![](https://blogger.googleusercontent.com/img/b/R29vZ2xl/AVvXsEgnm7O2zvYdk2K6cFHR4OPSN5y37hyphenhyphenC2Ltock28Vpc07EwnhBDq7U2OpBtLKq_rqkdoEgd71yGzy7hwf5U-ctTsjgdAAqEOsp57nY42s7sExVfaN8LvY4KEKooADe4D71ZTK1fTV3HOwzY/s400/%D8%AD%D9%8A%D8%A7%D8%A9+%D8%A7%D9%81+%D8%A7%D9%85_0.jpg)
انا من متابعي و محبي قناة الاذاعه حياة اف ام وقبل هالمره حكيت عن هالاذاعه و كيف اني ما بستغني عنها و بحب اسمعها وين ما كنت, بالبيت و بالسيارة وبالشغل, و اخوي خلص حفظ الدرس بس ياخد السيارة بالليل تاني يوم بس اشّغل السيارة ما بحب تكون اي اذاعه تانيه غيرها و خصوصي انه بحطلي عأغاني غريبه, لسا بتحكي بسم الله بتطلعلك مش عارفه مين بتتغنوج و بتغني, او على هالصبح اغنيه لميتاليكا :$
المهم, حاليا في برنامج بسمعه وانا مروحه اسمه " عدّاك العيب" برنامج درامي اجتماعي خلال 10 دقائق حوار عائلي بين ام و اب و ابنه و ابن, بحكي عن قصّه معينه لابراز هدف و قيمه اسلامية معينه , مثل عن عدم الاسراف في رمضان, و عن التملّق و هز الذنب بالشغل وكيف اللي بحكي الحق بتوجهله انذار وممكن ينتقل لمنطقه نائيه لكن المهم الواحد يحكي كلمة الحق.
حلقة امبارح الفكرة حلوه و لكن الحوار كان غريب, حلقة امبارح كانت ان الجارة بتيجي و بتسأل الام " انتو غيرتو سيارتكم؟؟" و بعد لف دوران بتحكي " فكرتكم غيرتوها لاني شفت بنت بتتسحب و بتركب سيارة غير سيارتكم وما في بنت بالعمارة غير بنتك" طبعا هون الام بتبدا تولول , و بس يجي الاب و بشوف الام مهمومه بسألها بتحكيله ان جارتنا فلانه, ما بعرفها بتحكيله فلانه اللي خطبت بنتنا لابنها و ما وافقنا, و بتحكيله شو حكتلها, بنتقل الحوار لتاني يوم بين الام اللي مقطّعه حالها بكا و بين الجارة ذاتها, و بتشكيلها كيف الاب منع البنت تروح الجامعه و حبسها بغرفتها و "ابصر شو راح يعمل فيها " .
و فجأه بدخل الاب و ببدا يهزّئ بالجارة و بحكيلها انه كان قاعد مع زوجها وحكاله ان مرته كذابه وعملت كل هاد بس علشان ما وافقتو عالخطبه, و طردها من البيت و هو بحكيلها " بدك اياني اقتل بنتي....بدك اياني اقتل بنتي"
فااااا الاب و الام صدقو الجارة اللي ابصر من وين جاي مع معرفتهم بأنها كاهتهم من يوم ما انهم رفضو المحروس, وما فكرّو للحظه يتأكدو من البنت و نسيو تربيتهم لبنتهم 19 سنه - على اعتبار انها سنة اولى- و كان التصرف الوحيد اللي قدامهم انهم يحبسو البنت و ما يخلوها تروح عالجامعه و الطامّه الكبرى ان العمل الوحيد اللي بقدرو يعملوه بهيك موقف هو قتل البنت!!!
بحب احكيلكم ان هالمرّه العيب ما عدّاكم وبالعكس قاعد بوسط البيت كمان ...
24 التعليقات :
العيب متغلغل و متفشفش بكل مكان
!
كل يوم عن يوم بنثبت إنّا مجتمع رجولي بامتياز! -سلبي طبعا ً- مع الأسف
*الحل نقتلها
كله إلا العار
جد مسخرة
قويه!!
Haitham
يا الله شو انقهرت بس سمعته, ولمّا حكا اخر جمله انا صرت احكي مع حالي بالسيارة, وكنت عالاشارة و الموقف مش لطيف بالمره كان :$
يعني الحل الوحيد والطبيعي و المنطقي من وجهة نظرهم انه يقتلها
مياسي
انا... ويلا القصّه؟؟؟ :))))
مهمه قهروني يختي شو اعمل :$
انتي خصوصا جمله وسط الدار
طبعا الحل يقتلها يعني بدك ياه يناقشها مثلا؟!!
