Things I Like To Whisper About

Would You Hear Me Whispering

مشكله ملهاش حل



اول ما اشتغلت بالحكومه كنت اخد راتبي من الشغل , يعني لا بنوك ولا تحاويل و لا اشي, بعدين قررت اخد قرض -الطريق و المسار الطبيعي لاي موظف حكومي - زي الشاطرين فتحت حساب بالبنك و اخدت كل الاوراق المطلوبه و كله تمام و عبي الخانات, واسمك زي جواز السفر, و كله كله تمام و اجينا للمصيبه الكبرى لما موظف البنك طلب مني الطلب اللي كنت حامله همه..... ممكن لو سمحتي توقيعك هون و هون و هون...و فتحلي خمس ست صفحات, واثق من نفسه المسكين :)

المهم انا وقعت و اعطيته الورق, الشب اتطلع عالورق و ابتسم ابتسامه عمري ما راح انساها و حكالي..." شووو سلامتك ...خير؟؟؟؟" و هو بأشرلي على التواقيع اللي كل واحد فيهم ولا اله دخل بالتاني... ومن يومها قررت توقيع البنك يكون اسمي فقط لا غير :$

هون اجيت و فتحت حساب و زي الشاطرين نسيت و وقعت :( و هلأ كل معامله بدي اعملها لازم اخربش خمس ست تواقيع لحتى الموظف يأشرلي زي اي توقيع انا موقعه , حاليا ماشيه باجراءات شراء سياره ان شاء الله و رجعنا لنفس المشكله, اليوم الموظف حكا معي و بحكيلي انت كسرتي رقم قياسي جديد, بين ال 24 ورقة اللي وقعتهم طلعت ماشاء الله ما شاء الله موقعه ب 5 تواقيع مختلفه :) و بعد محاورات ونقاشات بين الموظف ونفسه و انا بس بضحك و ببتسم اقترح علي الموظف اروح عالبنك واغير التوقيع واكتب اسمي افضل للجميع حسب رأيه ... اه حكالي اياها حرفيا كمان " مش تروحي تغيري التوقيع و تكتبي اسمك ترتاحي و تريحينا حضرتك" و حضرتك هاي لزوم الترقيع حكالي اياها بس انا مشيتله اياها ...مش بكفي انه اتصل فيي يدلني عموقع الفرع ربع ساعه ماشي معي خطوه بخطوه, وانا مش عارفه وين انا اساسا :)


هاي بركة دعاء الوالدين...ربنا يفتحها بوجهك و يسرلك اولاد الحلال

انتو بتواجهكم هالمشكله؟؟؟
اكيد اه ما تحاولو...بس يا ريت حد يلحقني بالحل....لانه عيب بعد هالعمر اوقع باسمي, مش منظر بيني وبينكم...حتى اني ارسم زي الصورة اللي فوق ما بزبط لان موهبة الرسم عندي لسا بحاول اكتشفها :$

27 التعليقات :

ما تحكيلي انك بتحطي سمايلي جنب اسمك
لأنه جد المنظر تحشيش راح يكون


انا كانت عندي هاي المشكلة , لحد ما قعدت على مدى يومين 3 اتدرب على توقيع معين لحد ما زبط 100% , والحمد لله الامور ماشية الى حد ما لحد هسه

 

LUNAR

هههههههههههههه ....تحشيش الوضع لو بحط سمايلي


لا هي خربشه بدون اي تجميل...مرّه دائرة بتطلع مش عارفه من وين...مره خط لتحت...مره رقم 3 بالانجليزي بعرفش من وين ببين

عجااااااااااااااااايب :$

المشكله بمسك ورقه و بقعد اوقع عليها و بعد 30 توقيع بوقع عالورقة الرسميه بطلع اشي تاني :(

 

هههههههههههههههههههههه أنا كمان عندي نفس المشكلة

كنت أواجه صعوبة في طعويجة من الطعويجات اللازمة عشان التوقيع ما يتم نسخه بسهولة والحمد لله حتى أنا كان ولا توقيع زي أخوه.. بس قررت بالآخر أستغني عنها وأخلي التوقيع من غير طعاويج والحمد لله صارت الأمور أسهل.. توصل السيارة على خير يا رب وتتهني فيها والله يحميكي

 

يلا منيح في حد غيري هيك في الدنيا:) اول ما تخرجت كانت ايدي في مرونة ولما فتحت حساب البنك ووقعت مشيت الامور تمام.. هلأ بعد 6 سنين شغل عالكمبيوتر.. بطلت اقدر اوقع بالمرونة اللي كانت عندي زمان وكل مرة بروح عالبنك الموظف بيلفللي الشاشة وبيحكيلي وقعي زي هاد.. حاولي ارسمي لووووووووووووول.. في الاخر زهق مني بيحيكلي لو سمحتي ارجعي لفرعك وغيري توقيعك لأنو هيك ما بزبط كل مرة الف الشاشة عشان تحاولي ترسمي.. بعديها صرت اكتب اسمي فقط.. وكتر خيري اللي لسه بعرف اكتب على ورق :)

