حكيتلها ما بدي اروح , اذا بدك بوصلك و برجع باخدك, حكتلي بس انا بكون مبسوطه اكتر و مرتاحه لو اجيتي معي فااااااااااا وافقت اروح شو اعمل ما قدرت اقاوم :)
هلأ بدي احكي عن موضوعين, اولا و بما اني ما كنت حابة و لاخر لحظه اني اروح عالعرس هاد لا يعني ابدا اطلاقا مطلقا اني ما اكون لابسة اللي عالحبل و اكون ماشية لفتين تلاته بعلبة الميك اب, يعني رايحه و رايحه اروح و نفسويتي مش بالعلالي؟؟؟ بعد ما سمعنا بابا بنتناقش بموضوع الروحه و شافني و انا طالعه نظرة الدهشة على وجهو كانت رهيبه, بحكيلي هيك حابة الروحه و مجهزه حالك...اروح بالجينز يعني ياحج؟؟ انت بترضاها؟؟ :)
الموضوع التاني و هو عرض العرايس اللي كان بالعرس, لا لااااا مش هيك, يعني عرض عيني عينك, ستات بلفلفو عالطاولات و بعرفو بناتهم عالعالم, و بنات ماسكين موبايلات و ناسيين يلبسو نص اواعيهم بتمشو بالقاعه و رايحين و جايين بس هيك بتحسوه عرض ازياء, كرهت حالي كل ما اجا حد وسلم على ماما و سألها عني :(, متزوجه حلوه بنتك وين كاينه مخبيتيها, هاتي بوسة يا "خالتو" او يا "آنتي" مع بعض التحسيس و معاينة البضاعه من بعض الخالتوهات, وماما محششة ضحك ولا على بالها
كل الخالتوهات كوم و الخالتو اللي طلعت من طرف العريس وكاينه دارسة مع ماما بالمدرسة كوم لحالها, لقاء لطيف كان بصراحه و الست كتير كتير طيوبه, قمت و سلمت عليها بمحبه قد ما شفت مميتي فرحانه بشوفتها, و بدت كم ولد عندك و كم بنت و شو مجوزه و كم حفيد و وصلولي , الخالتو تفرجت علي و رفعت حاجب و ابتسمت ابتسامه و حكت لماما " بنتك عريسها عندي" حاولت ان حواجبي ما يرتفعو و اني اضل محافظه على ابتسامة المحبه استأذنت بكل ذوق و رجعت قعدت على كرسيي و فجأه سمعت الخالتو بتحكي بصوت عالي "هاااي؟؟؟" "هاي 36؟؟؟" ضحكت , ليش ما انبسط ان ربنا الحمد لله منعم علي بشكل ما ببين عمري!!! و لكن الابتسامه بدت تخف بعد تكرار السؤال "هاي 36!!!" للمره الخامسه, و بعد تكراره للمرة السابعه بصراحه ولا اخفي عليكم بديت اتوه مش عارفة انبسط ويلا ازعل :$ بدى الاحراج يسيطر علي, خلص يا خالتو ابوس ايدك, خلص خلص 28 , 30 ابوووس ايدك ما كانت مزحه مزحناها معها, و فجأه الست انعجئت و ودعت ماما على عجل و راحت و انا و ماما مش قادرين نمسك حالنا عن الضحك, حششنا بكل ما تحمله الكلمه من معنى, بتحكيلي ماما " يا علي انصدمت كتير كأنها" صارت ماما حاسة بالذنب هههههههههههههههههههههه.
20 التعليقات :
في ناس صدقا ما عندها اسلوب بالكلام نهائيا.
كأنك بتضحكي علينا. حاطه صورة عرس جزائري على انه اردني.
عندي سوال (ما لقيت وين الواو اللي عليها همزه على الكيبورد) تقني:
انا بشوف صورتي مع ال 183 عضو المتابعين المدونه بس مع ذلك ما بيصلني ايميل لما تكتبي بوست جديد. شو السبب؟ بما انك خبيرة كمبيوتر يمكن تعرفي شو لازم اعمل.
