Things I Like To Whisper About

Would You Hear Me Whispering

دائما بتنوروني




من يوم ما دخلت لعالم التدوين وانا يوم عن يوم بتعلق فيه اكتر
و تعلقت اكتر باخوان واخوات تعرفت عليهم عن طريق التدوين, و في مدونات صرنا كتير قراب من بعض و صارت بينا ايميلات و مسجات وتلفونات, ولكن للاسف لهلأ ما زبط انّا نتلاقى, حتى مع قرابتي رولا اللي اكتشفنا بمحض الصدفة انّا مش بس جيران, لأ و طلعنا قرايب.

اللي خلاني اكتب هالمدونه انه انا اول ما غيرت شكل المدونه انوعدت بمفاجأه زي هدية للنيو لوك :) من اخوي و صديقي المدون أشرف محيي الدين, واللي انا من اشد المعجبين بكل ما بكتبه في مدونته افكار وتساؤلات واللي بطرح فيها كل اسبوع فكرتين و حولهم الكثير من التساؤلات.

صديقي أشرف هالاسبوع كتب موضوع " نجتمع على همسات واحده" وفيها كتب عن مدونتي اشياء اسعدتني جدا وبتمنى اني اكون هيك فعلا وان جميع اللي بحبو يتابعو مدونتي هيك شايفيني و شايفين مدونتي ....ما بدي احكي كتير لان شهادتي بأي مدونه من اللي بحب اتابعهم حتكون مجروحه لاني جد كتير بحبهم, لكن بسعدني وجودكم بحياتي و ان شاء الله اني اكون ضيف خفيف الظل في حياتكم :)

33 التعليقات :

" وبتمنى اني اكون هيك فعلا وان جميع اللي بحبو يتابعو مدونتي هيك شايفيني و شايفين مدونتي ...." ما حنشوفها غير انها مدونة رائعة ومن أفضل المدونات العربية وانتي دائما ضيف خفيف الظل في حياتنا.
Keep it going on.:D

 

شكرا احمد :)
وجودكم هو اللي بسعدني دائما

 

يعني بصراحة و بكل بساطة الواحد غير مضطر ابدا في عالم الانترنت انو يجمل من كلامو او انو "يهز ذنب" اذا صحت العبارة ، اللي بقصدو انو الناس اذا ما حبت مدونتك ما راح تلاقي كل هاي الكومنت و الفولورز لمدونتك ،

فبكل بساطة مدونتك اكثر من رائعه و احسن شهادة هي شهادة المتابعيين الك

بالتوفيق

 

بتستاهلي ويسبر...انا سميتك ماما ويسبر مع انك اصغر مني:)بالعمر بس
راجعي تعليقي عند اشرف
وكل شي كتبه اشرف انا شخصيا حاسه فيه وموافقيته عليه خصوصا مهارات الاتصال...ما شاء الله...عشره على عشره

 

مساء الورد ويسبر
والله احنا اللي بنتشرف انو نستظل في ظل مدونتك
انت رائعة بحق
:)

 

Dr.Mohammed

معك حق وهالشي خلاني سعيده بزيادة :)))

شكرا كتير محمد و شكرا لكل اللي بتابعوني

لولا المتابعه و التعليقات اللي شاركتوني فيها ما كان ضليت اكتب و تعطوني افكار جديده

Nissan

الله يسعدك يا رب...و بشرفني اي اسم بتسميني اياها

شكرا جزيلا الكم و لدعمكم...وان شاء الله دائما اضللي عند حن ظنكم و زي ما بدكم :)

 

نادر

اهلا وسهلا بنادر :)
اشتقنا لتعليقاتك...بعرف انك كنت مشغول الله يعطيك العافيه, بس ما يشغلك اشي عن تكملة القصه الاسبوع الجاي, وزي ما حكت نيسان....ما تعيدها شو بدو يصبرنا لاسبوع :$

تسلم يا نادر...وجودكم هو اللي بحلّي المدونه :)

 

مدونتك متميزه دوما. لأنها أفكار وخواطر من القلب وليس نقل لمعلومه من مواقع أخرى كما أفعل انا أحيانا :)ـ

 

Jaraad

شكرا :)

مدونتك انا بحبها كتير و عفكرة, الي كم يوم بقرأ بالتدوينات القديمه بمدونتك, ما شاء الله من زمان بتكتب :)

و لهلأ كل ما اشوف حد من العيلة بحكيله عن الهارد ديسك اللي في آلات النسخ :$

 

اصحى يا نايم ووحد الدايم ..

