![](https://blogger.googleusercontent.com/img/b/R29vZ2xl/AVvXsEjbxCdNhyp5fIOcnFREX2sWlZ57p5LYAGQnSpY5K0Yo7tGIfIXjHqWx3KlWNBqhhscohwguuk3oC5ZjTE8G5U1lrTEbCaN_kZsJqqqIoFQtB1iY2q4ZxwgaqZdndx0manQ6GL6D7mb-hD4/s400/sdu0027.jpg)
كتير رجال بشكو من مرتاتهم او خواتهم او الستات اللي معهم انهم بعد زيارة طويله عريضه لمدّه ساعات, بس يقومو يروحو بتبدا الستات زيارة جديده قد تمتد لساعه قدام الباب :)
بأخر لحظه من الزياره بتتذكر وحده منهم اشي مهم ما حكو عنه, اواتفاق المفروض يتفقو على تفاصيله بس ما خاضو فيها لسا, الرجال ما بعرفو ان زيارة وقفة الباب الحكي فيها بكون اهم كتير من حكي الزياره كلها , بنودع و بنوقف لنحكي مع السلامه وفجأة بتظهر جمله اه صحيح.... او نسيت احكيلك او سؤال بستغرق الرد عليه و شرحه نص ساعه :)
هيك احنا شو نعمل, او يمكن معظمنا اذا مش كلنا, حتى عالمسنجر بكون في النا زي وقفة الباب, 15 الف تصبحي على خير بنحكي بين الكلام و بعد ما نكون خلصنا الحكي بنص ساعه بنسكر المسنجر - طبعا هاد بس نكون فاضيين مش يحظه و بتغيبي اسبوع وخده بالك حضرتك :)
مهما شرحت و مهما شكو الرجال من الموضوع ما النا غنى عن هالزياره , فبدكم تتأقلمو و تبرمجو حالكم على هالوضع, بدكم تلاقو حلول غير انّا نبطل هالعاده الحلوه هاي, بابا مثلا بعد ما يأس منا انا و مميتي , بس نكون بمشوار بحكي لماما يلا, بتناديني ماما اذا كنت قاعده مع الصبايا و بضل بابا قاعد لحتى نخلص كل احاديثنا و نوقف عالباب انا وماما وحاملين الشنط , بعرف ان 3\4 زيارة وقفة الباب خلصت بقوم بشغل السياره و بنلحقه :)
فرتبو اموركم يا الرجال على الوضع و ما تتذمرو منه, هاي مش مشكلتكم الشخصيه, هاي مشكله عامه وما حد لهلأ وجدلها حل , فبدكم تتأقلمو :)
28 التعليقات :
هههههههههههه حلوة هاي بس على فكره الرجال عندهم نفس العاده بس الستات ما بينتبهوا الها لسبب واحد انه الافندي لما يروح يزور صاحبه بينسى حاله وما بيعطي وقت معين لرجعته
إذا هيك.. إذا أنا رايح أصير أول ما ندخل و بس نخلص الشاي أحكي يلا.. ما دام الحكي المهم كله رايح يصير عالباب..
و بحكي للسيدات اللي معي ..بس توصلوا السيارة بالسلامة رنولي..
msh 3arfeh leh kol mrra ,kol mrra ,kol mrra b3l2o 3nfs el 2essa !!
E7na bel 3aileh aboui 3ndo hai el 3adeh aktar menna fa ma be3ani abadan abadan (a7yanan e7na eli ben3ani) :)
3ajbatni martat.hum hai :P
مرتاتهم؟؟
LOOOOOOOOOOOOOOOOL
حلو حبيت حل أبوكي انو بيقللكم يلا و بينساكم خلص لول
Sozan
اهااااااااا...ما فكرت فيها من قبل
و هي عمو والد رند بعملها كمان :)
فكرتها صفه خاصه فينا احنا :)
همه فعلا بس ينسجمو هاتي زكريهم بالوقت
جعفر
ههههههههههه شايف كيف تدويناتي مفيده :)
برضه فكره هاي, لكن بالليل يطلعو لحالهم عالسياره!!! بس بالنهار تطبق هالفكره
انا بحكي تتأقلم يمكن احسن , لانه برضه ممكن تحكي يلا سبحان الله يخلص الحكي و تروحو بكير :$
unpredictable احنا
Marwa
Shoftee bellah 3alekee....mesh 2enhom yt3awadoo la2, hay ana nabahet el men elly b3rafhom men 5elal hal post, t3awadooo heak 2e7na :D
Rand
LOOOOOOOL 7abeat-ha men 3ammo hal7arakeh :D
laaa la tedaya2oo...sero zayoo 2aw zaynaaa :)
LOOL maratat-hom hay men demen kalemat el game3 2elly 3endy :)
Rain
تدمير شامل ساحق ماحق للغه بعرف :)
هيك كلماتي صايره هالايام :)
مهو هاد بعد 20 مرّه يزعل من الموضوع فأوجد الحل :)
والله معك الحق جداً..
بالنسبة لنا بشكل عالمي هذه الظاهرة موجودة فعلاً ، لدرجة أنه لم يعد يلقى لها بال.
بسلامة بسلامة ، لكن للعتبة كلام آخر..
لا أحد بمقدوره تغيير النساء ،
حتى النساء وان أردن، يمكنهن التأثير لكن ليس التغيير.
