كتير في افلام اجنبيه عن مصممين الدعايات, كيف بفكرو بكل جمله وكل كلمة وكيف التصميم ومين بدو يمثل و شو اللبس و الوضعيه, اساس حياتهم هو الفكرة الاساسية, وشركات بتربح وشركات بتخسر, موظفين بترقو و موظفين بخسرو وظائفهم بسبب هالكم دقيقة ومرات هالكم ثانية للاعلان, وما بننكر تأثير الاعلانات و كم الفلوس من وراها, مصاريف و مردود هائل, على شركة الاعلان وعلى اصحاب لمنتج.
بنيجي نطبق الموضوع على دعايات تلفزيوناتنا -وما راح احدد قناة معينه الكل فاهم عن مين بحكي - بتحس ان اللي فكر بالدعاية...لأ بتحس انه ما حد فكر اساسا, حرام ينحكى عن اللي بنشوفة فكرة اساسا, لا كلام زي العالم ولا صوت ولا وجه اعلاني, صراخ ورقص و صف كلام و طوش و بالاخر بتكتشف انها دعاية, بس لشو اكيد ما بتعرف لانك مصدوم بالمناظر, حتى بالدعايات بتطاوشو!!!
اذا اسمه زعل فطبيعي يتطاوشو o.O
لهيك الهدف الرئيسي من الدعايات مش موجود عنّا,تعودنا على انها فقرة غير مرغوب فيها احيانا و فقرة اجت بوقتها احيانا اخرى, بالعاده يا بنوطي التلفزيون يا بنعتبر فقرة الدعايات هي فرصه تتحرك من القعده, فرصة الزوج يتطلع بوجه زوجته, فرصة الام تحكي مع ابنها, فرصة تفك زنقة للي مزنوقين, فرصه تحكي تلفون او تشيك الفيسبوك - للي مش 24 ساعه شابكين - فرصة تلم كاسات الشاي او فناجين القهوه و تجليهم, فرصة تصلي 4 ركعات العصر قبل ما يرجع المسلسل :$
5 التعليقات :
انا ملاحظ انه الناس مبطله تحضر تلفزيون زي زمان.
معهم حق. لأنه كل القنوات نفس الشيء. مسلسلات تركيه وبرامج لا هدف لها وغير مسليه.
انا شفت دعايه وحده لفتت انتباهي بسبب السخافه والسطحيه اللي فيها.دعاية كراسي حدائق.
للأسف اللي ملاحظ هنا غياب الإبداع والتقليد الأعمى وسرقة أفكار غربيه.
الدعايات اللي فيها العم غافل....غبية
al gomhoor 3awiz kidah?
yimken!
رجعتيني لفلم ميل جبسون
منك لله
فعلن,, الدعايات أحسن فرصة لترويق الغرفه هههههههههه
أم كعك العيد
مسائكم سعيد اصدقائي وبعتذر عن التأخر بالرد :$
نقص ابداع على الجمهورعايز كده على يمكن بعتقدو ان السخيف بعلق بمخ العالم اسرع واطول :$
بس طلعو دعايات قبل افضل من دعايات هلأ اللي كلها غنى و رقص و كلمات مبتذله :\
إرسال تعليق