 

Aseel

هاد الحال من بعضه....هي هالطعجه اللي تحت المغلبتني, مرّه بتطلع دائرة مره خط مره مستقيم مره لتحت :(

مش عارفه اغيره المشكله...خلص اكتب اسمي و اخلص شو اعمل

الله يسلمك يا قمر...يلاا هانت ان شاء الله

Lily


هههههههههههه هاد الموظف زي اللي قززتو اليوم شكله :)

بالشغل القديم و الشغل الجديد الحضور و الرواح بنبصم يعني ما في ورق و كتابه بالمره :$

حتى توقيع الاسم بدي احط علامه مميزه علشان ما يتقلد بس خايفه انساها...بعرف حالي...بعملها :$

 

I don't have this problem here because my signature is my name in Arabic. Americans think it is very complicated art work :) Some people told me they like my signature.
One idea for you is to learn how to write your name in Chinese and then train your self on drawing that single symbol. Everyone will admire your signature and no one can copy it or tell the difference if it is not exactly the same on all the papers.
p.s., I am writing in English because I don't have Arabic keyboard on this machine.

 

Jaraad

نيالك ...محلوله عندك
هون في من كل الجنسيات ...بالشغل عندي في صيني و في ياباني :)

بركي لقيتلي لغه ما عنّا حد بعرفها :$

بس لازم الاقي حل للموضوع سريع...بدي اروح اغيّر التوقيع لشي سهل الي ممتنع لغيري :)

 

Sheeshany

اهلا اهلا بهيثم :)

شكله افضل شي بيني و بينك...لا مطابق ولا مش مطابق

طمنا عن اخباركم صديقي :)

 

جربي جيبي دفتر 32 وظلّك وقعي عليه لحد ما يثبت توقيع

هذيك اليوم رحت عالبنك افتح حساب, الموظف كان توقيعه خرااااااااااااافيييييييييييييي , جد كثير حلو , دوائر وخطوط وابصر ايش

قارنت توقيعي فيه , طلع خرابيش جاج العادة

فا بدي ادوّر على توقيع جديد

 

ana bawaqe3 b ism el family in english .. bs style mo3ayyan ..
etdarrabt 3aleeh o e3tamadto b koll makan ..


o ktheeer sah ytzawar .. :P

bs bardo, ana 3omre ma kont fond b geasa etawaqee3 .. :D

ana bagool ektebe esmek ..
o 3ala golet abu jarrar
7o6e smiley jnabo o gole ya daym ..
:D

 

الأخبار = وسط!

:)
الحمد لله

كنت و الله بدي أبعثلك إيميل "واسقة من نفسيها، بعرف ..لول" بس شفت الإدراج فعرفت إنك عايشة لسا

:)

و لاحظي إني كنت مو شرير ... محايد موود انا هالأيام

 

شكلو كلنا في الهوا سوا...آخر مره كنت بالبنك صار معي هيك حتى اني انا فرفطت روحي وصرت بدي احكي للشب الظريف خليني ابصم اريح لي:)
مالها البصمه؟؟؟
ازبط وادق و اريح؟؟؟

 

بالصف السابع
اه السابع,, لإنه أول مريول أخضر لبسته
كان مطلوب منها بحوث بتطلع على الإونروا
ومطلوب توقيع لو خرابيش

أنا عملت زي الشاطرين وجبت خالي حبيبي وحكتله بدي يصرلي توقيع معتمد عشان حابه يكون إسمك مرتبط بذكراه


لوووول,, ف أعطاني عشرطعشر واحد وأنا متل النسخ نقيت أحلى واحد وإعتمدته

الشغله اللي مابتحتاجيها بتهمليها
وإنتي ماكنتي محتاجه توقيع معتمد لقلة المعاملات الرسميه في حياتك

أقعدي مع حدن,, بتحبيه أو ببتشوفي خطه حلو مثلن
وأحكيله يعطيكي إقتراحات
ونقي ,, وإنسخي

ترى,, التوقيع إشي مهم بحياتنا,, حتى لو قل إستخدامه يا بطه


بحكي كتير,, لووول
صباحك خير

 

حبيبتي ويسبر ضحكت من كل قلبي ع الصورة اللي حاطيتها :)
هلا التواقيع انا والدي كان اله توقيع مميز ولاني من المغرمين بابائهم كنت اشف توقيعه لدرجة انه توقيعي مثل توقيعه تماما الا ان الاسم الاول بيختلف !
وهيك باحكي الك لا انا عمري ما صادفتني مشكله:)

 

وسبوره انا هيك عملت لما فتحت الحساب :((( انو هيك انا كمان حتى بالشركه بجمعولي تواقيع

 

هههههههه
موتيني ضحك يا شيخة
مالها البصمة ..عاطلة

انا مرة واجهتني نفس مشكلتك
فصرت اكتب اسمي وخربش فوقه خربوشتين هيك
متل رجال الاعمال

كوني بخير دوما يا رب

 

LUNAR.