بارك الله فيك صديقتي الأردينة
كل مرة تأتين بموضوع وقضية لم يلقى عليها الضوء..وهي موجودة بقوة في حياتنا ومحيطنا.
We call it zyarit il bab :)
me and my friends do it here as well and one of them actually makes bakraj ahweh khsoosi for zyarit il bab :)!
لاتــــي Lati
يعني مش بس عنا بالاردن هالشي موجود :) هالعادة عند الستات اجمالا
كلام العتبه اجمل الكلام بيكون, اعجبتمي جمله " يمكنهن التأثير لكن ليس التغيير " جميل جدا و واقعي التعبير :)
شكرا لكي اختي المغربيه الرائعه على المتابعه , دائما بتشرفيني و بتنوريني بتعليقاتك
Nido
So u have it there and with a special ritual :D
Loool sound like a lovely zyarah :)
انا فكرت في حلول كثيره
مثلا
لمن تودع الناس اللي كنت عندهم أقفز من النافذه ...مثلاااا
أو استخدم الحلول أدناه
أسال الناس اللي انت عندهم شو طابخين
أو قل لربة البيت والله متل ديكور بيتكم ونظافته ما شافت عيني
أو امسك الريموت وانقل من الجزيرة لروتانا ميوزك
او وشوش صاحبك ونكته نكته وأضحك وخلي طرف عينك على مرتك
هناك حلول كتيرة بتوصلك عالبيت بسرعة الصاروخ
لكن المخاطر الناجمه عن هيك حلول غير متوفعة النتائج
وتركها أفضل على الأحوط
صلاة على محمد وآل محمد
ay hoo law kanat hay "moshkeletkom" el wa7eedeh kan bala3naha :p
هالحكي بنطبق ع نهايه المكالمه كمان
لووووووووووول
أهم شي بالنسبه للرياييل انهم ما ياخدوها شي شخصي ... ولا رد فعل او انتقام لا سمح الله
:D
خلص ، بنشتري طقم كنب حولين الباب... موضة جديدة
بس ترا جد الزلام صاروا هيك كمان! بس باب المنافسة بعيد أكيد
زياره سريعه على الباب ...والله مستعجله وما بقدر اقعد ...
بس حبيت اسلم عليكي بسرعه ...واقولك *مشتاقتلك*
...حاف هيك بدون تعريفات و تفسيرات من تبعون ام عمر
اشتقتلك يا بتوووت
Women, generally do that, to tell the things that they don't want to say in front of others..
بتعرفي غريب عمري ما أعطيت الموضوع أهمية بس صحيح أنا بقعد أحكي عالعتبة ساعة، ليش يا ترى بنعمل هيك؟
ثائر
حلولك كتير شريره...
كنت ناويه اعدّل عالتعليق و احذف الحلول بلاش الشباب المتابعين يستخدمو هالاساليب بس لقيت انها مش مع الكل بتمشي :)
غير انها ممكن تأذي الشباب زي ما حكيت ... يعني بعد جملة
" والله متل ديكور بيتكم ونظافته ما شافت عيني"
في اكل راس و نق و طوشه و نجوم ظهر وهدايا :)
وممكن يتعكمو بشغّاله
اللهم صلي و سلم وبارك على سيدنا محمد :)
NasEr
LOOOOOOL :D
Allah y3enkom 3ala mashakelna :)
UmmOmar
هههههههه اه صحيح :)
جد مرات بتكون المكالمه عن زيارتين مش زياره وحده :)
Euphoria
لاااااا شو انتقام ما انتقام :)
اعوذ بالله....
همّه عارفين ان نص الحكي بكون عليهم و الباقي مواضيع متفرقه :)
Sheeshany :)
اهااااا هي الكلام المزبوط...هاي الروح الرياضيه اللي بندور عليها :)
لاااا مهما حاولو الرجال ما بوصلو لتميّزنا و لقدراتنا على الاستمرار :)
Naysan
اهلا و سهلا و نورتيني كالعاده
الله يعطيكي الف عافيه يا رب, واهم شي تضلك تطلطلي علينا :)
اشتاقتلك العافيه يا رب...انا مشتاقه اكتر و لازم نرد نعيد جمعتنا الحلوه عن قريب ان شاء الله :)
Tareq
LOOOL yes...
Usually talking and complaining about their men :D
and changing experiences in how to deal with husbands :)
كيكي
ههههههههههه...عامل مشترك بينا هاد :)
ما اله سبب بس هي عاده "حلوه" المفروض الرجال يتعودو عليها :)
لو كان الحال على الكلام أمام الباب، فالأجدر أن تكون ا لزيارة مع جلسة شاي كلها أمام الباب.. هههههه
كنت هنا
نصائح "ثائر" ثورية و ماشيّة ...
شكرا ً جد :]
خالد أبجيك
ههههه فكرة برضه :)
اختصارا لأي مشاكل
اهلا فيك :)
Sheeshany
بس بتجيب مشاكل و وجع راس...فدير بالك :)
ههههه حلو الموضوع وعجبوني التعليقات كمان ....:)
في منو كتير طلع هالشي :)
ومش بس احنا اللي بنعملها طلعنا :)
و وصلنا لحلول منطقيه كمان
إرسال تعليق