في خبر قرأته في موقع زاد الاردن, بحكي عن شخص اله 15 سنه بعمل عمليات نصب عالبنات و بوهمهم انه شخص مهم و بوعدهم بالزواج, واله اسبقيات و بنحبس كم شهر و بطلع من السجن و برجع لنفس الطرق بالنصب, باول لقاء بكون لابس احسن لبس, وبحكي عن حاله بشتغل طيار او مهندس وان وضعه المادي فوق الريح, و بحكيلها انه بمر بازمه حاليا و بحاجه لفلوس و بتقوم البنت بتعطيه فلوس و بتعطيه دهبها, و كاتبين قصه وحده من البنات عمرها 20 سنه و مقدمه فيه بلاغ للشرطه بانه ماخد منها فلوس ومصاغ بقيمه 14 الف دينار.
اللي بقرأ الموضوع بحس انه فيه نوع من المبالغه, يعني شو 20 سنه و معها 14 الف, كبيره بصراحه.
بس اللي بدي احكيه ان قصه هاد المحتال حقيقيه.....اه حقيقيه....كيف عرفت؟؟؟ لاني انا شخصيا كنت ممكن اكون وحده من هدول البنات :)
وانا بالشغل اجا تلفون عالمكتب, رديت اللي بحكي رجال و طلب يحكي معي بالاسم, حكيتله تفضل مين معي, مش متزكره الاسم الاول بس متزكره العيله " الناصر" حكيتله تفضل بحكيلي اليوم في واحد صاحبنا اجا عندكم عالشغل و شافك وبعرف اني بدور لابني على عروس و بصراحه انت كتير عجبتيه و هو اتصل فيي و اعطاني اسمك, انا ابني بشتغل طيار و دارس بالمانيا, و انا عمو حابب اخد رقم تلفونك علشان اتصل و اتفق مع والدك علشان حابين نزوركم.
انا لاني ما شاء الله كتير شاطره - طبعا قصدي العكس- اعطيته رقم تلفوني الخلوي :) بعرف ..بعرف مبدعه "كانت اول مره و اخر مره بعطي رقمي الخلوي لحد.
المهم روحت عالبيت حكيت لاهلي عن الموضوع المغرب رن تلفوني, مرحبا عمو انا فلان الناصر بقدر احكي مع بابا, احنا طبعا قدّرنا هالحركه, انه طلب يحكي مع بابا فورا, حكينا واضح ان الجماعه بفهمو و بعرفو بالزووء و الاصول.
المهم حدد بابا معاه موعد يجو عنا اخر الاسبوع.تاني يوم كنت انا وماما بره, رن التلفون نفس رقم الجماعه, الو مرحبا كيفك عمو, عمو ام فلان حابه تحكي معك و تسلم عليكي -اللي هي ام فليح يعني- كيفك خالتو وشو اخبارك و انا كتير مبسوطه لانا النا فتره بندور على عروس و اخيرا لقيناكي ومن هالحكي اللي بكبر الراس, انا بصراحه كنت مبسوطه عالحكي , وبعدين بتحكيلي حبيبتي فليح حابب يقعد معك في اشياء بده يحكيلك اياها قبل ما يجي عندكم عالبيت, حكيتلها ان شاء الله بس تيجو عنا عالبيت بحكي اللي بده اياه, حكتلي لأ هو حابب يحكيلك اياها بينك و بينه في تفاصيل حابب يتفق معك عليها و تكونو مرتاحين وانتو بتحكو لو تروحو على كوفي شوب احسنلكم, حكيتلها خالتو عنا بالبيت اريح اشي بالنسبه الي, فجأه صار العمو يحكي عالتلفون, ال يا عمو انت بنت واعيه و جامعيه المفروض انك تكوني متفتحه اكتر من هيك, حكيتله عمو انتو جايين اخر الاسبوع بنحكي باللي بده اياه عنا بالبيت, انتو جايين زياره عاديه و بنتعرف على بعض, بحكيلي خلص خلص بحكيلك راح نيجي بس انت اقعدي معه تفاهمو على هالكم شي, حكيتله لأه انا اسفه عمو, وازا عندكم مشكله احنا تشرفنا بمعرفتكم وبصراحه عمو انا بره البيت و لازم انهي المكالمه, سكرت الخط و انهيت المكالمه.
المهم روحت عالبيت شوي الاب بحكي مره تانيه, نفس الحكي و نفس الاقناع, حكيتله تفضل هاي بابا معك احكيله اللي بدك اياه, يا دوب اعطيت بابا التلفون الزلمه سكر الخط, استغربنا و حللّنا و حاولنا نوصل لشي يشرح اللي صار ما قدرنا.
