:) اشياء كتير بدي اكتب عنها حبيت اختصرتها ببوست واحد
اول شي واهم شي شكرا لكل اللي صوتلي واللي لسا ما صوتلي وناوي انه يصوتلي واللي ما صوتلي ومش ناوي يصوتلي اللي اكيد راح يصحى ضميره قبل ما يخلصو اخر 5 ايام للتصويت ويصوتلي
وهي اللينك علشان ما يكون في حجج :)
وهي اللينك علشان ما يكون في حجج :)
ما بعرف اذا سمعتو عن الطفل فادي اللي عمره 9 سنوات ومسكوه عالحدود لانه من اصحاب القيود الجرميه او الاجراميه !!!
ال اسمه الرباعي واسم الام بشبه اسم واحد مطلوب بال 2005 يعني لما كان عمر فادي 5 سنوات!!!
وانه اصر الضابط السؤول انه يحطه بالنظاره والولد مش فاهم اشي و ببكي وبحكي والله ما عملت اشي...
يعني مش خطأ بصراحه...مش المفروض في اشي اسمه رقم وطني يعتمدو عليه في حاله غياب التفكير المنطقي؟؟؟ الخبر بجريده الغد
طبعا هلأ بتدمرو التنين يومين تلاته و كل واحد فيهم برجع يتعرف على حد جديد و بتمشي الحياه ولا كأنه صار اشي وهاد دليل على ان العلاقات صايره مبنيه على امور سطحيه مش اكتر,بما ان تأثيرها سطحي بكون بس تنتهي.
يمكن ان معظم العلاقات بين الشباب و البنات بتكون مبنيه على جهل تام يا من طرف منهم يا من الطرفين, في بنات بصدقو ان الشب بحبهم و بصدقو انه قصده استمراريه وتطور العلاقه والشباب بستغلو هالشي و بالاخر بس يزهق او يشوف انه ما في امل تتطور العلاقه التطور اللي هو بدو اياه واللي هو بعيد كل البعد عن الاستقرار و الارتباط, بختصر كل شي بكلمه... " خلينا اصحاب احسن" بس طبعا بكون مأمن حاله بعلاقه جديده, ما بصير يقعد فاضي .
ما بنكر ان في بنات ببدو العلاقه وهمه عارفين نهايتها بس بتحكيلك "يلااا هينا بنتسلى ولا القعده"....
البيت بطل على عمان الشرقيه وعلى عمان الغربيه....الاشرفيه, جبل الجوفه,شوارع البلد, القلعه, القصور, العبدلي, الرويال كله مبين من الروف, المنظر جد بجنن مع الضواو ومع الشوارع.
انا بحب الالعاب الناريه كتير- او الالعاب النوريه على راي بنت صاحبتي - و احنا بالبيت بس اسمع اصوات لازم اروح اطل من شباك, عندهم كل دقيقه لازم نشوف العاب ناريه طالعه من مكان من هالاماكن, جد كانت سهره من العمر و كتير انبسطنا
اخدت اكم من صوره مع انهم ما بعكسو حلاوه المنظر بس حابه اشاركم فيهم :)
ال اسمه الرباعي واسم الام بشبه اسم واحد مطلوب بال 2005 يعني لما كان عمر فادي 5 سنوات!!!
وانه اصر الضابط السؤول انه يحطه بالنظاره والولد مش فاهم اشي و ببكي وبحكي والله ما عملت اشي...
يعني مش خطأ بصراحه...مش المفروض في اشي اسمه رقم وطني يعتمدو عليه في حاله غياب التفكير المنطقي؟؟؟ الخبر بجريده الغد
طبعا هلأ بتدمرو التنين يومين تلاته و كل واحد فيهم برجع يتعرف على حد جديد و بتمشي الحياه ولا كأنه صار اشي وهاد دليل على ان العلاقات صايره مبنيه على امور سطحيه مش اكتر,بما ان تأثيرها سطحي بكون بس تنتهي.