هههههههههههههههه ...عجبتني خؤابيش جاج العاده :)

انا بمسك ورقه و بضل اوقع اوقع لحتى يصيرو اخر 10 تواقيع زي بعض و باجي للورقه الرسميه هوب بطلع اشي جديد :(

بدي الاقي ترك معينه اضل متذكرته و ارسمه رسم

Mr.KOOZ

bt3raf ma fakkaret bemwado3 el ta2led weltazweer men 2abel :S

ana el2eshy elwa7eed 2elly b3raf 2arsomo ho el 3een :) beddy 2aseer arsom 3een w 2aktob la tel7a2ny ma56obeh :P
ya baaay ma 2azn5ne :$

 

Sheeshany

دائما و ابدا الحمد لله

ان شاء الله ما بنسمع الا الاخبار الطيبه عن قريب

تسلم يا رب....الله يعطيك العافيه هلأ اكيد معجوئين عالاخر بقدوم القمر الجديد :)

نيسان

صح والله...ولا تزوير ولا مطابق و لا قصص طرمه...البصمه افضل شي

بس بدنا حبر ما بلزق :)

 

um Ommar

انا من لمّا بديت اوقع لهلأ يمكن صرت عامله 10 تواقيع ...كل فترة زمنيه الها توقيع :)

انا بعرف اقلّد توقيع بابا :) بتعرفي ايام العلامات و توقيع ولي الامر :)

بصير اوقع بتوقيعه فكرك ؟؟؟؟

مساكي و صباحك فل و ياسمين
احكي و قولي و شعبري يا قمر..البيت بيتك


Sozan


اول ما دورت طلعت باول الصفحه :)
معبّره بصراحه

زي ما حكيت لام عمر بعرف اقلّد توقيع بابا يمكن اضيف حرف اسمي اله بطريقه معينه و اعتمده :$

اللهم لا حسد ....من القلائل اللي ما بواجهو مشكله بالموضوع انت

 

ميسم

اهلا اهلا يا قمر....زمااااااااااان ما سمعنا اخبارك...ان شاء الله تكون كل امورك عال العال

لازم نلاقي حل يا ميسم...مش وضع العالم كل ما احتجنا توقيع تقعد تتأفف بوجهنا :(


أمل

الله يديم الابتسامه عوجهك و الفرحه بقلبك يا اموول

ما انا كل مرّه بنسى موقع الخربوشتين هدول و بطلع غلط :$

 

أنا توقيعي كتيير بسيط! وعن جد بتعجب من اللي بيوقع توقيع معقد نيالهم :)

 

حلها بكل بساطة انك تحكي لموظف البنك مثلا "توقيعي مش ثابت" وخلصت فكت يا قمرايا

 

Rana

الموضوع مش بالبساطه....الموضوع اوقعه نفسه مرتين بدون اغلاط :$

Anonymous

اول مره بسمع في هالشي...بس هيك بتروح المعنى و الفايده من توقيع البنك صح؟؟

 

لوول بس ما تكوني فهمتي عليي غلط؟ توقيعك مش ثابت لا يعني انك في كل مرة تخترعي توقيع جديد ما الو دخل بالتواقيع الي قبله بس هو مجرد انهم ما رح يدققوا في توقيعك بحيث انها تكون متطابقة الى حد كبير
ساعتها حيكون مجرد التشابه كافي وعادة خلص بكون موظف البنك مثلا في حالة سحب راتبك عرفك وحفظ ان توقيعك غير ثابت
يعني نوعا ما بصير التعامل معك من خلال معرفة الشخص صاحب الحساب اكتر من الاعتماد على توقيعه

انا كنت اخود راتبي من بنك القاهرة عمان وهذا ما حصل معي

 

هو اللي بوقع باسمو عيب ؟؟؟؟ :))انا شخصيا بواجه هاي المشكلة مش بس بالتوقيع انا لو كتبت سطرين ورا بعض بكون خطي مختلف فيهم
عادي يعني مش ازمة

 

Anonymous

شكله الافضل اروح عالبنك و اخليهم يحطو ملاحظه على ملفي بالنسبه للتوقيع...اللي فهمته ان كل مره بترجع المعامله بسبب التوقيع بدفهوني 350 درهم...يااااااااا لهوي اذا صحيح :$

لبنى

ليش عيب؟؟؟ احسن ناس اصلاطن :)

لااا انا خطي ماشي حاله بس التوقيع بما انه معتمد على الخرابيش فطبيعي ما يكون بشبه بعضه :)