هلأ هي المفروض صدمة من نابع محبة بس جد الاسلوب غلط كتير الله يسامحها
بالنسبة للصورة ,الاعراس عنا صارو البنات يزيدوها كتير باللبس او بعدم اللبس :$ لهيك وبدل ما نتورط بقضايا التار ولا العار و هالقصص حبيت اجيب ناس من قارة تانية كمان :)
اه جديد بينت الصورة و بالعاده اللي جديد بتابع بتبين صورته بالاخر فاااا شكرا عالمتابعه :)
انا للاسف كنت اعتمد على Google Reader بالمتابعه وبعد ما سكر ما عرفت اي واحد من البدائل اللي مقترحينها انزله لهيك بتابع من نفس المدونه, في بالصفحه الاساسية للمدونه اشي زي الريدر منه بقرأ الجديد بالمدونات اما مدونات ال Wordpress فبوصلني ايميلات على الايميل اللي متابعه منه
هلأ اذا انت عن طريق ايميل فالمفروض في ال settings في خيار ببين عندي بالعربي اسمه مراسله فيه ببين على اي ايميل يوصلك و في خيارات بتختارها ليوصلك ايميل اعتقد هيك , و برضه بتأكد من اللي اخبر مني و بردلك خبر ان شاء الله :)
لذلك انا بفضل الوورد برس عن البلوغ بوست. الوورد برس في خاصية متابعه عن طريق الايميل اما البلوغ بوست فما في الشيء هاد.
الأعراس و ما ادراك ما الأعراس هاليومين :) بس برضو الأعراس حلوة بس لو بدون العلاقات الاستعاضية و الاجتماعية اللي فيها :)
يعني انا بقترح يكتبوا على كرت العرس تحت نوما هنيا لاطفالكم جملة ... اذا الكلام من فضة فالسكوت من ذهب :) او اي شي بهالمعنى :)
بحب روحك المرحة دايما :)
الله إيخليلك الست الوالدة وتضلها تمون عليكي :)
الحمدلله هالصيفيه ماحضرت ولا عرس
بس الصوره وصلتني من ياللي حوليّ كيف الوضع بكون
وكيف إنه القماش صار بالغرام ينباع وإنه الذهب أغلى منه
لمتى رح تضل النسوانات حشريات هيك؟؟ بجد
يعني شو خصك بعمري تسعين وإلا عشرين؟؟
عم تدفعي عليّ وعلى أكلي وشربي شي؟؟
سنحة تسنحهم يارب
آخر عرس رحته كان عرس أخوي ........ بس عند هههههههه كيف هاي 36، اهلين بالرجعة
المهم بعد كل هالصدمة اللي انصدمتها جابتلك العريس ولا لأ؟؟؟
السلام عليكم ورحمة الله وبركاته
ويسبر صديقتي الغالية بزاااف
اخ منهم الامهات..لما تجي في بالهن نية
عني لازلت اتفادى مناسبات الاعراس بشكل ملفت..تسبب لي احراجا خصوصا اني لا اتقن هز شئ غير التصفيق وراء الدف
ثم اني لا افهم معظم تقاليدهم ولا اتفاهمها.
لكني في الاونة الاخيرة وانا احضر اكثر من عرس عائلي لبنات العيلة انتابني شعور مشترك كل مرة خلال العرس وهو تقبل الزواج و الوقوع في فخ السعادة المؤقتة خلال تلك الايام الحافلة
وبالتالي التنازل والتفكير بان الاوان قد يكون حان لي لكي اتقبل نفس المصير.
و كم اكره حين يأتي عريس غفلة عن طريق متطفلة او متطفل من العيلة او من اي كان..
اشجع الزواج التقليدي لكن ليس بتلك الطريقة..دائما ارفضهم وابدي غضبي من فاعلي الخير هؤلاء..
طبعا زيجات كثيرة نجحت بهذه الطريقة
عادي
فقد من حيث المبدأ لا تروق لي
هكذا ..
عزيزتي ويسبر
دعواتي لك بحياة ملؤها الحب والسعادة
في ظل رب يرعاك وعائلة محبة.
