Things I Like To Whisper About

Would You Hear Me Whispering

بقيت كما انت



فتاة رائعه كما يصفها جميع من رأها او تعامل معها, فتاه كامله قد تصل الى المثاليه, حسنة الخلق و الاخلاق, لا ينقصها شئ, هي فقط كانت تعرف ما ينقصها, ينقصها فن اختيار من يدخل حياتها, ينقصها ان تفكر بعقلها قبل قلبها, ينقصها ان لا تسمح لكل من يمر في حياتها ان تتركه يصل الى اعماق روحها تاركا الالام و الجروح فيهما بعد رحيله, فجميعهم يرحلون, وجميعهم هنا ليس فقط الحبيب, لا وحتى الاصدقاء و الاقرباء, فجميع من تركته يلامس روحها و يتربع في قلبها تركهما في اسؤ حاله.

تسأل نفسها دائما...كيف تختارينهم؟؟ كيف تختارين اسؤ من وجد على هذه الارض و تقبلين بهم؟؟؟ كيف تفتحين ابواب قلبك على مصرعيها هكذا بدون ان تتركي لهم الفرصه حتى ليتحملو عبئ الطرق على ابوابه, وما اخذ بسهوله يمكن الاستغناء عنه بسهوله, سهولة الدخول الى القلوب تجعل طريق الخروج اسهل, وما هو اسهل عليهم اصعب عليكي, فتبقي انت هناك , في تلك الزاوية المظلمه الموجعه .

يتهمك جميع من حولك بانك رائعه, لانك لا تغضبين, لانك لا تثورين, لانك لا تنتقمين, تبقين على تلك الابتسامه الساذجه و تعودين لبداية الطريق لتبدئي رحله جديده من ال...من " الروعه " كما يصفون, و عندما قررتي ان تثوري و تنتفضي لجروحك انتقمتي من نفسك, فاغلقتي الابواب و قتلتي الروح, غادرت الابتسامه وحل مكانها نظرة بارده لا معنى لها, مجرد وجه حيادي لا يفرح ولا يغضب, لا يبتسم ولا يبتئس, وكأن عيناكي تنظر الى ما وراء الواقع, كانك ترين شي لا يراه غيرك, و هكذا بقيتي تنظرين الى اللا وجود, و بقيتي في نظر الجميع الفتاه الرائعه المثاليه و بقيتي كما انت تموتين في داخلك كل يوم.


ملاحظه ع الهامش

لسا متزكره انه عندي واجبين هون و هون ان شاء الله قريبا بعملهم بس هالشخبوطه فجأه اجت في بالي وما حبيتها تضيع :)

20 التعليقات :

صباح الورد والياسمين ...

اول اشي تقعديش تتخوتي انو البوست اجا براسك فجأة عشان هيك كتبتي، لا يا ستي هاد كلو من التهديد اللي انا كتبتو بالردود على التعليقات عندي لما امهلتك 24 ساعة عشان تنزلي بوست ( شعب ما بيجي الا بالعين الحمرا )عنجد انا مش معقول شو الي هيبة حتى الكترونيا كيف لو كان التهديد فيس تو فيس – خليها على الله كان ما استرجيت احكي اشي، اصلا أنا بزعبر عشان من وراء حجاب الكتروني (مش معقول شو اني شخصية مهزوزة) - :)
بعدين شو شخبوطة، والله بتجنن الكتابة
بس ويسبر كل انسان بتعرض لخذلان وخيبات امل بس هاد ما بيعني انو ينتقم من ذاتو، بالعكس كل اصحاب المباديء السليمة لاقوا العداء من كل المجتمع، بس بالنهاية هم تخلدوا والباقي اكلوا ومخطوا وتكاثروا وراحوا عن هالدنيا، ما دمتي انتي بالسليم لا تتغيري ابدا ولا تجلدي ذاتك

 

ييييييييييي نسيت هالنقطه.... لو تذكرت انك هددتني كان......برضه نزلت البوست :)

الي عليك عتب زغنون....انت بكتاباتك كنت تدايق من اللي كانو يعكسو اي اشي بتكتبه عليك انت شخصيا صح!!! و هلأ انت بتحكيلي "لا تتغيري ابدا ولا تجلدي ذاتك" !!!

ليش افترضت اني انا بكب عن حالي!!! له يا نادر هلأ انا بنظر باللاوجود!!! ما حبيتها منك ابدا

الموضوع عن قساة القلوب اللي بدخلو قلوب الناس و بتركو القسوه و بطلعو و مع تراكم القسوة جوا القلب بتصيبه العدوا و بصير قاسي ولانه بطبعه طيب فهالقسوة بتنعكس على النفس مش على اللي حوالين هالشخص.