(حملة الجسد الواحد)

أرجوا من المدونين الموقرين أن يضعوا شعار الحملة واسمها في الشريط الجانبي لمدوناتهم كدلالة على وحدة صف أمة محمد

لمزيد من المعلومات

http://dndanh111.blogspot.com

جعله الله في ميزان حسناتكم .. آمين

 

ام الخلود

اهلا وسهلا بك في مدونتي المتواضعه

اعجبتني فكرة الحملة, سأقرأ عنها مزيدا في مدونتك لاعرف التفاصيل اكثر و بالتأكيد سأضيف الشعار

شكرا للفكرة والمشاركه و المتابعه

 

أنا موافقة على كل الصفات اللي ذكرها الأخ أشرف في مدونته...
أنا وصلت لمدونتك بالبداية عن طريق الصدفة، بس في إشي فيها متل (الكوكايين) بخلّيني أضل أزورها.. مع إني أوقات بنشغل و ما بقدر أكون منتظمة بالزيارات، بس بحاول اني أضل أطلطل :p :p
ان شالله بالتوفيق دائماً

 

شوفي
اول شي
روحك الحلوه وقدرتك عل ى التواصل
تاني شي: عندك نوع من الفضول وكمان بتتسائلي وبتخلي العالم كمان تتساءل
تالت شي: الاستمراريه بتخلي الناس واثقه انها رح تيجي وتلاقي عندك شي جديد

الواحد لما يكون من جوا كويس المفروض هالشي ينعكس لبره

وللاسف انا ما بتمتع باي وحده من الصفات المذكوره اعلاه:)

الواحد يكون صريح مع حالو مش غلط

so i envy u my dear friend
انا بحسد مش بقر:)

بتستاهلي اكتر من هيك وعشان هيك نويت اعمل عليكي حرب بلوجريه واختبر اخلاص المتابعين لالك :)

 

مبروك اللوك الملائكي الجديد
اما بالنسبة لمدونتك فاكيد انت بتعرفي رايي الشخصي بس بحب احكيه كمان مرة
ما بعرف ليش لما اقرا مدونتك بحس بعمان و ريحتها و مش عارفة
بس عم حس بالاردن لما بقرالك

:)

 

مرحبا ويسبر

بتمنى تكون هدية النيو لوك نالت إعجابك :)

ورح أضم صوتي لصوت الأخ الدكتور محمد وكل الاخوه والاخوات اللي سبقوني بالتعليق لأنو فعلا شهادة المتابعين لمدونتك الرائعه ومحبتهم لشخصيتك المميزه بتختصر أي كلام وأي شهاده وإلى الامام دائما يا ويسبر وأنا أول من يصوت لمدونتك أن تكون أفضل مدونة لصيف 2010 :)

كل الود والتقدير

 

مبروك خيتّا !

حبيت هالقالب .. اظرف من اللي قبلو

:)

 

Mrs H

الله يسعدكم كلكم....دائما بسعدني وجودكم و وصولك للمدونه بالصدفه هاد من حسن حظي والله :)

هههههههه عجبتني الكوكايين...هالمرة مسموح الادمان المهم تضلي تنوريني

تسلمي يا رب..

مياسي


الله يسعدك و لانك منيحه و متواضعه بتحكي ان هالصفات مش عندك...مع انها كلها عندك بالاضافه لانك كنتي من القلال اللي كانو يعلقو عندي بالبدايه انتي و خالد السعود و رزان و اسكدنيا و هالشي شجعني كتير :)
فشكرا الكم و لكل اللي تابعوني و علقو وشجعوني :)

 

Jafra

الله يبارك فيكي يا رب :) مع انه بالمقارنه مع اللوك الجديد عندك بطل كتير صيفي :)

كلامك ورأيك بسعدني كتير
وان شاء الله اكون بوصل صورة صح و بخليكم تشتاقو للاردن وما اكون بوصل صورة تخليكم بعاد :$

أشرف يا أشرف :)

نالت اعجابي و كتير كتيييييييير...شكرا الك اشرف

شكرا الكم كلكم والله انكم اسعدتوني من كل قلبي بتعليقاتكم وكلامكم
وشكرا الك اشرف عالصوت :)

 

واحنا كمان بيسعدنا وجودك بحياتنا، أشرف كفى ووفى وعبر عنا كلنا، عالم التدوين ممتع وفعلا بيتعرف الواحد على اصدقاء وعلى عالم جديد رهيب بيتعلق فيه كل يوم اكثر واكثر، اكثر ما بيسعدنا انا تعرفنا عليك وبنتمتع بكتاباتك المتنوعة.
دمت بخير دايما والى الامام.
وما تنسي عليك واجب، والا بخلي نادر يخصم عليك علامات في البوست الجاي.
سلام

 

Rita

اهلا وسهلا فيكي...والله يبارك فيكي يا رب :)

 

الكيل بمكيالين

شكرا انسة كيّالة عالكلام الجميل اللي جد بشرفني انه يصدر من مدونين ومدونات امثالكم من اللي كتاباتهم دائما تعجبني :)

لااا كله ولا خصم العلامات...انا اساسا بتأخر بالتعليق هناك هي مرّة اللي سبقت...الواجب حينعمل قريب جدا :)

 

رزان وخالد واسكدنيا استقالوا شكلهم
وما ضل غير حديدوان بالميدان!!

يا خوفي يلحقني الدور!

