،حمله قوس قزح اللي بدأها صديقنا يوسف حمله نداء لاصدقائنا اللي اشتقنالهم كتير كتير و ﺍﺷﺘﻘﻨﺎ لكلامهم و لوجودهم معنا بهالعالم الجميل وﻟﺘﻮﺍﺟﺪﻫﻢ بين عائلتنا اللي بنيناها بانفسنا ،، اخترنا اللي عقولنا ترتبت مع عقولهم و جذبنا صفاء قلوبهم.
للاسف كتير من هالاصدقاء اختفو تماما من عالمنا و مكانهم فاضي ما حد بقدر او بسترجي يعبيه من بعدهم.
من اول ما بدت الفكره و في صديق اسمه ضرب في بالي وكنت ناوية اخصص هالتدوينه اله، و سبحان الله صديقنا يوسف اقترح علي نفس الشخص و بالرغم من الصفه الطفوليه النكده اللي فيي و اللي هي اني ابطل اعمل الشي اللي مقررته اذا حد حكالي اعمله ولكن صديقي يوسف مش اي حد و صديقي صاﻟﺢ باشا بستاهل اتنازل عن هالصفه ولو لمره واحده :)
صديقي صالح...دكانتك بحاجه لاعاده ترتيب و تفقيد لتواريخ الانتهاء، و بما اني كنت مزود دائم بالبضاعه هناك محاولة مني اني ما اخليلك حجه لتسكر هالدكانه و تتركنا عطشانين لكل ما هو جديد منك فانني من موقعي هذا و بهذه الساعه التاريخيه - ليله سبت و بكره دوام - فاااااا انني اطالب باعاده فتح الدكان و تخصيص ولو ساعه وحده تطمنا عليك و تزودنا بكل ما هو مفيد كعادتك صديقي وما راح احدد ساعه يومي او يوم ورا يوم على ان لا تزيد المده عن اسبوع يلاا علشان تعرف قديش احنا كريمين :)
صديقي السباق بالخير...كل عام وانت بالف خير و خلي هالسنه الجديده تبدا بفرحتنا بالرجوع
بانتظارك قريبا جدا جدا جدا صالح باشا :)
،
19 التعليقات :
لفته طيبه ورقيقه منك يا ويسبر كما اتمنى ان يستجيب الاخ صالح لندائك ويرجع للتدوين مره اخرى
تحياتى بارك الله فيك حبيبتى
نيالك يا عم صالح، لو نا مكانك باخذ تدوينة ويسبر و بطبعها على لفتة و بحول دكاني لسوبر ماركت
يا صباح الخيرات ومناكفة اعز الصديقات
بعرفش ليش اول ما قرأت هالتدوينة تذكرنت هيثم...
هو الوحيد اللي ممكن يبرد ناري ويخلص ثاري على راي صابر الرباعي
عجبتني فكرة انه طالما انا اقترحتُ ذلك ....انسى ....
يعني انا كنت هيك في فترة مؤقتة من حياتي ولكن مش مع الكل
فقط مع من يتدخل في اموري الشخصية جدا
خاصة بعد عودتي من الامارات وقضاء حوالي 15 عاماً بعيدا عنهم بين الدراسة والعمل
نرجع للموضوع الاصلي وبخلي لهيثم يجيبلي حقي
صالح باشا
انا شخصيا ورغم معرفتي به لفترة طويلة هنا ...حقيقي انا لم اسأل ولم اعرف عن اموره الشخصية اي شيء وهذا قد يُفاجأ البعض
فانا لا اعرف اين يعيش في هذ العالم ولا اي شيء آخر ورغم ذلك ساقول عن تجربتي معه
صالح كان بمثابة الاخ الدائم القرب وتعليقه عندي كان دوما حافزا للرد الفوري بتعليق آخر يشكلا معا إعناءا وإثراءا للموضوع
او كان تعليقه دافعا للسرعة في كتابة تكملة للموضوع
إذا ما ابتعدنا قليلا عن مساهماته القيمة من خلال ما نشرته الدكان من قصص وعبر استمتع واستفاد منها الحميع
فصالح قارئ متميز ...يقرأ السطور وما بينها مهما كان الموضوع وناقد ومشارك ومتابع لكل المدونين وكان وجوده الدائم بيننا من خلال تعليقاته كما فاكهة الموسم
اخي صالخ انا شخصيا اكثر من يفتقدك في عالمنا فلطالما كنت المحرك الدافع لاصابعي لتكتب ما في الذاكرة من تجارب ومعاناة تشكل باحمعها جزءا بسيطا من معاناة شعبنا
با نتظارك قريبا ان شاء الله
ويسبر
الله يرضى عليّكِ ويسعدك
وصباح الفل والياسمين لكِ وللجميع هنا
غش
غش
غش
ليش عمو صال صال اللي الكل بفتقده وأنا لع
هادا غووووووووووووووووووش
أنا أعترظ,,
خلص فقط للإعتراظ مش لشي ثاني
هههههههههههههه
أم عمر لا تزعلي انا كنت بدي اكتبلك هاليومين ...بس عاد حرقتي المفاجأه , عن جد سنحك :(
أما عزيزنا صالح فنفتقده جداً ...ومفتقده كلمة "نيسان هانم" منه ...ان شاء الله نلاقيه راجع قريباً .
