قبل كم يوم بابا كان بسقي الزريعه بالاحواض على البلكونه
وشاف حمامه قاعده و ومش راضيه تتحرك
فعرف ان اكيد قاعده على عش و اكيد في بيض بالعش لهيك ما تحركت
بابا بسقي الزريعه يوم بعد يوم و تفاجأ بس شافها
بيوم و ليله كانت مستقره المسكينه
و فعلا تاني يوم الصبح بكير كانت الحمامه رايحه تجيب اكل كأنه
و شفنا العش
بابا حطلها علبه فيها مي و علبه فيها قمح
وحكا فداها الزريعه اللي بالحوض لانه ما حيقدر يحرك او يسقي شي بلاش يبرد البيض
هاي الصورة قديمه
و التبادل الثقافي اللي كنت ناوية اعمله بيني وبين هيام :)
هيك بكون شكل الليست بس تخلو حد مش عربي يكتبلكم اياها :)
ترجمو يلا :)
حد بدو يشتري "بكم" يا جماعه ؟؟؟
و بما اني بموضوع الجرايد خليني افرجيكم كم من خبر لفت نظري اليوم بجريدة الغد
بدي اترك تعليق بسيييييط
ويكون بعلمكم
سمعت ان اللي ورا الشمس بشكو من الزحمه و من الشوب هالايام
ونوم برّه البيت ممنوع عنّا ...خالتي مش خالتي برضه ممنوع :$
شيكات ما شيكات وكم المبلغ ما الي ....ان ما بحسد.....انا بس بقرّ
لكن اللي خطرلي
يا ترى السياره وبنزينات السيارة اللي راح ال "شخص" فيها عحساب مين بالزبط؟؟
و هل ال "شخص" هاي هي وظيفته اللي بياخد عليها راتب؟؟؟
طيب
O_o استفدنا
جزء من مقالة "هذه مجرد بداية" نقلا عن جريدة يديعوت احرونوت
مش المفروض كانو 4 !!!
ويلا المفروض "نشكر" اللي حاولو قتل الكرامه في "الكرامه" على غيابها!!!
13 التعليقات :
بالنسبة للعش ياي :)
اما للتبادل الثقافي مع هيوم : من وينلك الألعاب :P
بالنسبة لللست : بدهم كتشاب و بيض ورز وسكر واكيد بندورة بتعرفي البندورة شي اساسي lol ولبنة والباقي مو ضروري :P
بالنسبة للجرايد لا تعليق
وبـــــــــــــــــس ســـــلااااااااام
Hana
العش مش مصدقه وهمه يطلعو الاطافيل, قصدي الزغاليل :)
بس مميتي بتحكيلي بدهم اشي وعشرين يوم يمكن :$
الالعاب من كندر سيربريز :)
مهو انا بحبه و بحب اجمّع الالعاب, لسا هدول ولا شي, المعظم كنت اوزعه على اولاد صاحباتي بس يجو عالشغل او الاطافيل اللي بيجو مع اهاليهم المراجعين :)
ههههههه ايون ايون...و اهم شي الجزر :)
شو بدو الواحد يعلّق :$
دائما منورتيني بزياراتك :)
why does he need a cheque? why isnt the money going directly to his bank account? this would save a lot of time and money...
حلو من هون وهون....بالنسبه للحمامه لا تطلعوا عليها كتير ....يعني اعطوها ال سبيس تاعتها:) لانه كان في عنا وحده زيها عملت عشها ع شباكنا وقد ما اولادي جننوها وهم رايحين جايين يطمنوا عليها ...طفشوها:) نعم طفشت وسابت العش باللي فيه ههههههه
الليسته واضحه...ما عدا ال
bed
العاب كيندر....بيركبوهم وبيسيبوهم هون وهون ما لي خلق الملم من وراهم...عشان هيك بيكونوا بالزباله من تاني يوم
الكرامه!!!!انسي,,, راحت مع البكم
بالمناسبه....صباح الفل
النسبة للأعشاش جد مافي زريعة ولا شباك عندنا في البيت إلا بتلاقي فيها عش .. بحس مرات إنو الحق علينا كان في شجر زمان يعششوا عليه بس إحنا ماخلينا مجال لحيوان ولا لحجر ولا نبات يقدر يعيش
أنا بالنسبة للتبادل الثقافي تصدقي كان عندنا شنتة مكياج متوسطة الحجم ملياااااااااااااااااااانه ألعاب كندر ,, بس الحمد لله من ورا ولاد أختي صرنا نشك لو قلعنا البلاط رح نلاقي منهم لأنهم ما خلو قطعة تلتم على أختها
بالنسبة لمعروف البخيت والمقال العظيم بحب أحيلك على آخر بوست كتبته وعلى فكره قرأه بشكل كامل محمد الوكيل هاد الخبر كأنو شي خطير مع إنو الموضوع يحمل في ثناياه راتبين مش راتب واحد
وبالنسبة للكرامة ما إنتي بتعرفي اليهود صاروا يطخوا عليهم وتصاوب عدد كبير فا إضطروا يتراجعوا
لحظة شوي في خطأ مطبعي
ييي مش يهود يلي كانوا يطخوا
جهات مجهولة ترى الأسلحة كانت مدكوكة بالغلط
نبدأ من الآخر
:)
:عوج!:
سياسة ما سياسة أنا ما حأحكي لأنو راجع عالبلد كمان شهرين بالضبط و مش ناقصني اتوقف عالحدود!