يمكن ان معظم العلاقات بين الشباب و البنات بتكون مبنيه على جهل تام يا من طرف منهم يا من الطرفين, في بنات بصدقو ان الشب بحبهم و بصدقو انه قصده استمراريه وتطور العلاقه والشباب بستغلو هالشي و بالاخر بس يزهق او يشوف انه ما في امل تتطور العلاقه التطور اللي هو بدو اياه واللي هو بعيد كل البعد عن الاستقرار و الارتباط, بختصر كل شي بكلمه... " خلينا اصحاب احسن" بس طبعا بكون مأمن حاله بعلاقه جديده, ما بصير يقعد فاضي .
ما بنكر ان في بنات ببدو العلاقه وهمه عارفين نهايتها بس بتحكيلك "يلااا هينا بنتسلى ولا القعده"....
البيت بطل على عمان الشرقيه وعلى عمان الغربيه....الاشرفيه, جبل الجوفه,شوارع البلد, القلعه, القصور, العبدلي, الرويال كله مبين من الروف, المنظر جد بجنن مع الضواو ومع الشوارع.
انا بحب الالعاب الناريه كتير- او الالعاب النوريه على راي بنت صاحبتي - و احنا بالبيت بس اسمع اصوات لازم اروح اطل من شباك, عندهم كل دقيقه لازم نشوف العاب ناريه طالعه من مكان من هالاماكن, جد كانت سهره من العمر و كتير انبسطنا
اخدت اكم من صوره مع انهم ما بعكسو حلاوه المنظر بس حابه اشاركم فيهم :)
![](https://blogger.googleusercontent.com/img/b/R29vZ2xl/AVvXsEjn81I4hreEHgC7Rqke-W0QHVUW0mZ7E2FRPCP1Ru1fbedQfLtEragknJWEG0bOC44A04CnYr8Dwbk-TyFehYxx6yKwX3uVK5zcqVl2wDdWz8T1YlPVeiDODw5Ay1qBKXfdTME5xCJuMao/s400/23072009200.jpg)
![](https://blogger.googleusercontent.com/img/b/R29vZ2xl/AVvXsEiyrHIfe6e9aefwLJFtnD19NZr_s3qgRXj_8h3TcLpyWhXWCLZ-5VWKkYcD3bBqe8LnBuR_RJFtw1RoUbg7Wmfgd-7lbJPvrNO69joDKBITt9Xwsca9qo-495z4c9fnnL968NWScErFd0k/s400/23072009198.jpg)
Books@Cafe
![](https://blogger.googleusercontent.com/img/b/R29vZ2xl/AVvXsEi5-nroAO5qDkybSH06i2JWExzAk25bfKEZQ1v5Fjz5lrnVqXOgV242rSz02YvDZDbFnAxR09tE7TDZ51_Wu3A10jrICVATF3HOR6DmJV3jIhd714Ij1sluGOyDYLdhRBT3gwlfVbtoZ9I/s400/23072009195.jpg)
![](https://blogger.googleusercontent.com/img/b/R29vZ2xl/AVvXsEjqWWL92zDYMjqwSRtWLgQunRfUY9Jfr82YBSOzCEDiZlBZQLXvTarst9mQCRwMI27-BwlcJdekXbBUNSzYjH7B9w15pf0JDZEzIT4jp-r7_mqDetRvFF748kBo9d4X7PHJSa-I85E0F1k/s400/23072009194.jpg)
![](https://blogger.googleusercontent.com/img/b/R29vZ2xl/AVvXsEjCJuhQfJBRBMqw5LzxjT3eQALpH5Zz9_ekHWRbmV2Dc0qav2z7IbciHP_h_tJwErcULvT6BPr2M1yfTL10PizbgVdnRnx1GEeG6ym_H_tIXav1n7-Ehc0bVlw28Ya5bQ4BlqLabkd42r8/s400/23072009193.jpg)
13 التعليقات :
بخصوص الولد كمان شوي بس وبشيلو الرقم الوطني وبعطونا ايبيات ... بس نصير بدنا نطمن على صحه واحد بنعمل عليه ping
بخصوص العلاقات ... يعني ما تفكري انو الشب بس الي بلعب ... كتتير فيه بنات بكون فاتحين اكتر من خط ... وبتقلك بالاخر بزبط واحد
او بتحكي بشدو خاروف هدايا وطلعات على حسابو
عفكرة بحبش زناخة القصف تبع الالعاب النارية وبحبش السهرات
وبحبش جبل عمان وبديش اصوتلك وبحبش مددونتك ...