الله يخليلي حبايبي و قرايبي و اصدقائي واللي انت منهم اللي دخلو قلبي و بقيو فيه و تركو اجمل الاثر فيه :)

مسائووو صديقي صاحب الهيبه الالكترونيه :)

 

ممممم ... طيب
صحيح كلامك ويسبر انو انا كنت اتدايق من الربط بين المكتوب وشخصيتي، بس انت بصراحة عودتينا في مدونتك انك تتناولي امور شخصية عن حياتك، مش كنتي تحكي اليوم اكلت كرشات وتحليت بعوامة واصابع زينب صح هههههه، بس برضو الحق معك فعلا انا ما كان لازم اخلط لأنو جد الموضوع مبين انو قصة، انا عارف ( الف مرة ابوي سيبك من الفلافل على الصبح وافطر زيت وزعتر بس ما في فايدة ) خلص ساميحني هالمرة :)
الله يخليل يارب كل احبابك واصحابك يارب وما يحرمك من غالي
هيبة مين يا ويسبر خليها على الله
مساؤك ورد يا أمنا الروحية :)

 

مهو انا بس اكتب اكلت كرشات ...اللي بعمري ما اكلتها ولا عمرها دخلت بيتنا وانا واعيه ...بكون كاتبه التصنيف
my life
بس هاي الشخابيط....شخابيط :) ما الها دخل فيي يمكن قصه ناس بعرفهم يمكن من وحل الخيال الواقعي بس مش انا

يلااا بضل قلبي كبير و بسامح....هههه عشت الدور عالاخر :)

 

بيجوز انتي بتحكي بصفه عامه بس انا بيصير معي هيك تماماً... اغلق الابواب وابتعد واعزل نفسي حتى عن احبتي اللي ما الهم ذنب !!!
تدوينتك بتنطبق على تساؤل بيدور في بالي من زمان:
عندما يخطئ أحد ما بحقنا...لماذا نعاقب انفسنا؟؟؟
**********

سؤال تاني مالهوش لزوم:) شو اخبار مشروعنا الكونفدينشال؟؟؟

 

ويسبر :)

الأسلوب الكتابي الذي كتبتي به القصة هو من أكثر الأساليب التي تعجبني (( الحوار مع العقل الباطني من خلال خلق شخصية خيالية )) عن جد روعة ... روعة ... روعة :)

بس عندي تعقيب بسيط على فكرة من الأفكار اللي وردت في القصة وبعيدا عن الربط اللي عملو نادر ... بمزح :)

(( سهولة الدخول الى القلوب تجعل طريق الخروج اسهل )) سؤالي يا ويسبر هو عن هادي الجملة ... ليش في مجتمعنا الشرقي هادي الفكرة موجودة عند معظم البنات ... يعني لازم الواحد يخوض ألف معركة ويرحل عبر سبع بحور ويتسلق جبال الهملايا عشان الفتاة ترتاح وتطمن إنو ما دخل حياتها بسرعة وهيك بكون نوع من الضمانة إنو ما رح يبعد عنها لو شو ما صار ؟؟؟

بعيدا عن الهيبة الالكترونية عم بنستنى ردود سريعة وحاسمة لهذا السؤال :)

تحياتي :)

 

Hi whisper, how are you dear friend?? I hope life is treating you well!
I have been reading silently for the past couple of months until I read this post. It feels awful to have your soul crushed and life sucked out of you..I was touched by your last paragraph! You put in words what only can be felt..
That was really beautiful!

Keep on writing and I promise to come back :)
Take care of yourself.

Noura :)

 

نيسانة المدونين

هلأ الكلام في منو بحياة معظمنا....الا ما يدخل حد غلط بحياتنا يترك فينا احساس الذنب و الندم انا سمحنالهم يدخلو حياتنا و اه بنعاقب حالنا

بس الحمد لله حياتنا مش سوداويه و نظرتنا لسا فيها شوية تفاؤل...في نور شايفينه اي نعم مرات بكون بعييييييييييييييييييييييييييييد بس شايفينه :)

بالنسبة للسؤال التاني فااااااااااا شيكي ايميل الفيس بوك يا قمر و بعتذر عن التأخير لان اختك بالله عقلها صاير على رأي تيتا الله يرحمها بشلن :)

أشرف

اهلا اهلا باشرف...نورت نورت والله :)

