني بعاني من الحقد الطبقي افهمو اسبابي


للي ما بعرفني انا بشتغل مبرمجه اوراكل و الحمد لله كتير شاطره بشغلي وهاد اللي خلاني اصير رئيسه قسم بوقت قصير و بعمر صغير نسبيا :)


المهم مديري المحترم عباره عن شخص معرفته بالبرمجه و الكمبيوتر متل معرفتي بجراحه القلب المفتوح...وحتى انا ممكن امشي حالي شوي بالموضوع بس هو ابدا


بعد سنين من توليه اداره مديريه الحاسوب و وجود جهاز حاسوب يتبدل دوريا و هو جديد مش ملموس بس لانه اجت دفعه اجهزه جديده للمديريه.....حديثا جدا جدا اشرفت وشخصيا على تعليمه كيفيه فتح الجهاز
طبعا عانيت معه كتير ليستوعب ان هاد مش تلفزيون و ان الماوس مش ريموت كنترول بس ما علينا عادي الزلمه عمره 1500 سنه و جديد عالتكنولوجيا فمش مشكله بنمشيله اياها و بمشيله العشر تلاف مره اللي بناديني فيها علشان احكيلي يا مديري العزيز بس يكون ال
num lock هاي الكبسه اللي فوق مربع الارقام على ايدك اليمين الضو الاخضر مش شغال فهون المشكله
و انسو ساعات تعليم كيف يحول من انجليزي لعربي وبالعكس و الاخ لانه ما شاء الله متمرس طلب يكون الاسم و كلمه السر بالانجليزي و بكلمه السر لازم يكون في ارقام فشبه يومي لازم ينادي حد فينا يفهمه ان الجهاز مش خربااان بس عطوفتك الهبيله :)


قولو كل هاد فضايح داخليه بنحاول ما نطلعها بره المديريه لنحفظ ماء وجهنا زي ما بحكو بس وين المصيبه؟؟؟ المصيبه بس يجينا ضيف كبير او شخص مسؤول بدو يشوف وين وصلنا بشغلنا ويشوف انتاجاتنا
طبعا هون الفضيحه....مش باللي بنعاني منه احنا اللي كتبته فوق لاااا باشي تاني
مديري دارس بايطاليا فالانجليزي عنده مضروب كتير و مشكله شغلنا بتطلب استخدام مصطلحات و مسميات انجليزيه مش فلسفه بس لو حكيتها بالعربي بتطلع كتير ركيكه المهم احكيلكم عن اهم مصطلحات مديرنا العزيز


Data base ----------->Basa date

Server ---------------->Receiver


Program-------------->pornamej


رسيفر ياللي ما تخاف ربك.....نازل تحكي للعالم ريسيفر و احنا نزبط و هو ابدا ما الو دخل
و العالم تطلع عليه وعلينا نظره زنخه مع ضحكه مخفيه





بكفي ويلا بدكم اسباب تانيه
طيب خليني اضيفلكم من الشعر اخر بيت

الاخ شخصيته كتير ممله احنا البنات اللي عنده بالمديريه ايام بس نكون متمردين و ما بنسكتله على كلمه وانا بالزات -لانه بشوف كيف بالاجتماع مع المدير العام شخصيته ضعيفه و بنمسح فيه الارض و بضيع تعبنا وشغفلنا لانه ما بدافع ولا بحكي عن انجازات الشغل و لا ببين شغلنا بالمره و انا بحاول كل ما صحللي فرصه اشرح اشي او افرجي المدير العام اشي- بمتل هالايام بنكون زي بناته

و في ايام اللي بنكون مش طايقين حالنا وساكتين ولابدين بنصير زي خواته O_o
بكفي ويلا بدكم اسباب تانيه تخليني اكره هالانسان ؟؟؟؟

من منبري هاد برجع بعلن وباعلى صوتي
انا بكره مديرييييييييييييييييييييييييييييي