الصورة من عندنا ولا نتشارك نفس اللبس!!
بجد ضحكتيني من كل قلبي ويسبر
بجد العالم غريبة و كان سميتوا عليها للخالتو المصدومة :))
حبيبتي ...زي ما قلتلك عالفيس حتروحي يعني حتروحي فبلاش تبقي تناقشي وتجادلي ...الله يخليلك الماما و تضلها مرتاحه اكتر بوجودك معها في كل المناسبات :)
وهاي الروحه اجت بنتيجه...يعني ما زبط العريس بس زبطت التدوينه هههههههههههه ورجعتي تفشي قلبك هون يا ناني.
ملاحظه على التشليح بالاعراس ؛
over
كتير...ويصراحه هذا اللي اجانا من الاعراس المش مختلط !
الله يرحم اعراس المختلط كانوا مستورات وانيقات وعين الله عليهم وكل وحده قاعدة جنب زوجها او ابوها او اخوها زي البسّه ..ايون زي البسّه ههههههههه
الا الاستثناءات طبعا اللي طبيعة لبسهم هيك بالشارع وبالاعراس نفس الشي !
Hi Whisper, How are you sweetie ? how is life and work?.. I am doing fine, distracted by many things but always close watching and reading in silence..I just saw a comment by you on a blog "nourasworld" and from your sweet comment , I felt that you think it is me but it is not.. I thought I should let you know, that I have no blog.. that is another Noura..
Take care and I'll stay in touch
Lebanese Noura !:)
أولا أنا عم أضحك هلأ من البوست ومن طريقة كتابتك وحكيك بضحك ههههههههه
ثانيا ً ...والله وضع الأعراس صاير إشي مقرف الله وكيلك مع إنو أنا إلي فترة طويلة ما رحت على عرس يعني بحاول ما أروح من هالمناظر والأغاني !!!
المهم هلأ زي ما قالوا " العريـــس " :)))) هههههههه مش مشكلة الباقي ^_^
ملاحظة على الهامش : بتلاحظي إنو كل ما تعلقي على مدونتي بعلق أنا عندك ثاني يوم ؟!!! o_O هههههه أنا لاحظت لوووول ....والله هو كسل بالقراءة والتعليق وبتذكر إنو في إشي اسمه مدونة للبني آدم بس يعلق عندي :)))
بس عنجد مدونتك بحبها كتير بدون مجاملة وبحسها قريبة كتير على قلبي وعلي أنا شخصيا :**
Jaraad
شكلنا حسدناه للوورد برس لانه من يوم ما نقلت مدونتك للموقع الجديد و والبوستات الجديده بتبين متأخره و ومتابعه التعليقات مش شغاله بالمره :)
Lio
اذا جملة نوما هنيئا لاطفالكم صارو العائلات يتمشكلو عليها لو كتبو اشي يحكولهم يا ريت ما تعلقو بوصل الدم للركب عليها هاي :)
العالم اساسا بطلت تروح عالاعراس الا للانتقاد هالايام و المقارنات و سمات البدن
وانا حبك انت يا قمر و بانتظارك على احر من الجمر :)
Um Ommar
اللهم امييييييييييييين و يخليلكم كل اهلكم و احبابكم يا رب
اريح لراسك, بيني و بينك انا جبته لحالي, هاد يا ستي مره اتصلت فيي ماما عال 10 علشان اجيبها من عرس و كان ما في حد غيري فاضي, فا انا حكيت لحالي استفيد من
الموقف لاغير موعد اذان المغرب اللي عند اهلي, قامت ماما قلبت الفكره عراسي بانه فعلا كيف تطلعي لحالك ...من يوم و طالع بتيجي معي حتى ما اقلق عليكي :$
وشو ورا النسوانات غير التدخل بحياه الناس التانيين؟؟ بدك اياهم يموتو من الملل لا سمح الله !!!