نيسانه
فرحتيني
بس بجد,, حتى لو كتبتيلي
ح أحكي إنه غش
شو رأيك مع الكتابه تعمليلي كيلو او خمسه كيلو كعك؟؟
هههههههههههه
حوبك أنا <3
وانا حوبك قد ما بتحوبي الكعك ....واكثر
عيشي :)
بصير ينحسب البوسط تبعي تعليق؟
:صفيرة:
صالح عدنا الينا نحن في انتظارك
و اذا بتحب بنساعد في تنظيف و تعزيل الدكانة .. انا صرت اختصاص شطف و تمسيح غبرة :D
صالح المهم تكون بصحة و سعادة و بجد بتمنالك و بدعيلك بالخير و ين ما كنا لانه جد انت من المدونين اللي تركوا بصمة كبيرة في حياتي :) الله يوفقك و نسمع دايما عنك كل خير :)
هبة
ان شاء الله ان صديقنا صالح يستجيب :$ للان ما بين منه اي رد او اثر :(
اللفته الطيبه من صديقنا يوسف اللي اقترح و بدأ بالفكره
شكرا هبه ...اجمعين ان شاء الله
Jafar
انت غيب وشوف شو بكتب عمك :)
هههههه لااا اوعك تغيب بمزح انا....احنا ناويين نرجع الاصدقاء لهالعالم
هي صالح باشا ولااااا حتى انتبه ...ان شاء الله يكون المانعه خير يا رب
نورت صديقي
Yosef
تخيل اني ما قدرت حتى اخليها بقلبي هههههههه
انت بتمون صديقي يوسف ولو بنمشيها هالمره :)
خلص هيثم راحت ايام الشر عنده...هلا بدرس و امتحانات و دعوات و بدو الستر بس :)
مش متاكده اذا في حد اساسا بعرف عن امور صديقنا صالح الشخصيه, هو صديق اله اثر بالجميع و بتلاقيه كان مع كل شخص فينا بفتره حاجته لصديق و لكن مع احتفاظه بخصوصيته بعيدا عن هالعالم
طول علينا و ما زارنا و لا رد علينا....بتمنى ان اللي مبعده عنا و ماخده منا كل خير يا رب
و راح نبقى ننتظره ليطمنا عليه
صباح ومسا الورد صديقي....اللهم اميييييييييييييييييييييييين
Um Omar
اناااااااااااااااااااااا افتح مدونتك تحكيلي "نا نانا نا نااااااااااااااا ما في تدخلي بس المعزومين بدخلو " :( اناااااااااااااا
طبيعي اغاوز مع عمو صالح ...خصوصا عمو صال صال
اللي طلعت اكبر منه :(
غير اني بعرف ان محبينك كتاااااااااااااااااااار و الا ما حد فيهم يكتبلك....بس انت اصبري على رزقك يا بنتي :)
نيسانة التدوين
طب ما بطلعليش من هالمحبه طرطوشه انا :( اشكمعنى ام عووومر اه
كل كيلو كعك الي فيه حبتين هيني بحكيلكم
Jamhawi
اي بوسط؟؟؟
بتاع اختنا الكبيره حصبالله :)
يلاااا بنحسبلك اياه هالمره :)
اشكمعنا نورا ردت عليك و صديقنا فاروق و نيسانه ردو على صديقنا يوسف وانا ما حد رد علي :(
كلكم بتكرهوني اصلاطن
Lio
اذا عالتعزيل محلوله....المي كتيره و لله الحمد :)
اللهم اميييييييييييييين
المهم يكون بخير ان شاء الله
Dear whis - - per: (hope u like yr new nickname, pretty telling of U, no?)