ع فكره في مسلسل اسمو "ما ملكت أيمانكم" زركتيني فيه؛ بيعاملو بنتهم بطريقه مهينه جدا مع انو المفروض هم دينين(ع أساس يعني) بتعرفي كيف الدراما!!
مياسي
هههه..كنت متأكده :)
اه شفت دعايته بس ما حضرته, يا الله شو بكره بس يجيبو هيك
دايما بشوهو منظر الدين بالمسلسلات و كأنه المتدين فاهم دينه غلط :$
بس شكله حلو...لبعد رمضان بنحضرة ان شاء الله, بكرة بزهقونا فيه :)
له له له
وهذول اللي بنحكي عنهم ديّنين
وانا كثير بحب اذاعة حياة ولما اكون بالسيارة بحط عليها
يعني لو جابو صوت الابو وهو بخمع البنت كفّين الطف شوي
يمّ , بطّل في حل الا القتل
ما حبيتها منهم
وسط الدار .......
حلوة
أعتقد انه الموضوع ممكن النظر اليه من ناحيتين: الأولى موضوع الأهل مع ابنتهم وهو شيء منفر فعلا والثاني ما قامت به الجاره وهو لا يقل أهميه. لأنها بعملتها هاي كان ممكن تدمر حياة البنت (اما ان يقتل الأب ابنته زي ما ذكروا او انه يمنعها من الخروج من البيت).ـخليني اذكر قصه صارت معنا. في منتصف الليل (تقريبا 12) اتصلت واحده من قريباتنا وهي امرأة كبيره في العمر بوالدي وقالت له شفت أختك (وكانت في منتصف العشرينات) مع شب. أخت والدي هذه هي الصغرى وكانت تسكن معنا هي وجدتي. هل يعقل ان تتصل امرأة برجل وتقول له شفت أختك قبل شوي ماشيه مع شب في منتصف الليل؟
كما ذكرت هذه القصه حدثت حقيقة. وفعلا وقتها عمتي لم تكن بالبيت. سؤالي هو ما هدف هذه المرأه حتى لو أنها رأت عمتي مع شب؟ دائما الناس بكتبوا عنا عن جرائم الشرف وكيف ان السبب الرئيسي للمشكله هو الرجل. طبعا القاتل وهو الرجل هو الملام ولكن ايضا يجب ان نتهم نساء كالمرأة في قصة الراديو والمرأة التي اتصلت بوالدي. على فكره الشاب اللي كان ماشي مع عمتي ومن جيلها ايضا هو انا وكنا رايحين على المستشفى.ـ
أين أخلاق المسلمين؟
I liked the story! It's so sad how people think back home; the girl is always guilty even if she is not.
I guess this is a new radio channel. I will try to listen to it if I can find it online, may be after Ramadan.
Thanks for sharing :)
:S ... و الله كفَيتي و وفَيتي. و العنوان لحاله بحكي الوضع كلَه.
law ma7alo kan gatalt-ha :P just in defiance of u!
LUNAR
لااا القناة منيحه, بس في اشي باعداد البرنامج, كان المفروض انتبهو :$
ههههههههه برضه فيها "شايلد اب يوز" بس يلااا بنمشيها بس قتل !!
كبيره...ليش الحكي..كبيره :(
Jafra
اه...ما طلع من البيت ,
لانه العقل اللي بحملوه امثال هالاب والام هو العيب
الله يحلّي ايامك يا رب
متي نتوقف عن التصرفات الغريبه واعلام يكرس لتصرفات اغرب يعني حتي هم جو يكحلوها عموها ع فكره قليلين الي يسمعوا ويستغربوا تصرف الاب وانه كان ممكن يحل الوصع بطريقه اخري
كل ما امر بمواقف مثل هذه احمد ربي علي تربيه ابي عنده مقوله مشهوره في انه ماف بني ادم بحرس بني ادم وهو واثق مننا ومن تربيتنا هذه هو الحكم في الموضوع
Jaraad
هلأ انا الفكرة عجبتني لو كان التنبيه لموضوع الجاره لحاله, و موقف الاهل هو اللي خرّب كل شي
يا الله...الله يسامحها هالحجّه و يهديها و يهدي امثالها
فعلا بهيك قصص بعملو مشاكل كبيرة بالبيوت و الله اعلم بكون قصدهم ويلا لأ
الاخلاق و القيم الاسلاميه للاسف عم تضمحل مع الوقت تحت شعار التطور ...