:P
بمزح
هههههههههه
يعني خاوه طبّه بالزوق بدكم تصوتولي:)
حلوين الصور بس للأسف مش كتير مبينه المناظر لأنو بالليل؛ ما بينفع تزوريها بالنهار؟:)
موضوع البنت والشب: عاااااااادي
وشو نوع العلكه اللي اخوكي بيستخدمها؟
أول اشي أنا صوتلّك..فالعفو.
ثانيا..فعلا "قضية فادي فيها لغز محير" و"من المحتمل أنه تم انتحال اسمه لاستخدامه في أغراض جرمية"..بالله عليهم يعني مش قادرين يكتشفوا الحقيقة من الاحتمالات الكثيرة اللي عندهم ويحلوا مشكلة فادي..أما لما أخوي يروح يرخص السيارة ..بسرعة بقدروا يعرفوا انه فيه مخالفة عالسيارة من 5 سنين وبدفعوه اياها (كأنه المقارنة غلط بس مش مشكلة لأني التخمت)..
ثالثا..هو أخوكِ بدخن العلكة ؛) ..خلينا بموضوع الشباب ..هو فعلا الشباب حالتهم حالة هالأيام ..بس اللي بشوفه انه مش بس همه..المجتمع كله خربان والكل بيركض ورا أي اشي وكل اشي بدون ما يعرف شو هو..فطبيعي الشباب يدمروا..الله يهدينا كلنا.
أخيرا..حلوة الألعاب النورية :) ..وحلوة السهرات بالهواء الطلق وانت تتفرجي عأضواء المدينة..صورك حلوة والله..هي دايما الصور اللي بالليل الكاميرا بتطلعهم معتمين ماعدا الأضواء بتكون بتلمع..بس عاكسين حلاوة المنظر..أساسا وصفك لحاله بكفي ;)
مرحبا ويسبر هلا يعني لازم الكل يصوتلك ولا علشان تشيلي الحجج حاطه اللينك شاطره والله بس انا صوتت هه شايفه انا منيحه احم احم :)
اما بالنسبه للعلاقات بين الشب والبنت في منهم تسلايه ومنهم ياخذوها جد وتوقع في راس البنت وفي منهم تمشايه للنصيب تييجي وفي النهايه الخسران الوحيد البنت لا اكثر ولا اقل لانه الشب ما بيلاقي حدا يحكيله وين انت رايح وشو عامل
المناظر حلوة كثير وانا بحب الالعاب الناريه وهون في امريكا وبتذكر كمان في الاردن كانت تصير في الاستقلال العاب ناريه تاخذ العقل
صباح الخير ويسبر كيفك :)
كتير بحب لما الصبح اصحى من النوم بفتح المدونات قبل ما افتح الجرايد
لانه هيك بنبسط وبشوف اخباركم وانا معطلة احسن ما احم بالي بالاخبار المرصوصة هناك
ومدونتك هي الانشط.
الموضوع الاول: يا رب من هون ل خمس ايام تكوني مجمعة كمان طحشة اصوات :)
وتفوزي كمان,لانك جد بتستحقي ونشيطة ,وهاد الشي الكل بعرفه
التاني: شر البلية ما يضحك,مش بعيدة يتهموه بجريمة تانيه هو اختراع مادة كيماوية بترجع الانسان طفل :D
اما الزيارة:شكلها جد روعة ولما تكوني مبسوطة وتكتبيلنا هون, فعلا بحس بهاد الاشي ... انه طالع من قلبك ,والف مبروك لبنت خالتك وعقبال ما نفرح فيكي يا رب :)
المناظر بجننو,بس فعلا عالطبيعة كلشي احلى (ولو هيفا وهبي من زمان حكت هيك
;)
nosa means eNAS ;)
مش عارفة لأيمتى موضوع الدباديب بين البنات و الشباب بدو يخلص !! يعني انا بموت بالدباديب بس لو يجي خطيبي ( مثلا) و يعطيني دبدوب كتير رح احسه تااااااافه !!!
و شو بالنسبة انها تصاحب ولا القعدة فاضية !! كنو مبطل حدا يخاف ربنا !!!