 

متل ما حكيت عند السيد أشرف
انه انا ممنون كتير على وقفتك معي
وما بنكر اني تعلمت منك شغلات كتيرة الحقيقة

شكرا ويسبر
:)
وشكرا للسيد أشرف

 

مبروك النيو لوك ويعني هيك الله يجعل وجهه خير عليكي

و مش مجاملة طبعا .. انا بسعدني جدا المرور على هالمدونة
وانتي انسانة بتعرفي توصلي فكرتك وبأسلوب خفيف وحلو و بعرف انو رح الاقي هون شي يعجبني مهما اختلف الموضوع

وانشالله تضلي دايما انتي ومدونتك منورين :)

 

مياسي

رزان استقالت رسمي للاسف
بس خالد و اسكدنيا بس يحنو علينا بكتبو اشي ...اجازة بدون راتب :)

وانتي مجرد التفكير بهالشي مش مسموح ابدا ابدا :(

Ahmad Al-Mahrouq

شكرا كتير لرأيك احمد...و كلامك اللي اسعد صباحي :)

شكرا الكم :)

همسة

الله يبارك فيكي يا قمر...طولتي علينا كتير هالمرة , زمان ما كتبتي
هي اخدتي اجازه ...ما تتأخري اكتر

دائما بتنوريني يا قمر و بشرفني زيارتك :)

تسلمي يا رب

 

مدونة تحمل في ثناياها عبق جميل ... ورحيق كلماتك عبيرها راقي ... وكلماتك في سطور الإبداع ...
دمت كما تحب

 

Nour


شكرا جزيلا عالكلام الجميل

اهلا وسهلا و نورتينا يا نور :)

 

انا اتعرفت على مدونتك من شهر 9 سنه 2008
قرأت جميع المواضيع الي فيها وجميع تعليقات القراء وردودك عليهم :)
صحيح اول اشي ما كنت اعلق لانو ما كان عندي مدونه وما كنت اعرف كيف بعلقوا :$
لكن كنت بشكل يومي اتابع مدونتك ولغايه هالوقت عندي اشي اساسي اني اتابع مدونه همسه
:)

الي بحبو بمدونتك انك بتطرحي فيها قضايا متعلقه بمجتمعاتنا بشكل كتير بسيط و حلو بعيد جدا عن التعقيدات ومشاءالله دائما نشيطه على طول بتكتبي موضيع بشكل شبه يومي و بتلحقي تقرئي كل التعليقات وتردي باسلوب جدا جميل مبصط يعني انتي دماغك عن جد بتعجبني كتير ;)
والكلام الي كتبو السيد اشرف بمدونتو والتعليقات االرائعه الي انكتبت فوق عن ويسبر الرائعه صاحبه المدونه المتميزه دائما هو دليل على اعجاب الناس ومحبه الناس

بتمنالك التوفيق والتميز دائما
:)

وعلى فكره الا ما تظبط انشالله ونلتقي في يوم زي ما اتفقنا صح ؟ :)

 

MonMon

حبيبتييي..يعني تقريبا بعد ما بديت التدوين بشهر :)

من الاشياء الكتيرة اللي استفدتها من المدونه هو تعرفي على خوات امثالك يا قمر, جد كتير بحب احكي معك مع اني ما بلقطك عالمسنجر الا وانا بالشغل و ما بنقدر نحكي منيح, بس اكيد ان شاء الله ربنا بيسر نشوف بعض عن قريب, كل ما احط خطّه للسفر مع اهلي بصير اشي و بتخرب :(

بس ان شاء الله قريب بنشوف بعض :)

انتو كلكم الاروع ومش مجامله, وجودكم وكلامكم فرّحني كتير كتير

 

هيه متأخرة كتير كتير.. بس المدونة صارت بطير العقل بالشكل الجديد،،
أشرف ما شاء الله عليه كفى ووفى.. أنا كتير بحب أتابع مدونته.. بتعجبني أفكارو وأراء المعلقين من زوار مدونتو..
وإن شاء الله راح نلتقي عن قريب يا أحلى قرابه :)

 

Rula

يا 100 اهلا و سهلا بأحلى قرابه بالدنيا :)

كيفك يا قمر...اشتقنا لوجودك بالمدونات ...التويتر ماخدك منا

كل عام وانت بخير و ان شاء الله ربنا يتقبل طاعاتنا برمضان :)

تسلمي عيونك الحلوه

كلكم ذوق ...وأشرف غمرني بكلامه الحلو :)

لاااااااااااازم نتلاقى ان شاء الله
مش فاهمه ليش ما عم تزبط معنا :(

 

وأنا إشتقتلكم أكتر والله :)

لسه هداك اليوم كانو يحكو عالتويتر إنو التويتر عم يقضي عالمدونات بس أنا عارضت الفكره.. قلتلهم لأ هوه قضى عالفيسبوك :)

هوه من يوم ما رجعت من السفر صار عنا مناسبات عائليه كتير ما شاء الله.. إشي خطبه وإشي عرس وناس جايين من السفر فا تلخبطت مواعيدي وزيما عارفه أنا بضيع بالفوضى.. بس هاي حمدلله بلشت أنظم وقتي من تاني و هي عم ألف عالمدونات أقرأ الإدراجات إلي فاتتني :)

 

المهم انك رجعتيلنا بالسلامه
الله يديم الهنا والافراح و الجمعات الحلوه يا رب :)

واضح من التعليقات انك راجعه بنشاط :)
المهم لا تطولي علينا بمدونتك كمان