زكرتني بقصّه مش مشابهه بس تقريبا فيها كلام ما اله مبرر غير عمل المشاكل
اول ما اشتغلت انتدبت لمديريه تانيه تابعه لنفس الوزاره, فكنت مع فريق من 5 افراد شبين و 3 بنات, وكنّا ننتقل بين مدريرتي الاصليه و المديرية اللي انتدبنا الها بشكل يومي, بالبدايه كنّا ننتقل بتكسي كلنا مع بعض و انا من عادتي احكي لاهلي كي شي وباخد رأيهم و اهلي على علم بهالشي, وبعد فترة واحد من الشباب جاب سيّارة و اخدت رأي بابا بأني اركب معهم فوافق بحكم انه بعرف الشباب و التقى , فيهم اكتر من مرّه وانّا مجموعه كلنا مع بعض
بيوم اجا ابن عمتي يزورنا, وبحكيلي قدام كل القاعدين, الي فتره بشوفك عال 10 بسيارة و بتطلع علي نظره انو الاخ ماسك علي ممسك, حكاله بابا اه سيارة اوبل زرقا و اتطلع علي و بحكيلي, هاي سيارة محمد صح, حكيتله اه, رجع بابا لابن عمتي و حكاله, طيب , كمّل خالي قصتك...انحرج الاخ و حكا لا بس قصدي انها بتمرّ قريب من شغلي...
الله يهدي العالم بس
معلش طولت بالرد :)
بس تزكرت القصه..ولازم احكيها
Susu
Unfortunately :(,and their first react based on this idea
It broadcasting for the fourth year now I think, there is a link for online listening in the channel website
I'm sure u will like it :)
Fazlakat
اشي بقهر لانه...فحكيت كل اللي اجا ببالي :)
اهلا فيك
Anonymous
Wal Wal Wal...beddak togtolha w ten7abes bs to defiance me O_o
2enta w he el5asraneen 3a fekra :D
sab7al5air
اولا اهلا وسهلا فيكي بمدونتي...نورتيني
و كل عام وانت بالف خير
رمضان كريم :)
للاسف هالقناة بالعاده اعلامها هادف جدا وهاد اللي بزعج بالموضوع, و المفروض انتبهو لهيك شي
الحمد لله رب العالمين, والله يخليلك الوالد و يخليلنا اهلنا يا رب
مقولة والدك بشبه شي بحكيه بابا
بما معناه ان التربية خلصت من زمان, هلأ انت بتشوف نتيجه تربيتك مش اكتر :)
ما هم ما اجو يكتبوا القصة ما لقيو غير هالسيناريو ما هم عارفين حالهم وين عايشين!
هالافكار معششة بادمغتنا وكل يوم بنسقيها مي لتكبر وتزهر، شعب يسبح في التخلف!
يعني وان ما فكر ابوها يذبحها او يحبسها عالاقل كانت راح تنضرب وابوها ما راح يصدقها لو حلفت له 1000 يمين انها ما عملتها. مجتمع غلط.
حلوة!!
مساء الخير ويسبر
قرأت القصه اكتر من مره ...بيتهيألي انه الحوار مقصود بهالشكل ومش سوء اعداد منهم
هم قصدهم يوصلوا فكرة ردة فعل الاهل الخطأ ...وكيف انه ممكن تصير جريمه من ورا كلام مدسوس ومش صحيح .
مش عارفه اذا الفكره وصلت او لا؟
الكيل بمكيالين
للاسف هاد هو النهج اللي المعظم متعود على اتّباعه عنّا
اول شي البنت على غلط اكيد...تاني شي القتل هو الحل و بهيك بنحمي شرفنا
فعلا مجتمع غلط
سوزان
كيفك يا قمر...اشتفنالك
كل عام وانتي بالف خير
رمضان كريم
الله يحلّي ايامك :)
Nissan
مسا الورد والياسمين :)
فهمت قصدك والفكرة وصلت...لكن بالعاده الاب هو رمز التصرف الصحيح و
المثالي بالبرنامج وهو اللي بيدل عيلته و صحابه على الطريق الصحيح و دورو انه المصلّح وهو اللي بحكوله "عدّاك العيب" بالبرنامج
لهيك المشكله بالحلقة كانت بالجارة بس مش بتصرف الاهل
هادا شكلهم إنعجقو بس عرفوا انهم طالعين على الراديو!!
ههههههههههه شكلهم هيك..مسجلينها بيوم شوب كاينين :)
إرسال تعليق