فعمو البخيت خلوه بحاله
و الاتجاه الرابع اعتبروه مش موجود!
---
أنا بكره الحمام
نقطة و سطر جديد
---
تبادل ألعاباتي وشيك
:))))
عناالعاب جديدة
ترقبوا
:]
ياسمين حميد
Exactly!!!
That's why they didn't do it..
As u know we r a very rich country and no need for saving time nether money here :$
A lot of whys can comes to ur mind when ever u read the newspaper
Welcome here and thanks for ur comment
Naysan
:(
اليوم بابا اكتشف ان وحده من البيض مكسورة و انسي الريحه
كبها بابا و ترك العش و البيضه التانيه
ان شاء الله ما يصير فيها شي بس
bed >>>> هاي بيض :)
الله يسامحك انا باخدهم ...لا تكبي شي
صباحك و مساكي فل و ياسمين :)
نورنياتي
الله يعينها ما لقت مكان تاني, في عنّا شجر و لكن شكلها فضلت اللي عالشباك اكتر امان شكله
لاااااا لا تقولي بتكبوهم انتو كمان :(
بحبهم كتير انا و بجمعهم, احلى شي ان فروحه وعبود لسا صغار على هالالعاب لان قطعها صغيره فانا بعطيهم الشوكلت وباخد الالعاب :)
ما فهمت انتِ معي ويلا ضد اني احكي عن الموضوع؟؟؟ اذا ضد فبحب اوضح وجهة نظري
الموضوع هو مش تدخل بالعالم, الموضوع ان في اموال ضرايب بندفعها احنا و بتروح هون وهون وما حد حاسس
في ناس مش لاقيه تاكل و الها شهور بدون رواتب و تأخر شيك معاليه اللي فيه الااااااف واللي اكيد ثلاجته مليانه و بتكفي عماره تأخر كم يوم صار خبر ينحكى عنه و ينكتب بالجرايد
جهات مجهولة....هي هاي علافتنا هالايام صايره
او ممكن وجهة نظر هالجهات المجهوله ان احنا بنحب بعض كتير لهيك بنأذي بعض ولا انه الغريب يأذينا :)
Sheeshany
يا اهلا يا اهلا
حكيتلي بعد شهرين...بتنور الاردن بهيام و ام هيام
الكره ما بنختلف عليه و اذا ملاحظ الصورة الاولى من ورا الشباك كانت :)
بس سبحان الله شعور غريب بعظمة الله بصيبك بس تشوف المنظر و العطف اللي ربنا حطه بقلب هالحمامه لتحمي البيض
هاد هو الكلام اللي بدي اياه :)
العاب جديده :))))
شو رأيك تبعت هيوم و الاء و الالعاب بكره و بعدين انت بتيجي على مهلك؟؟ شهر شهرين سنه على اقل من مهلك :)
ملاحظه ع الهامش
اسمك بخميس مشيط ....شو القصه بالزبط؟؟
http://www.khaberni.com/more.asp?ThisID=54898&ThisCat=1
mazkaha ya 7ram
لما كنت صغيرة اجت حمامة عملت عش عالدالية اللي تحت شباك غرفتي
مش عارفة ليش كنت أضل ادايقها أضل،كان نفسي تقرب و تيجي لعندي
يا الله ما ازنخ الاطفال
:(
لاااا هاي براءة....بس من النوع التخريبي المؤذي :)
لساتها قاعده يا حرام ...ان شاء اله ما يصير شي للبيضة التانيه
طلبت من اهلي يصورولي اياها اذا فقست :) بدي اشوف البيبي
يالله ما ابيخها الامتحانات اللي بتاخد الواحد بعيد عن الاشياء اللي بحبها .. بس كمان الحمد لله عليها لانه لما بنرجع بعدها بنحس "يااااه ما احلاهم" .. بعدك متل ما انتي يا وسبووورة .. مميزة :)
و قولي لعمو بدنا صورة البيبي :) :)
بصراحة ربنا ...أنا ما بحب الحمام كتيير :) بس بتعاطف معاه ...ههههه أبوكي عنجد قلبه رهيف وحنون شكله :)))
هلأ هدول العابك ؟؟؟ ههههههه لا يكون تجميع كندر ؟!! لوووول
أما البنغالي ولا الهندي شو بعرفني بضحك هههههه حششت عليه ...مفهومين أكيد :)))
أما مواضيع السياسه بصراحه صراحه بفهمش كتيير أوي فيها ...بس بقول في رب فوق يحاسب في كل مسؤول بفكر إنو يلهف لجيبته وبسسسسسسس
الشب ما بعرفه بس واحد من الأردنيين هون بيعرفوا
قصة محزنة و بتجلط !!!!!
هوة بمنطقة بعيدة شوي عن خميس مشيط
الله يصبر أهله بس
إرسال تعليق