Things I Like To Whisper About

Would You Hear Me Whispering

عن الاعتصام






اضعف الايمان اللي بنقدر نعمله كشعب بما انّه ما في بايدنا شي غير انّا ندعم غزّه الا دعم مادي او معنوي لانه بمنتهى البساطه مش مسموحلنا غير هيك...
او إنّا انّظم اعتصامات او مسيرات بنبين فيها رأينا بالنسبه لشي معين لانّا كشعب مش مسموح النا نعبرّ إلاعن طريق الاعتصامات والمسيرات - هاد في حال انسمحلنا- وانا مش مع انها تعم الفوضى و يتم تخريب ممتلكات الناس, يعني بهيك حاله المفروض يتدخلو الامن لكن بس تكون مسيره او اعتصام سلمي بس بدهم الناس يوصلو صوتهم و يسجلو اعتراضهم على شي ما في حد عاقل بقبله فالمفوض ينسمحلهم بهالشي...

ما بدي احكي عن اللي شفناه عالتلفزيون عن الاعتصام ضد الجدار اللي بتبنيه حكومه مصر , وطريقه التعامل الغير بشريه مع المعتصمين و المعتصمات والاعتقالات من قبل رجال الامن....

اللي فاجأني و قهرني و كان بدو يجلطني هو تفكير بعض الناس عنّا و اللي عايشين حوالينا و بفكرو طريقه سطحيه غريبه بتصب بمصالحهم فقط!!
تعليقات بعض الناس على موضوع الاعتصام , انه الموضوع مش محرز وان هالعالم "عالم فاضية,, انتبهوا لاولادكم وبناتكم احسن وربوهم احسن من هالحكي الفاضي اللي لا بودي ولا بجيب" حسب تعليق واحد من المعلقين و غيره علّق "والله يا هاي قلت العقل يا بلاش احنا ومصر علاقاتنا مثل السمنه على العسل والي بدو يخرب العلاقه..!!بس ما تحلمو مصر والاردن اخوه ليوم الدين"

وغيرها كتير من التعليقات اللي بتشدّعلى ايد هالمعلقين...معقول وصل فينا الوضع انّا نكون بس بنحب مصلحتنا وما بنفكر بحد؟؟؟ يا جماعه الخير الاجانب سافرو لمصر وعملو احتجاج بسبب منع قافلة شريان الحياة(3) من العبور عن طريق مصر , و العالم كلّها بتستنكر هالجدار و انتو بتحكو مصالح و علاقات؟؟؟
معقول العالم بطلت تحس؟؟ يعني لا شرع ولا عادات ولا تقاليد بتسمح لجار يعتدي على اخوه . ولا بتسمح لاخ يوقف مع العدو ضد اخوه, ولا بتسمحله انه ما يحس بالم اخوه كأنه المه هو...

"بلاش مافي داعي مصر دولة الها سيادتها اتركوها بحالها وبعدين الي يطلع من المساعدات لايصل الى ابنا غزة بل يصل الى قادت حماس فقط فقط فقط فقط وكل الحب الى صقر الشوبك"

"الله يحيي رجال الامن العام رجال الوطن واي واحد يحاول يخرب مسيرة تطور الاردن وعمل رجال الامن العام يطبقوا النظام بس لا حدا يزعل امن الاردن اهم من اي شي ."
يخرب مسيره تطور الاردن وااااااااااااااااااااااااااااااااااااال يعني جد كلام كبير صادر عن ذو عقل صغير.....



لمزيد من حرقّه الدم و التعليقات بتقدرو تقرؤهم هون

18 التعليقات :

ma tez3li...hada saqr el shobak bel zat msagge3 wo ta3leegato baykha...3a kol 7al fe nas bet7awel t3ml 7alha wataneyyeh...wo hommeh ab3ad ma yakoon 3n el wataneyyeh...3alam mfalsafeh wo sat7eyyeh...hadool 3ndhom 3oqdet a3da2 el ordon...befakkroona msh ordoneyyen wo ma bet-hemna masla7et el ordon...khalas shu beddi a7ki wallah halla2 da`3ti bertf3 wo ana msh na2esni

 

شكرا ويسبر على البوست
لا حول ولا قوة الا بالله
ما بقدر احكي الا هيك
لاني لو بدي احكي بخبص كتير

 

اسرائيل بدها تعمل حرب المي والاكل جاعت الله لا يشبعها

حرميه مش بكفيهم سرقوا مياه نهر الضفه الغربيه الاردن
خلي الي على الكراسي يعقدو ثفقاتهم ويبيع ويشترو بهالعالم الغلابه لكن الله كبير
حسبي الله ونعمه الوكيل .. حسبي الله ونعمه الوكيل
:(

 
صقر الشوبك

انا اسف اذا حرقت دمك لكن كل واحد حر في رايه

 

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! eshe be5zii!!!!!!!!!!!!!!!!!!!!
aslan el 7a2 3ala 3amoon ylle ma3ti hal ba2ar mana99a ye7ko feeha!

 

مواطنون بلا حدود

Wallah 2eshe be2har...w hayhom weslo el3areesh w ma fat7o el m3bar :(
7asbya allah w ne3m alwakeel

walla fe t3lekat ma 2elha da5al belmawdoo3 w 2eza 2elha da5al betkoon sa67yeh zay ma 7akeet :S

2e7na mawlodeen w 3aysheen be el2ordon w 2elly 3alehom 3alena w ben7eb el2ordon 2ad ma ben7eb falasteen bs fe nas mareda bet7eb te3mel fetneh

Allah yehdee elgamee3

Rula A.

