يوم التدوين للاردن, هل يعني انني سأكتب شيء ايجابي؟؟؟ وكيف لا؟؟
فانا احب الاردن,اعشق جبالة و وديانه, اعشق ماضيه وحاضره, اعشق وسط البلد و قلعة الربض, اعشق عبدون ودير غبار, اعشق صيفه و ربيعه, اعشق شتاءه -من خلث النافذه طبعا - واعشق رائحة ربيعه.
لكنني بالمقابل اكره اشياء فيه, نعم اكرهها بكل ما تحمل كلمة كره من معاني التقزز والاشمئزاز.
اكره من يجعل من الاردن بلد يستحيل العيش به, ويحرم مغتربيه من الرجوع اليه.
اكره من بجهلة وقلّة حنكته يجعلنا نعاني شح المياه صيفا بالرغم من موسم الشتاء الماطر الذي حصلنا عليه.
اكره من لمصالحة الخاصة و علاقاته الاجتماعيه يحرم اخي من فرصة عمل كريم.
اكره من تعميه عنجهيتة و ذكوريته بدافع ما يسمى عنده النخوة و الدفاع عن الشرف, بقتل صديقتي الطاهرة, ويترك من يغتصب ارضه وماله حرا طليقا.
اكره من يحرمني و اهلي من العلاج بدافع السرقة و النهب و المصالح المتبادلة.
اكره من يعتدي على اخيه و قد يقتله احيانا, و يقبّل اليد الغريبة التي تلطمه.
اكره من يعيش في قصره العاجي, و يجلس في مكتب فخم ليس من صنع يداه, ولا وصل اليه بقدراته وانجازاته, وينسى احيانا انني انا و امثالي من وضعه على ذلك الكرسي.
اكره من يحرمني من ابسط حقوقي كأنسانه افرح واتألم, احب واكره, يحرمني من التعبير عن تلك المشاعر.
اكره من يبدأ حديثة في محاولة فتح حوار بيني و بينه بجملة..." انت من وين؟؟"
اكره من يستخف بعقلي وعملي و شخصيتي و افكاري فقط لانني بنظره مجرد انثى.
اوعكم يروح عليكم يوم التدوين عن الاردن واللي راح يكون في 12\3 ان شاء الله, هاي الفكرة خطرت للمدون المبدع دائماقويدر بسنة 2008 يعني قبل سنتين و السنة راح تكون السنة الثالثة لتطبيق هالفكرة.
ليش 12/3 ?? مش لشي خاص, وما في حدث معين صار بهاليوم, بس لان 321 - الاردن فكرة جميلة و انا بالنسبة الي بحسها كأنها تعداد لاشي, الكل بدو يكتب عن الاردن وانت بتجمع نقاط ان كانت ايجابية او سلبية و برضو بتقدرو تعتبروها زي 1...2...3 اردن يا حياتي :)
انا كان الي الشرف بانياشارك السنة الماضيةلاول مرّة, وان شاء الله راح اشارك السنة كمان, وبشجع الكل انه يكون جزء من هاليوم لانه جد شعور كتير حلو انك تشارك باشي بخص بلدك.
بالنسبة للمشاركة بيوم التدوين عن الاردن في عدّة اسأله انطرحت بمدونة سامر قويدر بلخصهم بانه مش لازم تكون اردني لتكتب عن الاردن, بتقدر تكتب عن اي موضوع بخطر ببالك بخص البلد ايجابي كان او سلبي, الموضوع مش منافسة ابدا الموضوع انك تقدر تعبّر عن اللي بجول بخاطرك و تشاركه مع ناس تقريبا راح يكتبو عن نفس الموضوع, فوجهات النظر المتعددة مرات بتشرح الموضوع من كل نواحيه و بتخلي عندك فكرة اكبر عن الموضوع.
السنة الماضية كانقويدر مجهزلنا على مدونتهgadget - بعرفش شو بسموها بالعربي اشي زي اداة او برنامج - بخلينا نتابع اي بوست في مدونة بتكتب عن هاليوم و كان يوم كتيييييييييييير حلو :)
فاااا اوعكم اوعكم تروح عليكم المشاركة بهاليوم :)
وغير انكم تشاركو بتقدرو تدعمو هاليوم بانكم تحطو بمدوناتكم هالعداد التنازلي و فرصه برضه يضل يزكركم ايمتا بالزبط يوم التدوين عن الاردن
اذا بتحبو العداد يكون اصغر او اكبر فبرضه قويدر مجهز عدّة احجام بتلاقوها هون:)
غلاء الاسعار, قللّه الرواتب, سوء الاداره في بعض المؤسسات الحيويه عنا, الشوارع اللي صارت كراج سيارات, الشوارع اللي صارت كلها حفر ومطبات, عنصريه, وساطات ومحسوبيات....
بعدين فكرت شوي....هل معقول هيك صار الاردن؟؟؟كله مساوئ معقول ما في حسنات بالمره
فكري....فكري....ركزي....في...في اشياء بالرغم انها قليله بس كتير مهمه
الامان اللي عايشين فيه بالاردن مثلا لا يقدر بثمن,بنشوف شو بصير بالدول اللي حولينا و بنقارن باللي عنا بنشوف انّا بالف خير والحمد لله
يعني مثلا قبل كم من سنه لما كانو في جماعه بدهم يفجرو المقر الرئيسي للمخابرات اللي عند الدوار التامن....بغض النظر شو اهدافهم وشو افكارهم شو كانو مقتنعين باسباب متل هيك عمل,بيتنا كان من ضمن عشرات البيوت اللي كان انتسفو عن وجه الارض لو هالتفجير صار!!!