الصور كتير حلويين .. و عنجد الليل دايما الو سحر خاص :)
THX :)
بكتيريا عاديه
بس مرات بالغلط بتكبس البينج :)
اكيد وخصوصا هالفتره هاي البنات ما عندهم مشكله ينتقلو من علاقه لعلاقه وبتنقي الانسب لمتطلباتها
بتمزح!!! :$
مياسي
لااا اعوذ بالله معقول يكون هيك قصدي يا فاهمتيني انت :)
لا بصراحه المنظر احلى بكتير كان, وكان المفروض نطلع عالروف بالنهار بس بتعرفينا احنا الصبايا بس نجتمع ببنسى الدنيا :")
مالبورو لايت علكته :)
Dreamy Villager
يسلموووووو يا قمر :)
شفتي بالله وال كل فتره بتصير معه مشكله, شوفي شو راح يواجه مشاكل بكل فتره بحياته بالجامعه وبالشغل
انا بحكي يغيرو اسمه احسنله مدام مش معتمدين الا عالاسم :)
لاااا المقارنه صح, انه في داتا بيز عندهم وفيها كل المعلومات هيك المفروض
اه علكه... نوع من انواع التمويه :)
امين يا رب العالمين الله يهدي الجميع.
شكرا يا قمر الاضواء كانت كتير احلى من الصور
تسلمي يا زووووء
Sozan
لا بس علشان ما حد يحكيلي ما بعرف اللينك , بس الكل باللاشعور بده يصوتلي انا بعرف :)
طبعا منيحه وشكرا عالتصويت :)
الموضوع بالاخر عراس البنت حتى لو كانت هي اللي بتتسلى
انا ساكنه قريب من حدائق الحسين فكل مناسبه بصير في العاب ناريه كتيييييير بتجنن بس لازم اطلع عالسطوح لاشوفها منيح
Nosa
وهل يخفى القمر...طبعا عرفتك :)
يا صباح ومسا الورد يا قمر
كتير اسعدتيني بكلامك جد :")
مش مهم مين يفوز, مع اني بتوقعلك الفوز الساحق ان شاء الله بس المهم التجربه كتير حلوه كانت و انا شخصيا تعرفت على مدونات جديده كتييييييييييير حبيتها وما كنت اعرفها قبل وهاد الهدف الاساسي من المسابقه
اهااا الله يعطيكي العافيه, هلأ بتبنو هالفكره و بشلّو املو للولد :$
ههههههههههههه
اه الحمد لله كتيييييييير انبسطنا رحنا اهلي واهلها و العريس كتيييير محترم و الجلسه كانت عائليه و هاد اللي خلاهم يحكولنا انا نطلع عالروف
هههههههههه مش بعيده عليها :)
Maroo
ههههههههه جد مش هديه, يعني لو اني بصف تاني ب ماشي بس بعد عمر معين ما اله معنى :)
للاسف مش كتير اللي براعو ربنا بتصرفاتهم المهم يعيشو يومهم مبسوطين ومش مهم الدين
الله يهدينا ويهدي الجميع
الليل بجنن :)
نيجي وحدة وحدة
مشان الولد الصغير .. انا بشوف انو الضابط هو اللي لازم ينحط بالنظارة ( بتهمة الغباء)
ومشان الشب والبنت .. اللي بعيش بشوف ..بس اشك انو في حدا بهالزمن بينضحك عليه وانو لسه في بنات بصدقو شو "بيخرط " الشباب عليهم والاحلام الرومنسية وهالقصص ..بس على قولك بكونو بتسلوا وهاد سبب انو هالعلاقات بتكون سطحية او بالاحرى كزبية
والصور بجننو كتير كتير ..عمان بالليل كتير حلوة والضواو .. منظر ما بينمل منو .. المهم انو انبسطتي
همسة
ههههههه وانا معك باول نقطه
للاسف لسا في بس زي ما حكينا بتيجي عراس البنت باي حال من الاحوال
شكرا كتير :)
بتجنن عمان بالليل والحمد لله انبسطت كتير
ma bde e7ki.. z3lani. :(
b3telk msg 3ala ur fb.. sofee yallaa w rodi 3alae.. :( abl fawat el awan huh..
nice Amman picx :)
JoJooooo
laaaaa ana ma b2dar 3ala za3alek ya amar
hallla2 halla2 la shabaket w fawran ro7et 3al facebook w radeat 3al message :D
thanks ya amar
إرسال تعليق