الله يهدينا و يهدي الجميع ...

 

نادر احمد

لا حول ولا قوه الا بالله ...هاد احسن اشي بنحكى

الله بعين

Jarat

امين يا رب
الله ينفيهم عن وجه الارض

ربنا يفرجها عليهم ...وما الهم غير رب العالمين وهو بكفيهم
حسبنا الله ونعم الوكيل

 

صقر الشوبك


اولا اهلا وسهلا فيك ان كنت صقر الشوبك هو بذاته او بتحمل نفس فكرة صقر الشوبك عن الموضوع

تخيل ان جار الك لا بتحبه ولا بتكره شفت ناس اجو عليه و حاصروه و اعتدو عليه و بشكل يومي ولسنوات, و بيوم من الايام اجا جار تاني صار يساعدهم بهالاعتداءات و صار يسهللهم اعتداءاتهم
فانت اكيد وقتها بدك تحكي لهالجار انه حرام عليه اللي بعمله و هالجيران مش ناقصين

فتخيل لمّا يكون اللي الناس بتأذيه اخوك, عالقليله بالدين و العروبه و انت ما في بايدك اشي تعترض غير انك تسجّل موقف اعتراض بانك تعتصم اعتصام سلمي ما بتأذي فيه حد وين المشكله بهالشي ؟؟؟
لا تم تعطيل اعمال العالم ولا تعطيل حركه سير وين المشكله؟؟
وكيف صار هالشي تضييع وقت و حكي فاضي؟؟
يعني معظم العالم مسلمين و مسيحيين عرب و اجانب ثارو للي صار بغزّه بانهم طلعو اعتصامات ومظاهرات, هلأ هالشي مقبول و مشكور للاجانب و مش مقبول من العرب؟؟

اخيرا انا معك ان كل واحد حر برأيه بس يمكن في مسلمات ما بختلف فيها 2 و اللي هي الوضع الحالي لاهل فلسطين عامه و غزّه خاصه

 

Yazid

marrat b7es heak mawake3 bedhom yonshoro heak t3lekat 3alashan yzeed nesbet el comments :S

 

يا ام الوسابر
هاي زي الي فيه ذيب وفيه قطيع خرفان
وفيه خروف من هل خرفان بحاول يحمي حالو بانو يسلم خروف من القطيع للذيب عشان يكتفي شرو ... كل مايوكل خروف الذيب بصير بدو كمان
حتي خلص القطيع والذيب اكل الخروف الخاين

 

هههههههههه عجبتني ام الوسابر :)

والمشكله انهم بعرفو هالحكي و عم بسلمو واحد واحد و بتوقعو بانهم راح يهربو...وين بالزبط مش فاهمه :$

 

نشامى والله يا أردنيين..قلتها ورح ضل أقولها..
عادي..شكرا لتدوينتك

 

ويسبر لا تزعلي مني بس والله ملينا من الحكي الفاضي مسيرات وحكي فاضي وما في شي بتغير خلي كل واحد يغير اللي في بيته وعمله وبعدين بيزبط انه نمشي في مسيره وفهمك كفايه

 

السلام عليكم
كيفك يا ويسبر
------------------------
ذكرتيني بقصيدتي

تحيةً لرجال مكافحة الشغب
دعونا نمر حتى نقول
ما احتقن في القلب من غضب
لن نطيل المكوث فالشمس حارقة
و أجسادنا لا تقوى على التعب
لن نكسر زجاج النوافذ
و لن نعبث بأمن البلد
و لكن نريد أن نصرخ
أن لا أحد يهتم بأمرنا لا أحد

يا أيها الشرطي لا تنكر علي احتقان دمي بالغضب.
و تعال نصرخ سوية
فكلنا في قيعان الهزيمة عرب.

------------------
كان الله في عوننا
تحية لكي و سبر

 

okelto ywoma okela althower elabyad .. bas ya3ni y7medo allah eno eltor el2abyed lsea ma etakal .. allah y2aweehom wesaberhom ..

 

سيران نوفل

اهلا وسهلا بسيران :)

و الله الاردن ما بتخلى من النشامى لكن هدول جماعه ما بمثلو غير انفسهم
و الافكار هاي اذا بتكون عند الكل كان خربت الدنيا لكن الحمد لله هي لقو وسيله ليقدرو يوصلو افكارهم الغريبه :$
_________

هيني بطريقي لمدونتك لقرأه البوست
الجديد :)

سوزان

المشكله انه ما بعطو فرصه للشعوب تعمل اشي, و علشان في عالم بدها تكون قدوه لاولادها بتتحرك بهالشي الوحيد المتاح حتى العالم تسمع صوتها
ما بعرف...هاد رأيي :$

اما اصحاب القرارات فهمه اللي لاعاملين اشي لا بالبيت ولا برّه البيت :(

 

ثائر جبر

وعليكم السلام...اهلا ثائر

انا هالقصيده حبيتها من اول ما قرأتها بمدونتك وهي وصف حي للي بصير

الله بعين...

Zuzikabdo

2eza bedallo 3ala halwade3 elkul ra7 yetakal byoum wa7ad la sama7 allah :$

Ameen ya rab...