انا نسيت الموضوع تماما, بعد بسنه تقريبا ما بعرف شو بحكي انا و جارتنا, بتحكيلي قصه صارت مع اختها, نفس اللي صار معي ونفس اسم الشخص, بس اختها وافقت تروح معه عكوفي شوب و اللي صاير انه حكالها اشياء تافهه ما الها معنى, وانه خجول وحابب يتعرف عليها ومن هالحكي وبالاخر بحكيلها انا مش حابب اجي ايدي فاضيه بدي اشتريلك هديه, اعطيني الخاتم و الاسواره اللي لابستيهم علشان اجيب نفس القياس و برجعلك اياهم بس نيجي عندكم, و الاخت الشاطره معطيته اياهم, و طبعا ما شافت وجهه بعدها,
ولما راحت بلغت الشرطه حكولها انت خامس حاله تبلغ عن نفس الشخص خلال هالشهر.
يعني يا جماعه الموضوع حقيقي و خطير, فديرو بالكم
اللي بقرأ الموضوع بحس انه فيه نوع من المبالغه, يعني شو 20 سنه و معها 14 الف, كبيره بصراحه.
بس اللي بدي احكيه ان قصه هاد المحتال حقيقيه.....اه حقيقيه....كيف عرفت؟؟؟ لاني انا شخصيا كنت ممكن اكون وحده من هدول البنات :)
وانا بالشغل اجا تلفون عالمكتب, رديت اللي بحكي رجال و طلب يحكي معي بالاسم, حكيتله تفضل مين معي, مش متزكره الاسم الاول بس متزكره العيله " الناصر" حكيتله تفضل بحكيلي اليوم في واحد صاحبنا اجا عندكم عالشغل و شافك وبعرف اني بدور لابني على عروس و بصراحه انت كتير عجبتيه و هو اتصل فيي و اعطاني اسمك, انا ابني بشتغل طيار و دارس بالمانيا, و انا عمو حابب اخد رقم تلفونك علشان اتصل و اتفق مع والدك علشان حابين نزوركم.
انا لاني ما شاء الله كتير شاطره - طبعا قصدي العكس- اعطيته رقم تلفوني الخلوي :) بعرف ..بعرف مبدعه "كانت اول مره و اخر مره بعطي رقمي الخلوي لحد.
المهم روحت عالبيت حكيت لاهلي عن الموضوع المغرب رن تلفوني, مرحبا عمو انا فلان الناصر بقدر احكي مع بابا, احنا طبعا قدّرنا هالحركه, انه طلب يحكي مع بابا فورا, حكينا واضح ان الجماعه بفهمو و بعرفو بالزووء و الاصول.
المهم حدد بابا معاه موعد يجو عنا اخر الاسبوع.تاني يوم كنت انا وماما بره, رن التلفون نفس رقم الجماعه, الو مرحبا كيفك عمو, عمو ام فلان حابه تحكي معك و تسلم عليكي -اللي هي ام فليح يعني- كيفك خالتو وشو اخبارك و انا كتير مبسوطه لانا النا فتره بندور على عروس و اخيرا لقيناكي ومن هالحكي اللي بكبر الراس, انا بصراحه كنت مبسوطه عالحكي , وبعدين بتحكيلي حبيبتي فليح حابب يقعد معك في اشياء بده يحكيلك اياها قبل ما يجي عندكم عالبيت, حكيتلها ان شاء الله بس تيجو عنا عالبيت بحكي اللي بده اياه, حكتلي لأ هو حابب يحكيلك اياها بينك و بينه في تفاصيل حابب يتفق معك عليها و تكونو مرتاحين وانتو بتحكو لو تروحو على كوفي شوب احسنلكم, حكيتلها خالتو عنا بالبيت اريح اشي بالنسبه الي, فجأه صار العمو يحكي عالتلفون, ال يا عمو انت بنت واعيه و جامعيه المفروض انك تكوني متفتحه اكتر من هيك, حكيتله عمو انتو جايين اخر الاسبوع بنحكي باللي بده اياه عنا بالبيت, انتو جايين زياره عاديه و بنتعرف على بعض, بحكيلي خلص خلص بحكيلك راح نيجي بس انت اقعدي معه تفاهمو على هالكم شي, حكيتله لأه انا اسفه عمو, وازا عندكم مشكله احنا تشرفنا بمعرفتكم وبصراحه عمو انا بره البيت و لازم انهي المكالمه, سكرت الخط و انهيت المكالمه.
المهم روحت عالبيت شوي الاب بحكي مره تانيه, نفس الحكي و نفس الاقناع, حكيتله تفضل هاي بابا معك احكيله اللي بدك اياه, يا دوب اعطيت بابا التلفون الزلمه سكر الخط, استغربنا و حللّنا و حاولنا نوصل لشي يشرح اللي صار ما قدرنا.