قصص كتيره سمعناها عن محاولات من نفس النوع بس الامن احبطها والحمد لله.
شرطه السير, ما بنكر ان في نسبه للاسف مع انها قليله بتستغل طبيعه شغلها لارضاء امراض نفسيه خاصهفيها بس بعد ماجربت الشغل وجدت ان في كل مكان عمل في ناس من هالنوع !!!
انا ما كنت اقدر عمل شرطه السير الا لما صار معي موقف فعلا عرّفني انهم بستحقو كل التقدير وانهم بقومو بواجبهم و وظيفتهم مش اكتر.
يوم ما زار الاردن ملك السعوديه قبل سنتين تقريبا و سكرت كل شوارع عمان و كل العالم اللي طالعين من بيوتهم ضلو اكتر من ساعتين يلفلفو بالشوارع من شارع مغلق لشارع تاني برضه مغلق.
كنت انا من هدول الناس, كنت مروحه من شغلي و لسا مش كتير بالطرق.
الطريق اللي بروح منه عاده مغلق فاضطريت اخد طريق ولا بعرف فيه اشي وضليت ماشيه لوصلت منطقه بعد 5 دقايق بالزبط بوصل البيت, ما وصلت اخر الطريق الا الشرطه مسكره الطريق
تنحت انا وما رضيت الف و بدي يفتحلي الطريق
الشرطي: لو سمحتي الطريق مغلق
انا: طيب انت اعطيني حل...دلني من وين اروح...انا بيتي هيو شايفته من هون, وين اروح؟؟؟
الشرطي : يا اختي لو سمحتي الطريق مغلق.
انا: اولا انا مش اختك, ولو سمحت تدلني على طريق بديل يوصلني للشارع اللي قبالك.
الشرطي بعد دقيقه صمت: يعني هلأ انت بتفكريني مبسوط اني من ال 10 الصبح واقف تحت الشمس لهلأ؟؟؟
انا بصوت واطي جدا جدا: الله يعطيك العافيه يا خوي :$ بعرف الله يعينكم انا اسفه يا اخي بس جد مش عارفه وين اروح.
الشرطي مع ابتسامه لطيفه: يا اختي شو بدك تعملي , ما في غير انك تضلك تلفلفي بسيارتك ساعتين زمن , وانا بنصحك تقعديلك بمكان تشربيلك كاسه عصير لتخلص هالعجئه.
انا: شكرا كتير شكله هاد اللي راح يصير .
وزي الشاطرين لفيت و رجعت و ما لاقيت ولا مكان اقدر اقعد فيه و ضليت ساعتين بالشوارع لقدرت اوصل البيت:)
يعني بعد هالموقف جد صرت اعزّ كل شرطي مرور بكون واقف عالدوار, صح مرات بتكون الدنيا ازمه والسيارات كلها واقفه عالدوار وهو ما اله دخل, وصح مرات بكون هو سبب هالازمه...بس جد بطلت احس بالقهر منهم بالعكس بكون نفسي ايام اجبلهم عصير او ايس كريم بايام الشوب , بس بخاف يعتبروها رشوه مهع اني مش بحاجه اني ارشيهم لانهم دايما بسامحوني :) زي لما مشيت بعكس السير وقدام سياره الشرطه و اجا الشرطي بدو يخنقني بس اتفهم وضعي اني مش عارفه وين انا و ان ربنا سترها هالمره و الحمد لله ما خالفني, الا بس اكون انا زايدتها يعني ممنوع المرور و مريتي كتييير فبعطيني اخف مخالفه اسمه السياره اللي فيها الشب اللي سحب الرخصه منه لسا واقف :)
قبل مدة اجا شخص باكستاني طول عمره عايش بسنغافورة والكويت السعودية عشان يشتغل بشركة اردنيه ... سكن بعمان فا مرة بسئلو كيف شفت عمان فكرت حيكيلي عجقة وقرف وزهق وناس ( لاسطوانة المشروخه الي بحكوها جماعتنا الي بسمو البدن وبسودو الدنيا بوجهك ) سكت وابتسم وحكالي روعه عمان ما فيه زيها ناس لطيفين وخدومين ومحترمين ورائعين ( انا سكتت وبستنا انو يطلع بمزح ) بحكيلي بجد مش مجاملة انا لفيت كتتير بس هون انا ارتحت اكتر شي,الي مش عاجبو بالاردن انو مافي بشغلو غيرو من نفس الجنسية ( يعني اشي مالنا خص فيه) قبلها برضو فيلبناني بقلي يا رفيقي بس عشت بالاردن انحرفت(مش اخلاقيا لاحظو ) بقلو انا بنوع من التهكم ( حبيت تهكم هاي ) ازاي يا ابني بحكيلي بس نزلت بيروت صرت اوقف على الاشارة واحترم المرور زيكم ... بقلي ياريت النظام الي ماشي عندكم زى عنا بجد عمان منظمة وبتنحب ,واكتر من شخص واكتر من جنسية . شخص ليبي بحكيلنا بس ادخل الاردن برتاح نفسيا بالنسبة الي احسن من اماكن تانيه واحسن واكتر الفة ...
تجربة شخصية بعد عدة تجارب مع حدود عربيه كانو الشباب على الحدود والمطارت العربيه يتعاملو معك ولا كانو انتا بشري وبنوع من الا مبالاه ( مع العلم انو بتعاملو معنا احسن من اهل البلاد) بس وصلت الاردن بجد اتعاملو بادب واخلاق