يعني احنا عاتبنا الشب ومشيت ليش بدكم اياني اتراجع؟؟؟ الامهات ما بصير يتراجعو :$

الموضوع يا صديقي ان مرات فعليا الشب بيدخل قلب البنت من اول لقاء بس ما بتبين والسبب عقليه الشب العربي... ما بفهم نقاء قلب البنت وما بفسر الموضوع تفسير بريء وعادي...بتصير البنت بنظره "سهله" و البنت السهله يعني قلبها مارر عليه كتير و كرامته اللي بتنئح عليه بتخليه و بالرغم من المليون اللي دخلو حياته انه بده يكون الاول والاخير بحياه البنت....و للاسف اللي بحصل عليه بصعوبه بركز اكتر في الحصول عليه

الهيبه الالكترونيه هاي محجوزه لصديقنا نادر ما حد بيجي فيها اكيد :)

 

Noura

لااااااااااا كتير هيك علي نورا و اشرف ونادر....احمدك يا رب بدينا نرجع يا جماعه :)

اشتقنالك كتير كتير كتييييييييييييييييييير يا قمر

والله انا والحمد لله بخير و الدنيا بتتحسن معي مع الوقت بالرغم من كم مطب بس هيني بمشي :)

انت كيفك و شو اخبارك؟؟؟ لا تبعدي ابدا ابدا و ارجعيلنا لانّا جد اشتقنالك

الفتره الحاليه ما حصل شي جديد بحياتي بس في ذكريات و احداث متراكمه الحمد لله ما كسرتني و لساتني متفائله مش بالبشر للاسف بس بالمستقبل و الايام :)

وجودك بنورني قارئه و معلقه و سعادتي بتكمل اذا بترجعي تكتبي :)

 

anny ejeet!

heheee

thx to nader 4 the threats; they paid off!

lel asaf lazim a3taref enny enbasa6et b hsl post

beddy a5abbis akthar bas bakrah l 3arabeezy!

shikly 7a anka7ish min l jam3a min wara l blogger

:)

bas it`s worth th risk

3ajabny so2al asharaf!

wo ma 3ajabny l jawab!
:P

 

لازم تبطلي تقللي من شـأن اللي بتكتبيه. سميها خاطره بدلا من شخبوطه. حلوه عجبتني. وبإنتظار قراءة الواجب اللي عليكي :)ـ

 

Sheshany

له له له يا ابو انس...دروس و محاضرات بانا ما نكتب الا بالعربي و الفصحى كمان و جاي ترد بالانجليزي!!! شكله الغربه حتغيرك تسك تسك تسك


هلأ نادر و اصطقينا...وسؤال اشرف عجبني و ردينا عليه...و طبيعي ما تعجبك الاجابه...ما بدك تعترف بطريقة التفكير الغريبه اللي بتسيطر على ابناء جنسك...نعصب معروف عنك مسبقا :) عجبتني تعصب ليش الحكي

الحمد لله على سلامه العيال و ام العيال :)

Jaraad

الموضوع باللغه و سلامتها و هاد ما بخليني استرجي احكي عنه اكتر من شخبوطه

للاسف لغتي العربيه مش سليمه و بدها شغل منيح

كتير سعيده بانها اعجبتك...والواجب عالطريق ان شاء الله :)

 

الادراج روعة

ما عندي تعليق غير انه الواحد ما بتعلّم الا من كيسه , للأسف

وما تتوقعي من اي حدا انه يفهمك وما تكذبي على حالك عشان ترضي اللي حواليكي , لأنه الكل بروح

 

I've read some good stuff here. Definitely worth bookmarking for revisiting.

 

ابو زينه

انا مع ان الواحد يجرب من كيسه وا يضل عايش بتجارب الاخرين مع انها موجعه كتير و اصعب

المشكله بنقطه ان الواحد ما يكذب على حاله او يحاول يجبر حاله يقتنع بشي غلط ومش صحيح....بس بدك اللي يتعلم ويطبق هالحكي :)


غير معرف

I'm not sure if this comment a spam or not!! ....any way thanks for passing by and for ur comment :)

 

SimSim
كيفك يا قمر , كتير اشتقنالك،طمنينا عليكي وعن اخبارك،، ان شاء الله تكوني بالف خير و تأقلمتي على المكان ﺍﻟﺠﺪﻳﺪ

 

Can I just say what a relief to find someone who actually knows what theyre talking about on the internet. You definitely know how to bring an issue to light and make it important. More people need to read this and understand this side of the story. I cant believe youre not more popular because you definitely have the gift.

 

When I open your RSS feed it puts up a whole lot of strange characters, is the deal on my end?

 

Sorry I'm not sure if this is a spam or not but anyway thanks for ur nice words

To subscribe or to follow the blog u can press on the icon in the top right of the screen under " to hear my whispers"

Thanks for passing by