انا نسيت الموضوع تماما, بعد بسنه تقريبا ما بعرف شو بحكي انا و جارتنا, بتحكيلي قصه صارت مع اختها, نفس اللي صار معي ونفس اسم الشخص, بس اختها وافقت تروح معه عكوفي شوب و اللي صاير انه حكالها اشياء تافهه ما الها معنى, وانه خجول وحابب يتعرف عليها ومن هالحكي وبالاخر بحكيلها انا مش حابب اجي ايدي فاضيه بدي اشتريلك هديه, اعطيني الخاتم و الاسواره اللي لابستيهم علشان اجيب نفس القياس و برجعلك اياهم بس نيجي عندكم, و الاخت الشاطره معطيته اياهم, و طبعا ما شافت وجهه بعدها,
ولما راحت بلغت الشرطه حكولها انت خامس حاله تبلغ عن نفس الشخص خلال هالشهر.
يعني يا جماعه الموضوع حقيقي و خطير, فديرو بالكم
7 التعليقات :
ما شاء الله علينا, هاد اللي فالحين فيه كيف ننصب عالعالم, فعلا انو بطل فيه خوف من رب العالمين . بس بتعرفي بتستاهل البنت لانو كيف واحد ما بتعرفوا تقوم تعطيه ذهبها وبعدين مين متى صار الواحد لما يروح يخطب بجيب معاه ذهب من اول يوم عمرها ما بتتصدق
Ahmad
صباح الخير :)
الفكره غريبه, وما بتتوقع ان في بنت عاقله بتفهم ممكن تعطي لشخص اول مره بتشوفه بالحياه فلوس او ذهب او اي شي, بس شكلهم ما بتفرق معهم بحاولو مع الكل بركي زبطت مع وحده.
أنا كنت بسمع إنه البنات هبايل بس أول مرة بعرف انهم هبايل لهالدرجه
بصراحه التصرف ينم عن هبل وتهور .. ومثل هاي الامور لازم ما لازم تمر على البنت حتى لو وافقت انها تطلع تشوفه برا مع إنه الفكره غلط
أنا بحيكي على تصرفك وتعاملك مع "العريس" ... وهاي كان لازم تكون الحلقه الرابعه
يالله وين حلقة العريس ألي راح وما رجع ؟
مساء الخير :)
بجد البنت هبله .. حدا بيعطي حدا غريب فلوس أو ذهب ,,,,
لا حول و لا قوة إلا بالله ,,,,,,
شو بسير بالعالم؟ على فكرة احنا شعب غير واعي لأمور النصب.. اللي برجعو من برا بكونو أوعى منا..
وعلى فكره عافيه يا ويسبر
ههههههه
جد حلوه:) بس البنات فعلا هبايل وبامتياز كمان!!
ذكرتيني بواحد صاحب أخوي كان يحلفله انو عندو في البيت شي 4000 ليره بس من ذهب البنات اشي اساور واشي حلاق ومش عارف شو!!
حتى أخوي بيحكيلي كمان انو كان يعرف بنت مره كانت بدها تسرق ذهب أمها وتعطيه لحبيبها لأنو مكسور عليه مصاري مع انو عـ قولة أخوي البنت يعني فهمانه مش معطوبه كتير اتخيلي بالله!!!
بس يعني أعطي الذهب لواحد غريب؟ كتير هيك جد هاد غباء مطلق؛ حتى لو طلعت معاه على قولة أمجد بسحب حالي وبقوم أول ما يسمعني هالحكي الفاضي!!!
بإسمك أيها العريس؛ كم ترتكب من غباوات!!!
Amjad
بصراحه حسب ما بسمع من اخوي عن قصص الجامعه, بحب احكيلك انهم كترانيييييييييين بالبلد :(
شكرا امجد, انا مش مع فكره ان البنت تقابل اي شخص و لو حتى المفروض انه عريس بره, يجي عالبيت ضيف عادي يطلب يقعدو مع بعض بالبيت.
خلص قريب ان شاء الله بكتب عنه
مسا الفل رزان :)
يعني واحد اول مره بشوفو بحياتي, بكون حذره بالحكي معه مش بعطيه فلوسي و اغراضي...جد غريبيين
Crimson
كل يوم بنقرأ و بنسمع عن قصص اغرب من الخيال بصراحه, المفروض نتعلم منها شوي, يلا هينا بنتبادل خبرات بالمدونات.
شكرا الك
مياسي
بالزبط, بامتياااااااز
غريبين الناس اللي بخلو مبالغ كبيره بالبيت, يعني في بنك و في ATM بالظروف الطارئه بتسحب و انت بالسياره كمان.
عجبتني هاي الهبوله اللي بتسرق من امها, لا معطوبه شكلها :)
بمر علينا قصص غريبه عجيبه, الله يعينا
إرسال تعليق