There is a new scientific study going on lately (don`t panic, I know the word "scientific" gives u the creeps but I`ll explain it in a way even u can comprehend it "miracles do still exist after all" so hold on)
It seems that the E-environment can detect feelings and act accordingly on applications on the web, it`s not proven yet nor known exactly how it operates (maybe kooz can lead us to recent papers bwt the issue!) but it is THERE.
The feelings got to be immense though so that their implications appear and flow on the web.
el-muhim ...
كمية و نوعية الحقد و الكره المشبع بالعنصرية و الجندرية
(هسا عبد بيقرأها مجدرة!)
أسهمت في عدم تلقي حضرتي لهذا البوست!
(هاي مش أول مرة!)
المهم ...
-------
بتمنى صالح اللي رجع كمعلق يقدر يلاقي وقت و ينفض الغبار عن دكانته
--------
مش عارف إذا العزيز يوسف حيقرأ عالتعليق بس بدي أحكيله إني جد متضايق لأنه فجعنا بنيته المغادرة لكوكب بلوغر! أقول نيته آملًا أن يتراجع عن القرار
+
صدقمي إني ساهمت بالحملة و لكن على هيئة إيميلات شديدة اللهجة و التي لم تنفع للأسف!
:(
و الحملة الجميلة آتت أكلها (و لهذا لم أكتب تدوينة بل اكتفيت برسائل إلكترونية + الإشارة لإدراجك) و نطمع + نطمح بعودة الكل و بهمة
--------
** لكل حملة استثناء
أم عمر
خذي أكثر من راااااااااااااااحتك
و ما تظغطي على أعصابك
بشويش بشويش
بالرجعة
أصلًا أبتعرفيش ترجعي ليفيرس و لا تسوقي أصلاطن
*كيف بس ليفيرس ؟ و لا شفيرية جبل التاج*
sincerely,
haitham, the 1st. (notice the small h, modesty o kaza)
هونوها و بتهون يا جماعة، الله يرحمه برحمته.
هو منيح و عال العال.
الله يسلمكم كلكم فرداً فرداً، بجد حاجة بتغيظ المدعوة إم عمر (سحبت منها لقب هانم عشان الكعكات إياهم).
ويسبر هانم، هيني رديت و لو إنها متأخرة، شفتي ما فيه حدا بيكره حدا
:-)
Haitham
لانك تأخرت ما حرد على تعليقك...فاتكم التعليق يا صديقي اللدود
صالح باشا
الحمد لله على السلامه المهم تكون بخير وهاد المهم
ما فهمت يكره حد الا بس رجعت لتعليقاتي القديمه ....ما حد بكره حد هون ولله الحمد...كله حقد من تحت لتحت بس هههه :)
شكرا كوز باشا على الدعم اللوجستي :)
عادي.. قولي إنك شفت التعليق طويل و مكركب (مالعادة) فاختصرتي المعاناة!
و اللا إشمعزا صالح رديتي عليه! ايواااا
برضو لساتني فيه شعلة ذكاء وهيك
الجزء الاول عملتله سكب هيك مزاج
الجزء التاني بعرفه لاني متفقه مع الريدر ما يبينه عندك
الاجزاء الباقيه تركت حق الرد لاصحابها اللي موجه الهم الكلام فاااااااااااا
ما ضل اشي اعلق عليه
اشمعنا صالح فبحب احكيلك ان ذكاءك الخارق فعلا شعّل و ولّع و شكله الكبر عبر عندك يا هيثم و لوصلت اخر البوست نسيت الموضوع الاساسي :)
لأ مش هيك!
القصد إنو و لا سمعتيه كلمة عالتأخير حتى مع إنو المعني بالبوست!
غششششش
تحيز
استأصاد بآا
إرسال تعليق