اشتقنا لسنحاتك ...يلا ارجعي :(
وائل
معظم الشباب بكرهو الاعراس و خصوصا انهم يا حرام ما عندهم اكشن بالاعراس الغير مختلطه دخان و حكي و حكي و دخان
اما احنا عنا كل الاكشن و زي ما انت ملاحظ اكشن متجدد كمان
جد شر البلية ما يضحك هههههههه
كيكي
وده سؤال يا كيكي....الخالتو ما زالت تحت الصدمه من يومها :)
اللي فرط يكرط
وعليكم السلام و رحمة الله و بركاته
"لا اتقن هز شئ غير التصفيق وراء الدف"
هههههه هاد الشيء الوحيد اللي ممكن اشارك فيه بالاعراس...التصفيق :)
"تقبل الزواج و الوقوع في فخ السعادة المؤقتة خلال تلك الايام الحافلة
وبالتالي التنازل والتفكير بان الاوان قد يكون حان لي لكي اتقبل نفس المصير"
صديقتي الغاليه... من الاشياء التي احبها فيك انك دائما ما تصيغين مشاعري و احاسيسي و افكاري بكلمات بسيطه و يسلاسه كبيره
فعلا هاي المشاعر تنتابني و لو لدقائق بسيطه ليحصل موقف يغير هالمشاعر و يقلبها
بكره الزواج التقليدي و مقتنعه تماما ان دينا و اخلاقنا و تربيتنا و المجتمع اللي عايشين فيه و مستوى اخلاق العالم حولنا ما بتسمح بغير هاي الطريقة بالزواج
اللهم امييييييييين..ولك بالمثل يا صديقتي اللطيفه :)
الصورة من عرس مغربي, دورت على صور تعبيرية للموضوع لم اجد افضل منها.. كان لازم ذكرت المصدر
حاولت ابحث عنها مره تانية و لكن للاسف ما وجدتها
لبنى
حبيبتي مش صدمة اللي اكلتها هههههههههههههه يلا تعيش وتاكل غيرها :)
نيسان
هاد اللي حصل و اللي حيحصل دائما شكله..معك حق :)
اللهم اميييييييييييييييييييييين
شفتي, الله يخليل اياها هالمدونه ما في غنى عنها هي اللي بتتحملنا
لاااااااااا حبيبتي زمن البسس هاد ولّى من زمان, الاعراس المختلطه صارت حتى المحجبه تشلح الحجاب, و اكتر من عروس محجبه لعرس مختلط و كل امورها بالشارع على مبدأ مهي بس هالليله O.o
الله يهدينا و يهديهم يا رب
Noura
انا بخير و الحمد لله و كلنا مشتاقينلك كتير كتير
و ان شاء الله دايما مشغولة عنا بالخير و السعاده
شكرا لنورا التانيه اللي خلتنا نتطمن عليكي حبيبتي, لا تطولي علينا و ارجعيلنا بسرعه و ديري بالك على حالك يا قمر
Orangee
اهلا اهلا في احدى بناتنا في الخارج :)
ان شاء الله دائما الضحكه ما تفارقك يا قمر
انا لساتني بحب الاعراس ولكن في اعراس لناس معينين بكون قلبي نائزني منهم وما بتشجع للروحه كتير :$
العريس يا اختي شكله في بلاد الواق واق و بنستنى يقرر يستقر الاخ ههههههههههههه
اللي عند اهله على مهله و انا مش مستعجله على اقل من راحته الوضع حاليا مريح فخليه مشغول
حبيتك العافيه يا رب, القلوب عند بعضها :)
هو سبحان الله كلنا بنغيب وبعد فتره بنتزكر و بنحن لهالعالم الجميل
المهم دائما تضلك تطلطلي و تطمنينا عليكي يا قمر
انا سعيده سعيده سعيده :)
بعدين بخبركم السر اللي سمعته بس يصير مسموحلي احكيه :)
السلام عليكم ورحمة الله وبركاته
صديقتي الرائعة ويسبررررررر
اشتقت لك حقا
ان شاء الله دايما بخير
بالنسبة للموضوع اياه يمكنك تأكيد الخبر او اعلانه
لكن بالنسبة للتعليق اياه فاعتقد يحتوي تفاصيل كثيرة خاصة ليست للعموم
عقبالك اختي الاردنية
إرسال تعليق